news sample12

Thursday, July 23, 2015

மட்டக்களப்பு மாவட்டத்தில் இம்முறை தபால் மூலம் வாக்களிப்பதற்கு 9842 பேர் தகுதி

மட்டக்களப்பு மாவட்டத்தில் இம்முறை தபால் மூலம் வாக்களிப்பதற்கு 9842 பேர் தகுதி பெற்றுள்ளதாக மட்டக்களப்பு மாவட்ட உதவித் தேர்தல் ஆணையாளர் இ.சசீலன் தெரிவித்தார்.

தபால் மூலம் வாக்களிப்பதற்கு விண்ணப்பித்தவர்களில் 640 பேரது விண்ணப்பங்கள் காலம் பிந்தி அனுப்பப்பட்டமை உள்ளிட்ட பல காரணங்களினால் நிராகரிக்கப்பட்டுள்ளன.

தபால் மூல வாக்களிப்பு கல்வி வலயங்கள், கோட்ட மட்டம் தேசியப்பாடசாலைகளுக்கு எதிர்வரும் 03 ஆம் திகதியும்இ ஏனைய நிறுவனங்கள் திணைக்களங்களுக்கு 05 மற்றும் 06ஆம் திகதியும் நடைபெறவுள்ளது.

மட்டக்களப்பு மாவட்டத்தில் எதிர்வரும் நாடாளுமன்ற தேர்தலுக்காக16 கட்சிகள் மற்றும் 30 சுயேட்சைக் குழுக்கள் போட்டியிடுகின்றன. இதில் தமிழ் தேசியக் கூட்டமைப்பு ஐக்கிய தேசியக் கட்சி ஐக்கிய மக்கள் முன்னணி அகில இலங்கை தமிழ் காங்கிரஸ்இ தமிழர் விடுதலைக் கூட்டணி ஈழமக்கள் ஜனநாயக கட்சி, ஸ்ரீலங்கா முஸ்லிம் காங்கிரஸ்,ஈழவர் ஜனநாயகக் கட்சி,ஜே.வி.பி, அகில இலங்கை தமிழர் மகா சபை,ஐக்கிய மக்கள் கட்சி,ஐக்கிய மக்கள் சுதந்திரக் கூட்டமைப்பு,எமது தேசிய முன்னணி,ஜனநாயகக் கட்சி,முன்னிலை சோஷலிசக் கட்சி,ஜனசெத பெரமுன ஆகிய கட்சிகள் போட்டியிடுகின்றன.

மட்டக்களப்பு மாவட்டத்தில் புதிதாக ஆரம்பிக்கப்பட்ட நாம் திராவிட அமைப்பு சுயேட்சையாகப் போட்டியிடுகின்றது. மட்டக்களப்பு மாட்டத்தில் ஐந்து உறுப்பினர்களைத் தெரிவு செய்வதற்காக மொத்தமாக368 பேர் தேர்தல் களத்தில் குதித்துள்ளனர். மட்டக்களப்பு மாவட்டத்தில்3,65,167 பேர் வாக்களிக்கத் தகுதி பெற்றிருப்பதாக மாவட்ட உதவி தேர்தல் ஆணையாளர் ஆர்.சசீலன் தெரிவித்தார்.

தபால் மூலம் வாக்களிப்பதற்கு 566,823 பேர் தகுதி!

By Unknown 5:25:00 PM No comments:

இந்த முறை பொதுத் தேர்தலில் தபால் மூலம் வாக்களிப்பதற்கு 566,823 பேர் தகுதி பெற்றுள்ளனர்.

நடைபெறவுள்ள பொதுத்தேர்தலில் தபால் மூலம் வாக்களிப்பதற்காக 628,925 பேர் விண்ணப்பித்திருந்ததாக பிரதி தேர்தல்கள் ஆணையாளர் எம்.எம். மொஹமட் தெரிவித்தார்.

அதில் 62,102 பேரின் விண்ணப்பங்கள் நிராகரிக்கப்பட்டுள்ளன.

இதேவேளை தபால் மூலம் வாக்களிப்பதற்கான வாக்குச்சீட்டுக்கள் நாளைய தினம் மாவட்ட தெரிவத்தாட்சி அலுவலகங்களிலிருந்த தபால் நிலையங்களுக்கு விநியோகிக்கப்படவுள்ளன.

அந்த வகையில் அனைத்து தெரிவத்தாட்சி அலுவலகங்களிலும் தற்காலிக தபால் நிலையங்களை அமைப்பதற்கான அனைத்து நடவடிக்கைகளும் மேற்கொண்டிருப்பதாக எம்.எம். மொஹமட் தெரிவித்தார்.

இந்த முறை இரண்டு கட்டங்களாக தபால் மூல வாக்குப்பதிவுகள் இடம்பெறவுள்ளன.

ஆகஸ்ட் மாதம் 03ம் திகதி பொலிஸ் திணைக்களத்தின் அதிகாரிகளுக்கும், அரச பாடசாலைகளின் ஆசிரியர்களுக்கும் தபால் மூலம் வாக்களிப்பதற்கான ஏற்பாடுகள் செய்யப்பட்டுள்ளன.

இதுதவிர ஆகஸ்ட் மாதம் 05 மற்றும் 06ம் திகதிகளில் தபால் மூலம் வாக்களிக்க தகுதி பெற்றுள்ள மற்றைய வாக்களர்கள் வாக்களிப்பதற்கான நடவடிக்கைகள் மேற்கொள்ளப்பட்டுள்ளன.

காத்தான்குடி போக்குவரத்துப் பொலீசாரின் பிழையான பார்வையும், அநியாய அபாரதமும்

By Unknown 5:00:00 PM No comments:

(புவி. எம்.ஐ. றஹ்மதுழ்ழாஹ்)

இன்று 23.07.2015 வியாழக்கிழமை காலை 11.45 மணிக்கு புதிய காத்தான்குடியிலுள்ள எனது வீட்டிலிருந்து> மட்டக்களப்பு போதனா வைத்தியசாலையில் பயிற்சி வைத்தியராகக் கல்வி பயிலும் எனது மகளுக்கான பகலுணவை எடுத்துக் கொண்டு மட்டக்களப்பு நோக்கி எனது மோட்டார் சைக்கிளில் புறப்பட்டேன்.

கல்லடிப் பாலத்தில் நுழைவதற்கு 20 மீட்டர் அளவு இருக்கும் தூரத்தில் எனக்குப் பின்னால் வேகமாக வந்த லொறியொன்று முந்திச் செல்வதற்கு மிக வேகமாக வந்து கொண்டிருந்தது. அந்த லொறிக்கு இடமளிக்கும் வகையில் நான் எனது மோட்டார் சைக்கிளை இடதுபக்கமாகச் செலுத்தியபோது> வீதியின் மறுபுறத்தில் நின்று கொண்டிருந்த மோட்டார் போக்குவரத்துப் பிரிவுப் பொலீசார் சைகை காட்டி என்னை நிறுத்தினர்.

எனக்குப் பின்னால் வந்த லொறி என்னைக் கடந்து சென்றதன் பின்னர் என்னிடத்தில் வந்த மோட்டார் போக்குவரத்துப் பொலீசார்> எனது சாரதி அனுமதிப்பத்திரத்தைக் கேட்டார். அதனை நான் அவரிடம் கொடுத்தேன். அதனைக் கையில் வாங்கிக் கொண்ட அவர்> 'இடதுபக்க வெள்ளைக் கோட்டுக்கு அப்பால் மோட்டார் சைக்கிளைச் செலுத்தியது குற்றமல்லவா?' எனக் கேட்டார்.

அதற்கு நான்> 'எனக்குப் பின்னால் வந்த லொறி ஒலியெழுப்பியவாறு வேகமாக வந்ததால்தான் அதற்கு இடமளிக்கும் நோக்கத்துடன் நான் எனது சைக்கிளை ஓரமாக்கிச் செலுத்தினேன். நீங்கள் குற்றம் பிடிப்பதானால் இந்தப் பாலத்தின் ஏற்றத்தில் பின்னால் வரும் வாகனம் முந்திச் செல்வதற்கு அவசரப்பட்டதைத்தான் அவதானித்து அந்த வாகனத்தையே தடுத்து நிறுத்தியிருக்க வேண்டும். நான் இடது பக்க வெள்ளைக் கோட்டைத் தொட்டவாறு எனது வாகனத்தை ஓரமாக்கி இருக்காவிட்டால் என்னை மோதிக் கொண்டல்லவா அந்த லொறி சென்றிருக்கும்?' என்றேன்.

எனது விளக்கத்தால் சினமுற்ற அந்த போக்குவரத்து பொலிஸ் அதிகாரி> நான் சட்டம் பேசுவதாகக் கோபப்பட்டார். நான், 'சட்டத்தை வீதியில் நின்று பேச முடியாது. அதை நீதிமன்றத்தில்தான் பேச வேண்டும். நான் நீங்கள் கூறிய குற்றச்சாட்டுக்குரிய எனது விளக்கத்தைத்தான் கூறினேன். உங்களின் பார்வையில் எனது செயற்பாடு குற்றமாகத் தெரிந்தால் நீங்கள் உங்களின் நடவடிக்கையை மேற்கொள்ளுங்கள்' என்று கூறினேன்.

இந்த நேரத்தில் அவ்வழியாக மோட்டார் சைக்கிளில் இன்னமொரு மோட்டார் போக்குவரத்து பொலிஸ் அதிகாரி வந்தார். அவர் என்னை முன்னதாக விசாரித்துக் கொண்டிருந்த பொலிஸ் அதிகாரிக்கு அடையாளப்படுத்தினார். இவர்தான் காத்தான்குடியில் வெளிவரும் பத்திரிகையின் ஆசிரியர். மினிஸ்டர் ஹிஸ்புல்லாவின் போட்டோக்களைப் போட்டு அவரை விமர்சிப்பவர் என்று அந்தப் போலீஸ் அதிகாரியிடம் அவர் சொன்னார்.

