எனது உருவப்படத்துடன் கூடிய கட்அவுட்களை அகற்றுக! – ரணில் உத்தரவு

எனது உருவப்படத்துடன் கூடிய கட்அவுட்களை அகற்றுக! – ரணில் உத்தரவு

By Unknown   3:37:00 PM   No comments:

தனது உருவப்படம் பொறிக்கப்பட்ட கட்அவுட்களை அகற்றுமாறு பிரதமர் ரணில் விக்ரமசிங்க, செயலாளருக்கு உத்தரவிட்டுள்ளார்.

தமது உருவப்படத்துடன் கூடிய சகல கட்அவுட்களையும் உடனடியாக அகற்றுமாறு பிரதமர் கோரியுள்ளார்.

100 நாள் திட்டத்தின் முன்னேற்றம் குறித்த கட்அவுட்கள் மற்றும் ஏனைய கட்அவுட்கள் அகற்றப்பட வேண்டும்.

எதிர்வரும் நாடாளுமன்றத் தேர்தலுக்கான வேட்பு மனு தாக்கல் செய்யப்படுவதற்கு முன்னதாக இவ்வாறு கட்அவுட்கள் அகற்றப்பட வேண்டுமென பிரதமர் அறிவுறுத்தியுள்ளார் என பிரதமரின் செயலாளர் சமன் ஏக்கநாயக்க தெரிவித்துள்ளார்.

ஏற்கனவே தாம் பயன்படுத்தி வரும் குண்டு துளைக்காத வாகனத்திற்கு தேர்தல் காலத்தில் கட்டணம் செலுத்தத் தயார் என ரணில் விக்ரமசிங்க தேர்தல் ஆணையாளருக்கு அறிவித்திருந்தமை குறிப்பிடத்தக்கது.

Read More

சரத் பொன்சேகா வேட்புமனு தாக்கல்

சரத் பொன்சேகா வேட்புமனு தாக்கல்

By Unknown   3:30:00 PM   No comments:

எதிர்வரும் பொதுத் தேர்தலில் ஜனநாயக கட்சியின் தலைவர் பீல்ட் மார்ஷல் சரத் பொன்சேகா கொழும்பு மாவட்டத்தில் போட்டியிடுவதற்கான வேட்புமனுவை தாக்கல் செய்துள்ளதாக தெரிவிக்கப்படுகின்றது.

பொதுத் தேர்தலில் ஜனநாயகக் கட்சி  தனித்து போட்டியிடவுள்ளமை குறிப்பிடத்தக்கது.

virakesary

Read More

வேட்புமனுவில் கையொப்பமிட்டார் மஹிந்த: குருநாகல் மாவட்டத்தில் போட்டி

வேட்புமனுவில் கையொப்பமிட்டார் மஹிந்த: குருநாகல் மாவட்டத்தில் போட்டி

By Unknown   11:51:00 AM   No comments:

முன்னாள் ஜனாதிபதி மஹிந்த ராஜபக்ஷ எதிர்வரும் பொதுத் தேர்தலில் குருநாகல் மாவட்டத்தில் போட்டியிட உள்ளதாகவும் அதற்கான வேட்புமனுத்தாக்கலில் நேற்று கையொப்பம் இட்டுள்ளதாகவும் முன்னாள் அமைச்சர் பசில் ராஜபக்ஷ தெரிவித்தார்.

பாராளுமன்ற தேர்தலுக்கான ஸ்ரீ லங்கா சுதந்திரக் கட்சியின்  வேட்புமனுவுக்கான கையொப்பம் இடும் பணிகள் இன்று உத்தியோகபூர்வமாக நடைபெற இருக்கின்ற நிலையில் மஹிந்த ராஜபக்ஷ  நேற்று கையொப்பம் இட்டுள்ளார்.

Read More

தேர்தல் அறிவிப்பின் பின்னர் வழங்கப்படும் அரச நியமனங்கள் குறித்து அதிக முறைப்பாடுகள்

தேர்தல் அறிவிப்பின் பின்னர் வழங்கப்படும் அரச நியமனங்கள் குறித்து அதிக முறைப்பாடுகள்

By Unknown   10:37:00 AM   No comments:

தேர்தல் அறிவிக்கப்பட்டதை அடுத்து அரச நிறுவனங்களினூடாக தொழில்வாய்ப்பு பெற்றுக் கொடுப்பது குறித்து அதிக முறைப்பாடுகள் கிடைத்துள்ளதாக தேர்தல்கள் கண்காணிப்பாளர்கள் தெரிவிக்கின்றனர்.

