மது அருந்தி மயங்கிக்கிடந்த 10 மாணவர்கள் கைது: ஒருவர் ஆபத்தான நிலையில்

மது அருந்தி மயங்கிக்கிடந்த 10 மாணவர்கள் கைது: ஒருவர் ஆபத்தான நிலையில்

By Unknown   10:08:00 PM   No comments:

கண்டி கன்னொருவ பிரதேச பிரபல பாடசாலை ஒன்றின் 10 மாணவர்கள் மகாவலி ஆற்றங்கரையில் மது அருந்தி மயங்கிக்கிடந்த நிலையில் கம்பளை பொலிஸாரினால் கைது செய்யப்பட்டுள்ளதுடன் ஒரு மாணவன் ஆபத்தான நிலையில் வைத்தியசாலையில் அனுமதிக்கப்பட்டுள்ளார்.

நேற்று சனிக்கிழமை மாலை இடம் பெற்ற இச்சம்பவம் குறித்து மேலும் தெரிய வருவதாவது; கம்பளை நகரில் மகாவலி ஆற்றங்கரையில் மாணவர் குழுவொன்று மதுஅருந்திய நிலையில் மயங்கிக்கிடப்பதாக கம்பளைப் பொலிஸாருக்கு கிடைக்கப்பெற்ற தகவல் ஒன்றையடுத்து ஸ்தலத்திற்கு விரைந்த பொலிஸார் நிறைந்த மதுவெறியில் மயங்கிக் கிடந்த பத்து மாணவர்களை கைது செய்ததுடன் அதில் ஒரு மாணவன் ஆபத்தான நிலையிலிருந்தமையால் கம்பளை வைத்திய சாலையில் அனுமதிக்கப்பட்டு பின்னர் கண்டி வைத்தியசாலைக்கு மாற்றப்பட்டுள்ளார்.

Read More

மு.கா.வும் அ.இ.ம.கா.வும் ஒன்றையொன்று வீழ்த்தும் வேலைகளையே செய்கின்றன இதனால் முஸ்லிம் வாக்குகள் சிதறடிக்கப்படும் என்கிறார் அதாவுல்லா

மு.கா.வும் அ.இ.ம.கா.வும் ஒன்றையொன்று வீழ்த்தும் வேலைகளையே செய்கின்றன இதனால் முஸ்லிம் வாக்குகள் சிதறடிக்கப்படும் என்கிறார் அதாவுல்லா

By Unknown   9:55:00 PM   No comments:

வடக்கில் பல்­வேறு பிரச்­சி­னைகள் இருக்­கின்­ற ­போ­திலும் ஸ்ரீ லங்கா முஸ்லிம் காங்­கி­ரஸை வீழ்த்­து­வ­தற்­காக அகில இலங்கை மக்கள் காங்­கி­ரஸை ரிஷாட் பதி­யுதீன் அம்­பாறை மாவட்­டத்­திற்கு கொண்­டு­வந்­தி­ருக்­கின்றார்.

அவ­ரது பிர­தே­சத்தில் மு.கா தனித்துப் போட்­டி­யி­டு­வதால் மு.காவை வீழ்த்தும் முயற்­சியில் இங்கே மக்கள் காங்­கி­ரஸை விஸ்­த­ரித்­தி­ருக்­கின்றார்.

இதனால் முஸ்லிம் பிர­தி­நி­தித்­து­வத்தின் வாக்­குகள் சித­ற­டிக்கப்ப­டு­கின்­றன என முன்னாள் அமைச்­சரும் ஐக்­கிய மக்கள் சுதந்­திரக் கூட்­ட­மைப்பின் திகா­ம­டுல்ல தேர்தல் மாவட்­டத்தின் முதன்மை வேட்­பா­ள­ரு­மான ஏ.எல்.எம்.அதா­உல்லா தெரி­வித்தார்.

அக்­க­ரைப்­பற்று பிர­தே­சத்­தி­லுள்ள துறை­சார்ந்த முக்­கி­யஸ்­தர்­களை ஒன்­றி­ணைத்து ஏற்­பாடு செய்­யப்­பட்ட தேர்தல் நட­வ­டிக்­கைகள் பற்­றிய கலந்­து­ரை­யாடல் கடந்த புதன்­கி­ழமை அக்­க­ரைப்­பற்று அதா­உல்லா அரங்கில் இடம்­பெற்ற விஷேட கலந்­து­ரை­யா­ட­லின்­போதே அவர் மேற்­கண்­ட­வாறு தெரி­வித்தார்.

அவர் தொடர்ந்தும் உரை­யாற்­று­கையில், முன்னாள் பிரதி அமைச்சர் அமீர் அலியை வீழ்த்த வேண்டும் என்­ப­தற்­காக ஸ்ரீ லங்கா முஸ்லிம் காங்­கிரஸ் மட்­டக்­க­ளப்பு மாவட்­டத்தில் தனித்துப் போட்­டி­யி­டு­கின்­றது.

அதேபோல் ரிஷாட் பதி­யு­தீனின் பிர­தே­சத்தில் மு.கா தனித்துப் போட்­டி­யி­டு­வதால் அம்­பா­றையில் அகில இலங்கை மக்கள் காங்­கிரஸ் தனித்துப் போட்­டி­யி­டு­கின்­றது.

இவ்­வாறு அர­சியல் ரீதி­யாக இக்­கட்­சி­யினர் பழி­வாங்கல் முயற்­சி­களில் ஈடு­பட்டு வரு­கின்­றார்­களே தவிர அவ­ரவர் கட்­சி­களில் பிர­தி­நி­தி­களை அதி­க­மாகப் பெற­வேண்டும் என அவர்கள் முயற்­சிக்­க­வில்லை.

வெற்­றிலை என்­பது மஹிந்த ராஜ­ப­க்ஷ­விற்கு மட்டும் சொந்­த­மான ஒரு சின்­ன­மல்ல. அது ஐக்­கிய மக்கள் சுதந்­திரக் கூட்­ட­மைப்­புக்­கான பொது­வான சின்னம்.

சிலர் சொல்­வ­தைப்போல் மஹிந்த அணியில் வெற்­றி­லைச்­சின்­னத்தில் நான் போட்­டி­யி­ட­வில்லை

தேசிய காங்­கிரஸ் சார்­பாக ஜனா­தி­பதி மைத்­தி­ரி­பால சிறி­சேன தலை­மை­யி­லான ஐக்­கிய மக்கள் சுதந்­திரக் கூட்­ட­மைப்­பிலே நான் தேர்­தலில் போட்­டி­யி­டு­கின்றேன்.  

கடந்த முப்­பது ஆண்­டு­க­ளாக நமது மக்­க­ளுக்கு நடந்த கொடுமை, நாம் எங்­குமே வாழ முடி­யாத சூழ்­நிலை, எமது உரி­மைகள் சொத்­துக்கள் என்­பன சூறை­யா­டப்­பட்­டமை இவற்­றை­யெல்லாம் கருத்­திற்­கொண்டே நான் எம்மை நிம்­ம­தி­யாக வாழ்­வ­தற்­கான சூழ்­நி­லை­யினைத் தோற்­று­வித்த மஹிந்த ராஜ­ப­க்ஷவின் பக்கம் இருந்தோம்.

அமைச்சுப் பதவி பெறு­வ­தற்­கா­கவோ, வர்த்­தக நட­வ­டிக்­கை­க­ளுக்­கா­கவோ அல்­லது தனிப்­பட்ட சுய­ந­லத்­திற்­கா­கவோ நாம் அவர் பக்கம் செல்­ல­வில்லை. அதற்­காக நாம் தொடர்ந்தும் மஹிந்­தவின் பக்கம் நிற்க வேண்டும் என்­பது கட்­டா­ய­மா­ன­தல்ல. அவ்­வா­றா­ன­தொரு தேவை எமக்கு எப்­போதும் இருந்­தது கிடை­யாது.

ஐக்­கிய மக்கள் சுதந்­திரக் கூட்­ட­மைப்பு மஹிந்த அணி­யென்றும் மைத்­திரி அணி என்றும் இரண்டு கூறு­க­ளாகப் பிரிந்து விட்டால் அந்த இடை­வெ­ளிக்குள் ஐக்­கிய தேசியக் கட்சி ஆட்சி அமைப்­ப­தற்­கான நிலை­மையை தோற்­று­விக்கக் கூடும் என்­ப­தற்­கா­கவே நாம் இரு தரப்­பி­ன­ரையும் ஒற்­று­மைப்­ப­டுத்தும் முயற்­சியில் ஈடு­பட்டோம்.

இம்­முறை நடை­பெ­ற­வுள்ள தேர்­தலின் பின்னர் ஐக்­கிய தேசியக் கட்சி ஆட்சி அமைக்கக் கூடாது என்­ப­தற்­கா­கவே நாம் பல்­வே­றான முயற்­சி­களில் ஈடு­பட்டு வரு­கின்றோம்.

மாறாக ஐக்­கிய தேசியக் கட்சி ஆட்சி பீடம் ஏறினால் வடக்கு கிழக்கு இணைப்பு சம்­பந்த­மான பிரச்­சினை இருக்­கி­றது, புலி­களின் வருகை, பொரு­ளா­தாரப் பின்ன­டைவு, முஸ்லிம் மக்­க­ளுக்குப் பிரச்­சினை, அபி­வி­ருத்தி அழிந்து போகும் நிலைமை போன்ற பல்­வே­றான பிரச்­சி­னைகள் நாட்டில் தலை­தூக்கும். 

இதற்­கா­கவே ஐக்­கிய தேசியக் கட்சி ஆட்சி பீடம் ஏறக்­கூ­டா­தென்ற நிலைப்­பாட்டில் நின்­று­கொண்டு ஐக்­கிய மக்கள் சுதந்­திரக் கூட்­ட­மைப்பு கூறு போடப்­ப­டாமல் ஒன்­றாக இருக்க வேண்டும் என்ற நிலைப்­பாட்­டுடன் செயற்­பட்டு வரு­கின்றோம். இதற்­காக நான் மஹிந்­தவின் அணி என்­பது கேலியான விட­ய­மாகும்.

தற்­போ­தைய நாட்டின் நில­வ­ரப்­படி நாடு தழு­விய ரீதியில் ஐக்­கிய மக்கள் சுதந்­திரக் கூட்­ட­மைப்பு இம்­முறை நடை­பெ­ற­வுள்ள பாரா­ளு­மன்றப் பொதுத் தேர்­த­லின்­போது அமோக வாக்­கு­களைப் பெற்று வெற்­றி­ய­டை­ய­வுள்­ளது.

நாடு முழு­வ­தி­லு­முள்ள சிங்­கள மக்கள் ஐக்­கிய மக்கள் சுதந்­திரக் கூட்­ட­மைப்பை ஆத­ரிக்­கின்­றார்கள்.

நாட்­டி­லுள்ள சிறு தொகை சிங்­கள மக்­களும் வட கிழக்கில் உள்ள சில குழு­வி­ன­ருமே ஐக்­கிய தேசியக் கட்­சி­யினை ஆத­ரிக்­கின்­றார்கள்.

கடந்த ஜனா­தி­பதித் தேர்­த­லின்­போது அனைத்துக் கட்­சி­களும் இணைந்து அம்­பாறை மாவட்­டத்தில் அன்னச் சின்­னத்­திற்கு 2 இலட்­சத்து 33 ஆயிரம் வாக்­கு­களை அளித்­தனர்.

வெற்­றிலைச் சின்­னத்­திற்கு 1 இலட்­சத்து 21 ஆயிரம் வாக்­குகள் கிடைத்­தன. அந்தத் தேர்­தலில் அன்னச் சின்­னத்­திற்கு அளிக்­கப்­பட்ட வாக்­கு­களில் இம்­முறை சுமார் 65 ஆயிரம் வாக்­குகள் தமிழ் மக்கள் பக்கம் சென்று விடும்.

மக்கள் விடு­தலை முன்­னணி, பொன்­சேகா அணி, தேசிய காங்­கிரஸ் என்று பல்­வே­றான பிரி­வு­களில் இம்­முறை வாக்­குகள் செல்­ல­வுள்­ளன.

அம்­பாறை மாவட்­டத்தின் தற்­போ­தைய நில­வ­ரத்­தின்­படி ஒரு இலட்­சத்து 10 ஆயிரம் வாக்­கு­க­ளையே ஐக்­கிய தேசிக் கட்சி பெற்றுக் கொள்ளும்.

ஒரு இலட்­சத்து நாற்­ப­தா­யி­ரத்­திற்கும் அதி­க­மான வாக்­கு­களை ஐக்­கிய மக்கள் சுதந்­திரக் கூட்­ட­மைப்பு பெற்றுக் கொள்­ள­வுள்­ளது.

இத­ன­டிப்­ப­டையில் இம்­மா­வட்­டத்தில் ஐக்­கிய மக்கள் சுதந்­திரக் கூட்­ட­மைப்பு நான்கு ஆசனங்­க­ளையும், ஐக்­கிய தேசியக் கட்சி இரண்டு ஆச­னங்­க­ளையும், தமிழ்த் தேசியக் கூட்­ட­மைப்பு ஒரு ஆச­னத்­தையும் பெற்றுக் கொள்ளும்.