நான் அவரிடம் 'தயவு செய்து மீடியா விடயங்களை இவ்விடத்தில் பேச வேண்டாம். அது எனது தொழில். நீங்கள் இங்கே உங்களின் கடமையைச் செய்யுங்கள்' என்றேன். இப்போது> என்னை தடுத்து நிறுத்தி விசாரித்துக் கொண்டிருந்த போக்குவரத்து பொலிஸ் அதிகாரிக்கு என்னைப் போக விடுவதா? அல்லது என்மீது நடவடிக்கை எடுப்பதா? என்ற நிலைமை ஏற்பட்டது.

சிறிது நேரத்தின் பின் அவர்> 'அங்கிள்.. நான் 100 ரூபாவுக்கு சிறிய அபராதம் விதித்து பற்றுச்சீட்டுத் தருகிறேன்' என்றார். அதற்கு நான்> 'நீங்கள் தொகையை நிர்மாணிக்கவோ> கூட்டல் குறைத்தல் செய்யவோ வேண்டியதில்லை. உங்களின் பார்வையில் எனது குற்றம் எப்படிப்பட்டது எனத் தெரிகின்றதோ அதற்கான நடவடிக்கையை எடுக்கலாம். தயவு தாட்சண்யம் காட்டத் தேவையில்லை' என்றேன்.

நான் இவ்வாறு சொன்னதும்> இடையில் வந்து என்னை அடையாளம் காட்டிய அந்தப் போக்குவரத்துப் பொலீஸ் அதிகாரி தன்பாட்டில் அங்கிருந்து சென்று விட்டார்.

இதன் பின் அந்த மோட்டார் போக்குவரத்து பொலிஸ் அதிகாரி என்னை 500 ரூபா அபாரதம் செலுத்தி விட்டு வருமாறு உரிய பத்திரங்களைத் தந்து> எனது சாரதி அனுமதிப்பத்திரத்தையும் தன்வசம் வைத்துக் கொண்டார்.

என்னிடம் கையளிக்கப்பட்ட சாரதி அனுமதிப்பத்திரத்திற்கான பதில் உத்தரவுப்பத்திரத்தில் 05.08.2015ம் திகதியன்று நீதிமன்றத் திகதி குறிக்கப்பட்டுள்ளது. அன்றைய தினத்துடன் இந்த பதில் உத்தரவுப்பத்திரமும் காலாவதியாகுவதாகக் குறிப்பிடப்பட்டுள்ளது.

இந்த விடயத்தில் உண்மையில் குறித்த போக்குவரத்துப் போலீசாரின் பார்வையும்> அவதானிப்புமே பிழையாகும். எனக்குப் பின்னால் அதிவேகமாக முந்திச் செல்வதற்கு 'ஹோர்ன்' ஒலித்தவாறு வந்த குறித்த லொறிச் சாரதியையே அவர்கள் சைகை செய்து தடுத்து நிறுத்தி இருக்க வேண்டும். கல்லடிப்பாலம் அண்மித்த நிலையில் நான் எனது மோட்டார் சைக்கிளை வெள்ளைக் கோட்டைத் தொட்டதாக ஓரப்படுத்தாமல் சென்றிருந்தால்> என்மீது குறித்த லொறி மோதியிருந்தால் நானே எனது சைக்கிளுடன் விபத்துக்குள்ளாகி அதிகளவில் பாதிக்கப்பட்டிருப்பேன். சிலவேளை ஆற்றுக்குள் மோதுண்ட நிலையில் தூக்கி வீசப்பட்டும் இருப்பேன்.

எனது வாகனத்தையும்> உயிரையும் பாதுகாத்துக் கொள்ளும் நோக்குடன் மக்கள் நடமாட்டமோ> துவிச்சக்கர வண்டிகளின் போக்குவரத்தோ அறவே இல்லாதிருந்த அந்த நேரத்தில் நான் அவசரப்பட்டு முந்திச் செல்ல வழி கேட்டு வரும் பெரிய வாகனமொன்றுக்கு வழி விட்டு ஓரமாகிச் சென்றது குற்றமா?

காத்தான்குடி மோட்டார் போக்குவரத்துப் பொலிசார் வீதிகளில் நின்று சைகை காட்டி நிறுத்திவிட்டால் நீதிமன்றத்தில் அபராதம் செலுத்த வேண்டும் அல்லது அவர்களின் அழுக்குப்படியாத பரிசுத்தமான கைகளுக்குள் ஏதாவது திணித்தாக வேண்டும் என்கிற நியதி நடைமுறையிலுள்ள சாதாரண விடயமாகும்.

இதற்குப் பிரதான காரணம்> எமது மக்களுக்கு நீதி நியாயத்தை வேண்டி நீதிமன்றங்களுக்குச் செல்வதற்கு நேரம் இல்லை. ஒன்றில் இடைமறிக்கின்ற போக்குவரத்துப் பொலிசாரின் கையில் சாரதி அனுமதிப்பத்திரம். காப்புறுதிப் பத்திரம் போன்ற ஆவணங்களுடன் ஏதாவது ஒரு தொகையைத் திணித்து அவ்விடத்திலேயே விவகாரத்தை முடித்துக்கொண்டு கழன்று சென்று விடுவார்கள். அல்லது நீதிமன்றத்தில் பெயர் அழைக்கப்பட்டதும் எதிரிக் கூண்டுக்குள் ஏற முன்னரே குற்றவாளி என்று குற்றத்தை ஒப்புக் கொண்டு நீதிமன்றம் விதிக்கும் அபராதத்தைச் செலுத்தி விட்டு சென்று விடுவார்கள். இது யதார்த்தமாக நாளாந்தம் நடைபெறும் விடயமாகும்.

ஆனால் நான் இந்த அநீதியான நடவடிக்கைக்கு உடன்படுபவனல்ல. எனது பக்கம் உண்மையில் நியாயம் இருக்கிறது. ஏற்கனவே எனது பத்திரிகையில் காத்தான்குடி மோட்டார் போக்குவரத்துப் பொலீசாரின் மேற்கண்டவாறான அடாத்தான செயற்பாடுகள் குறித்து பக்கம் பக்கமாக விமர்சித்து எழுதியிருக்கின்றேன். என்னைப் பழிவாங்கும் நோக்குடன் காத்தான்குடிப் பொலிஸார் பலவகையான நடவடிக்கைகளை மேற்கொண்டு என்மீது அநியாயமாக வழக்குகள் பதிவு செய்து அலைக்கழித்தும் வந்துள்ளனர். எந்தவொரு வழக்கிலாயினும் பொலிஸார் என்மீது சுமத்திய குற்றச்சாட்டுக்களை நிரூபித்து வெற்றி பெற்றது கிடையாது.

இதிலிருந்து காத்தான்குடி பொலீசாரின் சட்டம் தெரியாத. வேண்டுமென்றே பழிவாங்கும் நடவடிக்கைகள் என்மீது முன்னெடுக்கப்பட்டிருப்பது தெளிவாகியுள்ளது. இந்தக் குற்றச்சாட்டிலும் நான் என்பக்கத்து நியாயங்களை எடுத்துரைத்து நீதிமன்றத்தில் வாதாடுவேன். மோட்டார் போக்குவரத்துப் பொலீசார் நீதியாக நடந்து கொள்ள வேண்டும். அவர்களைப் பார்க்கும்பேதே. யுத்த காலத்தில் காட்டுப்பகுதிகளில் ஆயுதங்களுடன் நின்று வழிமறிப்புச் செய்கின்ற பயங்கரவாதிகளைப் பார்ப்பது போன்ற பயம் மக்களுக்கு வருகிறது.

'சேர் கையைப் போட்டால் 500 ஒன்று கழரும்' என்கிற மனோ நிலை மக்கள் மத்தியில் பரவலாக நிலவுகிறது. இந்த அடிமைத்தனம் மாற வேண்டும். மாற்றப்பட வேண்டும்.

தேர்தலில் போட்டியிடும் வேட்பாளர்களிடம் தேர்தல் ஆணையாளர் சொத்து விபரத்தைச் சமர்ப்பிக்க வேண்டும் என்று கட்டளை பிறப்பித்திருப்பது போல். பொலிஸ் மா அதிபரும் மோட்டார் போக்குவரத்துப் பொலிசார் உட்பட பொலிஸ் சேவைக்கு ஆட்சேர்ப்பு செய்யும்போது. அவர்களின் சொத்து விபரங்களைச் சமர்ப்பிக்குமாறு கோர வேண்டும். அப்போதுதான் வீதிகளில் அரச உத்தியோகக் கவசங்களுடன் நின்று அப்பாவிப் பொதுமக்களிடம் பணம் பறிக்கும் நடவடிக்கைக்கு இந்த நல்லாட்சி அரசில் முற்றுப் புள்ளி வைக்க முடியும்.

குற்றம் என் பக்கம் இருப்பின் அதனைத் தயக்கமின்றி ஒப்புக்கொண்டு உரிய பிராயச்சித்தம் Nடிக்கொள்வதென்பது என் பிறவிக்குணம். அதேபோல் அநீதிக்கும். அக்கிரமங்களுக்கும் எதிராகக் குரலெழுப்புவதும். அதனை எதிர்த்துப் போராடுவதும் என்னில் இயற்கையாகவே அமைந்த குணம். அநியாயமாக ஒரு சதம் இழப்பதை விட. அநீதியாகக் கிடைக்கும் தண்டனையை அனுபவிப்பது ஆத்மாவுக்குச் சாந்தியளிக்கும்!

காத்தான்குடியில் இடம்பெறவிருந்த ஐ.தே.க.வின் புதிய மத்திய குழுக்கூட்டத்திற்கு மாவட்ட பிரதம அமைப்பாளர் அ. சசிதரன் தடை!

