நல்லாட்சியில் பெற்றுக் கொண்ட நல்ல அமைச்சுகளும் உறங்கு நிலையில் தொடரும் முஸ்லிம் விவகாரங்களும்

நல்லாட்சியில் பெற்றுக் கொண்ட நல்ல அமைச்சுகளும் உறங்கு நிலையில் தொடரும் முஸ்லிம் விவகாரங்களும்

By Unknown   10:52:00 PM   No comments:

ஏ.எச்.சித்தீக் காரியப்பர்

நல்லாட்சி அரசின் நூறு நாள் வேலைத் திட்டம் என்ற கால எல்லை முடிவடையும் நிலையில் அந்த திட்டத்தின் கீழ் தொடங்கிய சில பணிகளை புதிய அரசு முனைப்புடன் முன்னெடுத்துச் செல்கிறது. பொதுமக்கள் நலன் தேசிய அபிவிருத்தி, அரசியல் என்று இன்னோரன்ன விடயங்கள் அந்த திட்டத்தில் அடங்கப் பெற்றுள்ளன. 

ஆட்சியமைப்பதற்கு உறுதுணையாக நின்ற கட்சிகள் விசேடமாக, சிறுபான்மை இனக் கட்சிகள் முன்வைத்த சில கோரிக்கைகளையும் ஏற்றுக் கொண்ட நிலையில் அவற்றின் சிலவற்றையும் புதிய அரசு நூறுநாட்கள் திட்டத்தின் கீழ் நிறைவேற்றிக் கொடுக்கவும் தவறவில்லை.

இந்த அடிப்படையில் தமிழ்த் தேசியக் கூட்டமைப்பான தமிழர் சமுதாயம் சார்பாக முன்வைத்த பல கோரிக்கைகளில் சிலவற்றினை அதாவது, கையளவேனும் நிறைவேற்றிக் கொடுத்துள்ளது புதிய அரசு. வடக்கில் ஆயிரக்கணக்கான ஏக்கர் நிலங்கள் இராணுவக் கட்டுப்பாட்டில் இருந்த நிலையில் அவற்றில் சில நூறு ஏக்கர்களேனும் விடுவிக்கப்பட்டு உரிமையாளர்களிடம் ஒப்படைக்கப்பட்டமை, வடக்கு, கிழக்கில் இராணுவ சேவையிலிருந்த ஆளுநர்களுக்குப் பதிலாக சிவில் அதிகாரிகள் இருவரை இரு மாகாணங்களுக்கும் நியமித்தமை, வடக்கில் தொழில்வாய்ப்புகளை வழங்கியமை என்று சில விடயங்களைச் சிறிதாகவேனும் இன்றைய அரசு நிறைவேற்றிக் கொடுத்துள்ளது.

Read More

தாருல் அதர் அத்தஅவிய்யா தஃவா அமைப்பின் ஏற்பாட்டில் பிரபல தென்னிந்திய மார்க்க பிரச்சாரகர்கள் கலந்து கொள்ளும் மார்க்க பிரச்சாரக் கூட்டங்கள் -காத்தான்குடியில்

தாருல் அதர் அத்தஅவிய்யா தஃவா அமைப்பின் ஏற்பாட்டில் பிரபல தென்னிந்திய மார்க்க பிரச்சாரகர்கள் கலந்து கொள்ளும் மார்க்க பிரச்சாரக் கூட்டங்கள் -காத்தான்குடியில்

By Unknown   9:59:00 PM   No comments:

(பழுலுல்லாஹ் பர்ஹான்)

தாருல் அதர் அத்தஅவிய்யா தஃவா அமைப்பின் ஏற்பாட்டில் பிரபல தென்னிந்திய மார்க்க பிரச்சாரகர் கோவை எஸ். அய்யூப் மற்றும் தென்னிந்திய மார்க்க பிரச்சாரகர் ஹாமிம் பிர்தௌஸி ஆகியோர் கலந்து கொள்ளும் மார்க்க பிரச்சாரக் கூட்டங்கள் இம்மாதம் காத்தான்குடி மற்றும் அதனை அண்டிய பாலமுனை,காங்கேயனோடை பிரதேசத்திலும் இடம்பெறவுள்ளது.