இம்­முறை நடை­பெ­ற­வுள்ள பாரா­ளு­மன்றத் தேர்­தலில் எமது தேசிய காங்­கிரஸ் கட்சி தனித்துப் போட்­டி­யிட வேண்டும் என சிலர் விரும்­பி­ய­போ­திலும் எமக்­காக அளிக்­கப்­ப­ட­வுள்ள சுமார் 70 ஆயிரம் வாக்­கு­களைக் கொண்டு ஒரே ஒரு பிர­தி­நி­தியைத் தான்  பெற்றுக் கொள்ள முடியும் என்ற நிலைப்­பாட்­டில்­தான் நாம் ஐக்­கிய மக்கள் சுதந்­திரக் கூட்­ட­மைப்பில் போட்­டி­யிட்டு மூன்று பிர­தி­நி­தி­களை வெற்றி பெறும் முனைப்­பு­டனே களத்தில் இறங்­கினோம்.

அம்­பாறை மாவட்­டத்தில் நீண்ட கால­மாக அர­சியல் அதி­கா­ர­மற்று அர­சி­யல்­வா­தி­களால் புறக்­க­ணிக்­கப்­பட்டு வந்த பொத்­துவில் மற்றும் இறக்­காமம் போன்ற பிர­தே­சங்­க­ளுக்கு அர­சியல் அதி­கா­ரங்­களை வழங்கும் வகை­யி­லேயே இப்­பி­ர­தே­சங்­களி­லி­ருந்து வேட்­பா­ளர்­களை கள­மி­றக்கி பல்­வே­றான வெற்றி வியூகங்களுடன் செயற்­பட்டு வரு­கின்றோம். இச்­சந்­தர்ப்­பத்தில் நம்­ம­வர்கள் எதிர்­கட்­சிக்­கா­ரர்­களின் பொய்ப் பிரச்­சா­ரங்­களை நம்பி விடாமல் ஒற்­று­மை­யுடன் செயற்­பட்டு நமது வெற்­றி­யினை உறு­திப்­ப­டுத்த முயல வேண்டும்.

நாட்டில் நடை­பெறும் ஏனைய தேர்­தல்­தல்­களைப் போல் பாரா­ளு­மன்றத் தேர்­த­லினை மட்­டிட முடி­யாது. நமது பிர­தே­சத்­திற்கு நமது மாவட்­டத்­திற்கு யார் பொருத்­த­மா­னவர் யார் சேவை செய்­யக்­கூ­டி­யவர் என்­ப­தனைக் கருத்­திற்­கொண்டு செயற்­பட வேண்­டிய தேர்­த­ல் இதுவாகும்.

கடந்த காலங்­களில் நாம் நியா­ய­மான முறை­யிலே மக்­க­ளுக்­காக செயற்­பட்­டி­ருக்­கின்றோம்.

நாம் நேர் வழியில் நடந்து கொண்­டதால் இந்த நாட்டில் பாரிய அர­சியல் மாற்­றங்­களை ஏற்­ப­டுத்­தி­யி­ருக்­கின்றோம்.

இந்த நாட்டில் ஐக்­கிய தேசியக் கட்சி ஆட்­சிக்கு வரக்­கூ­டாது என்­கின்ற திட­மான நிலைப்­பாட்டில் எமது தேசிய காங்­கிரஸ் உள்­ளது. ஐக்­கிய தேசியக் கட்­சியின் தலை­வ­ராக ரணில் விக்­ர­ம­சிங்க இருக்கும் வரை அக்­கட்­சியில் இணை­வ­தில்லை என மறைந்த எமது தலைவர் மர்ஹும் எம்.எச்.எம்.அஷ்ரஃப் ஒரு கொள்­கை­யுடன் செயற்­பட்டார்.

அவர் வழியில் அவர் பாச­றையில் அர­சியல் செய்யும் நாம் ஐக்­கிய தேசியக் கட்­சியின் தலை­வ­ராக ரணில் விக்­ர­ம­சிங்க இருப்­பா­ராயின் எதிர்த்தே செயற்­ப­டுவோம். ஐக்­கிய தேசியக் கட்­சியின் தலை­வ­ராக வேறொ­ருவர் வரு­மி­டத்து நாம் ஐக்­கிய தேசியக் கட்­சி­யினை எதிர்க்க வேண்­டிய தேவை ஏற்பாடாது.

விடுதலைப் புலிகளால் வெளியேற்றப்பட்ட எமது மக்களைக் குடியேற்றுவதற்காக கடந்த மஹிந்த ஆட்சியில் மக்கள் குடியேற்றத்திற்காக வழங்கப்பட்ட வில்பத்துக்காட்டினை இந்த அரசாங்கத்தினாலும் ரணில் விக்ரமசிங்கவினாலும் காடழிப்பதற்கு நாம் இடமளிக்க மாட்டோம் என பலமாக குரல் கொடுக்கப்படுகின்றது. முஸ்லிம் மக்கள் தமக்குச் சொந்தமானது என்று நினைக்கின்ற சில விடயங்களைக் கூட பெற்றுக் கொள்ள முடியாத நிலை தற்போது ஏற்பட்டிருக்கின்றது.

எமது தேசிய காங்கிரஸ் கட்சி காலத்திற்குக் காலம் சந்தர்ப்பத்திற்கு ஏற்ப மாறிவிடும் கட்சியல்ல. திடமான நிலைப் பாட்டுடன் நேர்வழியில் செயற்பட்டு வருவதால் எமக்கென்று நற்பெயர் எப்போது முண்டு.

காலத்திற்குக் காலம் அவசர முடிவுகளை எடுத்து மாறுகின்ற வர்கள் அரசியலில் நின்றுபிடிக்க முடியாமல் அழிந்து போய்விடு வார்கள் என்றார்.

Read More

‘கொழும்பின் தொலைநோக்கு’ முஜிபுர் ரஹ்மானின் விஷேட கூட்டம்

‘கொழும்பின் தொலைநோக்கு’ முஜிபுர் ரஹ்மானின் விஷேட கூட்டம்

By Unknown   9:45:00 PM   No comments:

கொழும்பு முஸ்லிம் இளைஞர்கள் அமைப்பினரின் ஏற்பாட்டில் 'கொழும்பின் தொலைநோக்கு' எனும் தொனிப்பொருளுடனான விஷேட கூட்டமொன்று நாளை திங்கட்கிழமை 27ம் திகதி கொழும்பில் இடம்பெறவுள்ளது. 

 

மத்திய கொழும்பு ஐக்கிய தேசியக் கட்சியின் பிரதாம அமைப்பாளரும் மேல் மாகாண சபை உறுப்பினருமான முஜிபுர் ரஹ்மானின் தலைமையில்,  கொழும்பு - 06, மெரென் கிரேண்டில் இடம்பெறும் இந்நிகழ்வில், முன்னாள் கல்வி அமைச்சர் கருணாசேன கொடித்துவக்கு பிரதம அதிதியாக கலந்துகொள்ளவுள்ளார். 

 

இந்நிகழ்வில், ஐக்கிய தேசியக் கட்சியின் செயற்குழு உறுப்பினரும் முன்னாள் ஊடகத்துறை அமைச்சருமான இம்தியாஸ் பாகிர் மாக்கார், ஸ்ரீ லங்கா முஸ்லிம் கவுன்ஸில் தலைவர் என்.எம்.அமீன் ஆகியோர் விஷேட அதிதிகளாக கலந்துகொள்ளவுள்ளனர்.

 

கௌரவ அதிதிகளாக அகில இலங்கை ஜம்இய்யதுல் உலமா சபை தலைவர் ரிஷ்வி முப்தி, அஷ்செய்க் அகார் முஹம்மத்,  அஷ்செய்க் யூசுப் முப்தி, தேசிய சூறா சபை தலைவர் தாரிக் மஹ்மூத், முஸ்லிம் கவுன்ஸில் உப தலைவர் ஹில்மி முஹம்மத் ஆகியோரும் கலந்துகொள்ளவுள்ளனர்.

 

இதேவேளை, கொழும்பு மாநகர மேயர் ஏ.ஜே.எம். முஸம்மில், மேல் மாகாண சபை உறுப்பினர்களான எம்.எஸ்.எம்.பைரூஸ், அர்ஷாட் நிசாமுதீன், பாயிஸ், மத்திய மாகாண சபை உறுப்பினர் அஸாத் சாலி, முன்னாள் பாராளுமன்ற உறுப்பினர் ஜனாதிபதி சட்டத்தரணி எம்.எம்.ஸுஹைர், ஜனாதிபதி சட்டத்தரணி பாயிஸ் முஸ்தபா, முன்னாள் கொழும்பு மாநகர ஆணையாளர் உமர் காமில் உள்ளிட்ட பலரும் இந்நிகழ்வில் கலந்துகொள்ளவுள்ளனர். 

 

கொழும்பு மாவட்டத்தில் ஐக்கிய தேசியக் கட்சி சார்பாக பொதுத் தேர்தலில் போட்டியிடும் முஜிபுர் ரஹ்மானின் திட்டங்கள் தொடர்பில் 'கொழும்பின் தொலைநோக்கு' கருப்பொருளில் இதன்போது தெளிவுபடுத்தப்படவுள்ளதாக தெரிவிக்கப்படுகின்றது. 

Read More

தலைவரே கவனம்..! தவிசாளர் வேலி தாண்டுவது உறுதி!!

தலைவரே கவனம்..! தவிசாளர் வேலி தாண்டுவது உறுதி!!

By Unknown   9:27:00 PM   No comments:

(புவி. எம்.ஐ. றஹ்மதுழ்ழாஹ் - காத்தான்குடி)

தேர்தல் களம் சூடு பிடித்து வரும் இந்நாளில் கட்சி மாறிகளும் முடிச்சு மாறிகள் போல் இரவோடிரவாக பல்வேறு தரப்பு அரசியல் தலைகளுடனும் இரகசியச் சந்திப்புக்களை மேற்கொண்டு, பேரம் பேசல்களை நடாத்தி கட்சி தாவும் நடவடிக்கைகளில் ஈடுபட்டுக் கொண்டிருக்கின்றனர்.

அந்த வகையில் முஸ்லிம் சமூகத்தின் மூத்த கட்சியைக் கட்டிக்காத்து வளர்த்ததாக ஊடகங்களில் டமாரம் அடித்து வரும் முன்னாள் தமிழ் ஆயுதப் போராட்டக் குழுவின் அரசியல் பாசறையில் வளர்ந்த அரசியல்ஞானியான தவிசாளர் ஒருவர், வேட்பாளர் தெரிவில் இடம்பெற்ற தில்லுமுல்லுகளை அம்பலப்படுத்தப் போவதாக சமீபத்தில் 'பெருநாள் ஸ்பெஷல் வெடில்' ஒன்றைக் கொழுத்தி ஊடகங்களில் வீசியிருந்தார்.

எனினும் இதுவரை அவர் திருவாய் மலர்ந்து எந்தவிதமான தில்லுமுல்லுகளையும் வெளியாக்கவில்லை. அவரது தில்லுமுல்லுகள் அவரது சொந்தக் கப்பலில் ஏற்றுமளவுக்கு அதிகளவில் இருக்க, தோணியில் ஏற்றுமளவுக்கு அவரிடமுள்ள தில்லுமுல்லுகள் முஸ்லிம் சமூகத்தில் எந்த முலைக்குள் அடங்கும்? என்ற மக்களின் கேள்விகள் ஒருபுறமிருக்க...

இரண்டு நாட்களுக்கு முன்னர் குறித்த தவிசாளர் காத்தான்குடிக்கு பின்னிரவில் வந்து, அவருக்கு நெருக்கமான முன்னாள் போர்நிறுத்தக் கண்காணிப்புக் குழு உறுப்பினருடன் (அவரது பெயரும் முன்னாள் மு.கா. தவிசாளர் ஒருவரின் பெயரை நெருங்கியது) மோட்டார் சைக்கிளில் சென்று சக மகிந்த விசுவாசியும், தற்போதைய மைத்திரி பார்ட்டி வேட்பாளருமான ஈச்சை மர மண்ணின் மைந்தனைச் சந்தித்து பேச்சுவார்ததைகளை மேற்கொண்டதாக எஸ்.எம்.எஸ். குறுஞ்செய்தியொன்று கூவியுள்ளது.

குறித்த எஸ்.எம்.எஸ். செய்தியில் மோட்டார் சைக்கிளில் சென்ற இருவரது பெயர்களும், சந்தித்த மண்ணின் மைந்தனின் பெயரும் அச்சொட்டாகவும், வெளிப்படையாகவும் தெரிவிக்கப்பட்டு 48 மணித்தியாலங்கள் கழிந்திருந்தும் அச்செய்திக்கு எதிராக நடவடிக்கைகளோ அல்லது மறுப்போ இவர்கள் தெரிவிக்காமல் இருப்பது, இந்தப் பரம இரகசிய சந்திப்பை மட்டு. மாவட்ட மு.கா. ஆதரவாளர்களிடம் உறுதிப்படுத்தியுள்ளதாகவும் அமைந்துள்ளது.

