முன்னாள் பிரதியமைச்சரின் முதலாவது கூட்டமும், முக்கிய அவதானங்களும்

முன்னாள் பிரதியமைச்சரின் முதலாவது கூட்டமும், முக்கிய அவதானங்களும்

By Unknown   11:33:00 PM   No comments:

(அபூநிதா)

ஆக்கத்திற்குப் பொறுப்பு ஆக்கியோனே தவிர அவதானியல்ல...

கடந்த 20.07.2015 திங்கட்கிழமை மாலை குட்வின் சந்தியில் நடைபெற்ற முன்னாள் பிரதியமைச்சர் அல்ஹாஜ் எம்.எல்.ஏ.எம். ஹிஸ்புல்லாஹ் அவர்களின் தேர்தல் பிரச்சாரக் கூட்டம் தொடர்பான சில அவதானங்கள்.

1. உள்ளுர் பேச்சாளர்களின் பற்றாக்குறை.

பொதுவாகவே ஹிஸ்புல்லாஹ் அவர்களின் எந்தவொரு தேர்தல் பிரச்சாரமாக இருந்தாலும் பேச்சாளர்களுக்கு பஞ்சமிருப்பதில்லை. மாலை 5 மணி தொடக்கம் நள்ளிரவு 12 அல்லது ஒரு மணி வரை தொடரும் வழமையான பிரச்சாரங்கள், நேற்று இரவு சுமார் 8.30 மணிக்குத் தொடங்கி 10.40க்கு முடிவடைந்த போதும் சகோதரர் பௌசானைத்தவிர குறிப்பிட்டுச் சொல்லும்படியான உள்ளுர் பேச்சாளர்கள் யாரையும் மேடையில் கூடக் காண முடியவில்லை. 

தனது 25 வருட அரசியல் வரலாற்றில் எத்தனை எத்தனையோ பேச்சாளர்களை உருவாக்கிய ஹிஸ்புல்லாஹ் அவர்கள், நேற்று தனக்காகத் தானே தன்னந்தனியனாகப் பேச வேண்டிய பரிதாப நிலைமையினைக் காணக்கூடியதாக இருந்தது. 

ஏறாவூரில் இருந்து வரவழைக்கப்பட்ட 3 பேச்சாளர்கள் அந்த இடைவெளியினைப் பூர்த்தி செய்ய முயற்சித்த போதும் அவர்களால் உள்ளுர் போட்டியாளரான அப்துல் றகுமான் அவர்களை விட கல்குடா வேட்பாளர் றியால் அவர்களைத் தாக்குவதிலேயே குறியாக இருந்ததால் ஹிஸ்புல்லாஹ் அவர்களின் எதிர்பார்ப்பு நிறைவேறவில்லை. 

முன்னாள் மாகாண சபை உறுப்பினரான ஜவாஹிர் சாலி, மற்றும் இந்நாள் மாகாண சபை உறுப்பினர் சுபைர் போன்றவர்களுக்குச் சந்தர்ப்பம் வழங்கிய போதிலும் உள்ளுர் முன்னால் மாகாண சபை உறுப்பினரான பரீட் அவர்கள் மேடையில் அமர்ந்திருந்த போதும் அவருக்கு பேசுவதற்கு சந்தர்ப்பம் வழங்கப்படவில்லை.

2. பிரதேச வாதம் தூண்டப்பட்ட பேச்சுக்கள். 

பொதுவாக பௌசான் உட்பட அனைத்து பேச்சாளர்களும் வரிக்கு வரி நாங்கள் பிரதேசவாதத்தை தூண்டவில்லை என்று கூறிக் கொண்டாலும் அத்தனை பேருடைய பேச்சுக்களும் பிரதேசவாதத்தை தூண்டக் கூடியதாகவே இருந்தது. ஏறாவூர் பேச்சாளர்கள் பிரதேசவாதத்தைக் கடந்து வந்து ஆதரவாக பேசினாலும், அவர்களுடைய அரசியல் வாழ்க்கையினைத் தக்கவைத்துக் கொள்வதற்கான பேச்சாகவே அவை அமைந்திருந்தன. அதனை சுபைர் அவர்களும், ஜவாஹிர் சாலி அவர்களும் வெளிப்படையாகவே சொல்லி அவர்களுக்கான சந்தர்ப்பத்தைப் பயன்படுத்திக் கொண்டார்கள்.

மேலும், ஒரு பேச்சாளர் பேசும்போது ஹிஸ்புல்லாஹ் தோற்றால் அவர் தோற்கவில்லை. சமுகம் தோற்றுவிட்டதாக ஒரு ஷிர்க்கான கருத்தையும் முன்வைத்தார். ஹிஸ்புல்லாவின் மரணத்துடன் சமுகத்தையும் குழி தோண்டிப் புதைத்துவிடுவதா? இந்த முஸ்லிம் சமுகம் முஹம்மது நபிக்கு கூட வைக்காத ஒரு அளவு கோலை படித்த (?) பேச்சாளர்கள் முகஸ்துதிக்காக ஹிஸ்புல்லா அவர்களுக்கு வைத்து பேசியதை அவதானிக்க கூடியதாக இருந்தது.

3. தாவிய கட்சியா? தனிக்கட்சியா?

ஹிஸ்புல்லாஹ் அவர்களின் பேச்சில் அடிக்கடி கூறப்பட்ட ஒரு விடயம் என்னவென்றால், நாங்கள் வெற்றிலைச் சின்னத்தில் ஐ.ம.சு. கூட்டமைப்பில் போட்டியிட்டாலும் நாங்கள் ஒரு தனிக்கட்சியாகத்தான் பேட்டியிடுகின்றோம் என்றும், மேலும் எங்கள் கட்சி 20ஆவது திருத்தச் சட்டம் தொடக்கம் முஸ்லிம்களின் பல நலன் சார்ந்த விடயங்களில் உடன்பாடு கண்டுதான் பல நிபந்தனைகளுடன் போட்டியிடுவதாகவும் கூறினார். 

ஆனால், அவை என்ன நலன் சார்ந்த ஒப்பந்தம்? எழுத்துவடிவிலான ஒப்பந்தமா? அல்லது ஒலி வடிவிலான பதிவு செய்யப்பட்ட ஒப்பந்தமா? என்பதைத் தெளிவாகக் கூற மறுத்துவிட்டார். இவை எல்லாவற்றுக்கும் மேலாக ஐ.ம.சு. கூட்டமைப்புடன் எங்கள் தனிக்கட்சி ஒப்பந்தம் செய்துள்ளது என்றால் அந்தக் கட்சியின் பெயர் என்ன? அதன் தலைவர், செயலாளர் யார்? கட்சியின் சின்னம் என்ன? என்ற எந்தவொரு விளக்கமும் அவரால் முன்வைக்கப்படவில்லை. எனவே, இது வழமையான புருடாதான் என்பதற்கு அவரே சாட்சியாக இருந்ததையும் அவதானிக்க கூடியதாக இருந்தது.