ஆண்களுக்கான மார்க்க பிரச்சாரக் கூட்டங்கள் ஏப்ரல் 22ம் திகதி புதன்கிழமை காத்தான்குடி ஹிஸ்புல்லாஹ் விளையாட்டு மைதானத்திலும்,ஏப்ரல் 23ம் திகதி வியாழக்கிழமை பூநொச்சிமுனை கடற்கரையிலும்,ஏப்ரல் 24ம் திகதி வெள்ளிக்கிழமை காத்தான்குடி அன்வர் கடற்கரையிலும்,ஏப்ரல் 25ம் திகதி சனிக்கிழமை காங்கேயனோடை அல் அக்ஸா மைதானத்திலும்,ஏப்ரல் 26ம் திகதி காத்தான்குடி-06 பஸ்மலா சதுக்கத்திலும்,ஏப்ரல் 27ம் திகதி பாலமுனை அம்மார் ஜூம்ஆ பள்ளி அருகிலும் மாலை நேரங்களில் பிற்பகல் 06.30 மணிக்கு இடம்பெறவுள்ளதாகவும் ,பெண்களுக்கான மார்க்க பிரச்சாரக் கூட்டங்கள் ஏப்ரல் 23ம் திகதி வியாழக்கிழமை காத்தான்குடி ஹிஸ்புல்லாஹ் மண்டபத்திலும்,ஏப்ரல் 25ம் திகதி சனிக்கிழமை காத்தான்குடி ஜாமிஉல் அதர் ஜூம்மா பள்ளிவாயலிலும் காலை 10.மணிக்கு இடம்பெறவுள்ளதாக தாருல் அதர் அத்தஅவிய்யா தஃவா அமைப்பின் தலைவர் வை.பீ.ஏ.றவூப் தெரிவித்தார்.

இதில் அணைத்து இஸ்லாமிய சகோதர ,சகோதரிகளையும் கலந்து கொண்டு பயன்பெறுமாறு தாருல் அதர் அத்தஅவிய்யா தஃவா அமைப்பு வேண்டுகோள் விடுக்கின்றது.

மேற்படி அனைத்து மார்க்க பிரச்சாரக் கூட்டங்களும் ஸாஜில் மீடியா நெட்வேர்க் பிறைவட் லிமிடட்டின் இணைய டிவி ஊடாக www.dharulathar.com, wwwzajilnews.lk    இணையத்தளங்களில்  நேரடி ஒளிபரப்பு செய்யப்படவுள்ளமை குறிப்பிடத்தக்கது.

Read More

இலங்கையின் முதலாவது ஹோட்டல் முகாமைத்துவ மாநாடு

இலங்கையின் முதலாவது ஹோட்டல் முகாமைத்துவ மாநாடு

By Unknown   9:51:00 PM   No comments:

இலங்கையில் நடத்தப்படும் முதலாவது ஹோட்டல் முகாமைத்துவ மாநாடு எதிர்வரும் மே மாதம் 12-13ஆம் திகதிகளில கொழும்பு - தாஜ் சமுத்திரா ஹோட்டலில் நடைபெறவுள்ளது.

இலங்கை ஹோட்டல் பாடசாலையின் பட்டதாரிகள் அமைப்பு ஏற்பாடு செய்துள்ள இம்மாநாடானது 'விருந்தோம்பல் தலைவர்களுக்கான நுணுக்க முகாமைத்துவம்" என்ற தொனிப்பொருளில் நடைபெறவுள்ளது.

(ஜுனைட்.எம்.பஹ்த்)

Read More

தேர்தல் முறை மாற்றம் பற்றிய 20 ஆவது யாப்புத் திருத்தம் தொடர்பிலான ஆலோசனைகள் முன்வைப்பு

தேர்தல் முறை மாற்றம் பற்றிய 20 ஆவது யாப்புத் திருத்தம் தொடர்பிலான ஆலோசனைகள் முன்வைப்பு

By Unknown   9:49:00 PM   No comments:

(புவி. எம்.ஐ. றஹ்மதுழ்ழாஹ்)

தேர்தல் முறை மாற்றம் பற்றிய  20 ஆவது யாப்புத் திருத்தம் தொடர்பிலான ஆலோசனைகள் ஸ்ரீலங்கா சுதந்திரக் கட்சியினால் முடிவு செய்யப்பட்டு ஏனைய கட்சிகளின் தலைவர்களிடம் கையளிக்கப்பட்டுள்ளன.