By Unknown 4:45:00 PM No comments:

(புவி. எம்.ஐ. றஹ்மதுழ்ழாஹ்)

காத்தான்குடியில் எதிர்வரும் சனிக்கிழமை நடைபெறுவதற்கு ஏற்பாடு செய்யப்பட்டிருந்த ஐ.தே.கட்சியின் மத்திய குழுக் கூட்டத்திற்கு, மட்டக்களப்பு மாவட்ட ஐ.தே.கட்சியின் பிரதம அமைப்பாளரும், தேசிய செயற்குழு உறுப்பினருமான அரசரத்தினம் சசிதரன் தடைவிதித்துள்ளதாக காத்தான்குடி ஐ.தே.கட்சியின் மத்திய குழுச் செயலாளர் ஏ.எல்.ஏ. கையூம் ஊடக அறிக்கையொன்றில் தெரிவித்துள்ளார்.

அவரது அறிக்கையில் தெரிவிக்கப்பட்டுள்ளதாவது:

காத்தான்குடியில் 25.07.2015 சனிக்கிழமை பி.பகல். 3:30 மணிக்கு புதிதாக உருவாக்கப்படவுள்ளதாக அழைப்புக் கொடுக்கப்பட்டுள்ள ஐ.தே.க. காத்தான்குடி மத்திய குழுக் கூட்டத்திற்கு தடை விதிப்பு உத்தரவை ஐ.தே.க. மட்டக்களப்பு மாவட்டபிரதம அமமைப்பாளர், தேசிய செயற்குழு உறுப்பினர் கௌரவ அரசரத்தினம் சசிதரன், ஐ.தே.க. காத்தான்குடி மத்திய குழுவின் உபதலைவர் எஸ.ஏ.எம். முபாறக் (MBS) UC UNP வேட்பாளர் அவர்களுடாக மத்திய குழுவின் செயலாளருக்கு அறிவுறுத்தியுள்ளார்.

இதன்படி வி.ரி.எம். முபாறக் என்பவர் தலைமையில் ஏற்பாடு செய்துள்ள மத்திய குழுக்கூட்டம் சட்டவிரோதமானது மற்றும் போலியானது என்பது தெளிவுபடுத்தப்படுட்டுள்ளது.

எனவே, ஐ.தே.க. உறுப்பினர்கள், ஆதரவாளர்கள் மற்றும் ஏனையோர் இக்கூட்டத்திற்குச் செல்ல வேண்டாம் என அறிவிக்கப்பட்டுள்ளது எனத் தெரிவிக்கப்பட்டுள்ளது.

கைவிரலை உடைக்க பார்த்தார், தாக்கவில்லை பிடித்து தள்ளினேன் : மஹிந்த

By Unknown 4:37:00 PM No comments:

எனது கைவிரலை உடைக்க பாரத்தார். பாதுகாப்பதற்கே அவரை பிடித்து தள்ளினேன் என முன்னாள் ஜனாதிபதி மஹிந்த ராஜபக்ஷ தெரிவித்துள்ளார்.

அக்குரஸ்ஸவில் நேற்று முன்தினம் மாலை இடம்பெற்ற ஐக்கிய மக்கள் சுதந்திர கூட் டமைப்பின் தேர்தல் பிரசாரக் கூட்டத்தில் கலந்துகொள்ள சென்ற முன்னாள் ஜனாதி பதி மஹிந்த ராஜபக் ஷ அங்கு வந்திருந்த ஒருவரை தாக்குதல் நடத்தியிருந்ததாக செய்திகள் வெளியாகி இருந்தன.

இந்நிலையில் சம்பம் தொடர்பில் கருத்து தெரிவித்துள்ள மஹிந்த ராஜபக்ஷ,

''ஸ்ரீ லங்கா சுதந்திரக் கட்சியின் உண்மையான ஆதரவாளர் ஒருவர் என் மீது கொண்ட பாசத்தால் எனது கையை பிடித்து இழுத்தார். அவர் மதுபோதையில் இருந்திருப்பார் என நினைக்கின்றேன் இதன் போது எனது கைவிரலை உடைய பார்த்தது. எனது கைவிரலை பாதுகாப்பதற்காக நான் அவரை எனது ஒரு கையால் பிடித்து தள்ளினேன். ஆனால் நான் அவரை தாக்கியதாக பொய் பிரசாரம் செய்கின்றனர்.''

virakesary

தமிழ் தேசியக் கூட்டமைப்பு என்னைப் பற்றி தாறுமாறாகப் பேசுவதைக் கேட்டு வேதனைப்படுகின்றேன்

By Unknown 1:43:00 PM No comments:

திருகோணமலை மாவட்டத்தில் ஐக்கிய தேசியக் கட்சியும் ஸ்ரீலங்கா முஸ்லிம் காங்கிரஸூம் கூட்டணி சேர்ந்தால் மாவட்டத்தினை வெல்வது இந்தக் கூட்டணியைத் தவிர தங்களால் இயலாது என்ற ஒரே காரணத்தினால்தான் தமிழ் தேசியக் கூட்டமைப்பின் தலைமை என்னைப் பற்றித் தாறுமாறாக பேசி வருகிறது என அமைச்சர் ரவூப் ஹக்கீம் தெரிவித்தார்.

கிண்ணியா நகர சபை மைதானத்தில் நேற்றுநடைபெற்ற ஐக்கிய தேசியக் கட்சியின் தேர்தல் பிரச்சாரக் கூட்டத்தில் கலந்து கொண்டு உரையாற்றும் போதே மேற்கண்டவாறு தெரிவித்தார்.

ஐக்கிய தேசியக் கட்சியின் திருகோணமலை மாவட்ட தவிசாளரும் மூதூர் தொகுதி அமைப்பாளரும் வேட்பாளருமான எம்.ஏ.எம்.மஹ்ரூப் தலைமையின் கீழ் நடைபெற்ற இந்நிகழ்வில் பிரதமர் ரணில் விக்கிரமசிங்க, அமைச்சர் ரிஸாத் பதூர்தீன், தயாகமகே, இம்ரான் மஹ்ரூப், எம்.எஸ்.தௌபீக், கே.எம்.ஸாஹீர் உட்பட பலர் கலந்து கொண்டனர்.

மேலும் அவர் கூறுகையில் திருகோணமலை மாவட்டத்தில் போனஸ் ஆசனத்தோடு இரண்டு உறுப்பினர்களை வென்றெடுப்போம். இது கடந்த கால தேர்தல்கள் அதன் முடிவுகள் போதுமானவை.

அட்டூழிய அரசாங்கத்தை வீட்டுக்கு அனுப்புவதற்காக நாங்கள் மைத்திரிக்கு ஆதரவு வழங்கினோம். கடந்த ஆட்சியில் திருகோணமலை மாவட்டத்தில் நிருவாக உத்தியோகத்தர்களாக இராணுவ அதிகாரிகளை வைத்துக் கொண்டு அடக்கு முறை ஆட்சி செய்வதும் பொலிஸாரை உயர் அதிகாரிகளாக நியமிப்பதும் 19 ஆவது திருத்தச்சட்டத்தை நடைமுறைப்படுத்துவதற்கு ஆதரவு வழங்கியதன் மூலம் இவை இல்லாமல் செய்யப்பட்டது.

முஸ்லிம் காங்கிரஸூம் சேர்ந்தால் மாவட்டத்தை வெல்வது இந்தக் கூட்டணியைத் தவிர தங்களால் இயலாது என்ற காரணத்தினால் இவ்வாறான கருத்துக்களை காட்டமாகப் பேசுகின்றார் என்று நினைக்கின்றேன். அதற்காக நான் சம்பந்தனை கோபித்துக் கொள்ளப்போவதில்லை.

அவருடைய அரசியல் உரிமை எங்களை விமர்சிப்பதாக இருந்தால் விமர்சித்து விட்டுப் போகட்டும் இருந்தாலும் ஒரு நேச சக்தியாக இருக்கின்ற தமிழ் தேசியக் கூட்டமைப்பு ஐக்கிய தேசியக் கட்சியோடு சேர்ந்து அமைச்சுப் பதவிகளையும் பெற்றுக் கொண்டு பலமான ஆட்சியாக மாறவேண்டும் என்பதே எமது விருப்பமாகும் என அவர் கூறினார்.

virakesary.lk

இலங்கை முஸ்லிம்களுக்கு இறக்குமதி செய்யப்பட்ட போராட்டங்கள் அவசியமில்லை.

By Unknown 1:30:00 PM No comments:

எமது போராட்ட இலக்குகளையும் வடிவங்களையும் நாமே தீர்மானித்துக் கொள்வோம்..இன்ஷா அல்லாஹ்.

(மஸிஹுத்தீன் இனாமுல்லாஹ்)

இந்த நாட்டில் வாழ்கின்ற முஸ்லிம்கள் பல்வேறு சிந்தனை முகாம்களில் இருந்தாலும் தங்களுக்குள் நிலவும் சிறு சிறு கருத்து வேறுபாடுகளை தொடர்ந்தேர்ச்சியான பாரிய முரண்பாடுகளாகவோ,பிணக்குகளாகவோ குழுச்சண்டைகளாகவோ இதுவரை காலமும் வளர்த்துக் கொண்டதில்லை.

இலங்கை முஸ்லிம்கள் இந்த தேசத்தின் சுதந்திரத்திற்கு மகத்தான பங்களிப்பினைச் செய்தவர்கள்,தமது உரிமைகளுக்காக வன்முறையை நாடாது ஜனநயாக தேசிய அரசியல் நீரோட்டத்தில் வரலாறு நெடுகிலும் பங்கெடுத்தவர்கள், யுத்தமாயினும் சமாதானமாயினும் ஏனைய சமூகங்களுக்கு எந்த விதத்திலும் குறைவில்லாது பாரிய விலையை செலுத்தியவர்கள், தேசிய ஒருமைப்பாட்டிற்கும்,சுயாதீனத்திற்கும், பொருளாதார சுபீட்சத்திற்கும் சமாதன சகவாழ்விற்கும் தேசப்பற்றுடன் கூடிய பங்களிப்பினைச் செய்தவர்கள்.

ஆன்மீக அமைப்புக்களாக இருந்தாலும் சரி, பல்வேறு முற்போக்கு இஸ்லாமிய சிந்தனைப் பள்ளிகளாக இருந்தாலும் சரி இஸ்லாமிய அறிவு ஞானத்தையும் கற்கைகளையும் முஸ்லிம் உலகின் பல பாகங்களில் இருந்தும் உள்வாங்கி இருந்தாலும் தமது கால சூழ்நிலைகளுக்கும், களநிலவரங்களுக்கும் ஏற்ப இந்த தேசத்திற்கே உரிய அழகிய இஸ்லாமிய பாரம்பரியங்களை பேணி வருபவர்கள்.