'வெற்றிலைக்கு கட்சி தாவி விட்டு இங்கு வந்து தனிக்கட்சி பூச்சாண்டி எதற்காக?' என்று அருகில் இருந்த இருவர் முணுமுணுத்துக் கொண்டதும் காதில் விழுந்தது. 

4. தனக்குத் தானே முரண்பட்ட நிலை.

ஹிஸ்புல்லாஹ் அவர்கள் வழமைபோன்றே அல்லாஹ், றசூல், குர்ஆன், ஹதீஸ், உலமாக்கள் என்று பேச்சைத் தொடங்கியவர் புதிதாகவும் ஒரு சத்தியப் பிரமானத்தோடு பேச்சை ஆரம்பித்தார். 'நான் யாருடைய மனது புண்படும்படியாகப் பேச மாட்டேன்' என்றும், யாருடைய பெயரையும் உச்சரித்து விமர்சிக்க மாட்டேன் என்றும், தனது பேச்சின் 2வது நிமிடத்தில் கூறிய அவர், 3வது நிமிடத்திலேயே முஸ்லிம் காங்கிரஸ் தலைவருடைய பெயரை இழுத்து பலமாக விமர்சிக்கத் தொடங்கினார். அது மட்டுமல்லாமல் தனது பேச்சின் இறுதி நேரத்தில் புள்ளிவிபரம் சொல்லிக் கொண்டு வந்தவர், ஒரு கட்டத்தில் அவருடன் போட்டியிடும் அப்துல் றகுமான் அவர்களின் பெயரை இழுத்து இவர் ஒரு 'மென்டல் கேஸ்' என்பது வரை பலமாக விமர்சித்தார். 

ஒரு வகையான பயம் கலந்த சோகம் மற்றும் நிதானம் தடுமாறிய தொனியும் ஹிஸ்புல்லாஹ் அவர்களின் பேச்சில் குடிகொண்டிருந்ததை அவதானிக்கக் கூடியதாக இருந்தது. அடிக்கடி மக்களை கைதட்டி சிரிக்க வைக்க முயற்சித்த போதிலும், அது மேடையில் இருந்தவர்களுடன் மாத்திரம் மட்டுப்படுத்தப்பட்டதையும் அவதானிக்க கூடியதாக இருந்தது. 

5. வருத்தம் தெரிவித்த ஆணைக்குழுத்தலைவர்.

கடந்த சில மாதங்களுக்கு முன் நல்லாட்சிக்கான தேசிய முன்னணியினால் இலஞ்ச ஊழல் ஆணைக்குழுவிடம் ஹிஸ்புல்லாஹ் தொடர்பாக கொடுக்கப்பட்ட முறைப்பாடுகள் தொடர்பாகப் பேசும்போது, இலஞ்ச ஊழல் ஆணைக்குழுவின் தலைவர் தன்னிடம் 'இவர்கள் கொடுத்த முறைப்பாட்டில் உண்மையில்லை' என்றும், 'உங்களுக்கு ஏற்பட்ட அசௌகரியங்களுக்கு நான் வருத்தம் தெரிவிக்கின்றேன்' என்றும் கூறியதாக மேடையில் பகிரங்கமாகத் தெரிவித்தார். இது தொடர்பான உண்மை நிலையினை தெளிவுபடுத்துவது  நல்லாட்சிக்கான தேசிய முன்னணியின் பொறுப்பாக இருப்பதோடு, இது பிழையான தகவலாக இருந்தால் கடுமையான சட்டச்சிக்கலுக்குள் ஹிஸ்புல்லாஹ் அவர்கள் மாட்டிக் கொள்ளும் அபாயமும் உள்ளது.

இலஞ்ச ஊழல் ஆணைக்குழுவிடம் தைரியமாகச் சென்று முறைப்பாட்டினை எதிர்கொண்ட ஹிஸ்புல்லாஹ் அவர்கள், நல்லாட்சிக்கான தேசிய முன்னணி முன்வைத்த உள்ளுர் விசாரணைப் பொறிமுறை ஒன்றுக்கு முன்வராமல் ஒதுங்கிக் கொண்டது ஏன்? என்பதும் பலத்த சந்தேகத்தை ஏற்படுத்துகின்றது.

6. மைத்திரி பக்கமா..? மஹிந்த பக்கமா..?

கடந்த ஜனவரி 08ஆம் திகதி வரை வரிக்கு வரி மஹிந்த புராணம் பாடிய ஹிஸ்புல்லாஹ், தற்போது தனக்கும், மஹிந்தவுக்கும் தொடர்பில்லை என்றும், மைத்திரி அவர்கள் கேட்டுக் கொண்டதற்கிணங்கவே தான் வெற்றிலைச் சின்னத்தில் போட்டியிடுவதாகவும் கூறுகின்றார்.

இவர் தனது கூற்றில் உண்மையாளராக இருந்தால் தனது தேர்தல் மேடைக்கு ஜனாதிபதி மைத்திரி அவர்களை அழைத்து வருவாரா..? அல்லது குறைந்த பட்சம் தனக்கு ஆதரவாக ஜனாதிபதியிடமிருந்து ஒரு ஊடக அறிக்கையையேனும் வெளிவரச் செய்வாரா..? அல்லது தொலை நகல் மூலம் ஒரு அறிக்கையினைப் பெற்று நம் சமூகத்தின் முன் காட்டுவாரா..? அல்லது ஹிஸ்புல்லாஹ் சொல்வது போல் தனக்கும் மஹிந்தவுக்கும் எந்தத் தொடர்பும் இல்லையென்பதை மஹிந்த வாயிலாக நிரூபிப்பாரா..? இப்படி ஏராளமான கேள்விகள்...

- அவதானங்கள் தொடரும்....

Read More

இலங்கைக்கான பிரித்தானிய உயர் ஸ்தானிகரருடன் NFGG பிரதிநிதிகள் சந்தித்து கலந்துரையாடினர்

இலங்கைக்கான பிரித்தானிய உயர் ஸ்தானிகரருடன் NFGG பிரதிநிதிகள் சந்தித்து கலந்துரையாடினர்

By Unknown   9:06:00 PM   No comments:

இலங்கை மற்றும் மாலைதீவு ஆகியவற்றுக்கான பிரித்தானிய உயர் ஸ்தானிகர் ஜேம்ஸ் டொரிஸ் அவர்களுடன் நல்லாட்சிக்கான தேசிய முன்னணியின் பிரதிநிதிகள் இன்று மாலை சந்தித்து கலந்துரையாடினர்.