அரச நிறுவனங்களில் அதிக நியமனங்கள் வழங்கப்பட்டுள்ளமை குறித்து தகவல்கள் கிடைத்துள்ளதாகவும் அவர்கள் குறிப்பிடுகின்றர்.

பதவி உயர்வு, புதிய நியமனங்கள் மற்றும் அரச வளங்களை தேர்தல் நடவடிக்கைகளுக்கு பயன்படுத்துதல் தொடர்பில் முறைப்பாடுகள் கிடைத்துள்ளதாக தேசிய தேர்தல்கள் கண்காணிப்பு அமைப்பின் தேசிய அமைப்பாளர் ரசாங்க ஹரிஷ்சந்திர தெரிவித்துள்ளார்.

கிடைத்துள்ள தகவல்களின் பிரகாரம் தேர்தல்கள் ஆணையாளரிடம் இன்று (09) முறைப்பாடு செய்யவுள்ளதாகவும் ரசாங்க ஹரிஷ்சந்திர கூறியுள்ளார்.

இதேவேளை, வடமத்திய மாகாணத்தில் புதிய நியமனங்கள் அதிகமாக பதிவாகியுள்ளதாக பெப்ரல் அமைப்பின் நிறைவேற்று பணிப்பாளர் ரோஹண ஹெட்டியாராச்சி தெரிவித்துள்ளார்.

மேலும் தேர்தலை இலக்காக கொண்டு பலருக்கு தொழில் வாய்ப்புகள் அரச நிறுவனங்களில் வழங்கப்பட்டுள்ளதாக, நீதியானதும் சுதந்திரமானதுமான தேர்தலுக்கான மக்கள் அமைப்பான கெபே அமைப்பின் நிறைவேற்றுப் பணிப்பாளர் கீர்த்தி தென்னகோன் சுட்டிக்காட்டியுள்ளார்.

news1st

Read More

இறுதி நேரத்திலும் தீர்மானம் மாறும்

இறுதி நேரத்திலும் தீர்மானம் மாறும்

By Unknown   9:01:00 AM   No comments:

முன்னாள் ஜனா­தி­பதி மஹிந்த ராஜபக் ஷவை ஐக்­கிய மக்கள் சுதந்­திர முன்­ன­ணியின் வேட்­பாளர் பட்­டி­யலில் இணைத்துக்கொள்வதில் கட்­சிக்குள் தீர்க்­க­மான முடி­வுகள் எட்­டப்­ப­ட­வில்லை. எனினும் ஓரிரு தினங்­களில் தீர்­மானம் எடுக்­கப்­படும். ஜனா­தி­ப­தியின் முடி­வு­க­ளுக்கு அமைய இறுதி நேரத்­திலும் தீர்­மா­னங்கள் மாறலாம் என்று ஸ்ரீலங்கா சுதந்­தி­ரக்­கட்சி அறி­வித்­துள்­ளது.

எதிர்­வரும் பொதுத் தேர்­தலில் ஐக்­கிய மக்கள் சுதந்­திர முன்­னணி சார்பில் மஹிந்­தவை கள­மி­றக்­கு­வதில் முரண்­பா­டுகள் நில­வு­கின்ற நிலையில் நேற்று ஸ்ரீலங்கா சுதந்திரக் கட்­சி­யினால் ஏற்­பாடுசெய்­யப்­பட்­டி­ருந்த செய்­தி­யாளர் சந்­திப்பின் போதே இவ்­வாறு தெரி­விக்­கப்­பட்­டது.

இது தொடர்பில் ஸ்ரீலங்கா சுதந்­திரக் கட்­சியின் பொதுச் செய­லாளர் அனுர பிரி­ய­தர்­ஷன யாப்பா தெரி­விக்­கை யில்,

ஐக்­கிய மக்கள் சுதந்­திர முன்ன­ணியை ஒற்­று­மைப்­ப­டுத்தும் வேலைத் திட்­டங்­களில் பல குழப்­பங்­களை கடந்த காலத்தில் எதிர்­கொண்டோம். பல­ரது கருத்­துக்­க­ளுக்கு செவி மடுக்­க­வேண்­டிய நிலைமை ஏற்­பட்­டது.