இஸ்லாமிய நம்பிக்கைக் கோட்பாடுகள் மற்றும் இஸ்லாமிய சகோதரத்துவம் என்பன எம்மை முஸ்லிம் உலகத்துடன் ஒரு சர்வதேச உம்மத்தாக எம்மைப் இறுகப் பினைத்திருக்கின்றமை எமது தெரிவுகளுக்கு அப்பாற்பட்ட அம்சமாகும், முஸ்லிம் உலக ஐக்கியம், ஒருமைப்பாடு, ஆக்கிரமிக்கப் பட்ட பாலஸ்தீன் மற்றும் பைத்துல் முகத்தஸின் மீட்பு, உட்பட உலகெங்கும் முஸ்லிம் சமூகங்களுக்கும் தேசங்களுக்கும் விடுக்கப்படுகின்ற அச்சுறுத்தல்கள், ஆக்கிரமிப்புக்கள், இழைக்கப்படுகின்ற அக்கிரமங்கள், இஸ்லாமிய எழுச்சி போன்ற சகல விவகாரங்களிலும் இலங்கை முஸ்லிம்களது ஆகுரலும் ஆதரவும் சரியான தரப்புக்களுடனான நல்லுறவும் இதுவரை காலமும் சாணக்கியமாகவும் சமயோசிதமாகவும் கையாளப்பட்டு வந்துள்ளன.

அறபு இஸ்லாமிய உலகில் நிலவும் கிலாபாத்து தொடர்பான வரலாற்று குரோதங்களை அல்லது அவ்வப்பிராந்தியங்களில் இடம்பெறுகின்ற பூகோள மற்றும் பிராந்திய அரசியல் நகர்வுகளின் இஸ்லாமிய முலாம் பூசப்பட்ட உள்வீட்டு மோதல்களை இலங்கைக்குள் இறக்குமதி செய்யாதவர்கள். அவற்றின் பின்னால் உள்ள மேலைத்தேய, மத்திய கிழக்கு யூஉத சியோனிஸ சிலுவை சக்திகளின் சதி வலைப்பின்னல்களை சரியான கோணத்தில் புரிந்து வைத்திருப்பவர்கள்.

இஸ்லாமிய ஷரீஆவின் இலக்குகளை,அது முழு மனித குல விமோசனத்திற்கும் முன் சமர்ப்பிக்க விரும்புகின்ற சிறந்த உம்மத்தின் பண்புகளை, பணிகளை அவற்றின் பிரதான இலக்குகளை, சித்தாந்தங்களை கோட்பாடுகளை சரியான பரிமாணங்களில் உள்வாங்கிய மிகச் சிறந்த புலமைச் சொத்துக்களையும், அறிஞர் குலாம்களையும், மிகச் சிறந்த அறிவும் நுணுக்கமும் தெளிவும் இஸ்லாமிய விழிப்புணர்வும் கொண்ட புத்தி ஜீவிகளையும்,கல்விச் சமூகத்தையும் கொண்டவர்கள்.

நாம் இஸ்லாமியர்கள் என்ற வகையில் இந்த நாட்டில் நாம் எதிர்கொண்டுள்ள சவால்கள், அவற்றின் பின்னால் உள்ள,தேசிய பிராந்திய, மற்றும் கேந்திர முக்கியத்துவமுள்ள அரசியல், பொருளாதார மூலோபாயங்கள், இராணுவ மற்றும் இராஜ தந்திர நகர்வுகள், நமது சமூக பொருளாதார அரசியல் பின்னடைவுகள் குறித்து மிகவும் தெளிவான நிலைப்பாடுகளில் ஒன்றுபட்டு செயற்பட எத்தனிப்பவர்கள்.

இஸ்லாத்திற்கும் முஸ்லிம்களுக்கும் ஏதிராக புதிய உலக ஒழுங்கில் மேலைத்தேய மேலாதிக்க சக்திகளும், யூத சியோனிஸ சிலுவை சக்திகளும், முடுக்கிவிட்டுள்ள இஸ்லாமோபோபியா, இஸ்லாமிய ஷரீஅத்து, கிலாபத்து, ஜிஹாது, இஸ்லாமிய குற்றவியல் சட்டங்கள், இஸ்லாமிய பாரம்பரியங்கள் குறித்து திட்டமிட்ட அளவில் அவர்களால் மேற்கொள்ளப்படுகின்ற காழ்ப்புணர்ச்சிப்பரப்புரைகள்,கூலிப்படைகளூடாக காட்சிப் படுத்துகின்ற அமுலாக்க வியாக்கியானங்கள் குறித்தெல்லாம் இலங்கை முஸ்லிம்களுக்கு தெளிவான ஒரு பார்வை இருக்கிறது.

இலங்கை முஸ்லிம்கள் இந்த தேசத்தில் எதிர்கொண்டுள்ள அண்மைக்கால சவால்களுக்கு இந்த தேசத்தில் உள்ள சகல சமூகங்களையும் சேர்ந்த அறுதிப் பெரும்பான்மையான நல்ல மனித நேய சக்திகளுடன் இணைந்து முகம் கொடுக்கக் கூடிய வல்லமையும் துணிவும் எங்களுக்கு இருக்கிறது.

நவீன உலகில் முஸ்லிம் உம்மத்து எதிர்கொண்டுள்ள சவால்களுக்கும், யுக முடிவின் பொழுது முஸ்லிம் உம்மத்து எதிர்கொள்கின்ற சவால்களுக்கும் இந்த தேசத்து முஸ்லிம்கள் எத்தகைய விதத்தில் முகம் கொடுக்க வேண்டும், பங்களிப்புச் செய்ய வேண்டும் என்ற சிந்தனைகளை,வழிகாட்டல்களை வழங்கவல்ல அறிவு மற்றும் கல்விப் பாரம்பரியம் எமக்கு இருக்கின்றது.

முஸ்லிம் உலகில் பரம்பரை வைராக்கியங்களை படுகொலைகளாக சர்வதேச சமூகத்திற்கு அரங்கேற்றி பல இலட்சக்கணக்கில் மனித உயிர்களைக் காவுகொள்கின்ற இஸ்லாமிய கிலாபாத்திற்கும், ஷரீஅத்திற்கும், அறப் போரிற்கும் அமானுஷ்ய அர்த்தங்களைக் கற்பிக்கின்ற அறியாமைக்கால அக்கிரமங்களை கோத்திரச் சண்டைகளை சர்வதேச சதிகாரர்களின் நலன்களுக்கு ஏற்ப அரங்கேற்றுகின்ற அல்லது அவர்களால் நகர்த்தப் படுகின்ற தீவிரவாத இஸ்லாமிய அடையாளம் கொண்ட முகாம்களிடமிருந்து இலங்கை வாழ் முஸ்லிம்களுக்கு தீர்வுகள் இறக்குமதி செய்யப்பட வேண்டிய தேவைகள் அதற்கான ஆன்மீக அறிவு வறுமை எங்களிடம் இல்லை.

கடந்த பல தசாப்தங்களாக சர்வதேச முஸ்லிம் உம்மத்துப் போன்றே நாமும் கருத்து வேறுபாடுகளால் பிளவுண்டு உள்வீட்டில் முரண்பாடுகளை முற்படுத்திக் கொண்டிருந்திருக்கின்றோம், சமூக அரசியல்,பொருளாதார,கல்வி, பண்பாட்டு வாழ்வில் நாம் பின்னடடைவுகளை சந்தித்திருக்கின்றோம், அவற்றின் விளைவுகளை நாம் அறுவடை செய்து கொண்டிருக்கின்றோம், என்றாலும் தேசிய அரங்கிலும் சர்வதேச அரங்கிலும் சொந்தக் கண்களை இருக்க மூடிக்கொண்டு மூடர்களாகவும், முடவர்களாகவும்,செவிடர்களாகவும் குருடர்களாகவும் எமக்கான தீர்வுகளை நாம் முஸ்லிமுலகில் எந்த பிழையான தரப்புக்களிடம் இருந்தும் இறக்குமதி செய்யத் தயாரில்லை.

அல்காயிதாவாக ஐ எஸ் ஐ எஸ் ஆக இருந்தாலும் சரி, ஷீயா சுன்னி கிலாபாவாக இருந்தாலும் சரி,தாலிபான் ஆக இருந்தாலும் சரி, இலங்கை முஸ்லிம்களுக்கு எந்தவொரு பிறநாட்டு போராட்டங்களும் இறக்குமதி செய்யப்பட வேண்டிய அவசியமும் அவசரமும் அறவே கிடையாது.

உலமா கட்சி ஹரீசை ஆதரிக்க தீர்மானம்.

By Unknown 1:19:00 PM No comments:

பாராளுமன்ற உறுப்பினர் பதவியை இழக்கவைத்து கல்முனைத்தொகுதி
மக்களை அனாதைகளாக விட்டு விடக்கூடாது என்ற ஒரே நோக்கிலேயே உலமா கட்சி இம்முறை
பிராந்திய ரீதியாக அம்பாறை மாவட்டத்தில் ஸ்ரீ லங்கா முஸ்லிம்
காங்கிரஸ் வேட்பாளர் ஹரீசை ஆதரிக்கிறது என உலமா கட்சி
விடுத்துள்ள அறிக்கையில்
தெரிவிக்கப்பட்டுள்ளது.

இது விடயமாக அக்கட்சியின் தலைவர்
முபாறக் அப்துல் மஜீட் மேலும்
குறிப்பிடும்போது, உலமா கட்சியை
பொறுத்தவரை தேசிய ரீதியாக ஜனாதிபதி மைத்ரிபால சிறிசேன
தலைமையிலான ஐக்கிய மக்கள் சுதந்திர முன்னணியை ஆதரிக்கும் கட்சியாகும்.