கடந்த வெள்ளிக்கிழமை காலை நடை பெற்ற கட்சித் தலைவர்களின் கூட்டத்தின்போது கையளிக்கப்பட்ட இந்தப் பிரேரணையின் உள்ளடக்கம் வருமாறு:

Read More

கட்டாரில் 'கருத்து வேறுபாடுகளும் ஸஹாபாக்களும்' எனும் தலைப்பில் விஷேட பயான் நிகழ்ச்சி

கட்டாரில் 'கருத்து வேறுபாடுகளும் ஸஹாபாக்களும்' எனும் தலைப்பில் விஷேட பயான் நிகழ்ச்சி

By Unknown   4:33:00 PM   No comments:

தகவல்-(கத்தாரிலிருந்து அஷ்ஷெய்க் பழுலுல்லாஹ் பாஸி பஹ்ஜான்-அப்பாஸி)

கட்டாரில் 'கருத்து வேறுபாடுகளும் ஸஹாபாக்களும்'  எனும் தலைப்பில் விஷேட பயான் நிகழ்ச்சி நாளை 20 திங்கட்கிழமை இரவு 8.00 மணி முதல் 8.45 மணி வரை பனார் இஸ்லாமிய கலாச்சார நிலையம் ஸனாஇய்யாக் கிளையில் இடம்பெறும்.

Read More

கிழக்கு மலேசிய சரவாக் தொழில்நுட்பவியல் பல்கலைக்கழக கல்லூரியின் பிரதிநிதிகள் பாராளுமன்ற உறுப்பினர் ஹிஸ்புல்லாஹ்வுடன் சந்திப்பு-படங்கள்.

கிழக்கு மலேசிய சரவாக் தொழில்நுட்பவியல் பல்கலைக்கழக கல்லூரியின் பிரதிநிதிகள் பாராளுமன்ற உறுப்பினர் ஹிஸ்புல்லாஹ்வுடன் சந்திப்பு-படங்கள்.

By Unknown   3:59:00 PM   No comments:

(பழுலுல்லாஹ் பர்ஹான்)

 

இலங்கைக்கு விஜயம் மேற்கொண்டுள்ள மலேசியா நாட்டின் 'சரவாக்'தொழில்நுட்பவியல் பல்கலைக்கழக கல்லூரியின் பிரதிநிதிகள் இன்று 19-04-2015 ஞாயிற்றுக்கிழமை மட்டக்களப்பு பல்கலைக்கழக கல்லூரியின் தலைவரும், பாராளுமன்ற உறுப்பினருமான எம்.எல்.ஏ.எம்.ஹிஸ்புல்லாஹ்வை அவரது காத்தான்குடி காரியாலத்தில் வைத்து சந்தித்தனர்.

Read More

காத்தான்குடி-அல்-ஹிறா மகா வித்தியாலயம்- (யூஸ்) கல்வி மற்றும் சமூகத்திற்கான ஒன்றியத்தின் மனித நேயம் பேணும் சிரமதானம் மூலம் துப்பரவு-படங்கள்

காத்தான்குடி-அல்-ஹிறா மகா வித்தியாலயம்- (யூஸ்) கல்வி மற்றும் சமூகத்திற்கான ஒன்றியத்தின் மனித நேயம் பேணும் சிரமதானம் மூலம் துப்பரவு-படங்கள்

By Unknown   3:56:00 PM   No comments:

(பழுலுல்லாஹ் பர்ஹான்)

மட்டக்களப்பு மாவட்டத்தில் காத்தான்குடி பிரதேச செயலாளர் பிரிவில் இயங்கிவரும் (யூஸ்) கல்வி மற்றும் சமூகத்திற்கான ஒன்றியத்தின் ஏற்பாட்டில் மனித நேயம் பேணும் சிரமதான நிகழ்வு 19-04-2015 இன்று ஞாயிற்றுக்கிழமை காத்தான்குடி-05 அல்-ஹிறா மகா வித்தியாலயத்தில் இடம்பெற்றது.