ஆனால் அனைத்­தையும் சமா­ளித்து இன்று கட்­சியை ஒரு வட்­டத்­துக்குள் கொண்­டு­வந்­துள்ளோம். யாரு­டைய தனிப்­பட்ட கருத்­துக்கும் முன்­னு­ரிமை வழங்கி யாரையும் இலக்கு வைத்து கட்­சியில் எந்த செயற்­பா­டு­களும் முன்­னெ­டுக்­கப்­ப­ட­வில்லை. அர­சியல் என்­பது யாரு­டைய தனிப்­பட்ட நோக்­கத்­தையும் நிறை­வேற்­று­வது அல்ல. இது பொது­வான ஒட்­டு­மொத்த சமூ­கத்­தையும் பிர­தி­நி­தித்­து­வப்­ப­டுத்தும் ஒரு நட­வ­டிக்­கை­யாகும். இதில் கட்­சியின் முக்­கிய உறுப்­பி­னர்­களை இணைத்­துக்­கொண்டு கட்­சியை வெற்­றியின் பாதையில் கொண்டு செல்­வதே எமது எதிர்­பார்ப்­பாகும்.

ஜனா­தி­பதி மைத்­தி­ரி­பால சிறி­சேன, முன்னாள் ஜனா­தி­பதி மஹிந்த ராஜபக் ஷ மற்றும் ஏனைய தலை­மை­களை இணைத்­துக்­கொண்டு எதிர்­வரும் பொதுத் தேர்­தலில் கள­மி­றங்­கு­வது என்ற முடிவை கட்சி எடுத்­துள்­ளது. இதில் சந்­தே­கத்­துக்கு இடம் இல்லை. எமது கட்­சி­யுடன் பல கூட்டுக் கட்­சிகள் இணைந்து செயற்­பட்டு வரு­கின்­றன. அவர்கள் அனை­வ­ரையும் இணைத்­துக்­கொண்டு எதிர்­வரும் பொதுத் தேர்­தலில் கள­மி­றங்­கு­வதே எமது எதிர்­பார்ப்­பாகும் என்றார்.

செய்­தி­யாளர் சந்­திப்பில் கருத்து தெரி­வித்த ஐக்­கிய மக்கள் சுதந்­திர முன்­ன­ணியின் பொதுச்­செ­ய­லாளர் சுசில் பிரே­ம­ஜெ­யந்த கருத்து தெரி­விக்­கையில்,

ஐக்­கிய மக்கள் சுதந்­திர முன்­னணி அனை­வரின் ஆத­ர­வுடன் பல­மான ஆட்­சியை மேற்­கொண்­டு­வந்த கட்­சி­யாகும். கடந்த தேர்­தலில் கட்சி தோல்­வியை எதிர்­கொண்­டாலும் இப்­போது ஜனா­தி­பதி மைத்­தி­ரி­பால சிறி­சே­னவை கட்­சியின் தலை­வ­ராக்கி புதிய கொள்­கை­யுடன் ஸ்ரீலங்கா சுதந்­திரக் கட்­சியின் தலை­மையில் ஐக்­கிய மக்கள் சுதந்­திர முன்­ன­ணியை உரு­வாக்­கி­யுள்ளோம். இதில் முன்னாள் ஜனா­தி­ப­தி­க­ளான சந்­தி­ரிக்கா குமா­ர­துங்க, மஹிந்த ராஜபக் ஷ ஆகி­யோரும் ஆலோ­ச­க­ராக கைகோர்த்­துள்­ளனர். இது எமது கட்­சிக்கு கிடைத்­துள்ள வெற்­றி­யாகும். எனவே எமது ஒன்­றி­ணைந்த செயற்­பாட்­டினால் மீண்டும் ஆட்­சியை அமைத்­துக்­கொள்ள முடியும்.

கேள்வி :- முன்னாள் ஜனா­தி­பதி மஹிந்­தவை ஐக்­கிய மக்கள் சுதந்­திர முன்­ன­ணியின் சார்பில் கள­மி­றக்­கு­வதில் நிபந்­த­னைகள் முன்வைக்கப்பட்டுள்ளனவா?

ஐக்­கிய மக்கள் சுதந்­திர முன்­ன­ணி­யையில் இரண்டு கொள்கைகள் இல்லை. இரண்டு பிரி­வு­களும் இல்லை. கருத்து வேறு­பா­டுகள் இருக்­கலாம் ஆனால் கட்­சிக்குள் பிள­வுகள் இல்லை. இவ்­வா­றான நிலையில் யாரையும் நிபந்­த­னைகள் அடிப்­ப­டையில் கள­மி­றக்க வேண்­டிய அவ­சியம் இல்லை. அதேபோல் மஹிந்­தவை வைத்து அர­சியல் செய்யும் அப­ய­ராம கூட்­ட­ணியும் இனிமேல் இல்லை. கட்­சிக்குள் பொது உடன்­பாடு எட்­டப்­பட்­டுள்­ளது.