மட்டு. தேர்தல் களத்தில் குறித்த தவிசாளருக்கு இடமளிக்க வேண்டாம் என மாஜி. மாநகரப் போராளி முதல் கட்சியின் தேசிய கொ.ப. வரை சமீபகாலமாக ஊடகங்களில் ஒப்பாரி வைத்து எதிர்ப்புத் தெரிவித்து வருவதும் இவ்விடத்தில் கவனிப்புக்குரியது.

இதேவேளை, ஏறாவூரில் மௌலானா மீண்டும் மு.கா.வினூடாக நாடாளுமன்ற மட்டத்திற்கு உயர்வது, தனது அரசியல் இருப்புக்கு ஆப்பாகும் என்பதனால்தான் இவ்வாறான பெருநாள் வெடிகுண்டுகள் மு.கா. தலைமையை நோக்கி எறியப்படுவதாகவும், இதற்கு சைட் சப்போர்ட்டாக ஏறாவூரிலிருந்து ஒரு பாவா மாத்திரம் மு.கா.வின் மீது அதிருப்தி தெரிவித்து சின்னதொரு அறிக்கை விட்டிருப்பதாகவும் ஏறாவூர் வட்டாரம் கூறுகிறது.

ஆக, இவற்றையெல்லாம் கூட்டிக்கழித்து, பெருக்கிப் பிரித்துப் பார்க்கும்போது தவிசாளர் மிக விரைவில் வேலி தாண்டி வெற்றிலை மேடையில் காட்சியளித்து புதிய வெற்றி வியூகத்தைக் கட்விழ்த்து விடப்போவது மட்டும் உறுதியாகத் தெரிகிறது.

Read More

க.பொ.த உயர்தர பரீட்சை; முன்னோடி வகுப்புக்கள், பயிற்சிகளுக்கு தடை விதிப்பு

க.பொ.த உயர்தர பரீட்சை; முன்னோடி வகுப்புக்கள், பயிற்சிகளுக்கு தடை விதிப்பு

By Unknown   4:44:00 PM   No comments:

2015 ஆம் ஆண்டு நடைபெறவுள்ள உயர்தர பரீட்சைக்கான முன்னோடி பயிற்சி வகுப்புகள் , கருத்தரங்குகள், செயலமர்வுகள் என்பன எதிர்வற்றிற்கு எதிர்வரும் 29 ஆம் திகதி நள்ளிரவுடன் தடை செய்யப்பட்டுள்ளன என பரீட்சைகள் ஆணையாளர் நாயகம் டப்ளீயூ.எச்.எம்.ஜே. புஸ்பகுமார தெரிவித்துள்ளார்.

இந்த தடை உத்தரவு செப்டம்பர் மாதம் 08 ஆம் திகதி வரை அமுலில் இருக்கும் என்றும் அவர்  தெரிவித்துள்ளார்.   அவர் மேலும் தெரிவிக்கையில்,   உயர்தர பரீட்சைக்கு தேவையான பயிற்சி புத்தகங்கள் விநியோகித்தல், சுவரொட்டிகளை காட்சிப்படுத்துதல், கையேடுகள் மற்றும் துண்டு பிரசுரங்களை விநியோகித்தல் என்பன தடை செய்யப்பட்டுள்ளன.

இதேவேளை, தடைசெய்யப்பட்ட காலத்தில்  இலத்திரனியல் அல்லது அச்சு ஊடகங்களினூடாகவும் உயர்தர பரீட்சைக்கு சார்பான விடயங்களை வெளியிடவும் தடைசெய்யப்பட்டுள்ளன.   தடை உத்தரவை மீறும் நபர்கள் அல்லது கல்வி நிறுவனங்களுக்கு எதிராக உரிய சட்ட நடவடிக்கை எடுக்கப்படும்.   அவ்வாறான நடவடிக்கைகள் முன்னெடுக்கப்படுமாயின் அண்மித்த பொலிஸ் தலைமையகம் அல்லது கல்விப் பணிமனைகளில் முறைப்பாடு செய்யுமாறும் கோரிக்கை விடுக்கப்பட்டுள்ளது.    மேலும், 0112 784208 அல்லது 0112 784537 என்ற பரீட்சைகள் திணைக்களத்தின் பாடசாலை பரீட்சைகள் ஏற்பாடு மற்றும் பெறுபேறுகள் வெளியீட்டு பிரிவுக்கு அறியப்படுத்த முடியும்.   அத்துடன் 1911 என்ற இலக்கம் அல்லது 119 என்ற பொலிஸ் அவசர அழைப்புக்கும் அறியப்படுத்துமாறும் பரீட்சைகள் ஆணையாளர் நாயகம் மேலும் குறிப்பிட்டுள்ளார்.

Read More

SLMC + NFGG இணைவின் சூத்திரமும், எதிர்கால முஸ்லிம் அரசியலும் - 04

SLMC + NFGG இணைவின் சூத்திரமும், எதிர்கால முஸ்லிம் அரசியலும் - 04

By Unknown   4:41:00 PM   No comments:

(புவி. எம்.ஐ. றஹ்மதுழ்ழாஹ் - காத்தான்குடி)

கடந்த 03வது தொடரில் அலிசாஹிர் மௌலானா அவர்களையும், பொறியியலாளர் ஷிப்லி பாறூக் அவர்களையும் நான் சுருக்கமாக ஸ்ரீ.ல.மு.கா.வின் 2015 தேர்தல் காலத் தங்க நகைக்கடையிலுள்ள 'உரைகல்'லில் உரைத்துக்காட்டி அதில் முன்னவர் 20 கரட் தங்கம் எனவும், பின்னவர் 18 கரட்டும் இல்லாதவர் என்றும் குறிப்பிட்டிருந்தேன்.

இதனைப் பார்வையிட்ட பல வாசகர்கள் உண்மையை துணிவுடன் உரைத்துக் காட்டியதற்காக என்னை பராட்டியும், சிலர், இப்படியெல்லாம் பொதுச் சேவைக்கு வருபவர்களை மோசமாகச் சித்தரித்துக் காட்டக்கூடாது, இவர்களை விட நீங்கள் நமதூரில் போட்டியிடும் ஹிஸ்புல்லாஹ், சட்டத்தரணி றூபி போன்றவர்களை வாக்காளர்களுக்கு உரைத்துக் காட்டலாம் என்றும் அவர்களது அபிப்பிராங்களைத் தெரிவித்திருந்தனர்.

அவர்களின் கருத்துக்களை வரவேற்கும் நான், இந்தத் தொடாரில் SLMC + NFGG அரசியற் கூட்டில் நமது மண்ணில் போட்டியிடுவோரைப் பற்றியே உரைத்து வருகின்றேன் என்பதையும், ஏனைய வேட்பாளர்களைப் பற்றி வேறாக எழுதி வருவதால் அவற்றை விரைவில் வேறு தலைப்புக்களில் இணையதளங்களில் வெளியாக்குவேன் என்பதையும் தெரிவித்துக் கொள்கின்றேன்.

இத்தொடரில் இருந்து SLMC + NFGG அரசியற் கூட்டில் இணைந்து போட்டியிடுகின்ற நல்லாட்சிக்கான தேசிய முன்னணியின் தவிசாளர் பொறியியலாளர் எம்.எம். அப்துர் றகுமான் அவர்களைப் பற்றி இங்கே உரைத்துப் பார்க்கலாம்.

இத்தொடரைப் படித்து வரும் வாசகர்களில் பெரும்பாலனவர்கள், 'இவர் எப்படியும் அப்துர் றஹ்மான்தான் 22 கரட் தங்கம் என்று கடைசியில் சர்ட்பிக்கேட் கொடுப்பார். ஆதனால் இவரது உரைப்பில் நாம் நேரத்தைச் செலவழிக்கத் தேவையில்லை' என்று இப்போதே தமக்குள் தீர்;மானம் கொண்டிருப்பார்கள். அதனால், இவ்வாறானவர்களுக்கு நான் எந்தவிதமாக அவரைப்பற்றி உரைத்துக் காட்டினாலும் அவர்களது சிந்தனையில், தீர்மானத்தில் மாற்றம் ஏற்படப் போவதில்லை. எனினும், எனது பணியைத் தொடர்கின்றேன்.

அப்துர் றஹ்மான் அவர்களைப் பற்றி இங்கு நான் எடுத்துரைக்க முன்னர், எனக்கும் அவரது தலைமையிலான PMGG அல்லது NFGG அமைப்புக்களுக்கும் இடையில் பாரிய கருத்து முரண்பாடுகள் இருக்கின்றன என்பதையும் பதிவு செய்து கொள்கின்றேன்.

கடந்த மே மாதம் 30ம் திகதி காத்தான்குடி குட்வின் சந்தியில் நடைபெற்ற NFGG யின் மக்கள் சந்திப்புக் கூட்டத்தில் பொறியியலாளர் அப்துர் றஹ்மான் பேசும்போது, 'எமது முன்னணியில் கருத்து வேறுபாடு கொண்டு விலகி நிற்கும் ஆதரவாளர்கள் எம்மோடு நேரடியாகக் கலந்துரையாடி ஒன்றிணைந்து இந்த மாவட்டத்திலும் ஆட்சியதிகாரத்திலுள்ள நமது பொது எதிரியைத் தோற்கடித்து மாற்றத்தை ஏற்படுத்த முன்வர வேண்டும்' எனக் கேட்டுக் கொண்டார்.

அவரது இந்த அறைகூவல் அழைப்புக்கு PMGG அல்லது NFGG யில் இணைந்திருந்து, இரண்டாவது நகர சபை ஆட்சிக்காலத்தின் இறுதிப்பகுதியில் நகர சபை உறுப்பினர்களாகப் பதவி வகித்த உறுப்பினர்களின் செயற்பாடுகளில் அதிருப்தியடைந்து பரவலான என்னிடமும், பிறரிடமும் தமது விமர்சனங்களை முன்வைத்த எத்தனை PMGG அல்லது NFGG ஆதரவாளர்கள் தமது அதிருப்திகள் குறித்து நேரடியாகக் கலந்துரையாடி தெளிவுகளைப் பெற்றார்கள் என்பது எனக்குத் தெரியாது. 

ஆனால், நான் அன்றிரவே எனது அதிருப்தியீனத்தைத் தெரிவித்து அவை தொடர்பில் தங்களுடன் பகிரங்கமாக கலந்துரையாடி தெளிவுகளைப் பெற விரும்புவதாகவும், அதற்கான சந்தர்ப்பத்தினை வழங்குமாறும் கேட்டு பொறியியலாளர் அப்துர் ரஹ்மான் அவர்களுக்கு மின்னஞ்சல் ஒன்றை அனுப்பி வைத்தேன். அது தொடர்பாக பல்வேறு இணையதளங்களிலும், அவர்களின் உத்தியோகபூர்வமான www.pmgg.org இணையதளத்திலும் மறுநாள் 31ம் திகதி எனது வேண்டுகோள் வெளியானதை வாசகர்கள் அறிந்திருப்பீர்கள்.

எனினும், எனது அவ்வேண்டுகோள் குறித்து இன்று வரை எனக்கு சந்தர்ப்பங்கள் அவர்களால் தரப்படவில்லை. அதனால் நானும் இன்னமும் PMGG அல்லது NFGG என்கிற அவர்களின் சமூக அரசியல் அமைப்புக்களை விட்டும் தள்ளியே நின்று கொண்டிருக்கின்றேன்.

எனினும், இப்போது பொதுத் தேர்தல் களமொன்று நம்மை எதிர்கொண்டுள்ளது. இந்த வேளையில் நமது மண்ணில் களமிறங்கியுள்ள வேட்பாளர்களுக்கு மத்தியில் இந்த அப்துர் றஹ்மான் என்பவர் எப்படிப்பட்டவர், இவருக்கு எத்தனை கரட் மதிப்பீடு வழங்கலாம் என்பதை இத் தேர்தல் காலத் தங்கடையிலுள்ள உரைகல்லில் உரைத்தும், அதனை உரத்தும் சொல்ல வேண்டிய கடமை, காத்தான்குடிச் சமூகக்களத்திலுள்ள ஒரு கிழம் ஊடகவியலாளன் என்ற வகையிலும், கடந்த பத்தாண்டுகளாக இந்த மண்ணைத் தளமாகக் கொண்டு ஒரு வாராந்தப் பத்திரிகையை வெளியிட்டு வருபவன் என்ற வகையிலும் எனக்குள்ளது.

பொறியியலாளர் அப்துர் றஹ்மான் சமூக மாற்றத்திற்கான நல்லாட்சி அரசியல் சிந்தனையுடன் இந்த மண்ணில் களமிறங்கியபோது, இவ்வூரிலுள்ள உலமாக்கள், கல்விமான்கள், புத்திஜீவிகள், அரசியல்வாதிகள் போன்ற பல தரப்பினருடனும் சந்திப்புக்களை ஏற்படுத்தி, இந்த ஊரிலும் இம்மாவட்டத்திலும் ஒரு நேர்மையான, ஊழல் மோசடிகள் இல்லாத, மக்கள் 100 வீதமும் முழுமையாகப் பயனடையக்கூடிய அபிவிருத்திகளை வெளிப்படையாக மேற்கொள்வதற்கான ஆதரவையும், ஒத்துழைப்புக்களையும் கோரினார்.