(யூஸ்) கல்வி மற்றும் சமூகத்திற்கான ஒன்றியத்தின் தலைவர் எம்.ஏ.எம்.சயீத் தலைமையில் இடம்பெற்ற இவ் சிரமதான நிகழ்வில் கல்வி மற்றும் சமூகத்திற்கான ஒன்றியத்தின் உப தலைவர் எம்.எச்.எம்.அபீப்,கல்வி மற்றும் சமூகத்திற்கான ஒன்றியத்தின் செயலாளர் எம்.ஐ.எம்.சிஹாப் உட்பட அதன் பிரதிநிதிகள் பலரும் கலந்து கொண்டனர்.

Read More

தாமரைக் கோபுர நிர்­மாணப் பணி­களைத் தொடர அனு­மதி

தாமரைக் கோபுர நிர்­மாணப் பணி­களைத் தொடர அனு­மதி

By Unknown   2:36:00 PM   No comments:

தெற்­கா­சி­யா­வி­னதும், இந்­தியப் பெருங்­கடல் பிராந்­தி­யத்­தி­னதும் பாது­காப்­புக்கு அச்­சு­றுத்­த­லா­னது என்று, இந்­திய பாது­காப்பு வல்­லுநர்­களால் எச்­ச­ரிக்­கப்­பட்ட, தாமரைக் கோபுர நிர்­மாணப் பணி­களை தொடர்ந்து மேற்­கொள்ள அனு­மதி வழங்­கப்­பட்­டுள்­ளது.

மூன்று மாதங்­க­ளுக்குள் தாமரைக் கோபுரம் அமைந்­துள்ள நிலத்தின் உரிமை தொடர்­பான சர்ச்­சைக்கு முடிவு காண்­ப­தாக இணக்கம் காணப்­பட்­ட­தை­ய­டுத்து, இலங்கை தொலைத்­தொ­டர்பு ஒழுங்­கு­ப­டுத்தல் ஆணைக்­குழு, துறை­முக அதி­கார சபை, நகர அபி­வி­ருத்தி அதி­கா­ர­சபை ஆகி­யன, தாமரைக் கோபுர நிர்­மாணப் பணி­களைத் தொடர்­வ­தெனத் தீர்­மா­னிக்­கப்­பட்­டுள்­ளது.

Read More

அர­சியல் பழி வாங்­கல்­களை ஆராய அமைச்­ச­ரவை உப­குழு

அர­சியல் பழி வாங்­கல்­களை ஆராய அமைச்­ச­ரவை உப­குழு

By Unknown   2:32:00 PM   No comments:

அரச நிறு­வ­னங்­களில் இடம்­பெற்ற மற்றும் இடம்­பெற்று வரும் அர­சியல் பழி­வாங்­கல்கள் குறித்து கண்­ட­றி­வ­தற்­காக ஜனா­தி­பதி மைத்­தி­ரி­பால சிறி­சே­ன­வின பரிந்­து­ரை­யின்­படி அமைச்­ச­ரவை உப­கு­ழு­வொன்று நிய­மிக்­கப்­பட்­டுள்­ளது.

அரச நிறு­வ­னங்­களில் அர­சியல் அழுத்­தங்கள் கார­ண­மாக மேற்­கொள்­ளப்­படும் இட மாற்­றங்கள் மற்றும் பழி­வாங்­கல்கள் தொடர்­பாக எதிர்க்­கட்சித் தலைவர் நிமல் சிறி­பால டி சில்வா ஜனா­தி­ப­தியின் கவ­னத்­துக்கு கொண்டு வந்ததையடுத்து இந்த அமைச்சரவை உப குழு நியமிக்கப்பட்டுள்ளது.