கேள்வி :- முன்னாள் ஜனா­தி­பதி மஹிந்த போட்­டி­யி­டு­வதை ஏன் உறு­தி­யாக கூற மறுக்­கின்­றீர்கள்?

கட்­சிக்குள் பல தீர்­மா­னங்கள் எடுக்­கப்­பட்­டுள்­ளன. அதேபோல் வேட்பு மனு பட்­டியல் தயார்ப்­ப­டுத்தும் வேலைத்­திட்­டங்­களை கட்­சியின் தெரிவுக் குழு­வினர் மேற்­கொண்டு வரு­கின்­றனர். யாரை இணைத்­துள்ளோம், யாரை நிரா­க­ரித்­துள்ளோம் என்ற பெயர் விப­ரங்­களை இப்­போது எம்மால் தெரி­விக்க முடி­யாது. ஆனால் எதிர்­பா­ராத முடி­வுகள் சில உள்­ளன. எவ்­வாறு இருப்­பினும் இறுதி நேரம் வரையில் எம்மால் உறுதியாக எதையும் தெரிவிக்க முடியாது. நான் கடந்த பத்து ஆண்டுகளாக வேட்புமனு பெயர் பட்டியல் தயாரித்து வருகின்றேன். இதில் இறுதி நேரத்திலும் கட்சி தலைவரின் பரிந்துரையில் முடிவுகளை மாற்றியமைத்துள்ளோம். இம்முறையும் கடைசி நேரத்திலும் நிலைமைகள் மாறலாம். எப்பிடி இருப்பினும் கட்சியின் தலைவர் ஜனாதிபதியின் முடிவே இறுதியானதாகும். ஜனாதிபதி செய்வதாக வாக்குக் கொடுத்தவற்றை நிறைவேற்றுவார்.

virakesary

Read More

தேசிய போதை ஒழிப்பு மாதம் ஜனாதிபதியால் இன்று பிரகடனம் விழிப்புணர்வு, விசேட சுற்றி வளைத்தல் முன்னெடுப்பு

தேசிய போதை ஒழிப்பு மாதம் ஜனாதிபதியால் இன்று பிரகடனம் விழிப்புணர்வு, விசேட சுற்றி வளைத்தல் முன்னெடுப்பு

By Unknown   8:17:00 AM   No comments:

(மகேஸ்வரன் பிரசாத்)

தேசிய போதை ஒழிப்பு மாதம் இன்று ஜனாதிபதி மைத்திரிபால சிறிசேனவால் ஆரம்பித்து வைக்கப்படவுள்ளது. இதன் ஆரம்ப நிகழ்வு இன்று காலை 10 மணிக்கு ஜா-எல நகரசபை மைதானத்தில் நடை பெறுகிறது.

இன்று ஜூலை 9ஆம் திகதி முதல் ஓகஸ்ட் மாதம் 8ஆம் திகதிவரை போதை ஒழிப்பு மாதம் அனுஷ்டிக்கப்படவிருப்பதுடன், நாடு முழுவதும் போதை ஒழிப்பு தொடர்பான விழிப்புணர்வு நிகழ்வுகளும், போதைப் பாவனையைத் தடுப்பதற்கான சுற்றிவளைப்புகளும் மேற்கொள்ளப்படவிருப்பதாக ஜனாதிபதியின் செயலாளர் பி.பீ.அபயக் கோன் தெரிவித்தார்.

தேசிய போதை ஒழிப்பு மாதம் தொடர்பில் தெளிவுபடுத்தும் ஊடகவியலாளர் சந்திப்பொன்று நேற்று அரசாங்கத் தகவல் திணைக்களத்தில் நடைபெற்றது. இதில் ஜனாதிபதியின் செயலாளருடன் ஊடக அமைச்சின் செயலாளர் கருணார த்ன பரணவித்தாரன, புகையிலை மற்றும் மதுசாரம் தொடர்பான தேசிய அதிகார சபையின் தலைவர் டொக்டர் பாலித்த அபயக்கோன், பொலிஸ் அதிகாரி ஜயந்த லியனகே ஆகியோர் கலந்துகொண்டிருந்தனர்.