அதேவேளை பிராந்திய ரீதியாக முன்னாள் பாராளுமன்ற
உறுப்பினரான சகோதரர் ஹரீசை ஆதரிக்கும் முடிவை எடுத்துள்ளது.

கல்முனை என்பது கிழக்கின் முக
வெற்றிலையாகும். சரியோ பிழையோ
இதற்கொரு பாரளுமன்ற உறுப்பினர் இருக்கிறார். அவர் மீது பல
குற்றச்சாட்டுக்களும் உள்ளன. ஆனாலும் அந்த பாராளுமன்ற
உறுப்பினரால் ஊருக்குள் பரவலான நன்மை கிடைக்காவிட்டாலும்
நாலு ஏழைகள் நன்மை பெற்றுள்ளனர் என்பதை மறுக்க முடியாது.

நிர்வாணமாக இருப்பதை விட ஒரு துண்டு கோவணம் சிறந்தது
என்பார்கள். இந்த அடிப்படையை உணர்ந்தே அரசியல்
கொள்கைகளுக்கப்பால் கல்முனை தொகுதியின் நன்மை கருதி,
அத்தொகுதியில் காலாகாலமாக இருந்து வரும் கல்முனைத் தொகுதியில்
போட்டியிடும் ஏனைய கட்சி வேட்பாளர்கள் எவருமே வெல்லக்கூடியநிலையில் ஒரு
வீதம்
கூட இல்லை என்பதே யதார்த்தமான
நிலையாகும்.

ஆகவே சமூக நலன் பற்றி மட்டுமே சிந்திக்கும் கட்சி என்ற வகையில்
உலமா கட்சி அர்ப்பணிப்புடன் இந்த
ஆதரவை அளிக்க முன்வந்துள்ளது.
அத்துடன் வேட்பாளர் ஹரீசுடன் சமூக நலன் சார்ந்த கோரிக்கைகளை உலமா கட்சி
முன் வைத்திருப்பதுடன்
அவரும் அவற்றை ஏற்றுக்கொண்டுள்ளமையா
எதிர் காலத்தில் அவர்
சமூகத்துக்கு அர்ப்பணிப்புடன்
செயற்படக்கூடிய நல்லதொரு வழியை நாம் திறந்து விட்டுள்ளோம்.

ஆகவே சமூக அக்கறை
கொண்டவர்களும் கல்முனைத்தொகுதி மீது அக்கறை கொண்ட மக்களும் தமது விருப்பு
வெறுப்புக்களை ஓரத்தில் வைத்துவிட்டு தமது
தொகுதிக்கான பிரதிநிதித்துவத்தை
காப்பாற்ற ஒன்றிணையுமாறு
உலமா கட்சி கேட்டுக்கொள்கிறது என
அக்கட்சியின் தலைவர் மௌலவி முபாறக் அப்துல் மஜீத்
தெரிவித்துள்ளார்.

(ஜுனைட்.எம்.பஹ்த்)

காத்தான்குடிப் பிரதேச வெற்றிலை ஆதரவாளர்களின் கவனத்திற்கு முன்னாள் முதலமைச்சர் சந்திரகாந்தனின் சாணக்கிய உரை

By Unknown 1:12:00 PM No comments:

(புவி. எம்.ஐ. றஹ்மதுழ்ழாஹ்)

மட்டக்களப்பில் தமிழர்களின் வாக்குகளால் முஸ்லிம் ஒருவர் தெரிவு செய்யப்பட்ட வரலாற்றை மாற்றி, முஸ்லிம்களின் வாக்கினால் தமிழன் ஒருவன் தெரிவு செய்யப்பட்டான் என்ற வரலாற்றை ஏற்படுத்துவேன் என தமிழ் மக்கள் விடுதலைப் புலிகள் கட்சியின் தலைவரும், கிழக்கு மாகாண முன்னாள் முதலமைச்சரும், தற்போதைய ஐக்கிய மக்கள் சுதந்திரக் கூட்டமைப்பின் தமிழ்த்தரப்பு பிரதான வேட்பாளருமான சிவநேசதுரை சந்திரகாந்தன் (பிள்ளையான்) தெரிவித்தார்.

வாகரை கண்டலடி மக்களுடன் கலந்துரையாடலை மேற்கொண்டபோது தொடர்ந்து கருத்து தெரிவித்த அவர், எனது வெற்றியைத் தாங்கிக் கொள்ள முடியாதவர்கள்தான் புள்ளிவிபரங்கள் தெரியாமல் மக்களைக் குழப்புகின்றார்கள்;. புள்ளி விபரங்கள் தெரியாமல் போலிப்பிரச்சாரம் செய்து மக்களை திசை திருப்ப ஓர் கூட்டம் அலைகிறது என்றார்.

மேலும் அவர் கூறுகையில்,

இடம்பெறவுள்ள நாடாளுமன்றப் பொதுத் தேர்தலானது அனைவரினது கவனத்தையும் ஈர்த்துக் கொண்டிருக்கின்றது.

மட்டக்களப்பு மாவட்டத்தில் செல்வாக்குச் செலுத்திய அரசியல் பிரபல்யங்கள் தனித்தனிக் கட்சிகளிலே போட்டியிடுகின்றமை ஓர் விசேட அம்சமாகும்.

மட்டக்களப்பு மாவட்டத்தின் புள்ளி விபரங்கள் மற்றும் கடந்த கால அரசியல் போக்குகள் தெரியாத ஒரு சில வேட்பாளர்கள் போலிப்பிரச்சாரங்களை மேற்கொண்டு மட்டக்களப்புத் தமிழ் மக்களைத் திசை திருப்ப முனைகின்றனர்.

மட்டக்களப்பு மாவட்டத்திலே போட்டியிடுகின்ற பலமான கட்சிகளாக தமிழ் தேசியக் கூட்டமைப்பு, ஐக்கிய மக்கள் சுதந்திர கூட்டமைப்பு, ஸ்ரீலங்கா முஸ்லிம் காங்கிரஸ் மற்றும் ஐக்கிய தேசியக் கட்சி என்பன திகழ்கின்றன.

இதிலே ஐக்கிய மக்கள் சுதந்திர கூட்டமைப்பு சார்பில் தமிழர் தரப்பில் பிரதான வேட்பாளராக நானும், முஸ்லிம்கள் சார்பில் எம்.எல்.ஏ.எம் ஹிஸ்புல்லா அவர்களும்; எனது சார்பில் தமிழ் வேட்பாளர்கள் நால்வரும், முஸ்லிம்கள் சார்பில் இருவருமாக 08 பேர் போட்டியிடுகின்றார்கள்.

இவ்வாறான தருணத்தில் தமிழ்த் தேசியக் கூட்டமைப்பின் சார்பில் போட்டியிடுகின்ற சில வேட்பாளர்கள் குறிப்பாக எனது வெற்றியை ஜீரணிக்க முடியாதவர்கள் தற்போது தமிழ் மக்கள் மத்தியிலே ஓர் பொய்யான செய்தியைப் பரப்பி வருகின்றார்கள்.

அதாவது, தமிழ் மக்களாகிய நீங்கள் பிள்ளையானுக்கு அளிக்கின்ற ஒவ்வொரு வாக்;கும் ஹிஸ்புல்லாவிற்கே சேரும், அவர்தான் தமிழர்களின் வாக்கில்; nதிவு செய்யப்படப்; போகின்றார் என்ற உண்மைக்கு புறம்பான எந்தவொரு நியாயப்பாடுகளும் ஆதாரமும் அற்ற செய்தியைப் பரப்பி வருகின்றார்கள். வெளிப்படையாகச் சொல்லப் போனால் எனது வெற்றியை தாங்கிக் கொள்ள முடியாதவர்கள்தான் புள்ளிவிபரங்கள் தெரியாமல மக்களை குழப்புகின்றார்கள்.

கடந்த கால தேர்தல்களிலெல்லாம் பெரும்பாலும் முக்கிய முஸ்லிம் தலைவர்கள் எல்லாமே ஒரே குடையின் கீழ் நின்று தமிழர்களின் வாக்கிலே தெரிவான செய்திகள் இருக்கின்றன. ஆனால் இன்று அவ்வாறில்லை. மட்டக்களப்பு மாவட்டத்திலே முஸ்லிம்கள் செறிவாக வாழ்கின்ற பிரதேசங்கள் ஓட்டமாவடி, ஏறாவூர் மற்றும் காத்தான்குடி என்பனவாகும். இதிலே ஒவ்வோர் பிரதேசத்திற்கும் ஒவ்வொரு முஸ்லிம் தலைவர்கள் இருக்கின்றார்கள்.

அந்த அடிப்படையில் ஓட்டமாவடியைப் பிரதிநித்துவப்படுத்தி அமீர்அலியும், ஏறாவூரைப் பிரதிநிதித்துவப்படுத்தி அலிசாகிர் மௌலானாவும், காத்தான்குடியைப் பிரதிநிதித்துவப்படுத்தி ஹிஸ்புல்லாவும் பிரதான அரசியல் தலைவர்களாக இருக்கின்றார்கள்.

இவர்கள் கடந்த 2012ம் ஆண்டு இடம்பெற்ற மாகாண சபைத் தேர்தலிலே ஒரே சின்த்தின் கீழ் அதாவது ஐக்கிய மக்கள் சுதந்திரக் கூட்டடைமப்பில் வெற்றிலைச் சின்னத்தின் கீழ் போட்டியிட்டார்கள். நானும் அதே சின்னத்தில் அவர்களுடன் போட்டியிட்;டேன். அப்போது வந்த முடிவுகளின் பிரகாரம் நான்தான் அதிகப்படியான 22,338 விருப்பு வாக்குகளைப் பெற்றேன். அமீர்அலி 21,271 விருப்பு வாக்குளைப் பெற்றார். காத்தாண்குடி சிப்லி பாருக் 20,407 விருப்பு வாக்குகளையும், மௌலானா11,517 விருப்பு வாக்குகளையும் பெற்றனர்;

ஆனால் இம்முறை நடைபெறவுள்ள நாடாளுமன்றப் பொதுத் தேர்தலில் இவ்வாறான நிலை இல்லை. மாறாக, மேலே குறிப்பிட்ட 3 முஸ்லிம் அரசியல் தலைவர்களும் தனித்தனியே வெவ்வேறு கட்சிகளிலே போட்டியிடுகின்றார்கள். அதாவது, ஹிஸ்புல்லா ஐக்கிய மக்கள் சுதந்திரக் கூட்டமைப்பில் வெற்றிலைச் சின்னத்திலும், அமீர் அலி ஐக்கிய தேசியக் கட்சியில் யானைச் சின்னத்திலும், மௌலானா முஸ்லிம் காங்கிரசில் மரச் சின்னத்திலும் போட்டியிடுகின்றார்கள்.

