(எம்.எல்.எம்.அன்ஸார்)
இன்றைய பூரணை இரவை
நட்சத்திரங்கள் கண்டுகளிக்கும் மண்டபத்தில்
விழாவாகக் கொண்டாட விரும்பியது சூரியன்!
*
விருந்தினராக வந்திருந்த முழுநிலவு
குத்து விளக்கை ஏற்றி ஆரம்பித்து வைத்தது
வெளிச்சம் என்கின்ற நிகழ்ச்சியை!
*
நிலவு குத்து விளக்கு ஏற்றியதை
வானம் படம் பிடித்து
ராவு முழுக்க பதிவிட்டிருந்தது
தன் வலைப் பக்கத்தில்!
*
இருட்டில் ஒளிந்து
அடங்கிப்போய்க் கிடந்த சூரியன்
நிலவு புரிந்துணர்வுடன்
இரவோடு இணங்கிப் போனதை
விடியற்காலை கேள்விப்பட்டதும்
நிலவைப் பழிவாங்கி
நாளைய ராவிலிருந்து தேயவைக்க
பகலைக் கூட்டி "பத்வா" கேட்டு
சதித் திட்டம் தீட்டுகிறது.
23-12-2015
-எம்.எல்.எம்.அன்ஸார்
