காத்தான்குடியில் 'இரத்ததானம் வழங்குவோர்களின் சமூகம்' உதயம்

காத்தான்குடியில் 'இரத்ததானம் வழங்குவோர்களின் சமூகம்' உதயம்

By avathani Media Network   11:44:00 PM   No comments:

இரத்ததானம் வழங்குவதில் கிழக்கு மாகாணத்திலே முன்னணியில் திகழும் ஊர் காத்தான்குடி.
இது அதிகமான இரத்ததானம் வழங்குவோரும் அதனை ஒழுங்குபடுத்தும் அமைப்புகளையும் கொண்ட ஊராகும் .
காத்தான்குடியில் இருந்து 1500க்கும் அதிகமானோர் வருடாவருடம் மட்டக்களப்பு போதனா வைத்தியசாலைக்கு இரத்ததானம் செய்துவருகின்றனர். இது இவ்வைத்தியசாலைக்கு மொத்தமாக இரத்ததானம் செய்வோரில் 40%க்கும் அதிகமாகும்.
காத்தான்குடியில் காணப்படும் இந்த விழிப்பனர்வுக்கு மிக அதிகமான அளவு பங்களிப்புச்செய்தவர்கள் இரத்ததான முகாம்களை ஒழுங்கு செய்யும் சமூகசேவை அமைப்புகளாகும்.
காத்தான்குடி மற்றும் அதனை அண்டிய ஊர்களில் சுமார் 10க்கும் மேற்பட்ட அமைப்புக்கள் நீண்டகாலமாக பல சிரமங்களுக்கு மத்தியில் இதனைத் தொடர்ந்து செய்துவருகின்றனர்.
இந்த அமைப்புகளுக்கு மத்தியில் ஒரு கட்டமைப்பு உருவாக்கப்பட்டு பல விடயங்கள் ஒழுங்கமைக்கப்பட்டவேண்டும் என்பது மிக நீண்டகாலமாக உணரப்பட்டவிடயமாகும்.
இதனைக் கருத்திற்கொண்டு Kattankudy doctors forum ( KDF)  இவ்வமைப்புக்களுக்கிடையிலான கலந்துரையாடல் ஓன்றினை கடந்த 25-12-2015 ம்திகதி காத்தான்குடி MOH காரியாலயத்தில் Dr. ஷியாம் அவர்களின் தலைமையில் ஏற்பாடு செய்தது.
இதில் பின்வரும் விடயங்கள் ஆராயப்பட்டு முடிவுகள் பெறப்பட்டன.

1- காத்தான்குடியில் உள்ள அனைத்து இரத்ததானம் செய்வோர்கள் மற்றும் அதனை ஒழுங்குசெய்யும் அமைப்புகள் உள்ளடக்கியதான 'காத்தான்குடி இரத்ததானம் செய்வோர் சமூகம் ' ஒன்றினை ஆரம்பித்தல் .

2-இந்த கலந்துரையாடலில் கலந்துகொள்ளாத , அழைக்கப்படாத ஏனைய அமைப்புக்களுடன் தொடர்புகளை எற்படுத்தி அவர்களையும் இதனுடன் இணைத்துக்கொள்ளுதல்

3- காத்தான்குடி தளவைத்தியசாலையில் ஆரம்பிக்கப்படவுள்ள இரத்தவங்கிக்கான முடியுமான ஆதரவினை வழங்குதல்.

4- இரத்ததானம் செய்வோர்களின் சுகாதார நலன்கள் தொடர்பாக இலவச ஆலோசனைகளை வழங்குதல்.

5- தேசிய இரத்தவங்கி மற்றும் மட்டக்களப்பு இரத்தவங்கிகளுடான தொடர்புகளை பேணிக்கொள்ளுதல்.

6-இரத்தம் வழங்குவோர் , இரத்தம் தேவையானோர்களுடையான தொடர்புகளை இலகுவாக்க மற்றும் தேசியஇ சர்வதேச தொடர்புகளை ஏற்படுத்த இணையத்தளம் ஒன்றினை உருவாக்குதல்.

7- இரத்ததானம் தொடர்பான விழப்புணர்வுகளை உள்ளூர் , வெளியூர்களில் அதிகரிக்க முயற்சித்தல்.

8- இரத்ததான முகாம்களின் கால அட்டவணையினை தயாரித்தல்.

9- எனைய சுகாதார மேம்பாட்டு நடவடிக்கைகளில் பங்குகொள்ளுதல்.

தகவல் 
Dr. A.L. A. Shiyam

Read More

இந்து சமயத்தை நிந்தித்தது மௌலவி ஸஹ்றானா, இராஜாங்க அமைச்சர் ஹிஸ்புல்லாஹ்வா?

இந்து சமயத்தை நிந்தித்தது மௌலவி ஸஹ்றானா, இராஜாங்க அமைச்சர் ஹிஸ்புல்லாஹ்வா?

By avathani Media Network   7:35:00 PM   No comments:

(முஹம்மது நியாஸ்)

கடந்த இரண்டு வாரங்களுக்கும் மேலாக முகநூல் என்னும் சமூக வலைத்தளத்தினூடாக சில நபர்கள் மௌலவி ஸஹ்றான் தன்னுடைய சொற்பொழிவொன்றின் போது இந்து சமயத்தை கேவலப்படுத்தி விட்டார் என்றும், இன நல்லுறவு(?)க்கு விரிசல்களை ஏற்படுத்தி அதில் குளிர் காய்கிறார் என்றும் கூக்குரல் எழுப்பிவருவதை அவதானிக்கக் கூடியதாக இருந்தது.