மட்டக்களப்பு மாவட்டத்திலே ஒட்டு மொத்தமாக முஸ்லிம்களின் வாக்கு 89,000மாகக் காணப்படுகின்றது. காத்தான்குடியிலே 33,000. ஏறாவூரிலே 23,000 ஓடட்மாவடியிலே 33,000 காணப்படுகின்றது.

இந்நிலையிலே தற்போது முஸ்லிம்கள் மத்தியிலே அவர்களுக்குள்ளே போட்டி ஏற்பட்டிருக்கின்றது. இவ்வாறான சூழலிலே எனக்கும், ஹிஸ்புல்லாவுக்கும்தான் போட்டி நிலவும். காத்தான்குடியிலே இருக்கின்ற 33,000 வாக்குகளிலே அளிக்கப்படுகின்ற வாக்குகள் சுமார் 25,000 ஆகும். இதிலே ஹிஸ்புல்லா எத்தனை பெறுவார்? இவரை விட நான் எத்தனை பெறுவேன்? என்பதுதான் கேள்வியாகும்.

எனக்குத் தனியான ஓர் வாக்கு வங்கி இருக்கிறது என்பதனை கடந்த கால தேர்தல் முடிவுகளின் வாயிலாக நிருபித்திருக்கின்றேன். அதேவேளை இம்முறை நான் முதல் முதலாக நாடாளுமன்றத் தேர்தலிலே போட்டியிடுகின்றேன். பெரும்பாலான மட்டக்களப்பை நேசிக்கின்ற மக்கள் என்னை நாடாளுமன்றம் அனுப்புவதற்காக உறுதியாக வேலை செய்கின்றார்கள்.

நிச்சயமாக வெற்றிலைச் சினனத்திலே அதிகப்படியான வாக்குகளை நானே பெற்று நாடாளுமன்றத்திற்குத் தெரிவு செய்யப்படுவேன். புள்ளிவிபரங்கள் தெரியாத தமிழ்த் தேசியக் கூட்டமைப்பு வேட்பாளர்கள் கூறுவது போன்று நான் பெறுகின்ற வாக்குகளினால் முஸ்லிம்கள் தெரிவு செய்யப்பட முடியாது.

கடந்த மாகாண சபைத் தேர்தலிலே மட்டக்களப்பு மாவட்டத்தைப் பிரதிநிதித்துவப்படுத்துகின்ற 3 முஸ்லிம் தலைமைகளும் ஒரே கூடையின கீழ் நின்றபோதும் கூட, நான் 22,338 விருப்பு வாக்குகளைப் பெற்று முதன்மையானேன். ஆனால் தற்போது வெறுமனே ஒரே ஒரு தலைவர்தான் என்னுடன் போட்டியிடுகின்றார். எனவே அவரை விட ஒரு வாக்கேனும் அதிகமாகப் பெற்று கடந்த கால அரசியல் வரலாற்றை இம்முறை மாற்றியே தீருவேன்.

அதாவது கடந்த காலங்களிலெல்லாம் தமிழர்களின் வாக்குகளால் முஸ்லிம் ஒருவர் தெரிவு செய்யப்பட்ட வரலாற்றை மாற்றி, முஸ்லிம்களின் வாக்குகளால் தமிழன் ஒருவன் தெரிவு செய்யப்பட்டான் என்கிற வரலாற்றை ஆகஸ்ட் 17ல் தமிழ்த் தேசியக் கூட்டமைப்பு வேட்பாளர்கள் உணர்வார்கள்.

ஏன் இதனை நான் ஆணித்தரமாக கூறுகின்றேன் என்றால், இம்முறை காத்தான்குடியிலே அளிக்கப்படுகின்ற 25,000 வாக்குகள் பல கூறுகளாக பிரிக்கப்படுவதற்கான வாய்ப்புக்கள் அதிகம் தென்படுகின்றது. காத்தான்குடியைப் பிரதிநிதித்துவப்படுத்தி பிரபல வேட்பாளர்களான சிப்லி பாறூக் மற்றும் நல்லாட்சிக்கான மக்கள் இயக்கம் சார்பில் அப்துர் ரஹ்மானும் முஸ்லிம் காங்கிரஸில் போட்டியிடுகின்றார்கள்.

எனவே மேற்குறித்த வாக்குகளிலே இவர்கள் இருவருக்கும் கணிசமான வாக்குகள் பிரிபடும் வாய்ப்புகள் தென்படுகின்றன. இதனால்தான் நான் குறிப்பிடுகின்றேன்;; இம்முறை நிச்சயம் என்னுடன் போட்டியிடுகின்ற முஸ்லிம் வேட்பாளரை விட அதிகப்படியான வாக்குகளை நான் பெற்றே தீருவேன்.

அது அவர்களுக்கும் நன்றாகத் தெரியும். இருந்தும்கூட மக்களை ஒரு குழப்ப நிலைக்கு இட்டுச்செல்ல முயற்சிக்கினறார்கள். மக்கள் இம்முறை மிகவும் விழிப்பாக இருக்கிறார்கள். தமிழ்த் தேசியக் கூட்டமைப்பு வேட்பாளர்கள் சில கிராமங்களுக்குச் செல்ல முடியாத சூழல்கூட இத்தேர்தலிலே ஏற்பட்டிருக்கிறது. எனவே மக்களிடமிருந்து விலக்கப்பட்ட வேட்பாளர்களாகவே இவர்கள் தற்போது வலம் வருகிறார்கள்.

எனவே கடந்த காலங்களைப்போல் அடைய முடியாத இலக்குகளையும், சாத்தியமற்ற விடையங்களையும், நம்பகத்தன்மையற்ற வாக்குறுதிகளையும், போலிப்பிரச்சாரங்களையும் மக்கள் மத்தியிலே முன்வைத்து வாக்கு கேட்ட வரலாற்றை மாற்றி; உண்மையாகச் செய்யக்கூடியவற்றை மக்களிடம் தெரிவித்து அன்படி வாக்கு கேட்டு வெற்றி பெற வாழ்த்துவதோடு, எமது மாவட்டத் தமிழ் மக்களைப் போலிப் பரப்புரைகள் செய்து மீண்டும் அகலபாதாளத்திற்கு கொண்டு செல்லாதீர்கள் எனவும் அவர் கேட்டுக் கொண்டார். (நன்றி: இணையம்)

அமீர்அலியின் மட்டக்களப்புப் பிரகடனமும் சூரிய உதயத்துக்காக காத்திருக்கும் நாவலடி மக்களும்

By Unknown 12:57:00 PM No comments:

(புவி. எம்.ஐ. றஹ்மதுழ்ழாஹ் )

நேற்று முன்தினம் 21.07.2012 செவ்வாய்க்கிழமை மட்டக்களப்பு நகரில் பஸ் நிலைய சதுக்கத்தில் ஐ.தே.கட்சியின் முதலாவது தேர்தல் பிரச்சாரக் கூட்டம் அமர்க்களமாக நடைபெற்றது.

இக்கூட்டத்தில் ஐ.தே.கட்சியின் சார்பில் இம்மாவட்டத்தில் தலைமை வேட்பாளராகப் போட்டியிடுகின்ற முன்னாள் பிரதியமைச்சர் எம்.எஸ். அமீர் அலி அவர்கள் உரையாற்றுகையில், கூப்பிடு தூரத்திலுள்ள தனக்கு தமிழ் மக்கள் வாக்களித்தால் அவர்களின் வீடுகளுக்குத் தான் தேடி வந்து கதவுகளைத் தட்டி தேவைகளைத் தீர்;த்து வைப்பதாக 'மட்டக்களப்புப் பிரகடனம்' ஒன்றினைச் செய்தார்.

இதேவேளை, 'தேனீ' இணையதளத்தில் 'சூரிய உதயத்துக்காக காத்திருக்கும் நாவலடி மக்கள்' எனும் தலைப்பில் பிரபல பத்தி எழுத்தாளர் லஹிரு கிதலகமவின் ஆக்கம் ஒன்று நேற்றைய தினம் வெளியாகி இருந்தது. அதனைப் படித்தபோது, முன்தினம் முன்னாள் பிரதியமைச்சர் அமீர் அலி அவர்கள் செய்த 'மட்டக்களப்புப் பிரகடனம்' எத்தனை போலித்தனமானது என்பதை என்னால் ஊகிக்க முடிந்தது.

நாவலடி கிராமம் என்பது, மட்டக்களப்பு – வெலிகந்த பிரதான பாதையில் ஓட்டமாவடியிலிருந்து சில மைல் கல் தொலைவில் அமைந்துள்ளது. அதாவது, அமீர்அலி அவர்களின் பாணியில் சொல்வதானால் அவருக்கு 'கூப்பிடு தூரத்தில்' அமைந்துள்ள கிராமமாகும். கல்குடாத் தொகுதியிலுள்ள முஸ்லிம் மக்களே செறிவாகக் குடியேறி வாழும் இக்கிராமம் பற்றிய லஹிரு கிதலகமவின் எழுத்துக்களைப் படிக்கும்போது, ஏற்கனவே நாடாளுமன்ற உறுப்பினராக, அனர்த்த முகாமைத்துவ பிரதியமைச்சராக, மாகாண சபை உறுப்பினராக, மட்டக்களப்பு மாவட்ட அபிவிருத்திக்குழுவின் தலைவராகவெல்லாம் அரசியல் அதிகாரத்துடன் விளங்கிய அமீர்அலி அவர்கள் இந்தக் கிராமத்து மக்களுக்கு அதுவும் தனது சொந்தத் தொகுதி மக்களுக்கு என்ன செய்து கிழித்திருக்கின்றார்? என்ற கேள்வி எனக்கு மாத்திரமல்ல் நிச்சயமாக உங்களுக்கும் எழும் என்பதில் சந்தேகமில்லை.