நல்லாட்சிக்கான தேசிய முன்னணியின் கிழக்குப் பிராந்திய தலைமையகத்தில் இடம்பெற்ற இச்சந்திப்பில் ஸ்ரீலங்கா முஸ்லிம் காங்கிரஸ் மற்றும் நல்லாட்சிக்கான தேசிய முன்னணி கூட்டணியின் மட்டக்களப்பு மாவட்ட வேட்பாளர் பொறியியாளர் அப்துர் ரஹ்மான், தலைமைத்துவ சபை உறுப்பினர்களான பொறியியலாளர் பலுளுள் ஹாக், MACM.ஜவாஹிர், பிராந்திய செயற்குழு உறுப்பினர்களான AGM.ஹாறூன், ASM.ஹில்மி உள்ளிட்ட மகளிர் அணி உறுப்பினர்களும் கலந்துகொண்டனர்.

இதன்போது நல்லாட்சிக்கான தேசிய முன்னணி முன்னெடுத்து வருகின்ற அரசியல் வேலைத்திட்டங்கள் தொடர்பிலும் இலங்கையின் எதிர்கால அரசியல் முன்னெடுப்புக்கள் தொடர்பிலும் விரிவாகக் கலந்துரையாடப்பட்டன.

Read More

சமூகப் பணியாளர் வசந்தராஜாவுக்கு த.தே.கூ. இடமளிக்காதது மட்டு. மாவட்ட மக்களுக்கு பெரும் ஏமாற்றமாகும்!

சமூகப் பணியாளர் வசந்தராஜாவுக்கு த.தே.கூ. இடமளிக்காதது மட்டு. மாவட்ட மக்களுக்கு பெரும் ஏமாற்றமாகும்!

By Unknown   9:02:00 PM   No comments:

(புவி. எம்.ஐ. றஹ்மதுழ்ழாஹ் - காத்தான்குடி)

பிரபல சமூக சேவையாளரும், இலங்கை செஞ்சிலுவைச்சங்கத்தின் மட்டக்களப்புப் பிராந்தியக் கிளையின் தலைவருமான திரு. த. வசந்தராஜா அவர்களின் பெயர் தமிழ்த் தேசியக் கூட்டமைப்பின் வேட்பாளர் பட்டியலில் உள்ளடக்கப்படாமையானது, மட்டக்களப்பு மாவட்ட தமிழ் - முஸ்லிம் - கிறிஸ்தவ மக்கள் மத்தியில் மிகுந்த ஏமாற்றத்தையும், வேதனையையும் ஏற்படுத்தியுள்ளதை அவதானிக்க முடிகின்றது.

திரு. வசந்தராஜா அவர்கள் தமது சிறுவயதிலேயே மட்டக்களப்பு மாவட்டத்தில் இடம்பெற்ற பல்வேறு சத்தியாக்கிரக, உண்ணாவிரதப் போராட்டங்களில் ஆர்வத்துடன் பங்குபற்றி வந்த வரலாற்றைக் கொண்டவர்.

1977ம் ஆண்டு நடைபெற்ற நாடாளுமன்றத் தேர்தலில் உணர்ச்சிக் கவிஞர் காசி ஆனந்தனும், சொல்லின் செல்வர் செல்லையா இராஜதுரையும் தமிழர் கட்சியில் இரு வேறு சின்னங்களில் போட்டியிட்டபோது, கவிஞர் காசி ஆனந்தனுக்காக மட்டக்களப்பு மாவட்டத்தில் ஊர் ஊராகச் சென்று துடிப்புடன் பிரச்சாரப்பணிகளில் ஈடுபட்டதோடு, பிரச்சார மேடைகளிலும் ஏறி உணர்ச்சி பொங்க உரையாற்றியவர். இதன் காரணமாக அக்காலத்தில் ஓர் ஆசிரியராகக் கடமையாற்றி வந்த இவரை, மட்டக்களப்பிலிருந்து மன்னார் மாவட்டத்திலுள்ள கஷ்டப் பிரதேசமொன்றிற்கு இடமாற்றம் செய்து அரசியல் பழிவாங்கலும் மேற்கொண்டனர்.

1985ம் ஆண்டில் கிழக்கில் ஏற்பட்ட இனக்கலவரத்தில் பாதிக்கப்பட்டு வீடு வாசல்களை இழந்து இடம் பெயர்ந்த மக்களுக்கு அவர்களது அவசரத் தேவைகளை நிறைவேற்றுவதற்கு அரும்பாடுபட்டவர். மட்டக்களப்பு மாவட்ட பிரஜைகள் குழுவில் வணக்கத்துக்குரிய பிதா சந்திரா பெர்ணாண்டோ மற்றும் அதிபர் வணசிங்க ஆகியோருடன் இணைந்து கைது செய்யப்பட்டோருக்காகவும், காணாமல் போனோருக்காகவும், இடம் பெயர்ந்தோருக்காகவும் ஆபத்தான காலகட்டங்களில் குரல் கொடுத்துப் பணிபுரிந்து வந்தவர்.

இனக்கலவரம் உச்சக்கட்டத்தில் இருந்த போதெல்லாம் மட்டக்களப்பு எகெட் நிறுவனத்தின் நிவாரணப் பணிகளில் இணைந்து தொண்டுகள் ஏராளம் செய்தவர். இதனால் பல தடவைகளில் அரச படையினரால் விசாரணக்கும் உட்படுத்தப்பட்டவர்.

1990ம் ஆண்டில் இலங்கை செஞ்சிலுவைச் சங்கத்தில் ஒரு சாதாரணத் தொண்டராக இணைந்து போர்க்கால நிவாரணப் பணிகளில் முக்கிய பங்காற்றி வந்தவர். 1995ம் ஆண்டு இலங்கை செஞ்சிலுவைச் சங்கத்தின் மட்டக்களப்புக் கிளையின் தலைவராக அதன் அங்கத்தவர்களால் தேர்ந்தெடுக்கப்பட்டு இன்று வரையிலும் அத்தலைமைப் பொறுப்பில் நேர்மையுடன் செயற்பட்டு வருகின்றவர்.