Read More

'சம்மேளனத் தலைவரின் பக்கச்சார்பான, எதேச்சாதிகாரமான நடவடிக்கைகள்'

'சம்மேளனத் தலைவரின் பக்கச்சார்பான, எதேச்சாதிகாரமான நடவடிக்கைகள்'

By Unknown   2:03:00 PM   No comments:

புவி. எம். றஹ்மதுழ்ழாஹ் - காத்தான்குடி

காத்தான்குடி பள்ளிவாசல்கள் முஸ்லிம் நிறுவனங்கள் சம்மேளனத் தலைவர் மீது அதிருப்தி தெரிவித்து பிரதேசவாசி எழுதியுள்ள கடிதம்

காத்தான்குடியின் தாய் நிறுவனமெனச் சொல்லப்படும் பள்ளிவாசல்கள் முஸ்லிம் நிறுவனங்களின் சம்மேளனத் தலைவர் அல்ஹாஜ் எம்.ஐ.எம். சுபைர் CC அவர்களின் நடவடிக்கைகள் குறித்து புதிய காத்தான்குடி 03, தக்வா வீதி இல: C 13/4 எனும் முகவரியைச் சேர்ந்த ஏ.எம். பர்சாத் என்பவர் தனது அதிருப்தியைத் தெரிவித்து சம்மேளன நிர்வாக சபைக்கு கடிதம் ஒன்றை அனுப்பியுள்ளார்.

மேற்படி கடிதத்தின் பிரதிகள். காத்தான்குடி ஜம்இய்யதுல் உலமா சபை, அகில இலங்கை ஜம்இய்யதுல் உலமா மற்றும் தஃவா அமைப்புக்கள் என்பவற்றுக்கும் அனுப்பப்பட்டுள்ளன.

'சம்மேளனத் தலைவரின் பக்கச்சார்பான, எதேச்சாதிகாரமான நடவடிக்கைகள்' எனும் தலைப்பில் வரையப்பட்டுள்ள மேற்படி கடிதத்தில் தெரிவிக்கப்பட்டுள்ளதாவது:

அஸ்ஸாலாமு அலைக்கும்.

நமதூரின் தாய் நிறுவனமான சம்மேளனத்தின் நன்மைதிப்பும் மக்கள் அங்கீகாரமும் தொடர்ந்தும் பாதுகாக்கப்பட வேண்டும் என்ற நல்லெண்ணத்துடனேயே இதனை எழுதுகிறேன்.

நமதூரின் பல்வேறு சமூக விவகாரங்களில் தலைமை தாங்கிச் செயற்படும் சம்மேளனக் கட்டமைப்பின் முதுகெலும்பாக காத்தான்குடி ஜம்இய்யதுல் உலமாசபை இருக்கின்றது. மார்க்க விவகாரங்களில் நம் எல்லோரையும் வழிநடாத்துகின்ற, தீர்ப்புச் சொல்லுகின்ற உரிமையும் பொறுப்பும் உலமா சபைக்கே உரியது.

இதனை முழுமையாக மதித்து நடக்கும் வகையிலேயே சமேளனத்தின் நடவடிக்கைகளும் இதுவரை காலமும் இருந்து வந்துள்ளன. உலமா சபையின் மார்க்க ரீதியான வழிகாட்டுதல்களுடனும் அங்கீகரத்துடனும்தான் சம்மேளனம் இயங்குகின்றது என்பதன் காரணமாகவே தாய் நிறுவனம் என்கின்ற அந்தஸ்தும் அங்கீகாரமும் மக்களால் சம்மேளனத்துக்கு வழங்கப்பட்டும் உள்ளது.

இருப்பினும் சம்மேளனத்துக்கு தற்போதைய தலைவராகச் செயற்படும் சுபைர் சி.சி. அவர்களின் பக்கச்சார்பான சொந்த நலன் சார்ந்த நடவடிக்கைகள் சம்மேளனத்தின் நன்மதிப்புக்கும் மக்கள் அங்கீகாரத்துக்கும் பெரும் குந்தகத்தை ஏற்படுத்தியுள்ளது. குறிப்பாக காத்தான்குடி நூதனசாலை விடயத்தில் எழுப்பப்பட்ட சர்ச்சைகளுக்கு மார்க்க ரீதியான தெளிவான நிலைப்பாடுகளை காத்தான்குடி உலமாசபை முன்வைக்க முட்பட்ட தருணங்களில் இவர் பக்கச்சார்பாகவே நடந்துக்கொண்டுள்ளார் என்பது தற்போது தெளிவாக இருக்கின்றது.

