பெலியத்தை வைத்தியசாலையில் இடம்பெற்ற மோதலில் வைத்தியசாலையில் சிகிச்சை பெற்று வந்த நபர் ஒருவர் காயமடைந்துள்ளதாக பொலிஸ் ஊடகப்பிரிவு தெரிவித்துள்ளது.
நேற்றிரவு வைத்தியசாலைக்குள் அத்துமீறி பிரவேசித்த சிலரே இந்த தாக்குதலை மேற்கொண்டுள்ளனர்.
சம்பவத்தில் 27 வயதுடைய இளைஞர் ஒருவரே காயமடைந்துள்ளார்.காயமடைந்த நபர் தங்காலை வைத்தியசாலைக்கு மாற்றப்பட்டுள்ளார்.
பொலிஸார் சம்பவம் தொடர்பில் மேலதிக விசாரணைகளை மேற்கொண்டு வருகின்றனர்.