கிழக்கில் முதலாவது தற்கொலைத் தாக்குதல் சம்பவம் புதுக்குடியிருப்பில் 1995 டிசம்பர் 05ம் திகதி இடம்பெற்ற வேளையில் பஸ் ஒன்றில் பிரயாணம் செய்து கொண்டிருந்த 40 பொது மக்களின் கதி என்னவென்று தெரியாத நிலை ஏற்பட்டிருந்தது. அவர்களுக்கு ஏற்பட்ட கதியை அறிவதற்கு உறவினர்கள் துடியாய்த் துடித்தனர்.

சம்பவம் இடம்பெற்ற இடத்திற்குச் செல்வதற்கு அன்றைய காவல் துறையினரும், சர்வதேச நிறுவனங்களும் மறுத்து விட்டனர். கச்சேரியில் இருந்த நிர்வாக உயரதிகாரிகளுக்கு என்ன செய்வதென்று தெரியவில்லை. நாடாளுமன்ற உறுப்பினர்களும், ஏனையவர்களும் எங்கு சென்றனர் என்றே தெரியவில்லை.

மிகவும் பாதுகாப்புக் கெடுபிடிகளின் மத்தியில் இலங்கை செஞ்சிலுவைச் சங்கத்தின் மட்டக்களப்பு மாவட்டக் கிளைத் தலைவராகச் செயற்பட்ட இவர், தமது சங்கத்தின் 15 தொண்டர்களுடன் சம்பவம் நடைபெற்ற இடத்துக்கு சென்று பல பிரயத்தனங்களுக்கு மத்தியில் அங்கு இறந்த நிலையில் காணப்பட்ட அத்தனை பொது மக்களின் உடல்களையும் மீட்டு வந்தார்;. இப்பணிக்கு மட்டக்களப்பு மாநகர சபையும் தனது நகர சுத்தித் தொழிலாளர்களையும், இழுவை இயந்திரங்களையும் கொடுத்து உதவியிருந்தது. அன்றைய சமூகசேவைப் பணிப்பாளர் திரு. நவரெத்தினமும் இம்மீட்புப்பணியில் பங்களிப்புச் செய்திருந்தார்.

போர்க்காலத்தில் காயப்பட்ட பொதுமக்களை வைத்தியசாலைக்கு எடுத்து வருவதற்கும், இறந்து போகின்றவர்களை வீட்டுக்குக் கொண்டு செல்வதற்குமான திட்டங்களை வகுத்து பெரும் பணியாற்றியவர்.

இடம் பெயர்ந்தோருக்கான அடிப்படை வசதிகளை ஏற்படுத்திக் கொடுப்பதற்கான திட்டங்களை வகுத்து ஆயிரக்கணக்கான குடும்பங்களுக்கு தற்காலிக கொட்டில்களையும், கிணறுகளையும், மலசலகூடங்களையும் அமைத்துக் கொடுப்பதற்கும் வழிவகுத்தவர். பாதிக்கப்பட்ட கிராமங்களில் ஆயிரக்கணக்கான மலசலகூடங்களையும், கிணறுகளையும் அமைத்து மக்களின் துயர்போக்கிச் செயற்பட்டவர்

போர்காலத்தில் கிராமங்களில் காயமுறும் மக்களின் இரத்தப் பெருக்கைக் கட்டுப்படுத்தி பொதுமக்களின் உயிரிழப்பைக் குறைப்பதற்காக நூற்றுக்கணக்கான தொண்டர்களை முதலுதவியாளர்களாகவும், ஆபத்துக்குறைப்பு நடவடிக்கைகளை மேற்கொள்வதற்காகவும் மாவட்டம் முழுவதிலும் நியமித்துச் செயற்பட்டதுடன், நூற்றுக்கணக்கான ஆபத்துக் குறைப்புத் தொண்டர்களுக்கும் தானே முன்னின்று உரிய பயிற்சிகளையும் முறையாக வழங்கியிருந்தார்.

சுனாமியினால் மட்டக்களப்பு மாவட்டத்தில் முற்றாக அழிந்து போன 6617 வீடுகளை மீளக்கட்டியெழுப்புவதிலும், எட்டு வைத்தியசாலைகளைப் புனரமைப்பு அல்லது மீள்நிர்மானம் செய்வதிலும்; வெளிநாட்டு செஞ்சிலுவைச் சங்க அமைப்புகளுக்கு அழைப்பு விடுத்து உதவிகளைப் பெற்று முழு ஒத்துழைப்பையும் வழங்கி நிர்மானித்த செயல்வீரனாக மிளிர்ந்து கொண்டிருப்பவர்

இத்தனைக்கும், இலங்கை செஞ்சிலுவைச் சங்கத்திலிருந்து ஒரு சதத்தையேனும் சம்பளமாகப் பெறாமலும், செஞ்சிலுவைச் சங்கத்தின் சொத்துக்களை தனது குடும்பத் தேவைகளுக்காகப் பாவிக்காமலும் பொதுத் தொண்டையே தனது உயிர் மூச்சாகக் கருதி செயற்பட்டு வருபவர்.

இவர் ஏழை, எளியவர்களில் மிகவும் அக்கறை கொண்டவர். இவர் மட்டக்களப்பு மாவட்டத்திலுள்ள சகல தமிழ், முஸ்லிம், கிறிஸ்தவக் கிராமங்களையும், மக்களையும், அம்மக்களினது தேவைகளையும் நன்கறிந்தவர்.

இத்தகைய மனிதாபிமானத் தொண்டுகளைப் புரிந்து வரும் வரலாற்றினைக் கொண்டுள்ள திரு. த.வசந்தராஜா அவர்கள், தான் சார்ந்திருக்கும் அமைப்பினூடாக ஓர் எல்லைக்குமேல் மக்களின் தேவைகளையும், பிரச்சினைகளையும் தீர்க்க முடியாது என்பதை உணர்ந்தே நாடாளுமன்றப் பிரதிநிதித்துவத்தினூடாக அவ்வாறான தேவைகளையும், சமூகங்களுக்கிடையிலான பிரச்சினைகளையும் தீர்ப்பதற்கு தனக்குள்ள நீண்டகால அனுபவத்தினையும், ஆற்றலையும் உபயோகிக்க முடியும் என்ற உயர்ந்த நோக்கத்துடன்தான் நடைபெறவுள்ள நாடாளுமன்றத் தேர்தலில் வேட்புரிமை கேட்டு தமிழ்த் தேசியக் கூட்டமைப்பிடம் முறையாக விண்ணப்பித்திருந்தார்.