குறித்த நூதனசாலையில் வைக்கப்பட்டுள்ள சிலைகள் தொடர்பான மார்க்கத் தீர்ப்பினை காத்தான்குடி உலமாசபை மாத்திரமன்றி அகில இலங்கை ஜம்இய்யதுல் உலமா சபையும் மிகத் தெளிவாக அறிவித்துள்ளன. இதனை  கடந்த ஜும்ஆவின் பின்னர் பள்ளிவாயல்களினூடாக பொதுமக்களுக்கு அறிவிப்பதற்கு உலமாசபையினால் எடுக்கப்பட்ட முயற்சியினை சுபைர ;சி.சி எதேர்ச்சதிகாரமாகத் தடுத்துள்ளார்.

தான் தலைமை தாங்கும் பள்ளிவாயல்களில் மாத்திரமன்றி ஏனைய பள்ளிவாயல்களிலும் குறித்த விடயம் மக்களுக்குத் தெளிவுபடுத்தப்படுவதனையும் இவர் தடுத்துள்ளார். உலமாசபையின் இந்த அறிவிப்பானது எமது பிரதேசத்தின் தௌஹீத் பள்ளிவாயல்கள் உள்ளிட்ட ஒரு சில பள்ளிவாயல்களில் மாத்திரமே அறிவிக்கப்பட்டுள்ளது.

இந்த நூதனசாலை சிலை விவகாரம் தொடர்பில் கடந்த 26.02.2015 அன்று உலமாசபை சம்மேளனத்துடன் நடத்திய கூட்டத்தின்போது எடுக்கப்பட்ட தீர்ப்பின்படி உலமாசபையின் பிரதிநிதிகளைக் குறித்த நூதனசாலைக்கு அழைத்துச் சென்று பார்வையிட சந்தர்ப்பம் வழங்கப்பட வேண்டும் என்று தீர்மானிக்கப்பட்டது. அந்தப் பொறுப்பும் சுபைர் சி.சி. அவர்களிடமே ஒப்படைக்கப்பட்டது. இருந்தாலும் இறுதி வரை அந்தப் பொறுப்பை அவர் நிறைவேற்றவேயில்லை. இந்த விடயமும் உலமா சபையினால் வெளியிடப்பட்ட அறிக்கையில் தெளிவாகச் சொல்லப்பட்டுள்ளது.

தான் கொண்டுள்ள பக்கச்சார்பான அரசியல் நிலைப்பாடு மாத்திரமன்றி இவ்வாறு தனது பெயரும் உலமாசபையின் அறிக்கையில் குறிப்பிடப்பட்டுள்ளதன் காரணமாகவே இந்த அறிக்கை வாசிக்கப்படுவதனை இவர் தடுத்து நிறுத்தியுள்ளார். இது அவர் வகிக்கும் சம்மேளனத் தலைவர் பதவிக்கு சற்றும் பொருந்தாத பக்கச்சார்பான எதேர்சதிகாரமான நடவடிக்கையாகும்.

சம்மேளனத்தின் முக்கிய பதவிகளை வகிப்போர்களுக்கு எவ்வகையிலும் பொருந்தாத வகையில் கடந்த காலங்களிலும்கூட இவரது நடவடிக்கைகள் அமைந்திருந்தன.