அந்த வகையில் ஏனைய தரப்பினர்களை விட, இன்றும் அரசியற் களத்தில் மக்களின் ஆணைகளைக் கோரி நிற்கின்ற இந்த மண்ணின் மைந்தர்களான முன்னாள் நாடாளுமன்ற உறுப்பினர் எம்.எல்.ஏ.எம். ஹிஸ்புல்லாஹ், இந்நாள் கிழக்கு மாகாண சபை உறுப்பினர் பொறியியலாளர் ஷிப்லி பாறூக் போன்றவர்கள் குறிப்பிடத்தக்கவர்கள்.

இவர்களுடன் கடந்த இரண்டு நகர சபைக் காலங்களிலும் இவருடன் சபை உறுப்பினர்களாக இருந்த முன்னாள் நகர சபைத் தவிசாளர்களான முபீன், மர்சூக் அகமட்லெப்பை, அஸ்பர் மற்றும் உறுப்பினர்களான ஏ.எம். ஹயாத், சட்டத்தரணி ஏ.ஏ.எம். றூபி, றவூப் ஏ. மஜீத், சல்மா அமீர் ஹம்ஸா, எம்.எம்.ஏ. லத்தீப் (அலி சப்ரி), எச்.எம்.எம். பாக்கீர், எம்.எஸ்.எம். ஸியாத், உதவித் தவிசாளர்... போன்றவர்களுடனும் சபை அமர்வுகளின்போதும், அதற்கு வெளியிலும் நல்லாட்சி அரசியல் குறித்தும், வெளிப்படைத்தன்மையுடைய மக்கள் பணி குறித்தும் அதிகளவு உரையாடியுள்ளார்.

எனினும், காத்தான்குடி அரசியற்களத்தில் இவரது அரசியல் வளர்ச்சியை விரும்பாத இவர்கள் அனைவரும் சந்தர்ப்பவாதக் காரணங்களைக் கூறி இவரை விட்டும் தூரமாகியே நின்றனர். இது வரையிலும் நிற்கின்றனர். 

பொறியியலாளர் ஷிப்லி, யூ.எல்.எம்.என். முபீன், போன்றவர்கள் இப்போது இவருடன் சேர்ந்து அரசியல் மேடைகளில் தோன்றுவதும், நல்லாட்சி பற்றிப் பேசுவதும் அவர்களது கட்சி மற்றும் தனிப்பட்ட அரசியல் வெற்றிகளுடன் கூடிய வேறு நோக்கங்களுக்காகவே அன்றி, உண்மையான பொறியியலாளர் அப்துர் றஹ்மான் வலியுறுத்தி முன்னெடுத்து வருகின்ற நல்லாட்சிக் கொள்கை கோட்பாடுகளை ஏற்றுக் கொண்டு அல்ல என்பதையும் இந்த இடத்தில் புறம்பாக நோக்க வேண்டும்.

பொறியியலாளர் அப்துர் றஹ்மான் கடந்த 9 வருடங்களாக இவ்வூரில் நல்லாட்சித் தத்துவம் குறித்து நூற்றுக்கணக்கான உரைகளை பகிரங்கமாக மக்கள் சந்திப்புக்களின்போது ஆற்றியுள்ளார். அவற்றில் பெரும்பாலனவை எனது பத்திரிகை மற்றும் இணையதளத்தில் பதிவாகியுள்ளன. இந்த ஒன்பது வருட காலத்திலும் இவரும், இவரைச் சார்ந்தவர்களும் எடுத்துரைத்து வந்த நல்லாட்சித் தத்துவமானது இவர்களிடம் செவிடன் காதில் ஊதிய சங்காகவே இருந்து வந்த நிலையில், இப்போது தமது மு.கா.வும், தானும் வெற்றி பெற்றுவிட வேண்டும் என்கிற சுயநல அரசியல் சிந்தனையில்தான் சகோதரர் ஷிப்லி பாறூக்கும், முபீனும் 'நல்லாட்சி' பற்றி வானம் கிழியவும், பின்பக்கம் காற்றுப் பிரியவும் மேடைகளில் தூள் கிளப்பிப் பேசுகிறார்களே தவிர, இவர்களுக்கும் நல்லாட்சித் தத்துவத்திற்கும் எள்ளளவு அல்ல, அதன் முனையளவுக்குக்கூட சம்பந்தம் கிடையாது என்பதே எனது கருத்தாகும்.

அதற்கும் என்னிம் ஏராளமான ஆதாரங்கள் இருக்கின்றன. அவற்றில் ஆளுக்கொன்றான ஆதாரங்களை இங்கு குறிப்பிடுகின்றேன்.

முதலாவது நகர சபையில் முபீன் அவர்கள் தவிசாளராக இருந்தபோது, ருளுயுஐனு நிறுவனம் 25 இலட்சம் ரூபாவை காத்தான்குடியிலுள்ள வடிகான்களைச் சுத்திகரிப்பதற்காகக் கொடுத்தது. அதற்கு உண்மையில் வேலை செய்வதற்கு சில ஊழியர்களை நியமித்த முபீன் அவர்கள், பொய்யாகப் பலரின் பெயர்களை வடிகான் சுத்திகரிப்பதாகக் குறிப்பிட்டு இலட்சக்கணக்கான சபைக்குரிய பணத்தைக் களவெடுத்தார். மாத்திரமல்ல, இந்த வடிகான்களில் இருந்து பெறப்பட்ட மண்ணை ட்ரக்டர் ட்ரக்டராக ஏற்றி கடற்கரை வீதியிலுள்ள தனது வளவில் கொட்டி நிரப்பவும் செய்தார்.

இந்த மோசடியை நான் பத்திரிகை மூலம் அம்பலப்படுத்தியபோது, எனது வீட்டுக்கு அடியாட்களை அனுப்பி எனது வீட்டைத் தாக்கியதுடன், என்னையும் கொலை செய்வதற்கு முயற்சி செய்தார். நான் தப்பியோடி உயிர் பிழைத்தேன்.

இந்தத் தாக்குதல் பற்றிய உண்மையை அப்போது அவரது சபையில் உதவித் தவிசாளராக இருந்தவரும், இப்போது மு.கா.வின் அரசியல் அதியுயர்பீட உறுப்பினருமாகவுள்ள மர்சூக் அகமட்லெப்பை அவர்கள், கடந்த 2010 பொதுத் தேர்தலின்போது, ஹிஸ்புல்லாஹ்வுக்கு ஆதரவு தெரிவித்து அவரது மேடையில் பேசும்போது பகிரங்கமாகச் சொன்னார்.

இப்படிப்பட்ட அயோக்கியத்தனமான அரசியல் முன்னெடுப்புக்களைச் செய்தவரான முபீன் அவர்களுக்கு, இஸ்லாம் வலியுறுத்துகின்ற, பொறியியலாளர் அப்துர் றஹ்மான் கூறி வருகின்ற 'நல்லாட்சி' எவ்வாறு தலைக்குள் ஏறும்? எனவே, அவர் இப்போது அப்துர் றஹ்மானின் நல்லாட்சி மேடையில் ஏறி நாவரளப் பேசுவதெல்லாம், இந்தத் தேர்தலில் எப்படியாவது, யாருடன் கூட்டுச் சேர்ந்தாவது தனது கட்சியை வெல்லவைத்து, தேர்தல் முடிந்த கையுடன் தலைவரிடம் ஓடிச் சென்று தனக்கான வரப்பிரசாதங்களைப் பெற்றுக் கொள்ள வேண்டும் என்பதற்காகத்தான் என்பதை என் ஊர் மக்கள் மறந்து விடக்கூடாது.

அப்துர் றஹ்மான் அடிக்கடி சொல்வார்: எமது மக்களின் மறதி, மடத்தனம், சுயநலம். இவை மூன்றும்தான் இன்றைய முஸ்லிம் அரசியல் வியாபாரிகளுக்கு மூலதனமாக உள்ளது என்று. எவ்வளவு உண்மையான விடயம். இந்த மறதியும், மடத்தனமும், சுயநலன்களும் நம் மக்களுக்கு இன்றும் இருப்பதனால்தான் இந்தத் தேர்தலில் காடைத்தனம் புரிந்த முபீனும், அவரைக் காட்டிக் கொடுத்த மர்சூக் அகமட்லெப்பையும் அப்துர் றஹ்மான் உள்ளிட்ட நல்லாட்சி முக்கியஸ்தர்களுடன் ஒன்றாக ஒரே மேடையில் வீற்றிருப்பதைப் பார்த்து இன்னமும் ரசிக்க முடிகின்றது.

இனி பொறியியலாளர் ஷிப்லி பாறூக் அவர்களுக்கும், நல்லாட்சிச் சிந்தனைக்கும் இடையிலான சம்பந்தத்தை சற்று பார்க்கலாம்.

இதே அப்துர் றஹ்மான், இதே ஷிப்லி பாறூக் அவர்களுடன் நல்லாட்சி அரசியல் சம்பந்தமாக பல மணித்தியாலங்கள் பேச்சுவார்த்தை நடாத்தியுள்ளார். சாதாரண 5ம் வகுப்புப் படித்த பாமரர்களுக்கும் இந்த நல்லாட்சித் தத்துவங்கள் விளங்கி 2006ல் 3000க்கும் அதிகமானவர்களும், 2011ல் 7000க்கும் அதிகமானவர்களும் ஆதரவு அளித்திருந்த போதிலும், பொறியியல்துறை படித்துப் பட்டம் பெற்றவரான ஷிப்லி பாறூக் அவர்களுக்கு ளுடுஆஊ 10 Nகுபுபு அரசியல் கூட்டு ஏற்படும் வரை இந்த நல்லாட்சி என்னவென்பது ஹறாம் விளங்கவில்லை.

தனக்கென்ற அரசியல் கொள்கைகள் எதுவுமில்லாமல், ஹிஸ்புல்லாஹ்வுக்காக மாகாண சபைத் தேர்தலில் இதே அப்துர் றஹ்மானுக்கு எதிராகப் பலிக்கடாவாகக் களமிறங்கி, த.தே.கூட்டமைப்பின் 4000 வாக்குகளை கொள்ளையிட்டு, இதே அப்துர் றஹ்மானின் கிழக்கு மாகாண சபைப் பிரவேசத்தை இல்லாமலாக்கி, ஹிஸ்புல்லாஹ்வின் அப்பட்டமான அநியாயங்களுக்கும், அக்கிரமங்களுக்கும் பக்க பலமாகத் துணை நின்ற இந்த ஷிப்லி பாறூக், ஜனாதிபதித் தேர்தலில் ஹிஸ்புல்லாவுடனும், கிழக்கு மாகாண 2ம் கட்ட முதலமைச்சர் தெரிவின்போது அமைச்சர் ரிஷாத் பதியுத்தீனுடனும் முரண்பட்டு, அரசியல் அநாதையாகி ளுடுஆஊ யில் போய் ஒட்டிக் கொண்டிருந்தபோது, ளுடுஆஊ 10 Nகுபுபு யின் கூட்டு ஏற்பட்டதென்பது, இவரே இந்த ஊரில் ஒட்டியிருந்த 'யாரும் எதிர்பார்த்திருக்காத மாற்றம்' என்ற தலைப்பிலான சுவரொட்டியையே எனக்கு நினைவுபடுத்துகின்றது. இப்போது இவரும் நல்லாட்சி பேசி வாக்குக் கேட்கிறார்.

காத்தான்குடி மக்கள் ஒன்றைத் தெளிவாக உணர்ந்து கொள்ள வேண்டும். கடந்த மாகாண சபைத் தேர்தலில் இவர் போட்டியிட்டபோது, இவருக்கு நீங்கள் ஆணையளித்து உங்களின் மாகாண சபை பிரதிநிதியாகத் தெரிவு செய்தீர்கள். இப்போது, உங்களின் ஆணைக்கேற்ப இவர் பொறுப்பேற்ற மாகாண சபை; பதவிக்காலம் இன்னும் மீதமாக இருக்கும்போது, இப்போது நாடாளுமன்றத்திற்கு எம்.பி யாகச் செல்ல முயற்சிக்கின்றார். ஏன் இவரால் இந்தக் கிழக்கு மாகாண சபையில் உறுப்பினராக இருந்து, இவரால் முதல்வராக்கப்பட்ட ஜெ. நஜீர் அகமட்டின் அனுசரணையோடு இந்த ஊருக்கும், மட்டக்களப்பு மாவட்ட முஸ்லிம் சமூகத்திற்கும் சேவைகள் செய்ய முடியாதா?

இவர் என்ன அரசியல் துறையில் பதவி உயர்வு பெறும் நோக்கத்துடனா இந்தத் தேர்தலில் போட்டியிடுகின்றார்? அன்று, பொறியிலாளர் அப்துர் றஹ்மான் கிழக்கு மாகாண சபைக்குச் செல்வதற்குக் கிடைத்த சந்தர்ப்பத்தையும் அநியாயக்காரர்களுடன் சேர்ந்து நாசமாக்கி இல்லாதொழித்த இவர், இப்போதும் பொறியியலாளர் அப்துர் றஹ்மான் நாடாளுமன்றத்திற்குச் செல்லும் வாய்ப்புக்கு ஆப்பு வைப்பதற்காகவா ஹிஸ்புல்லாவின் பினாமியாக மாறி ளுடுஆஊயில் இணைந்து கொண்டு போட்டியிடுகின்றார்?