ஆனால் இறுதி வரைக்கும் அவரது பெயர் தங்களது பெயர்ப்பட்டியலில் உள்ளடக்கப்பட்டுள்ளது எனக் கூறப்பட்டு வந்திருந்த நிலையில், திடீரென வேறு நபர்களுக்கு இடமளித்து அவரது பெயர் தமிழ்த் தேசியக் கூட்டமைப்புத் தலைமைகளால் நீங்கப்பட்டதானது பொதுமக்களுக்கு மிகுந்த ஏமாற்றத்தையும், வேதனையையும் தங்துள்ளது.

மக்கள் மத்தியில் நன்கு அறிமுகமானவர்களையும், மக்களுக்காக அர்ப்பணிப்புடன் பாடுபடுகின்றவர்களையும் தவிர்த்து விட்டு, தமிழத் தேசியக் கூட்டமைப்பினால் வேட்பாளர் பட்டியல் தயாரிக்கப்பட்டுள்ளதன் உள்நோக்கத்தை இம்மாவட்ட தமிழ் முஸ்லிம் மற்றும் கிறிஸ்தவ மக்கள் அறிந்திருப்பார்கள் என்றே நம்புகின்றேன்.

'வசந்தராஜா' எனும் அழகு தமிழ் நாமத்துடன் இன, மத, பிரதேச வேற்றுமைகளுக்கு அப்பால் மனித நேயத்துடன் ஆதம்லெப்பைக்கும், அருளானந்தத்திற்கும், அண்ணாமலைக்கும் சமச்சீராகச் சமூகப்பணி செய்து மக்கள் மனங்களை வென்றுள்ள இன்னாருக்கு தமிழ்த் தேசியக் கூட்டமைப்பானது மட்டக்களப்பு மாவட்டத் தமிழ் பேசும் மக்களினது சமூக நல விவகாரங்களில் உண்மையாகவே அக்கறை கொண்டுள்ள ஓர் அரசியல் நிறுவனமாக இருந்திருந்தால் வேட்பாளர் நியமனம் வழங்கி இருக்க வேண்டும். அவ்வாறு வழங்கியிருக்குமானால், நிச்சயமாக மட்டக்களப்பு மாவட்டத்தில் 70 முதல் 80 ஆயிரம் வரையான வாக்குகளை இவர் தமிழ்த் தேசியக் கூட்டமைப்புக்குப் பெற்றுக் கொடுத்து தனது எதிர்கால சமூக சேவையாற்றும் வாய்ப்பையும் பெற்றிருப்பார் என்பது திண்ணமாகும்.

போர்க் காலங்களிலும், அனர்த்த காலங்களிலும் பொது மக்களின் நலன் கருதி சமூகக் களத்தில் நின்ற திரு. வசந்தராஜாவும் அவரது தலைமையின் கீழ் செயற்படும் இம்மாவட்டத்திலுள்ள ஆயிரக்கணக்கான தமிழ் - முஸ்லிம் - கிறிஸ்தவத் தொண்டர்களும்தான், தேர்தல் காலங்களிலும் மக்களுக்கு விசுவாசமாகச் செயற்படுவதற்கு அங்கீகாரம் பெறுவதற்காக களமிறக்கப்பட வேண்டியவர்கள் என்பதை இனியாவது தமிழ் தேசியக் கூட்டமைப்பு புரிந்து கொள்ள வேண்டும்.

Read More

SLMC + NFGG இணைவின் சூத்திரமும், எதிர்கால முஸ்லிம் அரசியலும் - 03

SLMC + NFGG இணைவின் சூத்திரமும், எதிர்கால முஸ்லிம் அரசியலும் - 03

By Unknown   4:06:00 PM   No comments:

(புவி. எம்.ஐ. றஹ்மதுழ்ழாஹ் - காத்தான்குடி)

மட்டக்களப்பு மாவட்டத் தேர்தல் களத்தில் ஒரு ஆசனத்தைப் பெற்றுக் கொள்வதற்காக ஸ்ரீ.ல.மு.கா. இப்போது தனது (2015 Election Gold House)   தேர்தல் காலத் தங்கக் கடையைத் திறந்துள்ளது. 

இங்கே பலதரப்பட்ட டிஸைன்களிலான நகைகள் இம்மாவட்ட முஸ்லிம் வாக்காளர்களைக் கவர்ந்து ஈர்ப்பதற்காகக் காட்சிப்படுத்தப்பட்டுள்ளன. இதில் எந்த நகை, எத்தனை கரட் உடையது என்பதை அக்கடையிலுள்ள 'உரைகல்'லைக் கொண்டுதான் உரசிப்பார்த்து அறிந்து கொள்ள வேண்டும். இந்த அடிப்படையில் இந்த மூன்றாவது தொடரை நாம் நோக்கலாம்.

மட்டு. மாவட்ட மு.கா.வின் வேட்பாளர்கள் அணியில் அனைவரது கவனத்தையும் ஈர்த்தவர்களாக அலிசாகிர் மௌலானா, பொறியியலாளர்களான அப்துர் றஹ்மான், ஷிப்லி பாறூக் ஆகிய மூவரில் ஒருவரே எம்.பியாகத் தெரிவு செய்யப்படக்கூடிய நம்பிக்கை எதிர்பார்ப்பில் உள்ளனர். எனவே இம்மூவரில் எவர் குர்ஆன் ஹதீஸை யாப்பாகக் கொண்டுள்ள இக்கட்சியின் சார்பில் எம்.பியாகத் தெரிவு செய்யப்படத் தகுதியானவர் என்பதை அலசிப் பார்க்கலாம்.

அலிசாஹிர் மௌலானாவைப் பொறுத்தவரை அவர் ஏற்கனவே நாடாளுமன்றத்திலும், மாகாண சபையிலும், ஏறாவூர் நகர சபையிலுமாக ஆளுந்தரப்பில் இருந்து அனுபவங்களைப் பெற்றவர். பொறியியலாளர் ஷிப்லி பாறூக் நாடாளுமன்றப் படிக்கட்டுக்களை மிதிக்காதவராயினும், அதிர்ஷ்டவசமாக அவர் அரசியலில் பிரவேசித்து எதிர்கொண்ட முதலாவது தேர்தலிலேயே கிழக்கு மாகாண சபை உறுப்பினராகத் தெரிவு செய்யப்பட்டவர். பொறியியலாளர் அப்துர் றஹ்மான் இதுவரை காத்தான்குடி நகர சபைக்கு அப்பால் செல்லவில்லை.

இந்நிலையில் கூடுதல் அனுபவசாலியாகத் திகழும் அலிசாஹிர் மௌலானாவையே மீண்டும் இம்மாவட்ட முஸ்லிம்கள் அல்லது மு.கா. போராளிகள் (?) எம்.பி.யாகத் தெரிவு செய்யலாம் என்கிற எதிர்பார்ப்பு இருந்தாலும், அதற்கவர் எந்தளவு பொருத்தமானவர் என்பதும் எழுந்திருக்கின்ற கேள்வியாகும்.