தனது உள்வீட்டு நிலைமை இப்படி உலகளாவக் கேட்குமளவுக்கு ஒப்பாரி வைக்கும் நிலையிலிருக்க, 'மட்டக்களப்புப் பிரகடனம்' வேறு செய்து தமிழ் மக்களின் ஆணைகளையும் இவர் கோரி நிற்பதானது நகைப்பைத் தருவதாக இல்லையா? படியுங்கள்.. 'சூரிய உதயத்துக்காகக் காத்திருக்கும் நாவலடி மக்களின்' நிலையை.

கிழக்கே உதிக்கும் சூரியன், களப்பு நீரைக் காதல் கொண்டு உறிஞ்சுவதுண்டு. பதிலுக்கு நாவலடி மக்களுக்கு மட்டும் இந்த வானம் சுட்டெரிக்கும் ஒளியை மட்டுமே தருகிறது. மட்டக்களப்பிலிருந்து திருகோணமலைப் பிரதான வீதியில் செல்லும் பிரயாணிகள் அனைவரும் அதிவேகமாக இப்பிரதேசத்தைக் கடந்து செல்கின்றனர். இதனால், இப்பிரதேசம் யாருடைய கண்களுக்கும் தென்படுவதில்லை என்பதே நாவலடி மக்களின் கருத்து. சுட்டெரிக்கும் சூரிய ஒளியையும் தாண்டி நாவலடி மக்களோடு ஒரு தருணம்.

பர்தாவால் தலையை போர்த்திக் கொண்ட நாவலடிப் பெண்கள் ஓர் எடுத்துக்காட்டு, உயர்ந்த உபசாரம் மற்றும் பணிவு எம்மை மெய் சிலிர்க்க வைத்தது. தங்களது சிற்றுணவிற்காக செய்யப்பட்ட 'பஜ்ஜீ'யினை எமக்களித்து தாகத்திற்கு தண்ணீர் தந்த அன்பை ஒரு போதும் மறக்க இயலாது. எம்மில் பலர் பெரும்பான்மை இனத்தவர். இருந்தும் பேதமின்றி உபசரிப்புச் செய்யும் பண்பு எம் நாட்டின் பொதுப் பண்பை எடுத்துக்காட்டியது.

சின்ன வீட்டில் எங்கள் அனைவருக்கும் போதிய இடம் வசதி இன்மையால் முற்றத்தில் இருந்து பேசுவோம் என்று எம்மில் சிலர் பணித்ததால் கிராமத்தவர்களும் உடன்பட்டனர். தரை விரிப்புகளில் நாங்களும் கிராமத்து மக்களும் அமர்ந்தோம்.

பார்வையில் இரக்கமும் உருவத்தில் அனைவரையும் ஈர்க்கும் தோற்றமுடைய ஆட்டுக்குட்டிகளை முற்றத்தில் இருந்த தேக்க மரத்தடி ஆட்டுப்பட்டிக்குள் கண்டேன். சுதந்திரத்திற்காகக் காத்திருக்கும் அந்த ஆட்டுக்குட்டிகளின் பார்வையில் காணப்படும் எதிர்பார்ப்பு போலவே எங்களது எதிர்பார்ப்பும் என்று ஆரம்பித்தனர் நாவலடியினர். செவிமடுக்க முடியாத அளவு கோபத்தை வெளிப்படுத்தியவாறு ஒவ்வொருவரும் தத்தமது குறைகளைக் கொட்டித்தள்ளினர். ஒவ்வொருவராகப் பேசுமாறு நாவலடியில் எமது ஊடகச் சகோதரி காமிலா பேகம் கேட்டுக் கொண்டார்.

'இங்க இருக்கிற மிகப் பெரிய பிரச்சினை தண்ணீர்ப் பிரச்சினை. மழைக் காலத்தில் கொஞ்சம் தண்ணி இருக்கும். வெயில் காலத்தில எப்படியும் தண்ணி இருக்கிறது இல்ல. இங்கே பக்கத்துலதான் வாகனேரிக் குளம் இருக்கு. எங்களுக்குத் தண்ணி தராம, 12 கி.மீ. தூரம் உள்ள பாசிக்குடாவுல இருக்கிற ஹோட்டல்களுக்கு தண்ணி கொண்டு போறாங்க. கிட்டத்துல அரசாங்கத்தால ஓட்டமாவடி, வாழைச்சேனைக்கு குழாய் தண்ணி கொடுத்து இருக்காங்க. ஆனால், அங்கு நிறைய கிணறு இருக்கு'' என்கிறார் ஒரு தாய். அவரது பெயர் நூர் மொஹமட்.

வெளிப்படையாகத் தென்படாவிட்டாலும், நாட்டில் குடிநீர் பிரச்சினையானது பாரிய பிரச்சினையாக உருவெடுத்துள்ளது. அதிக வெப்பமுடைய இப்பிரதேசங்களில் இது மிக முக்கியமானதோர் பிரச்சினையாக எழுந்துள்ளது. இப்பிரச்சினைக்கான எளிதான தீர்வுகள் இருந்த போதும் பொறுப்புடைய அதிகாரிகளின் கவனமின்மையே காரணம் என குற்றம் சாட்டுகின்றனர் நாவலடி மக்கள். முறையற்ற திட்டமிடல், அரசியல் பக்கச்சார்பு போன்ற விடயங்களையும் மாற்ற முடியாதுள்ளது. தொடர்ந்து போதிய வளங்கள் இருக்கும் பகுதிகளுக்கே வளப்பகிர்வுகள் இடம்பெறுகின்றன.

நாவலடி என்பது மட்டக்களப்பு மாவட்டத்திலுள்ள ஒரு சிறிய முஸ்லிம் கிராமமாகும். கோறளைப்பற்று மத்திய பிரதேச செயலகத்தில் சியாவத்த கிராம உத்தியோகத்தர் பிரிவில் இககிராமம் அமைந்துள்ளது. அதிகமானோர் விவசாயிகள் என்றாலும் இன்னும் ஒரு சிலர் கூலி வேலை செய்தே வாழ்க்கை நடாத்தி வருகின்றனர். மேலும், சிலர் கோழி வளர்ப்பு, கால்நடைகளை வளர்த்து மேலதிக ஊதியங்களைப் பெற்றுக் கொள்கின்றனர். பார்வையில் சிறியதோர் கிராமமாக இருந்தாலும் கூட மக்கள் எதிர்நோக்கும் பிரச்சினைகள் என்றால் எல்லை கடந்தது. எனவே, பொறுப்புடைய அதிகாரிகளின் பார்வை இவ்வாறான கிராமத்தவர்கள் மீது இருந்தால் மேன்மையானது.

கல்வி மற்றும் பிள்ளைகளின் வாழ்க்கை

கேணி நகர் அல் மதீனா வித்தியாலயம் தரம் 5 வரையிலான வசதியையே கொண்டுள்ளது. இருந்த போதும் இப்பாடசாலையில் 700இற்கும் அதிகமான மாணவர்கள் கல்வி பயில்கின்றனர் என கிராம மக்கள் தெரிவித்தனர். தமது பிள்ளைகளுக்கும் முறையே கல்வியை பெறுவதற்கு க.பொ.த. கொண்ட பாடசாலை ஒன்றைப் பெற்றுத் தருமாறு வேண்டுகோள் விடுத்தும் பயனளிக்கவில்லை.

இந்த பாடசாலையில் எமது கிராமம் உட்பட மேலும் 7 கிராமத்து பிள்ளைங்க படிக்கிறாங்க. ஆனா, இங்க எந்த வசதியும் இல்லை. இதனால, அதிகமான பிள்ளைங்க 5ஆம் வகுப்புக்கு பிறகு படிப்பு தொடர்றாங்க இல்ல. காசு உள்ளவங்க டவுன்ல பிள்ளைங்கள தங்க வைச்சு படிக்க வைக்கிறாங்க. இருந்தும் தொடர்ச்சியா இதச் செய்ய முடியிறதில்லை. இடையில நிறுத்திடுவாங்க, பணம் இல்லாததுதான் காரணம். இதனால நெறய பெண் பிள்ளைங்கள சின்ன வயசுலேயே திருமணம் செய்றாங்க. தாய், தகப்பன் வேலைக்கு போன பிறகு பெண் பிள்ளைங்கள்ட பாதுகாப்பை உறுதி செய்றது கஷ்டமா இருக்கு. இதனாலதான் இப்படி நடக்குது என்று மூச்சிவிடாது சொல்லிக் கொண்டே போவதற்கு காரணம் அந்த அளவுக்கு இப் பிரச்சினை பாரதூரமானது என்பதாகும்.

13, 14, 15 வயதிலேயே நாவலடியில் பெண் பிள்ளைகள் திருமணம் முடிக்கின்றனர். இதற்கு பொருளாதாரமும், 5ஆம் தரத்துக்குப் பிறகு தொடர்ந்து கல்வியைத் தொடர முடியாத நிலையுமே காரணமாகும். இந்த சின்ன வயது பாலர்களுக்கு திருமணம் செய்து வைக்கும் திருட்டுப் பதிவாளர்களும் இருப்பது துரதிர்ஷ்டவசமே. இவர்கள் பணத்திற்காகவே இதுவரை சட்ட விரோதமான முறையில் திருமணங்களை நடத்தி வருகின்றனர் என நாவலடி மக்கள் குற்றம்சாட்டுகிறார்கள்

இதேவேளை, ஒரு சில பெற்றோர்கள் வெளிநாடுகளில் வேலைக்குச் செல்வதால் குழந்தைகள் துஷ்பிரயோகங்களுக்கு ஆளாகின்றனர். அது தனது உறவினர்களாலும் அயலவர்களினாலும் இடம் பெறுவதுண்டு. எது எவ்வாறாக இருந்தாலும் இச்சமூகச் சீரழிவுக்கு உள்ளாவது குழந்தைகளே. இக்குழந்தைகளின் எதிர்காலம் கல்வியிலேயே தங்கியுள்ளது. மதினா வித்தியாலயம் க.பொ.த. சாதாரண தரம் வரையிலாவது தரம் உயர்த்தப்பட்டால் இப்பிரச்சினைக்கான விடிவினைக் காண முடியும் என்பதே நாவலடி மக்கள் கருத்து.

