எதிர்வரும் நவம்பர் மாதம் 7 ஆம் திகதி நடைபெறவுள்ள இளைஞர் பாராளுமன்ற தேர்தலில் மட்டு.மாவட்டத்திலிருந்தும் மூவர் தேர்தல் மூலம் தெரிவு செய்யப்படவுள்ளதாக தேசிய இளைஞர் சேவைகள் மன்றத்தின் மாவட்ட உதவிப்பணிப்பாளர் எம்.எல்.எம்.என்.நைறுஸ் தெரிவித்தார்.
இது தொடர்பாக அவர் மேலும் தெரிவிக்கையில், தேசிய இளைஞர் சேவைகள் மன்றம் நடத்தும் இந்த இளைஞர் பாராளுமன்றத் தேர்தலில் இம் மாவட்டத்திலிருந்தும் மூவர் தெரிவு செய்யப்படவுள்ளனர்.
இதில் மண்முனை வடக்கு, ஏறாவூர்பற்று, கோறளைப்பற்று தெற்கு, கோறளைப்பற்று, கோறளைப்பற்று வடக்கு ஆகிய பிரதேச செயலாளர் பிரிவுகளை உள்ளடக்கி ஒரு உறுப்பினரும், காத்தான்குடி, ஏறாவூர் நகர், கோறளைப்பற்று மத்தி, கோறளைப்பற்று மேற்கு ஆகிய பிரதேச செயலாளர் பிரிவுகளை உள்ளடக்கி ஒரு உறுப்பினரும், மண்முனை மேற்கு, மண்முனை தென்மேற்கு, மண்முனை தென் எருவில் பற்று, மண்முனைப்பற்று, போரதீவுப்பற்று ஆகிய பிரதேச செயலாளர் பிரிவுகளை உள்ளடக்கி மற்றுமொரு உறுப்பினருமாக மூன்று பேர் தெரிவு செய்யப்படவுள்ளனர்.
இந்த இளைஞர் பாராளுமன்ற தேர்தலுக்கான வேட்புமனுத்தாக்கல் எதிர்வரும் 28 ஆம் திகதி புதன்கிழமை ஒவ்வொரு பிரதே செயலகத்திலும் நடைபெறவுள்ளது.
இந்த தேர்தல் வேட்புமனுப்பத்திரத்தை ஏற்றுக்கொள்வதற்காக அந்தந்தப் பிரதேச செயலாளர்கள் அல்லது பிரதேச செயலாளரினால் நியமிக்கப்படும் பிரதிநிதி, தேசிய இளைஞர் சேவைகள் மன்றத்தின் பிரதேச இளைஞர் சேவைகள் அதிகாரி, பொலிஸ் நிலைய பொறுப்பதிகாரி அல்லது அவரினால் நியமிக்கப்படும் பொலிஸ் அதிகாரி, மற்றும் அந்தப்பிரதேச செயலாளர் பிரிவிலுள்ள சமூக சேவை நிறுவனமொன்றின் நிறைவேற்றுக்குழு பிரதிநிதி மற்றும் பிரதேச இளைஞர் சம்மேளனத்தினால் நியமிக்கப்படும் தேர்தலில் போட்டியிடாத பிரதி நிதி ஆகியோர் நியமிக்கப்படவுள்ளனர்.
இந்த தேர்தலில் போட்டியிடும் வேட்பா ளர் இளைஞர் கழக நிறைவேற்றுக்குழு உறுப்பினராக இருப்பதுடன் குறித்த பிர தேச செயலாளர் பிரிவில் நிரந்தரமாக வசிப்பவராக இருத்தல் வேண்டும். அத்து டன் குற்றச்செயல்களில் ஈடுபடாதவராக இருத்தல் வேண்டும். தேசிய இளைஞர் சேவைகள் மன்றத்தின் சம்மேளன பிரதிநிதி மற்றும் மாவட்ட இளைஞர் சம்மேளன தலைவர் ஆகியோர் இத் தேர்தலில் போட்டியிட முடியாது என இம் மன்றத்தின் மாவட்ட உதவிப்பணிப்பாளர் எம்.எல்.எம்.என்.நைறுஸ் மேலும் தெரிவித்தார்.
virakesary