ஒரு நாடாளுமன்ற உறுப்பினருக்கு மக்களுக்காகப் பேசும் சுயதைரியம் இயல்பாக அமைந்திருக்க வேண்டும். ஆனால் மக்களுக்காக இல்லாவிட்டாலும் தனக்காக, தனது சுயகௌரவத்தைப் பேணுவதற்காக, தனது உரிமையைப் பாதுகாத்துக் கொள்வென்றாலும் குரல் எழுப்புவதற்குத் திராணியற்றவர்தான் இந்த அலிசாஹிர் மௌலானா என்பது எனது கருத்தாகும்.

2012ம் ஆண்டு நடைபெற்ற கிழக்கு மாகாண சபைத் தேர்தலில் ஐ.ம.சு. கூட்டமைப்பில் முன்னாள் ஜனாதிபதி மஹிந்த ராஜபக்ஷவின் தலைமையிலான ஸ்ரீலங்கா சுதந்திரக்கட்சியின் சார்பில் ஒரு வேட்பாளராகப் போட்டியிட்ட மௌலானா அவர்கள், வாக்குகள் எண்ணப்பட்டுக் கொண்டிருந்த நிலையில் ஒரு உறுப்பினராகத் தெரிவு செய்யப்படக்கூடியவாறு முன்னிலையில் இருந்தார். 

ஆனால் மறுநாள் அதிகாலையில் தமிழ்த் தேசியக் கூட்டமைப்பின் 4000 வாக்குகள் ஐ.ம.சு. கூட்டமைப்புத் தரப்பினரால் காவு கொள்ளப்பட்டு, பின்வரிசைக்குத் தள்ளப்பட்டிருந்த பிள்ளையான் எனும் தமிழ் மக்கள் விடுதலைப் புலிகள் கட்சியின் தலைவர் சிவநேசதுரை சந்திரகாந்தன் முன்னிலைக்கு கொண்டு வரப்பட்டபோது, அலிசாஹிர் மௌலானா கிழக்கு மாகாண சபையில் ஒரு உறுப்பினராகும் வாய்ப்பை இழந்தார் என்பது வரலாறாகும்.

இந்த அப்பட்டமான வாக்குக் கொள்ளை மற்றும் தனது வெற்றிக்கு இழைக்கப்பட்ட அநியாயம் குறித்து அவரால் வாய்திறந்து கேள்விகள் கேட்க முடியாதவாறு வாக்கெண்ணும் நாளின் பின்னிரவில் அவர் அவரது கட்சியின் மேலிடத்தால் மௌனிக்கச் செய்யப்பட்டார். இப்படி தனக்கே நியாயம் கேட்கத் திராணியற்றுப் போய் இன்று வரை அதுபற்றி வாய் திறக்க முடியாத நிலையிலுள்ள அவரால் எவ்வாறு இம்மாவட்ட முஸ்லிம் சமூகத்திற்காக எதிர்காலத்தில் குரல் எழுப்ப முடியும்? எனவே அவரை மு.கா.வின் '2015 - நுடநஉவழைn புழடன ர்ழரளந'  இல் காட்சிப்படுத்தப்பட்டிருக்கும் நகையணியில் 22 கரட் கொண்ட அசல் தங்க நகையாக என்னால் பார்க்க முடியவில்லை.

தமது சுய அரசியல் இருப்புக்காக எந்தவொரு நியாயத்தையும் அநியாயக்காரர்களுடன் ஒன்று சேர்ந்து கூடவே சென்று குழிதோண்டிப் புதைத்து விட்டு, ஒன்றுமே தெரியாதவர் போல் இருக்கின்ற, அல்லது அந்த அநியாயக்காரர்களுடன் ஒன்றுபட்டுச் செயற்பட்டதற்காக கிடைக்கப் பெறுகின்ற அரச சௌபாக்கியங்களைத் தக்க வைத்துக் கொண்டு காலங்கடத்துகின்ற இவர் போன்றவர்களால் எவ்வாறு இந்த மாவட்டத்தில் வாழும் முஸ்லிம் சமூகத்தின் அபிலாஷைகளையும், தேவைகளையும், உரிமைகளையும் குறித்து நாடாளுமன்றத்தில் சுயமாகவும், துணிவாகவும் குரல் எழுப்ப முடியும்?

முஸ்லிம் சமூகத்தின் மத்தியில் மௌலவி, மௌலானா, ஷெய்ஹு, ஸெய்யிது, இமாம் என்பன போன்ற சொற்பதங்களுக்கு மிகுந்த மதிப்பும், மரியாதையும் வழங்கப்பட்டு வருகின்றது. அதனடிப்படையில் நமது வேட்பாளர் அலிசாஹிர் மௌலானா அவர்களும் நபி (ஸல்) அவர்களின் வழித்தோன்றலில் வந்த ஒருவர் என்றும், அதன் காரணமாகவே அவரை 'மௌலானா' எனும் அடைமொழி கொண்டு அழைப்பதாகவும் கூறப்படுகின்றது.

சத்திய இஸ்லாத்தை இவ்வுலகுக்குக் கொண்டு வந்து, அசத்தியவாதிகளுடன் 23 ஆண்டுகளாக மக்காவிலும், மதீனாவிலுமாக மல்லாடி, இறைமார்க்கத்தையும், நல்லாட்சி நிர்வாகத்தையும் நிலைநிறுத்திய எமது நபிகளார் (ஸல்) அவர்களின் வழியில் வந்தவரான எமது அலிசாஹிர் மொளானா அவர்கள், இன்றைய கீழ்த்தரமான அரசியல் செயற்பாடுகள் குறித்து ஆக்ரோஷமாகக் குரல் கொடுத்து நீதி, நியாயத்திற்காகவும், நேர்மையான நல்லாட்சிக்காகவும் கடந்த காலங்களில் போராடிய வரலாற்றினைக் கொண்டவராக இருந்திருந்தால் எனது பார்வையில் அவரையே 22 கரட் தங்கமாக நான் மதிப்பிட்டிருப்பேன். ஆனால், துரதிர்ஷ்டம்.. உண்மைக்கும், நேர்மைக்கும், சத்தியத்திற்கும், நல்லாட்சிக்கும் அவரிடத்தில் அடையாளங்கள் ஏதுமில்லை.