'முகம் நிறைய தாடியை வைத்துக் கொண்டு ஊரை ஏமாற்ற வேண்டாம்' என்று ஹிஸ்புல்லாவே இவருக்கு பகிரங்கமாகச் சிறப்புச் சான்றிதழ் கொடுத்திருக்கும்போது, இவரது நடவடிக்கைகளில் ஊர்மக்கள் மிகவும் விழிப்பாக இருக்க வேண்டும் என்பதே எனது எச்சரிப்பாகும்.

ஊடகங்களிலும், கிழக்கு மாகாண சபையிலும், மாவட்ட அபிவிருத்திச் சபையிலும், களுவாஞ்சிகுடி நீதிமன்றத்திலும், காணாமல் போனோர் ஆணைக்குழுவிலுமாக இவர் பரபரப்பாக முன்னெடுத்த நமது ஊரின் தெற்கு எல்லைப் பிரச்சினை விவகாரம், மண்முனைப்பற்று பிரதேசத்திலுள்ள முஸ்லிம்களின் காணி மற்றும் குடியிருப்பு அபிவிருத்தி விவகாரம், குருக்கள்மடத்தில் புதையுண்ட நம்மவர்களைத் தோண்டும் விவகாரம், வன்செயல்களால் இடம்பெயர்ந்தவர்களை மீளக்குடியேற்றும் விவகாரம் போன்ற பல்வேறு விடயங்கள் இடைநடுவில் இருக்கத்தக்க, இவர் இப்போதே நாடாளுமன்றம் போக வேண்டிய அவசியமும், அவசரமும்தான் என்ன?

கிழக்கு மாகாண சபையில் உறுப்பினராகிப் பெற்ற தீர்வையற்ற ஆடம்பர வாகனத்தில் வந்த இலாபத்தில், சொந்தப்பணம் 62 இலட்சம் ரூபாவில் பாம் றோட்டைப் போடுவதாக ஷோ காட்டியாகி விட்டது. இப்போது நாடாளுமன்றத்திலும் எம்.பி.யாகி அதன் மூலம் கிடைக்கும் தீர்வையற்ற வாகனத்தைச் சந்தைப்படுத்தி கிடைக்கும் பணத்தையும் சொந்தப்பணத்தில் சேர்த்துக் கொள்ளவா? ஏன்று நான் கேட்க விரும்புகின்றேன்.

சிலருக்கு தீச்ச கறியில் உச்ச விருப்பம். இன்னும் சிலருக்கு தீர்வையற்ற காரில் விருப்பம். 

எதிர்வரும் 17ம் திகதி நாம் வாக்களிப்புச் செய்து நமது பொறியியலாளர் ஷிப்லி பாறூக் தோல்வியடைந்து விட்டார் என்றே வைத்துக் கொள்வோம். அதனால் நமது ஊருக்கு என்ன நஷ்டம்? அவருக்கு ஆணை வழங்கிய மக்கள் சிந்திக்க வேண்டும். அவர் தொடர்ந்தும் கிழக்கு மாகாண சபையில் இருந்து அவரது மக்கள் சேவையைத் தொடரலாம். ஆனால் பொறியியலாளர் அப்துர் றஹ்மான் தோல்வியடைந்தால்...

(தொடரும்)

Read More

காத்தான்குடியில் ஐக்கிய தேசியக் கட்சியின் முதலாவது தேர்தல் பிரச்சாரக் கூட்டம் இன்று

காத்தான்குடியில் ஐக்கிய தேசியக் கட்சியின் முதலாவது தேர்தல் பிரச்சாரக் கூட்டம் இன்று

By Unknown   12:11:00 PM   No comments:

(புவி. எம்.ஐ. றஹ்மதுழ்ழாஹ் - காத்தான்குடி)

காத்தான்குடியில் ஐக்கிய தேசியக் கட்சியின் முதலாவது தேர்தல் பிரச்சாரக் கூட்டம் இன்று (26.07.2015) ஞாயிற்றுக்கிழமை மாலை நகரின் மத்தியிலுள்ள குட்வின் சந்தியில் நடைபெறவுள்ளது.

இக்கூட்டத்தில் அகில இலங்கை மக்கள் காங்கிரசின் தலைவரும், அமைச்சருமான றிசாட் பதியுதீன் மற்றும் முன்னாள் பிரதியமைச்சரும், மட்டக்களப்பு மாவட்டத்தில் ஐக்கிய தேசியக் கட்சியின் சார்பில் 1ம் இலக்கத்தில் வேட்பாளராகப் போட்டியிடும் தலைமை வேட்பாளர் சட்டத்தரணி அல்ஹாஜ் எம்.எஸ்.எஸ்.அமீர் அலி, காத்தான்குடிப் பிரதேச முன்னாள் நகர சபை உறுப்பினரும், 7ம் இலக்க வேட்பாளருமான சட்டத்தரணி ஏ.எம்.எம். றூபி உட்பட சக வேட்பாளர்களும், ஐக்கிய தேசியக் கட்சியின் முக்கியஸ்தர்களும் கலந்து கொண்டு உரையாற்றவுள்ளனர்.

Read More

"முஸ்லிம் காங்கிரஸூடனான கூட்டு இணைவில் நல்லாட்சிக்கான எமது அடிப்படை கொள்கையில் எந்த விட்டுக்கொடுப்புகளுமில்லை": பொறியியலாளர் அப்துர் ரஹ்மான்

"முஸ்லிம் காங்கிரஸூடனான கூட்டு இணைவில் நல்லாட்சிக்கான எமது அடிப்படை கொள்கையில் எந்த விட்டுக்கொடுப்புகளுமில்லை": பொறியியலாளர் அப்துர் ரஹ்மான்

By Unknown   12:05:00 PM   No comments:

(NFGG ஊடகப்பிரிவு)

"எதிர்வரும் பாராளுமன்றத் தேர்தலில் மட்டக்களப்பு மாவட்டத்தில் முஸ்லிம் காங்கிரஸ் - நல்லாட்சிக்கான தேசிய முன்னணி ஆகிய இரு கட்சிகளின் கூட்டிணைவிற்காக, எமது நல்லாட்சிக்கான அடிப்படைக்கொள்கையில் எந்த விட்டுக்கொடுப்புகளையும் செய்யவில்லை. மாறாக அது நல்லாட்சியை முன்னெடுப்பதற்கான கூட்டு முயற்சியே இதுவாகும்" என பொறியியலாளர் அப்துர் ரஹ்மான் தெரிவித்தார். 

மட்டக்களப்பு மாவட்டத்தில் நல்லாட்சிக்கான தேசிய முன்னணி சார்பில், முஸ்லிம் காங்கிரஸ் கட்சியின் மரச் சின்னத்தில், 2ம் இலக்கத்தில் போட்டியிடும் பொறியியலாளர் அப்துர் ரஹ்மான், ஏறாவூர் சதாம் ஹுசைன் கிராமத்தில் இளைஞர்களுடனான சந்திப்பு நிகழ்வின் போதே இவ்வாறு தெரிவித்தார். 

"இந்த நாட்டில் நல்லாட்சி என்ற கொள்கையின் அடிபடையில்  கடந்த பத்து வருடங்களாக அரசியல் வேலைத்திட்டங்களை மேற்கொண்டு வரும் எமது நல்லாட்சிக்கான தேசிய முன்னணி, நெருக்கடியான சூழ்நிலைகளிலும் எமது கொள்கையில் உறுதியாக இருந்து அதனை நடைமுறைப்படுத்திக் காட்டியுள்ளது. வட மாகாண சபைத் தேர்தலில் தமிழ் தேசிய கூட்டணியுனும் கடந்த ஜனாதிபதித் தேர்தலில் பெரும்பான்மை சிங்களக் கட்சிகள் உள்ளிட்ட பல்வேறு முரண்பாடான கொள்கைகளை கொண்ட கட்சிகளுடன கூட்டு உடன் படிக்கைகள் மூலம் இணைந்து தனது நல்லாட்சிக்கான உழைப்பபை முன்னின்று செய்தது. இதனால் நல்லாட்சிக்கான தேசிய முன்னணியின் மீது இந்த நாட்டின் சக்தி வாய்ந்த அரசியல் கட்சிகளின் பார்வை திரும்பியுள்ளது. 

தற்பொழுது நடைபெறவுள்ள பொதுத் தேர்தலிலும்  ஐக்கிய தேசியக் கட்சியின் தலைமையில் முஸ்லிம் காங்கிரஸ் அடங்கலாக பல கட்சிகள் இணைந்து நல்லாட்சிக்கான உழைப்பை மேற்கொள்கின்றன. அதில் ஒரு அங்கமாகவே முஸ்லிம் காங்கிரசுடனான எமது கூட்டணியும் அமைந்துள்ளது. 

நாங்கள் இவ்வாறான கூட்டணிகள் ஏதுமின்றி தனியாக அரசியலில் பயணித்துக்கொண்டிருந்த பொழுதே பல வருடங்களுக்கு முன்னரே மக்கள் மத்தியில் பின்வரும் விடயத்தினை தெளிவாக முன்வைத்திருந்தோம். அதாவது, 'அரசியல் என்பது செம்மையான நேர் கோட்டுப்பாதை கிடையாது. கூட்டணிகளும் ஒப்பந்தங்களும் அணிசேர்வுகளும் தவிர்க்க முடியாதவை. ஆனால் அந்த ஒவ்வொரு கூட்டணிகளும், ஒப்பந்தங்களும் அணி சேர்வுகளும்,  நமது லட்சியத்தை நோக்கி நம்மை நகர்த்துவதாக இருக்க வேண்டும். அப்படியிருந்தால் அது சரியான பாதையாகும். இலட்சியத்தை விட்டும் நம்மை பின்னகர்த்துவதாக இருந்தால் அது பிழையான பாதையாகும்'. 

அந்த வகையில் எமது அடிப்படைக்கொள்கையில் எந்த விட்டுக்கொடுப்பும் செய்யாது சமூக நலன் அடிப்படையிலான இந்தக்கூட்டணியை ஒரு பொது இலட்சியத்திற்காக நாம் ஏற்படுத்தி இருக்கின்றோம்.  கடந்த ஜனவரி மாதம் மக்கள் வழங்கிய ஆணை எவ்வாறான நல்லாட்சியை ஏற்படுத்துவதற்காக வழங்கப்பட்டதோ, அதனை தக்க வைத்து மேலும் வலுப்படுத்தற்கான ஒரு உறுதியான பாராளுமன்றத்தினை அஅமைப்பதே அந்த பொது இலட்சியாமாகும்.

இங்கு முஸ்லிம் காங்கிரஸில் நாம் இணையவில்லை. எங்களுடைய கட்சியில் அவர்கள் இணையவுமில்லை.இரண்டு கட்சிகளும் தனித்துவமான அடையாளங்களைக் கொண்ட இரண்டு நிறுவனங்களாகும். இரண்டும் ஒரு பொது நோக்கத்தில் இணைந்துள்ளன. இது நாம் கைச்சாத்திட்ட ஒப்பந்தத்திலும் மிக தெளிவாக பிரதிபலிக்கிறது."

Read More

“SLMC - NFGG கூட்டு” - ஒரு நேரான பார்வை

“SLMC - NFGG கூட்டு” - ஒரு நேரான பார்வை

By Unknown   11:42:00 AM   No comments:

இன்று இலங்கை முஸ்லிம்களின் அரசியல் பேசுபொருளாக “SLMC-NFGG கூட்டு” என்பது பிரதான இடம் பிடித்திருக்கின்றது. இந்த விடயமானது பலராலும் பலவாறு நோக்கப்படுகிறது, விமர்சிக்கப்படுகிறது. மேற்படி “SLMC-NFGG கூட்டு” விவகாரம் பற்றி முகநூல் நண்பர்களும் சில இணையத்தளங்களும் விமர்சித்துத் தள்ளிக்கொண்டிருக்கிறார்கள்.

சிறிலங்கா முஸ்லிம் காங்கிரஸ் என்பது யார் எப்படி விமர்சித்தாலும், யார் என்ன சொன்னாலும் இலங்கை முஸ்லிம்களின் அரசியல் அபிலாசைகளைத் தனித்துவப்படுத்திக் காட்டிய முதலாவது கட்சி என்றால் இதனை யாராலும் மறுக்க முடியாது. அதன் ஆரம்பத் தாக்கம் இலங்கை முஸ்லிம்களிடமிருந்து பிரிக்கவே முடியாத மானசீகமானதொன்றாகவே இருந்து வருகிறது. இடையிலே எம்.எச்.எம்.அஷரபின் மறைவிற்குப் பின்னர் இக்கட்சி ஏராளமான உடைவுகளையும் சவால்களையும் கண்டுங்கூட இன்றும் முஸ்லிம்களைப் பிரதிநிதித்துவப் படுத்தும் முதன்மைக் கட்சியாக சிறிலங்கா முஸ்லிம் காங்கிரஸே இருந்து வருகிறது. இது முகநூல் நண்பர்களக்குத் தெரியாவிட்டாலும் எமது பேரினத் தலைமைகளுக்கும் சர்வதேசத்திற்கும் நன்றாகவே தெரியும். காலத்திற்குக் காலம் எம்மவர்களால் அதிகமாக விமர்சிக்கப்படும் கட்சியும் சிறிலங்கா முஸ்லிம் காங்கிரஸ்தான், அதே வேளை முஸ்லிம்களின் பிரதிநிதித்துவத்தை அதிகமாகப் பெற்றுக்கொள்ளும் கட்சியும் சிறிலங்கா முஸ்லிம் காங்கிரஸ்தான்!