உதாரணமாக, கடந்த நகர சபைத் தேர்தலின்போது நா.உ. ஹிஸ்புல்லாஹ்வினால் நிறுத்தப்பட்ட அணியின் ஒரு வேட்பாளராக போட்டியிட்ட இவர், தனது வெற்றியினை உறுதிப்படுத்துவதற்காக பல கீழ்த்தரமான நடவடிக்கைளை மேற்கொண்டார். தனக்கு எதிராகப் போட்டியிட்ட அணிக்கு ஆதரவான உலமாக்களின் தஃவா நடவடிகளைக் கீழ்த்தரமாகக் கொச்சைப்படுத்தி மொட்டைப் பிரசுரங்களை அடித்து வீடு வீடாக விநியோகித்தார். அந்த நேரத்தில் கையும் களவுமாகப் பிடிபட்ட அவர் பொலிஸிலும் ஆஜர்படுத்தப்பட்டார். மாத்திரமன்றி தனது அணியினர் மேற்கொண்ட சகலவிதமான மார்க்க விரோத அநாகரிக, அநியாய நடவடிக்கைகள் அத்தனைக்கும் உறுதுணையாக இவர் நின்றார்.

அதுபோலவே கடந்த ஜனாதிபதி தேர்தலிலும்கூட ஒட்டுமொத்த முஸ்லிம்களின் அபிலாசைகளுக்கு விரோதமாக மறைமுகமாக இவர் செயற்பட்டார். ஒரு தேர்தலில் எந்த நிலைப்பாட்டை எடுப்பது என்பது அவரது சொந்த அரசியல் உரிமை என்றாலும்கூட, ஒரு முஸ்லிமைப் பொரறுத்தவகையில் அந்த நிலைப்பாடு மார்க்கத்துக்கு விரோதமாகவோ சமூகத்துக்கு விரோதமாகவோ அமைய முடியாது.

கடந்த ஜனாதிபதித் தேர்தலின்போது வன்முறைகள் தடுக்கப்பட வேண்டும் என நமது சம்மேளம் மக்களுக்கு அறிவுரை சொல்லிக்கொண்டிருந்த சந்தர்ப்பத்தில் சுபைர் சி.சி. அவர்களோ மஹிந்த ராஜபக்க்ஷ அவர்களுக்கு எதிராக பிரச்சாரம் செய்த நமது சகோதரர்களின் சொத்துக்களை அழித்து சேதப்படுத்த வேண்டும் என்ற காடைத்தனமான கருத்தினைக் கொண்டவராக இவர் இருந்தார்.

இப்படியான மோசமான பண்பினையும் பக்கச்சார்பான மனோநிலையும் கொண்ட இவர் சம்மேளனத்துக்கு தலைமை தாங்குதல் என்பது நமது தாய் நிறுவனத்துக்கு ஏற்படும் அபகீர்த்தியாகும். மாத்திரமன்றி இவ்வாறானவர்களின் தலைமையில் சம்மேளனம் தொடர்ந்தும் இயங்குமேயானால் அது சம்மேளனத்தின் நன்மைதிப்புக்கும் மக்கள் அங்கீகாரத்துக்கும் பாரிய அபாயமாகவே அமையும்.

சம்மேளன யாப்பின்படி பெரிய பள்ளிவாயல் ஒன்றில் தலைவராகத் தெரிவாகின்றவர்களே சுழற்சி முறையில் சம்மேளனத்தின் தலைவராக நியமிக்கப்படுகின்றார்கள் என்பது எமக்குத் தெரியும். இருந்தாலும் அவ்வாறு தலைவர்களாக உருவாகின்றவர்கள் எவ்வாறான பண்புகளையும் தரத்தையும் தகுதியையும் கொண்டிருக்க வேண்டும் என்ற புதிய வரையறைகளை ஏற்படுத்தவேண்டியது பற்றியும் சம்மேளனம் சிந்திக்க வேண்டும் எனக் கேட்டுக் கொள்கிறேன்.

இவ்வாறு போனால் அஷ்ஷஹீத் அஹமது லெப்பை போன்ற கனவாங்களினால் தலைமை தாங்கப்பட்ட சம்மேளனம் தகுதியும் தரமுமற்றவர்களினால் தலைமை தாங்கப்படுகின்ற அபாயத்தினைத் தவிர்க்க முடியாது.