ஜனாதிபதி மைத்திரிபால சிறிசேன பதவியேற்றதிலிருந்து போதைப்பொருள் ஒழிப்புத் தொடர்பில் கூடுதல் கவனம் செலுத்திவருகின்றார். இதற்காக விசேட செயலணியொன்றையும் அமைத்திருந்தார். இந்த நிலையிலேயே போதை ஒழிப்பு மாதம் இன்று முதல் நாடு முழுவதிலும் ஆரம்பமாவதாக ஜனாதிபதியின் செயலாளர் குறிப்பிட்டார்.

போதைப்பொருள் ஒழிப்பு மாதத்தின் ஆரம்ப நிகழ்வு ஜாஎலவில் நடைபெறும் நிலையில், மாதம் முழுவதும் போதை ஒழிப்புத் தொடர்பான விழிப்புணர்வு வேலைத்திட்டங்கள் நடத்தப்படவுள்ளன. இன்றையதினம் சகல பாடசாலைகளிலும் ஜனாதிபதியின் விசேட செய்தி வாசிக்கப்படவிருப்பது டன், போதை ஒழிப்புத் தொடர்பாக பாடசாலை அதிபர்கள் விசேட உரைகளை நிகழ்த்தவுள்ளனர்.

போதை ஒழிப்பு மாதத்தை முன்னிட்டு ஜனாதிபதி சகல நாட்டு மக்களுக்கு விசேட குறுஞ்செய்தியொன்றை இன்று அனுப்பவுள்ளார். பொலிஸ் திணைக்களம், சுகாதார அமைச்சு, கலால் திணைக்களம், அபாயகர ஓளடதங்கள் கட்டுப்பாட்டுச் சபை உள்ளிட்ட அரச நிறுவனங்கள் பல இணைந்து நாடு முழுவதிலும் போதை தடுப்பு வேலைத்திட்டங்களை இந்த ஒரு மாத காலத்தில் முன்னெடுக் கவுள்ளன.

போதைப்பொருள் விநியோகம், சட்டவிரோத மதுசார உற்பத்தி குறித்த தகவலல்களை பொதுமக்கள் தமக்கு வழங்கும் பட்சத்தில் சுற்றுவளைப்புக்களை நடத்தி அவ்வாறான குற்றச்செயல்களில் ஈடுபடுபவர்களைக் கைதுசெய்யவிருப்பதாக நேற்றைய ஊடகவியலாளர் சந்திப்பில் கருத்துத் தெரிவித்த பொலிஸ் அதிகாரி ஜயந்த லியனகே கூறினார்.

நாடு முழுவதிலுமுள்ள 42 பொலிஸ் பிரிவுகளில் உதவிப் பொலிஸ் அத்தியட்சகர் தலைமையிலான விசேட பொலிஸ் குழுவொன்று இதற்காக நியமிக்கப் பட்டுள்ளது. போதை மற்றும் சட்டவிரோத மதுசார உற்பத்தி போன்ற முறைப்பாடுகளை பொலிஸ் திணைக்களத்தின் 0113024825, 0113024826, 0703117117, 0703118118, 0703119119 என்ற தொலைபேசி இலக்கங்கள் மூலமும், 0112354561 என்ற தொலைநகல் மூலமும், னீir.ணீriசீலீs@poliணீலீ.lk என்ற மின்னஞ்சல் மூலமும் முறைப்பாடு களைச் செய்ய முடியும் என அவர் குறிப்பிட்டார்.

இதேவேளை, போதைப்பொருள் தடுப்பு நடவடிக்கைகளுக்கான விசேட செயலணியின் 0114386840, 0114386485 என்ற தொலைபேசி இலக்கங்கள் மூலமும், 0112354561 என்ற தொலைநகல் மூலமும், psனீp@prலீsiனீலீntsoஜீஜீiணீலீ.lk என்ற மின்னஞ்சல் மூலமும் முறைப் பாடுகளைத் தெரிவிக்க முடியும்.

போதை ஒழிப்பு மாதத்தில் மக்கள் மத்தியில் விழிப்புணர்வை ஏற்படுத்து வதற்கும், அரசாங்கத்தின் வேலைத்திட் டங்களை வெற்றிகரமாக முன்னெடுப்பதற்கு ஊடகங்கள் முக்கிய பங்காற்ற வேண்டும் என ஊடகத்துறை அமைச்சின் செயலாளர் பரணவித்தாரன கேட்டுக்கொண்டார்.

Read More