வீட்டுத்திட்ட உதவியை வழங்க பாலியல் இலஞ்சம்;கிளிநொச்சியில் சம்பவம்

கிளி­நொச்­சியில் யுத்­தத்தால் பாதிக்­கப்­பட்ட மக்­க­ளுக்­கான வீட்­டுத்­திட்ட உத­வியை வழங்­கு­வ­தற்கு பாலியல் இலஞ்சம் கோரப்­பட்­டுள்­ள­தாக குற்­றச்­சாட்டு முன்­வைக்­கப்­பட்­டுள்­ளது.கிளி­நொச்சி முழங்­காவில் பகு­தியில் மேற்­கொள்­ளப்­படும் இந்­திய வீட்­டுத்­திட்­டத்தின்
கீழான பய­னாளிப் பெண் ஒரு­வ­ரி­ட­மி­ருந்து பாலியல் இலஞ்சம் கோரப்­பட்­டுள்­ள­தாக தெரிய வரு­கின்­றது.

இந்த விடயம் குறித்து இலங்கை செஞ்­சி­லுவை சங்­கத்தின் கிளி­நொச்சி மாவட்ட அலு­வ­ல­கத்தில் குறித்த பெண் நேர­டி­யாக முறைப்­பாடு செய்­துள்ளார்.

இந்த வீட்­டுத்­திட்­டத்தை வடக்கில் செயற்­ப­டுத்தும் ஒரு பங்­கா­ளி­யாக இலங்கை செஞ்­சி­லுவை சங்கம் செயற்­ப­டு­கின்றது.

முழங்­காவில் பகு­தியில் இந்­திய வீட்­டுத்­திட்ட பணிகள் கடந்த 2012 ஆம் ஆண்டு ஆரம்­பிக்­கப்­பட்­டுள்­ளன.

இந்த திட்­டத்தின் கீழ் கட்டம் கட்­ட­மாக நிதி வழங்­கப்­பட்டு வரு­கின்ற நிலையில் முதற்­கட்ட நிதிக்­கான பணிகள் நிறை­வ­டைந்து அடுத்த கட்ட நிதி வழங்­கப்­ப­ட­வுள்­ளது.

இலங்கை செஞ்­சி­லுவை சங்க கொழும்பு அதி­கா­ரி­களே நிதி விடுப்­புக்­கான அனு­ம­தியை வழங்­கு­வ­தா­கவும் அவர்­களில் இரு­வரே நிதி வழங்­கு­வ­தற்­கான பாலியல் இலஞ்சம் கோரி­னார்கள் எனவும் குறித்த பெண் குற்றம் சுமத்­தி­யுள்ளார்.

இந்த விடயம் தொடர்பில் இலங்கை செஞ்­சி­லுவை சங்­கத்தின் கிளி­நொச்சி மாவட்ட அலு­வ­ல­கமும் கொழும்­பி­லி­ருந்து அனுப்­பப்­பட்ட விசேட அலு­வ­ல­கமும் விசா­ர­ணை­களை மேற்­கொண்­டுள்­ள­தாக தெரி­விக்­கப்­பட்­டுள்­ளது.

இதன்­போது பாலியல் இலஞ்சம் தொடர்­பான பல சம்­ப­வங்கள் இனம் காணப்­பட்­ட­தாக குறிப்­பிட்­டுள்­ளனர்.

கண­வனை இழந்த பெண் ஒரு­வரே இவ்­வாறு முறைப்­பாடு செய்­துள்­ள­தாக தெரி­விக்­கப்­பட்­டுள்­ளது.

இதே­வேளை வேறு பல­ரி­டமும் இவ்­வாறு பாலியல் இலஞ்சம் கோரப்­பட்­டுள்­ள­தா­கவும் சிலர் இந்த கோரிக்­கை­க­ளுக்கு இணங்கி சென்­ற­தா­கவும் தெரிய வரு­கின்­றது.

விடு­முறை நாட்­களில் அவர்கள் குறிப்­பிடும் இடத்­துக்கு சென்று மேல­தி­கா­ரியை சந்­தித்தால் இல­குவில் நிதியை பெற்­றுக்­கொள்­ளலாம் என தொழில் நுட்ப அலு­வலர் ஒருவர் குறித்த பெண்­ணிடம் சொன்­ன­தாக இந்த பெண் தெரி­வித்­துள்ளார்.

வீட்­டுத்­திட்ட பணத்தை உரிய நேரத்தில் தரு­வ­தில்லை எனவும் மீறி தாம் கேட்டால் மனி­தா­பி­மா­ன­மற்ற முறையில் பேசி மிரட்­டு­கின்­றார்கள் எனவும் வீட்­டுத்­திட்ட பய­னா­ளிகள் தெரி­விக்­கின்­றனர்.

இது­வரை பாலியல் இலஞ்சம் உள்­ளிட்ட 25 முறைப்­பா­டுகள் கிடைத்­துள்­ள­தாக செஞ்சிலுவை சங்கத்தின் கிளிநொச்சி மாவட்ட செயலாளர் தெரிவித்துள்ளார்.

இவற்றின் மீது தங்களால் எந்தவித நடவடிக்கையும் மேற்கொள்ள முடியாது எனவும் தலைமைக்காரியாலயம் இதற்கான நடவடிக்கை எடுக்க வேண்டும் எனவும் அவர் தெரிவித்துள்ளார்.