நாளுக்கு நாள் – ஒரு வேலி

இக்கிராம மக்கள் முகம் கொடுக்கும் மற்றைய பிரச்சினையானது காணியாகும். எமது காணிகளுக்கு உறுதி, அனுமதிப் பத்திரம் போன்ற எதுவும் இன்மையால் இராணுவம் மற்றும் அரசியல் அதிகாரமுடையவர்களின் ஆக்கிரமிப்பு மக்களை மேலும் துன்புறுத்தும் மற்றுமோர் சிக்கலாகும்.

பிரதேச செயலாளர் தனக்கு வேண்டப்பட்டவர்களுக்கு மட்டும் அனுமதிப் பத்திரம் வழங்குறார். ஏழைகளான எங்களுக்கு கொடுக்கிறாரு இல்ல. இந்த கிராமத்துக்கு குடியேறி வந்து ஒரு மாசம் கூட இல்லை, ஆனால் அவர்களுக்கு காணி அனுமதிப்பத்திரம், உறுதி ரெண்டும் இருக்கு. நாங்க பல வருஷம் இங்க இருந்தும் எங்களுக்கு ஒன்றும் இல்லை. நாங்க எல்லா பக்கமும் அடிபடுறோம். ஆமி எங்கட காணிகள எடுத்தாங்க. மொதல்ல 4 ஏக்கர், பிறகு அது கூடிக்கிட்டே போகும். இத நாங்கள் கேட்டால், காணிக்கு இருக்கிற உறுதிய கேக்குறாங்க. அந்த நேரம் எங்ககிட்ட எந்த பதிலும் இல்ல. தாவுற வேலியும் இங்க இருக்கு. வடக்கில் சிலருக்கு காணி கொடுக்கிறபோது எங்களுக்கும் கொடுக்க மாட்டாங்களானு பார்த்துக்கிட்டு இருப்போம் – காணிப் பிரச்சினைகள் தொடர்பாக தம் வேதனையை கூறுகிறார் ஒரு தாய்.

மேலும், யுத்த காலப்பகுதியில் பல்வேறு கட்டங்களில் குடியமர்த்தப்பட்டவர்கள் இங்கு வாழ்கின்றனர். ஒரு சிலருக்கு காணி இல்லாது இருப்பதால் பிரதேச செயலாளரிடம் முறையிட்டுள்ளனர். பதிலுக்கு அவர் காணி உள்ள இடங்களில் குடியேறுமாறு கூறினார். ஆனால், காணி உறுதிப்பத்திரங்கள் வழங்கப்படுவதில்லை.

இங்க நாங்க ரெண்டு பரம்பரையா வாழ்றோம். இதுவரை எங்கட பிரச்சினகளுக்கு ஒழுங்கான தீர்வு கிடைக்கல்ல. டி.எஸ். சொன்னதால சனம் ஆங்காங்கே குடியேறினாங்க. கிட்டத்தில ஒரு பெண்ணுக்கு பிரச்சினை ஒன்னு. அவட காணியில வேறு ஆட்கள் வந்து மண் வெட்டிக் கொண்டு இருந்ததால டி.எஸ் கிட்ட சொன்னதும் அவர் சொல்லுறார், காணி கொடுத்தாச்சி மீண்டும் மீண்டும் கரைச்சல் தராமல் போங்கனு. பொலிஸுக்கு போய் பார்த்துக் கொள்ளுங்கன்னு சொல்றார். பொலிஸ்கிட்ட போனோம். காணிகள்ட உறுதி எங்கன்னு பொலிஸால கேக்குறாங்க. தேடிப்பார்த்தா டி.எஸ்தான் மண்வெட்டிக்கச் சொல்லி அனுமதி கொடுத்திருக்காரு – தனது பக்கத்து வீட்டு சகோதரியின் கதை இது என ஓர் தாய் கூறினார்.

கடன் பிரச்சினை

குடிநீர், கல்வி, காணி என்ற பிரச்சினைகள் போலவே நாவலடி மக்களின் கடன் பிரச்சினையும். கிராமத்தில் உள்ள கிராம அபிவிருத்தி சங்கங்களுக்கு வட்டி இன்றி கடன் வாங்க முடிந்தும் அவ்வாறு வாங்குவதில்லை. அதன் உத்தியோகத்தர்கள் தனக்கு தேவையானவர்களுக்கு மாத்திரமே கடன் வழங்குவார். இதனால் கிராம மக்கள் எல்லா இடங்களிலும் கடனாளியாகின்றனர். இந்த நாள் பிரச்சினையை தீர்க்க ஓரிடத்தில் கடன் பெறுதல், அதனை தீர்க்க இன்னும் ஓரிடத்தில் கடன் பெறுதல், இந்த சந்தர்ப்பத்தைச் சரியாக பயன்படுத்தும் தனியார் வங்கிகளும் சிறு கடன் வழங்கும் நிறுவனங்களும் மக்களை மேலும் மேலும் சிக்கலுக்கு உட்படுத்துகின்றனர் – எ.எஸ்.ஜி.எம். ஜபார் பள்ளிவாசலின் செயலாளர் இவ்வாறு தெரிவிக்கிறார்.

கூலி வேலை செய்தாவது தமது பிள்ளைகளை நல்ல முறையில் கற்பிக்க வேண்டும் என்பது அவர்களது எதிர்பார்ப்பு. நாவலடி மக்கள் வழக்கம் போலவே தமது குறைகளை எம்மிடம் இறக்கிவைத்து திருப்தியுடன் திரும்பினர். எம்மூலமாவது இப்பிரச்சினைகளுக்கு தீர்வு கிடைக்காதா? என்ற எதிர்பார்ப்புடன் வீடு திரும்பிய காட்சி இன்றும் ஓயாத அலைகளாய் இதயத்தைத் தொட்டுச் செல்கின்றது.

லஹிரு கிதலகம தமிழில்: சுரேஸ் - (நன்றி: மாற்றம் மற்றும் தேனீ)

இப்படி இருக்கிறது, இரண்டு தலைமுறைகளாக ஓட்டமாவடியிலிருந்து 'கூப்பிடு தூரத்திலுள்ள' நாவலடிக் கிராமத்து முஸ்லிம் மக்களுடைய நிலைமை. இந்த இலட்சணத்தில் 'மட்டக்களப்பு பிரகடனம்' தமிழ் மக்களுக்கு எந்தளவுக்கு நிதர்சனமாகும்?

இது இவ்வாறிருக்க, இப்பிரச்சாரக் கூட்டத்திற்கு வருகை தந்த பிரதமர் ரணில் விக்ரமசிங்ஹ அவர்கள், மேடையில் அவருக்காகப் போடப்பட்டிருந்த கதிரையில் கணமேனும் அமர்ந்திருந்து, மணித்தியாலக் கணக்காக காவல்துறையினரினதும், பாதுகாப்புப் பிரிவினரினதும் கெடுபிடிக்குள் அகப்பட்டு கொடு வெயிலில் சுடுபட்டிருந்த தமிழ் மக்களின் முகங்களைத் தானும் பார்க்கவில்லை.

மேடைக்கு வந்தார். கூட்டாகக் கையசைத்தார். வந்த வேகத்தில் நின்ற நிலையில் பேசினார். பேச்சுக்கு நடுவில் மொழிபெயர்க்கும் இடைவெளிக்குள் மிடர் மிடராகத் தேநீரை விழுங்கினார். மீண்டும் காட்டிவிட்டுச் சென்று விட்டார்.

நாட்டில் நல்லாட்சியை நிறுவியுள்ள, எதிர்காலத்தில் ஆட்சியமைத்து நல்லாட்சியை மெலும் உறுதிப்படுத்தவுள்ள அவரது வருகைக்காக பஸ் நிலையத்திற்கான பிரதான பாதை தடுப்பு வேலிகளால் மூடப்பட்டு, வாகனங்கள் மாற்று வழியால் திசை திருப்பப்பட்டன. மட்டக்களப்பு போதனா வைத்தியசாலைக்கு உயிர்களைக் காவி வந்த 'அம்பியூலன்ஸ்' வாகனங்கள்கூட நல்லாட்சிப் பிரதமரின் வருகையால் வழமையான வழித்தடம் மாறி ஓடிச் சென்றதை அவதானிக்க முடிந்தது.

பிரதமரின் உரையில் அபிவிருத்தியும், உதிரி விடயங்களுமே இடம்பிடித்திருந்தன. தமிழ் மக்களின் அடிப்படைப் பிரச்சினைகளான காணாமல் போன தம் உறவுகள் குறித்தோ, புனர்வாழ்வுத் திட்டங்கள் குறித்தோ, இராணுவக் கட்டுப்பாட்டிலுள்ள தமது குடியிருப்பு – விவசாயக் காணிகள் குறித்தோ, தமது அரசாங்கத்தில் இனப்பிரச்சினைக்கான தீர்வு என்ன என்பது பற்றியோ அவர் வாயே திறக்காமல் மேடையை விட்டகன்றார்;

என்னருமை மட்டக்களப்பு மாவட்டத் தமிழ் பேசும் மக்களே..! முதன்மை வேட்பாளர் அமீர் அலி அவர்களின் 'மட்டக்களப்புப் பிரகடனத்தை' அப்படியே ஏற்றுக் கொண்டு நாம் இன்னுமொருமுறை யானைக்கும், அழைத்து வந்த பா(த)கர்களுக்கும் வாக்களிப்போமா?