இனி, அவருக்கு அடுத்த நிலையிலுள்ள பொறியியலாளர் ஷிப்லி பாறூக் அவர்களை எடுத்துக் கொண்டால், அவரும் அதே வருடம் நடைபெற்ற கிழக்கு மாகாண சபைத் தேர்தலில் ஐ.ம.சு.கூட்டமைப்பில் அ.இ.ம.கா சார்பில் அக்கட்சியின் பிரதித் தலைவரும், முன்னாள் பிரதியமைச்சருமான எம்.எல்.ஏ.எம். ஹிஸ்புல்லாஹ்வின் வழிகாட்டலில் போட்டியிட்டவர். இவருடன் இப்போது ஐ.தே.கட்சியின் யானைச் சின்னத்தில் அசல் அ.இ.ம.கா. சார்பில் போட்டியிடுகின்ற முன்னாள் அமைச்சர் அமீரலியும், அண்மையில் அ.இ.ம.கா.வில் இருந்து ஐ.ம.சு.கூட்டமைப்புக்குத் தாவி ஹிஸ்புல்லா தரப்பில் போட்டியிடுகின்ற முன்னாள் மாகாண சுகாதார அமைச்சர் சுபைர் அவர்களும் 1,2,3 என்ற தொடர் விருப்பு இலக்கங்களில் ஒன்றாகப் போட்டியிட்டவர்கள்.

இவ்வாறு 1,2,3 எனும் தொடர் முன்னுரிமை விருப்பு இலக்கத்தைப் பெறுவதற்காக பொறியியலாளர் ஷிப்லி பாறூக் தனது தகப்பனின் சொந்தப் பெயரையே மாற்றிக் கொண்டு மோசடியாகப் போட்டியிட்ட வரலாறு கொண்டவர். இந்த நாடாளுமன்றத் தேர்தலுக்காக கடந்த 13ம் திகதியன்று தாக்கல் செய்யப்பட்ட வேட்புமனுவில்தான் அவரது தகப்பனாரின் உண்மையான பெயர் குறிப்பிடப்பட்டுள்ளது. 

ஆக, இவரது அரசியல் பிரவேசமே பெற்று வளர்த்த தனது தகப்பனின் பெயரையே மாற்றிக் கொண்ட மாபெரும் மோசடியில் ஆரம்பமாகியது என்பதும், இப்போதும் அதே மோசடியான பெயரில்தான் இவர் கிழக்கு மாகாண சபையில் ஒரு உறுப்பினராகக் கையெழுத்திட்டுக் கொண்டு தன்னைப் பிரதிநிதித்துவப்படுத்தியும் வருகின்றார். அதனால் இவரை 18 கரட் தங்கமாகக்கூட என்னால் பார்க்க முடியவில்லை. 

கடந்த கிழக்கு மாகாண சபைத் தேர்தலில் நல்லாட்சிக்கான தேசிய முன்னணியின் சார்பில் பொறியியலாளர் எம்.எம். அப்துர் றஹ்மான் போட்டியிடவுள்ளார் என்பதை அறிந்த முன்னாள் பிரதியமைச்சர் எம்.எல்.ஏ.எம். ஹிஸ்புல்லாஹ், மிக அவசரமாக அவருக்குப் போட்டியாகக் களமிறக்கவென தேடிக் கண்டுபிடித்து இம்மாவட்ட முஸ்லிம் சமூகத்திற்கு முன்னால் கொண்டு வந்து நிறுத்தியவர்தான் எமது இன்றைய வேட்பாளர் பொறியியலாளர் ஷிப்லி பாறூக் அவர்களாகும்.

அக்கால கட்டத்தில் அவரைப்பற்றி அறிமுகம் செய்யும்போது மேடைக்கு மேடை இறையச்சம் கொண்டவர் என்றும், அநீதி அக்கிரமம் ஊழல் மோசடிகளுக்கு உடன்படாதவர் என்றும் மேடைக்கு மேடை புகழ்ந்து விளாசித்தள்ளிய ஹிஸ்புல்லாஹ், கடந்த ஜனவரி மாதம் நடைபெற்ற ஜனாதிபதித் தேர்தலில் அவரை விட்டும் இவர் விலகிக் கொண்ட பின்னர், இதே காத்தான்குடி மண்ணில் பகிரங்கமாகவே 'தாடியை வைத்துக் கொண்டு ஊரை ஏமாற்றுகின்றாய்' என மிகவும் கேவலமாக அவரைச் சாடி வருவதையும் நாம் கவனத்திற் கொள்ள வேண்டும்.

மாத்திரமல்ல, காத்தான்குடி நகர சபை உறுப்பினராக இருந்த பாக்கீர் மாஸ்டரிடம் கல்வி கற்பதற்காகச் சென்ற ஓட்டமாவடிப் பிரதேச மாணவியை அவர் காரில் அழைத்துச் சென்று பாலியல் தொல்லைக்குட்படுத்திய பரபரப்பு விவகாரத்தின் உண்மைத்தன்மையை விசாரிப்பதற்காக முன்னாள் பிரதியமைச்சர் ஹிஸ்புல்லாஹ், பொறியியலாளரும், 'தஃவாதாரி'யுமான ஷிப்லி பாறூக் அவர்களையே நியமித்திருந்தார். அவரும் இவ்விடயம் தொடர்பில் விசாரணை செய்து விட்டு காத்தான்குடிச் சமூகத்திற்கு தனது அரசியல் குருநாதர் ஹிஸ்புல்லாஹ்வின் ஊடாக விடுத்த தீர்;ப்பறிக்கையில், இச்சம்பவம் ஒரு திட்டமிட்ட அரசியல் பழிவாங்கல் நடவடிக்கையாகும் எனக் குறிப்பிட்டிருந்தார்.

ஆனால், இந்த வழக்கை விசாரித்த மட்டக்களப்பு மாவட்ட நீதவான் நீதிமன்ற நீதிபதி அல்ஹாபிழ் என்.எம். அப்துழ்ழாஹ் அவர்கள், இச்சம்பவம் உண்மையில் நடைபெற்றது என்பதை தனது இரண்டு வருட காலத் தீவிர விசாரணைகளின் மூலம் கண்டறிந்து குறித்த பாக்கீர் மஸ்டரைக் குற்றவாளியாகக் கண்டு 20 வருடங்கள் ஒத்திவைக்கப்பட்ட ஒரு வருடக் கடூழியச் சிறைத் தண்டனையும், பாதிக்கப்பட்ட மாணவிக்கு ஒரு இலட்சம் ரூபா நஷ்டஈடு வழங்குமாறும், அபராதமாக 1500 ரூபா செலுத்துமாறும் தீர்;ப்பளித்தார்.