ஆனால் எமது தேசம் கடந்த காலங்களில் ஒரு பேரினவாத அரக்கனின் பிடியில் மாட்டிக்கொண்டதன் விளைவாய் நாட்டின் சகல பிரஜைகளும் ஏதோ ஒரு வகையில் அனுபவித்த துன்பங்களைப் போலவே சிறிலங்கா முஸ்லிம் காங்கிரஸ் கட்சியும் சொல்லொண்ணா சவால்களை எதிர்கொள்ள வேண்டியேற்பட்டதென்னவோ உண்மைதான். அக்கால கட்டத்தில் நிறையத் தடவைகள் இருதலைக் கொல்லியாய் கட்சியின் தலைமை உட்பட மாட்டித் திணறியதும் உண்மைதான். பேரினவாதத்தின் சூழ்ச்சிகளில் மாட்டிக்கொண்டு கட்சி பல உடைவுகளைச் சந்தித்ததும் உண்மைதான். ஆனால் அதற்காக முஸ்லிம் காங்கிரஸின் தலைவர் கையாலாகாதவர் என்றோ, அரசியல் சாணக்கியமற்றவர் என்றோ, முற்று முழுதும் சமூக நலனில் அக்கறை அற்றவர் என்றோ கூறிவிட முடியாது. முஸ்லிம் காங்கிரஸ் பற்றிய அதிகமான விமர்சனங்களுக்குக் காரணமாய் அமைந்த விடயம் யாதெனில், விமர்சிப்பவர்கள் கிழக்கு மாகாண முஸ்லிம்களை மையப்படுத்தியே சிந்திக்கும் அதே சமயம் தலைமையோ தேசிய ரீதியில் வாழும் அனைத்து முஸ்லிம்களையும் சிந்தித்து முடிவெடுப்பதுமேயாகும்.

இவ்வாறு நான் கூறுவதிலிருந்து முஸ்லிம் காங்கிரஸிற்கு ஜால்ரா அடிப்பதாக யாரும் எண்ணிக்கொள்ள வேண்டாம். நானும் ஏராளமான விடயங்களில் முஸ்லிம் காங்கிரஸ் பற்றிய விமர்சனங்களை எனது எழுத்துக்களினூடாக அவ்வப்போது மிகக் காரமாகப் பதிவு செய்திருக்கிறேன். முஸ்லிம் காங்கிரஸ் மாத்திரமல்ல ஏனைய முஸ்லிம் பாராளுமன்ற உறுப்பினர்களும் தமிழ்த் தலைமைகளைப் போல உரிமை அரசியல் செய்யவில்லை, மாறாக சுகபோக அரசியலே செய்துவருகிறார்கள் என நியாயமாக விமர்சித்திருக்கிறேன். ஆனால் நான் இந்தக் கட்டுரையில் தெளிவு படுத்த விளையும் விடயத்திற்கு முஸ்லிம் காங்கிரஸ் பற்றிய நேரான பார்வையும் அத்தியவசியமாகின்றது. “...உங்களுக்கும் எங்களுக்கும் இடையே உள்ள பொதுவான விடயத்தின் பக்கம் முதலில் வாருங்கள்...” (அல்குர்ஆன் 3:64) எனும் இறை வழிகாட்டலுக்கிணங்கவே இக்கட்டுரையை எழுத முற்பட்டேன்.

NFGG ஐப் பொறுத்த வரையில் PMGG என்ற பெயருடன் தமது அரசியல் பயணத்தை ஆரம்பித்த இவ்வியக்கம் ஆரம்பந்தொட்டே அழகியதொரு நேர்மையான அரசியல் கலாசாரத்தை அறிமுகப்படுத்தியும் நடைமுறைப்படுத்தியும் வருகின்றது. அத்தோடு அவ்வப்போது உண்மையின் பக்கம் உறுதியாக நின்று விமர்சன அரசியலையும் செய்து வருகின்றது. இவ்வியக்கத்தினரின் சமகால அரசியல் நகர்வுகளை நோக்கும் போது மிகச் சாணக்கியமான முன்னெடுப்புக்களைக் கண்டு கொள்ளக் கூடியதாகவும் இருந்தது. கறை படியாத கரங்களும் சுயநலமற்ற சிந்தனைகளும் இவர்களது பிளஸ் பொய்ன்டுகள்.

PMGG இனரால் அரசியல் தளத்தில் மிக அதிகமாக விமர்சிக்கப்பட்டவர்களே இந்த முஸ்லிம் காங்கிரஸ் இனர்கள்தான். ஆனால் எந்த இடத்திலும் முஸ்லிம் காங்கிரஸினர் அரசியலை விட்டு ஒதுங்க வேண்டும் என்றோ அவர்களது அரசியல் முஸ்லிம்களுக்குத் தேவையில்லையென்றோ PMGG இனரின் விமர்சனங்கள் அமையவில்லை. எனது அவதானிப்புக்குட்பட்டவற்றுள், ஒரு சகோதரனை வழிநடாத்தும் அறிவுரைகளாகவே PMGG இனரின் விமர்சனங்கள் அமைந்திருந்தன.

முஸ்லிம் சமூகம் மாற்று அரசியல் கலாசாரத்தினைப் பற்றி சிந்திக்க வேண்டும் என்றே குறிப்பிட்டு வந்திருக்கிறார்களே தவிர முஸ்லிம் காங்கிரஸை வீழ்த்தி முஸ்லிம்களுக்கான புதிய தலைமைத்துவமாக தாம் உருவெடுக்கவேண்டும் என்ற தலைமைத்துவ மோகமோ பதவி ஆசைகளோ PMGG இடம் இருந்ததாக நானறியவில்லை.

இந்தப் பின்னணியிலேதான் “SLMC-NFGG கூட்டு” எனும் விடயத்தினை நாம் நோக்க வேண்டியிருக்கிறது. தேசத்தின் இன்றைய அரசியல் சூழ்நிலைகளைப் பார்க்கும் பொழுது முடியுமான வரைக்கும் முஸ்லிம்களாகிய நாம் அனைவரும் ஒன்று படவேண்டும் என்பதையும் தாண்டி சிறுபான்மையினராகிய நாம் அனைவரும் ஒன்றுபடவேண்டிய கட்டாயத்திலிருக்கிறோம். இதன் வெளிப்பாடாக கடந்த வட மாகாண சபைத் தேர்தலில் தமிழ்த் தேசியக் கூட்டமைப்போடு “சிறுபான்மையினர் ”என்ற ரீதியில் ஒன்றிணைந்து போனஸ் மூலம் ஒரு மாகாண சபை உறுப்பினரைப் பெற்றுக்கொண்ட NFGG இம்முறைப் பொதுத் தேர்தலில் “முஸ்லிமகள்” என்ற அடிப்படையில் கூட்டாகச் சேர்ந்து முஸ்லிம் உறுப்பினர்களின் வெற்றியை உறுதிப்படுத்திக் கொள்வதில் தவறேதுமிருப்பதாகத் தோன்றவில்லை.

இலங்கை முஸ்லிம்களின் அரசியலில் முதுசொமாகத் திகழ்கிற சிறிலங்கா முஸ்லிம் காங்கிரஸூம் சிறந்ததோர் அரசியல் கலாசாரத்தைக் கட்டியெழுப்பும் முனைப்புடன் ஈடுபட்டு வருகின்ற நல்லாட்சிக்கான தேசிய முன்னணியும் கூட்டுச் சேர்ந்திருப்பதானது பேரினவாதிகளுக்கும் அரசியல் சுயநலமிகளுக்கும் வேண்டுமானால் அதிர்ச்சியையும் பயத்தையும் உண்டுபண்ணியிருக்கலாம். ஆனால் நேர்மையாகச் சிந்திக்கும் ஒவ்வொரு முஸ்லிமுக்கும் இதுவொரு இனிப்பான செய்திதான்.

கடந்த காலங்களில் PMGG தனித்துப் போட்டியிட்டதனால் வாக்குகள் துண்டாடப்பட்டு கிடைக்கவேண்டிய முஸ்லிம் உறுப்பினர்களின் எண்ணிக்கை இழக்கப்படுகிறது என்கிற விமர்சனங்கள் எழுந்திருந்தன. ஆனால் இம்முறை அந்த விமர்சனத்திற்கு முற்றுப்புள்ளி வைக்கப்பட்டு முஸ்லிம் பிரதிநிதித்துவங்கள் உறுதிப்படுத்தப்படுவதற்கு இந்த “SLMC-NFGG கூட்டு” வழிசமைக்கும் என்பதில் துளியளவும் சந்தேகமில்லை, அல்ஹம்துலில்லாஹ்!

வரலாறுகளின் அடிப்படையில் பிரிவினைதான் தோல்விகளுக்குக் காரணங்களாக இருந்திருக்கின்றன. ஒன்றுபடுதல் விமர்சனங்களுக்குட்படலாம், ஆனால் அது வெற்றியின் அடையாளம் என்பதை யாரும் மறந்துவிடக் கூடாது. அதுவும் ஒன்றுபட வேண்டிய தருணத்தில் ஒன்று படவேண்டிய கட்டாயத்தில் இவ்விரு முஸ்லிம் அமைப்புக்களினதும் கூட்டானது உண்மையிலேயே வரவேற்கப்படவேண்டியதும் ஆரோக்கியமானதுமேயாகும். இந்த முன்னெடுப்பினைப் பற்றி ஒற்றை வாக்கியத்தில் சொல்வதானால் “பூவுடன் கூடிய நாரும் மணம் வீசும்!” என்று கூறலாம். இங்கு யார் பூ? யார் நார்? என்கிற விவாதம் நமக்கு அத்தியவசியமற்றது. ஏனெனில் எதுவானாலும் மணம் கிடைக்கப்போவது நமது சமூகத்திற்குத்தான்!

- ரா.ப.அரூஸ்

Read More

காத்தான்குடி , கீச்சான்பள்ளம் பகுதியில் இன்று காலை சடலம் ஒன்று மீட்பு

காத்தான்குடி , கீச்சான்பள்ளம் பகுதியில் இன்று காலை சடலம் ஒன்று மீட்பு

By Unknown   10:40:00 AM   No comments:

மட்டக்களப்பு - காத்தான்குடி , கீச்சான்பள்ளம் பகுதியில் இன்று காலை சடலம் ஒன்று மீட்கப்பட்டுள்ளதாக பொலிஸார் தெரிவித்தனர்.

பொலிஸாருக்கு கிடைத்த தகவலை அடுத்தே  பொலிஸார் குறித்த சடலத்தை மீட்டுள்ளனர்.

சம்பவத்தில் 44 வயதுடைய ஆண் ஒருவரின் சடலமே மீட்கப்பட்டுள்ளதாக பொலிஸார் தெரிவித்தனர்.

பொலிஸார் சம்பவம் தொடர்பில் மேலதிக விசாரணைகளை மேற்கொண்டு வருகின்றனர்.

  

Read More

மஹிந்தவை மின்சார நாற்காலியில் இருந்து காப்பாற்றியுள்ளேன்: ரணில் பெருமிதம்

மஹிந்தவை மின்சார நாற்காலியில் இருந்து காப்பாற்றியுள்ளேன்: ரணில் பெருமிதம்

By Unknown   9:36:00 AM   No comments:

முன்னாள் ஜனாதிபதி மஹிந்த ராஜபக்சவை சர்வதேச குற்றவியல் நீதிமன்றத்துக்கு கொண்டு செல்லப்படுவதை தாம் தடுத்துள்ளதாக பிரதமர் ரணில் விக்ரமசிங்க தெரிவித்துள்ளார்.

ரோம் உடன்படிக்கையில் தாம் கைச்சாத்திடாத காரணத்தினால் மஹிந்தவுக்கு இந்த வாய்ப்பு கிடைத்துள்ளதாக அவர் குறிப்பிட்டுள்ளார்.

இலங்கையின் ஆங்கில செய்தித்தாள் ஒன்றுக்கு வழங்கிய செவ்வியில் ரணில் இந்த விடயத்தை குறிப்பிட்டுள்ளார்.

ரோம் உடன்படிக்கையில் தாம் கைச்சாத்திடாத காரணத்தினால், இலங்கையின் படைவீரர்கள் எவரையும் சர்வதேச நீதிமன்றத்தின் முன்னால் கொண்டு செல்ல முடியாது என்று தெரிவித்துள்ளார்.  அதற்கு பதிலாக உள்ளக விசாரணைகளை நடத்த முடியும்.