கடந்த காலங்களில் அஷ்ஷஹீத் அஹமது லெப்பை போன்ற கண்ணியமானவர்களினால் நமது சம்மேளனம் வழிநடாத்தப்பட்டபோது உலமாசபைக்கும் சம்மேளனத்துக்கும் இருந்த இணக்கப்பாட்டினையும் மார்க்க விவகாரங்களில் அஷ்ஷஹீத் அஹமது லெப்பை அவர்கள் அல்லாஹ்வுக்கு மட்டுமே பயந்து மேற்கொண்ட துணிகரமான முடிவுகளையும் நடவடிக்கைகளையும் தற்போதைய சம்மேளன நிருவாகிகள் மீட்டிப்பார்ப்பதும் தற்போதைய நிலைமையோடு அதனை ஒப்பிட்டுப் பார்ப்பதும் அவசியமானது எமக் கருதுகிறேன்.

சம்மேளனம் தொடர்ந்தும் நமதூரின் தாய் நிறுவனமாக இயங்க வேண்டும். அதற்கான நன்மதிப்பும் மக்களின் அங்கீகாரமும் பாதுகாப்பப்பட வேண்டும் என்ற நல்லெண்ணத்திலேயே இந்த விடயங்களை சம்மேளனத்தின் கவனத்திற்கு கொண்டு வருகின்றேன்.

எனவே இவ்விடயம் தொடர்பில் முறையான நடவடிக்கைகளை சம்மேளனம் துரிதமாக மேற்கொள்ள வேண்டும் என தாழ்மையுடன் வேண்டிக் கொள்கிறேன். -

இவ்வாறு குறித்த கடிதத்தில் தெரிவிக்கப்பட்டுள்ளது.

Read More

அவசர தேர்தல் முறை மாற்றம் தமிழ், முஸ்லிம் கட்சிகளுக்கு செய்யப்படும் துரோகம்: மனோ கணேசன்

அவசர தேர்தல் முறை மாற்றம் தமிழ், முஸ்லிம் கட்சிகளுக்கு செய்யப்படும் துரோகம்: மனோ கணேசன்

By Unknown   8:49:00 AM   No comments:

இந்நாட்டில் நிறைவேற்று ஜனாதிபதி முறைமை ஒழிப்பு தமிழ், முஸ்லிம் கட்சிகளின் தேவை பட்டியலில் முன்னுரிமை கொண்ட விடயம் அல்ல என ஜனநாயக மக்கள் முன்னணி தலைவரும், தேசிய நிறைவேற்று சபை உறுப்பினருமான மனோ கணேசன் தெரிவித்துள்ளார்.

உண்மையில் இது அதிகமாக தேவைப்பட்டது சில பெரும்பான்மை கட்சிகளுக்கும், சில பெரும்பான்மை சமூக அமைப்புகளுக்குமே. இதை நாம் புரிந்துக்கொண்டு, தேச நலன் கருதியும், ஐக்கியம் கருதியும் விட்டுக்கொடுப்புகளுடன் நிறைவேற்று ஜனாதிபதி முறையை ஒழிக்க நாம் உடன்பட்டோம்.

Read More

பொருட்களின் நிறையை தெரிந்து கொளளும் விசேட திட்டம் மே மாதம் முதல் அமுலில்

பொருட்களின் நிறையை தெரிந்து கொளளும் விசேட திட்டம் மே மாதம் முதல் அமுலில்

By Unknown   8:40:00 AM   No comments:

நுகர்வோர்கள் பொருட்களின் நிறையை சரியாக தெரிந்து கொளளும் பொருட்டு விசேட திட்டமொன்றை மே மாதம் முதல் அமுல்படுத்தவுள்ளதாக நுகர்வோர் அதிகார சபையின் தலைவர் ரூமி மர்சூக் தெரிவித்துள்ளார்.

நுகர்வோர் கொள்வனவு செய்யும் பொருட்கள் அவர்கள் வழங்கும் பணத்திற்கு ஏற்றவாறு இல்லை எனவும், அவற்றின் எடை மிகக் குறைவாக காணப்படுவதாகவும் நுகர்வோரினால் முன்வைக்கப்பட்ட முறைப்பாட்டையடுத்தே இந் நடைமுறை அமுலுக்கு கொண்டுவரப்படவுள்ளது என அவர் மேலும் தெரிவித்துள்ளார்.

இதன் முதற்கட்ட

Read More