இதன் மூலமும் அரசியலுக்காக, தனது அரசியல் அந்தஸ்தத்தை ஹிஸ்புல்லாவிடம் தொடர்ந்து தக்க வைத்துக் கொள்வதற்காக இவர் சோரம் போன சரித்திரம் இந்த மண்ணில் நிலைநாட்டப்பட்டுள்ளது. முஸ்லிம் முதலமைச்சரைப் பெறுவதற்காக தனது அரசியல் தலைமைத்துவத்திற்கு எதிராகச் செயற்படத் துணிந்த இவரால், தனது முஸ்லிம் சமூக மாணவியொருவர் காமுகனான தனது கட்சியைச் சேர்ந்த நகர சபை உறுப்பினர் ஒருவனால் சீரழிக்கப்பட்டதற்கு எதிராகக் குரல் கொடுக்க, உண்மையை அறிக்கையிடத் திராணியற்றுப் போனது, இவரது சமூகத்திற்காகக் குரல் கொடுக்கும் தைரியத்தை என்றோ மழுங்கடிக்கச் செய்து விட்டது. எனவேதான் இவரை 18 கரட் மலிந்த தங்கமாக என்னால் மலினமாகப் பார்க்க முடிகின்றது.

மூன்றாவதாக உள்ள பொறியியலாளர் அப்துல் றஹ்மானைப் பற்றி இன்ஷா அழ்ழாஹ் அடுத்த தொடரில் நான் விரிவாக அலசவுள்ளேன்.

 (தொடரும்)

Read More

முஸ்லிம் அடிப்­படைவாத அமைப்­புக்­களை தடை செய்­யவும் : பொது­பல சேனா வேண்­டுகோள்

முஸ்லிம் அடிப்­படைவாத அமைப்­புக்­களை தடை செய்­யவும் : பொது­பல சேனா வேண்­டுகோள்

By Unknown   2:03:00 PM   No comments:

பாகிஸ்தான் கிரிக்கட் அணிக்கு கர­கோஷம் செய்யும் இலங்கை முஸ்லிம் இளை­ஞர்­களால் எமது தனித்­து­வத்தை இழந்­துள்ளோம். இலங்­கை­யி­லுள்ள முஸ்லிம் அடிப்­ப­டை­வாத அமைப்­புக்கள் அனைத்­தையும் தடை­செய்ய வேண்­டு­மென பொது­ப­ல­சேனா அர­சாங்­கத்தை வலி­யு­றுத்தியுள்­ளது.

கொழும்பு கிரு­லப்­ப­னை­யி­லுள்ள பொது­பல சேனா அமைப்பின் அலு­வ­ல­கத்தில் நேற்று செவ்­வா­ய்க்­கி­ழமை இடம்­பெற்ற ஊட­க­வி­ய­லாளர் மாநாட்­டி­லேயே அதன் பொதுச் செய­லாளர் கல­கொட அத்தே ஞான­சார தேரர் தெரி­வித்­துள்ளார்.

இலங்­கையில் முஸ்லிம் அடிப்­ப­டை­வா­திகள் தலை­தூக்கி வரு­வ­தாக நாம் மூன்று வரு­டங்­க­ளுக்கு முன்­பி­ருந்தே கூறி வரு­கின்றோம். நாம் இந்த ஆபத்து எச்­ச­ரிக்கை சமிக்­ஞையை பல­முறை விடுத்தோம்.

இது முஸ்லிம் மக்­க­ளுக்கு எதி­ராக நாம் செய்த பிர­சா­ர­மல்ல. முஸ்லிம் அடிப்­ப­டை­வா­திகள் தொடர்­பா­கவே எச்­ச­ரிக்­கைகள் விடுத்தோம். ஆனால் அன்று எம்மை இன­வா­திகள் என முத்­திரை குத்­தி­னார்கள். இன்று இலங்­கையைச் சேர்ந்த முஸ்லிம் ஒருவர் ஐ.எஸ்.ஐ.எஸ் தீவி­ர­வாத அமைப்பின் உறுப்­பி­ன­ராக இருந்­துள்­ள­தோடு சிரி­யாவில் நடத்­தப்­பட்ட விமானத் தாக்­கு­தலில் உயி­ரி­ழந்­துள்ளார்.

அன்று நாம் சொன்­னது இன்று உண்­மை­யென்­பது நிரூ­ப­ண­மா­கி­யுள்­ளது. எனவே அர­சாங்கம் உட­ன­டி­யாக இலங்­கையில் இயங்கும் முஸ்லிம் அடிப்­ப­டை­வாத அமைப்­புக்­களை தடை­செய்ய வேண்டும். பாது­காப்பு தரப்­பி­னரும் இவ்­வா­றான அமைப்­புக்கள் தொடர்­பாக விழிப்­பாக இருக்க வேண்டும்.

இலங்கை சிங்­கள பௌத்­தர்­க­ளுக்கு சொந்­த­மான நாடு. இங்கு தமிழ்இ முஸ்லிம் என இனக் குழுக்கள் வாழ்­கின்­றார். ஆனால் அவர்­களை இலங்­கை­யர்­க­ளாக ஏற்றுக் கொள்ள முடி­யாது. 1970களில் இருந்து இலங்­கையின் தனித்­துவம் தொடர்­பாக வலி­யு­றுத்­தப்­பட்டு வரு­கி­றது. ஆனால் இது நாட்டில் அமுலில் உள்­ளதா? இல்லை. இலங்­கைக்கும் பாகிஸ்­தா­னுக்கும் இடையில் கிரிக்கட் போட்டி நடக்கும் போது பாகிஸ்­தா­னுக்­காக இங்­குள்ள முஸ்லிம் இளை­ஞர்கள் கர­கோசம் செய்­கின்­றனர்.

அவர்­க­ளிடம் இலங்­கையின் தனித்­துவம் பாது­காக்­கப்­பட வேண்டும் என்ற கொள்கை எங்கு போனது. சிங்­கள பௌத்­தர்­களை பாது­காக்­கவே நாம் செயற்­ப­டு­கின்றோம். சிங்­க­ள­வர்­க­ளுக்கு பிரச்­சினை உள்­ளது என்­பதை ஏற்றுக் கொள்ள ரணில்இ மஹிந்தஇ சந்திரிக்காவால் முடியாதுள்ளது என்றும் ஞானசார தேரர் தெரிவித்துள்ளார்.

இந்த ஊடகவியலாளர் மாநாட்டில் பொதுபல சேனாவின் நிர்வாகப் பணிப்பாளர் டிலந்த விதானகேவும் கலந்து கொண்டார்.

Read More