எனினும் 2009ஆம் ஆண்டு முன்னாள் ஜனாதிபதி மஹிந்த ராஜபக்ச, ஐக்கிய நாடுகளின் பொதுச்செயலாளர் பன் கீ மூனுடன் இணைந்து கையெழுத்திட்டு வெளியிட்ட அறிக்கையில் சர்வதேச விசாரணையை ஏற்றுக்கொண்டுள்ளார் என்று ரணில் விக்கிரமசிங்க சுட்டிக்காட்டியுள்ளார்.

இந்தநிலையில் குற்றமிழைக்கும் படைவீரர்கள் தொடர்பில் உள்ளக விசாரணைகளை முன்னெடுத்து தண்டனை வழங்க முடியும் என்று ரணில் குறிப்பிட்டுள்ளார்.

முன்னாள் ஜனாதிபதி சந்திரிகா குமாரதுங்கவை கொலை செய்ய முனைந்த விடுதலைப்புலிகளின் அமைப்புடன் இணக்கப்பாட்டை ஏற்படுத்தியே மஹிந்த ராஜபக்ச 2005ஆம் ஆண்டில் ஜனாதிபதியானார்.

இது அவர், தமது கட்சி தலைவிக்கு செய்த துரோகமாகும். அடுத்தபடியாக தற்போது கட்சியின் தலைவர் மைத்திரிபால சிறிசேனவுக்கு எதிராக மஹிந்த ராஜபக்ச செயற்பட்டு வருகிறார். எனவே மக்களே கட்சிக்கு எதிராக அவர் மேற்கொள்ளும் நடவடிக்கைகள் தொடர்பில் கருத்துக்கூற வேண்டும் என்று ரணில் தெரிவித்துள்ளார்.

மத்திய வங்கியின் ஆளுநர் வெளிநாட்டவர் அல்ல. அவர் இலங்கையர். இந்தநிலையில் அவர் மீது சுமத்தப்பட்டுள்ள குற்றச்சாட்டுக்கள் தொடர்பில் உயர்நீதிமன்றத்தில் வழக்கு தாக்கல் செய்யப்பட்டுள்ளது. எனவே உயர்நீதிமன்றம் வழங்கும் தீர்ப்பை அனைவரும் ஏற்றுக்கொள்ளமுடியும். இதன்காரணமாகவே அவரை பதவியில் இருந்து நீக்கவேண்டும் என்பதில் உடன்படவில்லை என்று ரணில் குறிப்பிட்டுள்ளார்.

முன்னைய ஆட்சியில் பாதுகாப்பு செயலாளராக இருந்த கோத்தபாய ராஜபக்ச, ஒரு வெளிநாட்டவர். அவர் பிற்பகுதியிலேயே இலங்கையின் பிரஜாவுரிமையை பெற்றுக்கொண்டார் என்றும் ரணில் சுட்டிக்காட்டியுள்ளார்.

இலங்கை இந்திய மீனவர் பிரச்சினை குறித்து கருத்துரைத்துள்ள ரணில் விக்கிரமசிங்க, பாக்குநீரிணையால் பிரிக்கப்பட்ட இரண்டு உறவுக்காரர்களுக்கு இடையிலான பிரச்சினையே இதுவாகும். எனவே இது தொடர்பில் பேச்சுவார்த்தை நடத்தி தீர்வு எட்டப்படும் என்று குறிப்பிட்டுள்ளார்.

இந்தியாவின் முன்னாள் ஜனாதிபதி அப்துல் கலாம் தம்மை சந்தித்தபோது தாம் ராமேஸ்வரத்தை சேர்ந்தவர் என்றும் தமது உறவுக்காரர்கள் இலங்கையில் இருப்பதாக குறிப்பிட்டதையும் ரணில் சுட்டிக்காட்டியுள்ளார்.

Read More

கருவெலகஸ்வெவ பிரதேச சபையின் முன்னாள் தலைவர் கைதாகி பிணையில் விடுதலை

கருவெலகஸ்வெவ பிரதேச சபையின் முன்னாள் தலைவர் கைதாகி பிணையில் விடுதலை

By Unknown   9:05:00 AM   No comments:

புத்தளம் கருவெலகஸ்வெவ பிரதேச சபையின் முன்னாள் தலைவர் கைது செய்யப்பட்டுள்ளார்.

கருவெலகஸ்வெவ 8 ஆம் கட்டை பகுதியில் மது போதையில் அமைதியின்மையைத் தோற்றுவிக்கும் வகையில் செயற்பட்டமை காரணமாக அவர் நேற்றிரவு 11.30 அளவில் கைது செய்யப்பட்டதாக பொலிஸார் தெரிவித்தனர்.

ஐக்கிய மக்கள் சுதந்திரக் கூட்டமைப்பைச் சேர்ந்த குறித்த முன்னாள் பிரதேச சபைத் தலைவருடன் மற்றுமொருவரும் கைது செய்யப்பட்டுள்ளார்.

பின்னர் இருவரும் பிணையில் விடுவிக்கப்பட்டுள்ளனர்.

குறித்த இருவரும் எதிர்வரும் 28 ஆம் திகதி புத்தளம் நீதவான் நீதிமன்றத்தில் ஆஜராக வேண்டும் எனவும் அறிவிக்கப்பட்டுள்ளது.

Read More

அரசியலா..? அது நல்லவர்களையும் கெடுத்திடுமில்லே..?

அரசியலா..? அது நல்லவர்களையும் கெடுத்திடுமில்லே..?

By Unknown   8:17:00 AM   No comments:

(புவி. எம்.ஐ. றஹ்மதுழ்ழாஹ் - காத்தான்குடி)

கடந்த வெள்ளிக்கிழமை மாலை காத்தான்குடியில் நடைபெற்ற ஸ்ரீ.ல.மு.கா – ந.தே.மு அரசயற் கூட்டணியில் கலந்து கொண்டு உரையாற்றிய நல்லாட்சிக்கான தேசிய முன்னணியின் தவிசாளரும், மட்டக்களப்பு மாவட்டத்தில் ஸ்ரீ.ல.மு.கா.வின் மரச்சின்னத்தில் 2ம் இலக்க வேட்பாளருமாகப் போட்டியிடுபவருமான பொறியியலாளர் எம்.எம். அப்துர் றஹ்மான், தனதுரையின் மத்தியில் தனக்கு 6ம் வகுப்பில் இஸ்லாம் பாடம் கற்பித்த ஆசிரியர் ஒருவரைச் சந்தித்து தான் தேர்தலில் போட்டியிடும் விடயத்தை தெரிவித்தபோது அவர் அதிருப்தியடைந்து, அரசியலானது நல்லவர்களையும் கெடுத்து விடும் எனக்கூறி கவலைப்பட்டதாகத் தெரிவித்தார்.

மேலும், தனது ஆசிரியருக்கு தற்போதைய அரசியற்களத்திலுள்ள அனுரகுமார திசாநாயக்க, சுமந்திரன் போன்ற அரசியலால் கெட்டுப்போகாத சில நல்லவர்களைப் பற்றி எடுத்துக்கூறி அவரைத் திருப்திப்படுத்திய விடயத்தையும் அப்துர் றஹ்மான் குறிப்பிட்டார்.

இந்த விபரங்களைச் செவியேற்ற எனக்கு, 'கோமல் அன்பரசன்' அவர்கள் எழுதிய 'அரசியல் சாக்கடையா?' எனும் தலைப்பிலான கட்டுரையைப் படித்தபோது மேலும் பல விளக்கங்களைத் தருவதாக அமைந்தது. அதனை நமது இணையதள வாசகர்களின் வாசிப்புக்காக இங்கே மீள் பதிவு செய்கின்றேன்.

அரசியல்: சாக்கடையா? - கோமல் அன்பரசன்

அரசியலா... அது ஒரு சாக்கடையில்ல...?

நம்மிடம் மிகச் சரளமாக புழக்கத்தில் இருக்கும் சொல்லாடல் இது. அதிலும் நடுத்தர வர்க்கத்தவரிடம் இந்த எண்ணம் ஆழ வேரூன்றிக் கிடக்கிறது. ஆனால், அரசியல் இல்லாமல் இங்கே என்னதான் நடக்கிறது? அல்லது நடந்து விட முடியும்?

காலையில் எழுந்திருப்பதில் இருந்து இரவு தூங்கப்போகும் வரையிலும் நாம் எதிர்கொள்கின்ற எல்லாவற்றிலும் ஏதோ ஒரு வகையில் அரசியல் இருந்து கொண்டுதானே இருக்கிறது? பொழுதுபோக்குக்காக பார்க்கின்ற திரைப்படம், தொலைக்காட்சி, படிக்கிற பத்திரிகைகள், சஞ்சிகைகள் எல்லாவற்றின் பின்னணியிலும் அரசியல்தானே ஒளிந்து கொண்டிருக்கின்றது?

இப்படி நம்முடைய பிறப்பு முதல் இறப்பு வரை ஒவ்வொன்றிலும் அரசியல் செறிந்து கிடக்கிறது. சில இடங்களில் பட்டவர்த்தனமாகவே தெரிகிறது. மொத்தத்தில் நம் உணவை, உடையை, செயல்பாடுகளை முடிவு செய்வது எல்லாம் அரசியலே. நிறுத்தி, நிதானமாக யோசித்தால் இதிலுள்ள உண்மை உங்களுக்குப் புரியும்.

நம்முடைய வாழ்வை, நாம் விட்டுச் செல்லவிருக்கும் அடுத்த தலைமுறையின் வாழ்வியலை, நாட்டின் எதிர்காலத்தைத் தீர்மானிக்கிற அரசியலை, அது ஒரு சாக்கடை என வெகு எளிதாகச் சொல்லி விட்டுக் கடந்து செல்கிறோம். இது எப்படிச் சரியாக இருக்க முடியும்? 

அட, அதற்காக என்ன செய்ய? எல்லோரும் தத்தம் வேலைகளை விட்டுவிட்டு, அரசியற்கட்சிகளில் ஐக்கியமாகி, கலர்கரை வேட்டிகளைக் கட்டிக்கொண்டு அரசியல் செய்யக் கிளம்பிடவா முடியும்? கொடி ஏற்றி முழங்கிடவா முடியும்? என்று நீங்கள் கேட்பது என் காதுகளில் விழுகிறது. அங்கேதான் பிரச்னை இருக்கிறது.

அரசியலைப் பற்றிய நம் சிந்தனை அப்படித்தான் மட்டமாக இருக்கிறது. ஒன்று நாம் ஒதுங்கிப் போய்விட வேண்டும். இல்லையென்றால் அதில் மூழ்கி முத்து எடுக்க வேண்டும். நம் தலையெழுத்தை நிர்ணயிக்கும் அரசியலைப் பற்றிப் பேசவே பயப்படும் மனநிலைக்கு நாம் வந்த இந்த இடம்தான், நமது அரசியல் அவலமானதன் ஆரம்பம் எனலாம். நமக்கேன் அரசியல் என்று நாம் ஒதுங்கியதுதான், நிலைமை இத்தனை மோசமானதன் தொடக்கம்.

அதைப் பற்றி பேசவும், அதில் ஈடுபடவும் யாரோ சிலர் இருக்கிறார்கள் என்ற எண்ணம்தான், நம்மை இங்கே கொண்டு வந்து நிறுத்தி இருக்கிறது. முதலில் நாம் ஒதுங்கிக் கொண்டதால், அரசியல்வாதிகள் சகல அதிகாரமும் கொண்ட தனிச் சமூகமானார்கள். பிறகு அவர்களைப் பார்ப்பதற்கே பயப்படும் அளவுக்கு சூழல் மாறியது. கடைசியாக அந்த அரசியல்வாதி நம்மில் ஒருவர், நம்மால் தேர்ந்தெடுக்கப்பட்டவர் என்று சிந்திப்பதற்கே அஞ்சி, அவர்களைக் கண்டாலே நாம் தாழ்ந்து, பணிந்து தொழும் நிலைக்கு வந்து நிற்கிறோம்.

மேலை நாடுகள் பலவற்றில் வேலை அல்லது தொழில் செய்து கொண்டே அரசியலிலும் ஈடுபடுகிறார்கள். அங்கே யாருக்கும் இது முழு நேரத் தொழிலாக இருப்பதில்லை. அதனால், பணத்தைக் குவிப்பதற்கான வழிமுறையாகவும் அவர்கள் அரசியலைப் பார்ப்பதில்லை.

உலகத்தின் உச்சத்தில் இருக்கின்ற அமெரிக்காவில் இரண்டாவது முறையும் அதிபரான ஒபாமா, அடுத்த ஆண்டு தனது பதவிக் காலம் முடிந்த பின்னர் தனது வாழ்வாதாரத்திற்கான பொருத்தமானதொரு வேலையை இப்போதே தேடிக் கொண்டிருக்கிறார். சரியான வேலையொன்று கிடைக்காவிட்டால், தான் அதிபராவதற்கு முன்னர் செய்து வந்த தன்னார்வத் தொண்டு நிறுவன ஆலோசகர் பணியை மீண்டும் தொடரலாமா என்று யோசித்துக் கொண்டிருப்பதாக அவர் கூறியிருக்கிறார். 

இது அங்கே புதிதல்ல. ஏனெனில், அமெரிக்க நாட்டின் சட்டப்படி இரு முறைக்கு மேல் ஒரே நபர் அதிபராகப் பதவி வகிக்க முடியாது.

ஏற்கனவே அதிபராக இருந்த ஜிம்மி கார்ட்டர், தம்முடைய பூர்வீகத் தொழிலான வேர்க்கடலை விவசாயத்தில் ஈடுபட்டு வருவதுடன், அதில் கிடைக்கும் வருவாய் மூலம் மக்களுக்கும் சேவை செய்கிறார். சில நிறுவனங்களுக்கு ஆலோசகராக வேலை பார்க்கும் முன்னாள் ஜனாதிபதி கிளிண்டன், தனது சொந்த வருவாயில் அறக்கட்டளை ஒன்றையும் நிறுவி நடத்தி வருகின்கிறார். 

நமது நாட்டின் அரசியல் தலைவர்களைப் பற்றி நம்மால் இப்படியெல்லாம் கற்பனை செய்து பார்க்க முடியுமா? தலைவர்களை விடுங்கள். முன்னாள் உள்ளுராட்சித் தலைவர்கள், உறுப்பினர்கள் குறித்தாவது இப்படியெல்லாம் நினைத்துப் பார்க்க இயலுமா?

எனவே, சுயமான தொழில்துறை ஏதுமின்றி, செல்வ வளம் கொழிக்கும் நிரந்தரத் தொழில் என்ற நிலையிலிருந்து நமது ஊர் அரசியல்வாதிகளின் பிடியில் சிக்கியிருக்கும் அரசியலை நாம் மீட்டெடுக்க வேண்டிய அவசிய, அவசரம் இப்போது ஏற்பட்டிருக்கிறது.

உடுத்த உடைக்கு மாற்றுடை இன்றி, பயணிப்பதற்கு ஒரு துவிச்சக்கர வண்டியின்றி, கக்கூசுக்கு ஒரு கதவு போட்டுக் கொள்ள வழியின்றி, அகதி முகாம்களில் அடைபட்டுக் கிடந்து அல்லற்பட்ட நிலையில் அரசியலுக்கு வந்த நமது ஆசாமிகள், ஒன்றிரண்டு ஆண்டுகளுக்குள்ளேயே பலவேறு பதவிகளையும் பெற்றுக் கொண்டதுடன், அதன் தொடராக கார், காணி, பங்களா, சொத்து, சுகம், ஊரே மிரளும் தர்பார் அதிகாரம் என்று சுகபோக வாழ்வின் உச்சத்திற்குச் சென்று விடுவதை நாம் நிதர்சனமாகவே காணுகின்றோம். இவற்றை மட்டுமே குறிக்கோளாகக் கொண்டுதான் நமது இளைஞர்களும், இன்ன பிறரும் இந்த அரசியலுக்கு வருகிறார்கள்.

இதனால், அரசியலுக்கு வருவதற்குத் தேவையான அடிப்படைத் தகுதிகளும் அடியோடு இப்போது மாறிவிட்டன. சித்தாந்த அரசியல் செத்துப்போய், தனி நபர் துதி பாடலும், தறுதலைச் செயல்களும் தூக்கலானதுதான் அரசியலைப் பற்றிய அருவருப்புக்கு முக்கிய காரணிகளாகிவிட்டன. குற்றவாளிகளின் புகலிடம் அரசியல் என்பதோடன்றி, நல்லவர்கள் அதற்குள் நுழைந்தாலும் விரைவில் கெட்டுப் போகாமல் அரசியலில் குப்பைதானும் கொட்ட முடியாது என்ற எண்ணமும் அழுத்தத்திருத்தமாகவே நம்மவர்களின் மனங்களில் பதிந்திருக்கிறது.

நமது அடுத்த வீடான தமிழகத்தில் காமராஜர், கக்கன், சத்தியமூர்த்தி, முத்துராமலிங்கத் தேவர் உள்ளிட்ட பலரும் இளைஞர்களாக இந்த அரசியலுக்கு வந்தவர்கள்தான். அவர்களின் சிந்தனைகள் நாட்டின் நலன் மீதும், மக்களின் வாழ்க்கை அபிவிருத்தி மீதும் அக்கறை கொண்டதாக இருந்தது. கர்ம வீரர் எனப் பொற்றப்பட்ட காமராஜர் ஆட்சியிலும் குற்றச்சாட்டுக்கள் இருந்தனதான். ஆனாலும் அதையெல்லாம் தாண்டி குறைந்தபட்ச தவறு, அதிகபட்ச அக்கறை, தார்மீக உணர்வு என்பன நிறைந்திருந்தது. மக்கள், தலைவர்களான தங்களை தவறாக நினைப்பார்களே என்கிற பயம் அவர்களிடம் இருந்தது. அரசியலில் ஈடுபட்டு பணம் குவித்து, பகட்டாக இருப்பவர்களை அன்றைய மக்கள் வெறுத்தார்கள். பெரும்பாலான அரசியல்வாதிகள் தமது மனச்சாட்சிக்குப் பயந்து நடந்தார்கள்.

அடுத்தவனைக் கெடுத்தால், அநியாயம் செய்தால், ஊழல் மோசடிகளில் ஈடுபட்டால் அன்றே இல்லாவிட்டாலும் அடுத்த நாள் அதற்கான பலனை அனுபவிக்க நேரிடும் என்று அதிகம் பேர் அஞ்சினார்கள். தலைவர்கள், தங்களைவிட மேலானவர்களாக, உதாரண புருஷர்களாக, நாட்டுக்காகத் தியாகம் செய்தவர்களாக இருக்க வேண்டும் என விரும்பினார்கள். அதனால், தலைவர்களும் மக்களைக் கண்டு பயந்தார்கள்.

அன்றைய கனவு வாகனமான அம்பாசிடர் கார் வாங்குவதற்கும், சொந்த வீடு கட்டுவதற்கும் பயந்த அரசியல்வாதிகள் ஊருக்கு ஊர் காணப்பட்டார்கள். ஏராளமான மக்கள் பிரதிநிதிகள் கடைசி வரை இரு சக்கர வாகனத்தில்தான் தமது தொகுதியைச் சுற்றி வந்தார்கள்.

சிறு வயதில் பார்த்த காட்சிகள் இன்னும் அப்படியே மனக்கண்ணில் நிற்கின்றன. மதுக் கடைக்குச் செல்பவர்கள்கூட மிகவும் பயந்து, அக்கம ;பக்கம் பல முறை பார்த்து, யாராவது தம்மைப் பார்த்து விடுவார்களோ என்று அஞ்சியஞ்சியே செல்வார்கள். சிலர் இன்னும் ஒருபடி மேலாக, தலையில் முக்காடு போட்டு முகத்தை மூடிக்கொண்டு சாராயக் கடைக்குப் போனவர்களையும் எங்கள் கிராமத்தில் பார்த்திருக்கிறேன். உறவினர்களையோ, நண்பர்களையோ மதுக் கடையில் பார்ப்பதைக் கேவலமாகப் பார்த்த சமூகம், குடும்பம், மனிதர்கள் அன்றைக்கு அதிகமாக இருந்தார்கள். 

இன்றைய நிலைமை என்ன என்பதை மனதில் ஓட்டிப் பாருங்கள். மதுக்கடைகளால் மாவட்டமே போதையில் மூழ்கிக்கிடக்கிறது. குடிப்பதற்கு இறைக்கப்படும் பணம் குடும்பப் பராமரிப்புக்கு வழங்கப்படாததால் வறுமையில் முன்னிற்கும் மாவட்டமாக நமது மாவட்டம் மிதக்கிறது.

மதுவும் மனிதனும் என்பது ஒரு குறியீடுதான். ஏறத்தாழ எல்லா மதிப்பீடுகளும் இதே கதிக்குதான் ஆளாகியிருக்கின்றன. தவறுகள் எல்லாமே தவறுகள் இல்லை என்கிற புதிய வாழ்வியல் சூத்திரத்தை நமக்கு வசதியாக நாமே உருவாக்கி வைத்திருக்கிறோம். அதனால் நம்முடைய அரசியல் தலைவர்களும் அப்படியேதான் இருக்கிறார்கள். மக்கள் எப்படியோ, அப்படித்தான் தலைவர்களும் உருவாகி வருவார்கள் என்று சும்மாவா நம்முன்னோர் சொல்லி வைத்திருக்கிறார்கள்? 

காலத்திற்குக் காலம் தேர்தல் நடக்கிறது. ஏதோவொரு அளவீட்டில், மதிப்பீட்டில் நாம் பிரதிநிதிகளைத் தேர்ந்தெடுக்கிறோம். அல்லது அவர்களாக குண்டர்களையும், தொண்டர்களையும் கொண்டு கள்ளவாக்குகளால் தேர்வாகி விடுவார்கள். தெரிவாகும் பிரதிநிதியால் நன்மைகள் நடக்க வேண்டும் என்று நினைப்பதுதானே நம் யாவரினதும் இயற்கையான எண்ணம்? அத்தகைய எதிர்பார்ப்புத்தானே சரியாகவும் இருக்க முடியும்? 

ஆனால், 'தேன் எடுக்கிறவன் கொஞ்சம் நக்கத்தான் செய்வான்' என்று நம் தலைவர்கள் தமது கொள்ளைகளுக்கு நியாயம் கற்பிக்கிறார்கள். தேர்தல் காலத்தில் மக்களுக்குக் கொடுத்ததை நாங்கள் திரும்ப எடுக்க வேண்டாமா? என்கிறார்கள். அடுத்த முறை தேர்தலின்போது கொடுப்பதற்காகவே இப்போது சேர்த்து வைக்கிறோம் என்றும் சொல்கிறார்கள். நாமும் அதனைச் சரியென்று வழிமொழிபவர்களாகத்தானே இருக்கிறோம். அதனால்தானே இடியப்பச் சட்டிகளுக்கும், பிட்டுக் குழல்களுக்கும், தையல் மெஷின்களுக்கும், சைக்கிள்களுக்கும், சாரயப் போத்தல்களுக்கும், சோற்றுப் பொதிகளுக்குமாக நமது வாக்குகளை வாரி வழங்குகிறோம்.

மொத்தக் குறையும் மக்கள் மீதுதானா? நம்மைக் கெடுத்ததில் அரசியல் தலைவர்களுக்குப் பங்கில்லையா? என்றால், இருக்கலாம். ஆனால், அவர்கள் துணிந்து நம்மைக் கெடுப்பதற்கும், தொடர்ந்து கெடுப்பதற்கும் இடம் கொடுத்தது நாம்தானே? அது நமது தவறுதானே?

எல்லாம் சரி. இதற்கு என்னதான் தீர்வு? யாராவது வானத்திலிருந்து மாற்றத்தை ஏற்படுத்தக் குதித்து வருவார்கள். அவர்கள் ஏதாவது ஆச்சரியங்களை நிகழ்த்துவார்கள். அதை வாய் பிளந்து பார்த்து, கை தட்டி மகிழ்வோம் என்ற எண்ணத்திலிருந்து முதலில் நாம் ஒவ்வொருவரும் விடுபட்டு வெளியே வர வேண்டும்.

அணு, அணுவாக நம்மை அன்றாடம் இயக்குவது இந்த அரசியலே என்பதிலும், அதனைத் தீர்மானிப்பதும், வழிநடத்துவதும் நாமே என்பதிலும் நமக்குத் தெளிவு பிறக்க வேண்டும்.

ஆரோக்கியமான அரசியலைப் பற்றிச் சிந்திக்காத, அதில் ஆர்வம் காட்டாத மக்களோ, தேசமோ என்றுமே உருப்பட்டதில்லை என்று வரலாறு நமக்குச் சொல்லித் தரும் பாடத்தை மனதில் இருத்த வேண்டும். 

நல்ல சிந்தனை, நல்ல எண்ணங்களுக்கு எப்போதும் வலிமை உண்டு. யாரோ ஒரு தனி மனிதனின் நல்ல எண்ணம் செயல் வடிவம் பெறுகின்றபோது, அதைப்பற்றி நூறு, ஆயிரம், பத்தாயிரம், லட்சம் பேர் என ஒரு சமூகமே நல்லாட்சியைச் சிந்திக்கத் தொடங்கிவிட்டால் அதற்கு எவ்வளவு ஆற்றல் இருக்கும்? 

நல்ல அரசியல் அல்லது அரசியலில் நல்லவர்கள் என்ற அந்த எண்ணம் கண்முன் செயலாக, நடைமுறையாக மாறிவிடுமல்லவா? 

ஊருக்கு சாக்கடை ஒன்று இருக்க வேண்டியது அவசியம்தான். அதற்காக ஒட்டுமொத்த ஊரும் சாக்கடையாகிப் போவதற்கு அனுமதிக்கப் போகிறோமா? என்பது வருகின்ற ஆகஸ்ட் 17ம் திகதி காலையில் நமக்குப் பிறக்கின்ற நல்ல சிந்தனையில், செயலில்தான் இருக்கிறது. 

Read More