இதன் உண்மை நிலவரம் என்னவென்பது குறித்து தீவிரமான தேடலில் ஈடுபட்டபோது இந்துக்களின் குரல் என்னும் புனை பெயருடன் இஸ்லாமியர்கள் மீதான துவேசத்தை பரப்பக்கூடிய இந்துத்துவா பயங்கரவாத அமைப்பைச்சேர்ந்த ஒரு இனவாதப்பேர்வழி மௌலவி ஸஹ்றானுடைய சொற்பொழிவின் போது அவர் சுட்டிக்காட்டிய ஒரு விரிவான விடயத்தை முன்னாலும் பின்னாலும் கத்தரித்துவிட்டு இடையிலுள்ள ஒரு பகுதியை மாத்திரம் எடுத்து வைத்துக்கொண்டு "ஒரு இஸ்லாமியன் இந்து மதத்தை கேவலப்படுத்தி விட்டான்" என்று முஸ்லிம்கள் மீதான குரோதத்தை தன்னுடைய முகநூலில் கொப்பளித்திருப்பதை நான் அவதானித்தேன்.

அந்த இனவாதக்காடையனின் வஞ்சகத்தனமான கருத்துக்களுக்கு மேலும் வலுச்சேர்க்கும் விதமாக மத நல்லிணக்கம் என்னும் போர்வையில் காத்தான்குடியைச் சேர்ந்த நமது இஸ்லாமிய பெயர் தாங்கிய சில கோடாரிக்காம்புகளும் ஒன்றுகூடி பக்க வாத்தியமிசைத்து மௌலவி ஸஹ்றான் மீது தங்களுடைய உள்ளத்தில் குடிகொண்டிருந்த நீண்ட நாள் வஞ்சத்தை கொட்டித்தீர்த்திருந்தார்கள்.

இதில் காத்தான்குடியிலுள்ள சில சேய்களால் மாத்திரம் தாய் நிறுவனம் என்றழைக்கப்படுகின்ற காத்தான்குடி பள்ளிவாயில்கள் முஸ்லிம் நிறுவனங்களின் சம்மேளனத்தில் உறுப்பினராக இருப்பதாக தனக்குத்தானே கூறிக்கொள்கின்ற ஒரு அரைவேகாட்டுப்பேர்வளியும் இன்னும் சில படிகள் மேலே ஏறிச்சென்று அந்த இனவாதக்காடையனிடம் "நீங்கள் எங்களது ஊருக்கு வந்தால் நான் ஸஹ்றான் இருக்கின்ற இடத்தை காட்டித்தருகிறேன்" என்றெல்லாம் பித்துப்பிடித்த மனநோயாளியைப் போன்று பைத்தியகாரத்தனமாக உளறிவைத்திருந்ததையும் அவதானிக்கக்கூடியதாக இருந்தது.

இத்தனைக்கும் அந்த வீடியோவில் அப்படி என்னதான் இருக்கிறது என்று நான் ஆராய்ந்து பார்த்தபோது,

கடந்த சில வாரங்களுக்கு முன்னால் இந்துசமய மக்களுடைய தீபாவளி நிகழ்வொன்றில் கலந்து கொண்ட நல்லாட்சிக்கான தேசிய முன்னணியின் முன்னால் ஷூரா சபை உறுப்பினர் MBM. பிர்தௌஸ் (நளீமி) மங்கள விளக்கேற்றியது தொடர்பில் கண்டன உரை நிகழ்த்திய மௌலவி ஸஹ்றான் அந்த உரையில் ஓரிடத்தில் இந்து சமய மக்களுடைய வணக்க வழிபாடுகளை பற்றி கூறும்போது "அவர்கள் கழுதையை கூட கடவுளாக நமபக்கூடியவர்கள்" என்ற கருத்தை தெரிவித்திருந்தார்.

இந்த விடயத்திற்கு முன்னாலும் பின்னாலும் மௌலவி ஸஹ்றான் கூறிய கருத்துக்கள் அனைத்தையும் நயவஞ்சகத்தனமாக நீக்கிவிட்டு குறித்த இந்த பகுதியை மாத்திரம் முகநூலில் வெளியிட்டு இஸ்லாமியர்கள் மீதான குரோதத்தை கொப்பளித்த இந்துத்துவா பயங்கரவாதியிடம் மௌலவி ஸஹ்றானை ஒரு தீவிரவாதியாக சித்தரித்து அதன் மூலம் தங்களுடைய இனங்களுக்கிடையிலான நல்லுறவை(?)யும் மாற்றுமத மக்களுடைய நல்லாதரவையும் பெறுவதற்கு காக்கை வன்னியன் வம்சத்தில் வந்த நமதூரைச்சேர்ந்த கடைசி வாரிசுகள் சிலர் கடினமாகவே முயற்சித்துள்ளனர்.

இதை நாம் யதார்த்தமாக விளக்குவோமானால் உயிரே இல்லாத கற்களை, சிலைகளை கடவுளென்று வழிபடுகின்ற இந்துசமய மக்களுக்கு ஒரு உயிரும், ஐந்து அறிவும் இருக்கக்கூடிய கழுதை என்னும் பிராணியை கடவுளென்று நம்புவதில் எதுவித ஆட்சேபனைகளும் இருக்கப்போவதில்லை. காரணம் நாயைக்கூட பைரவர் என்னும் பெயர் கொண்ட கடவுளாகக்கருதி வழிபடக்கூடிய இந்துக்கள் இருக்கிறார்கள். இந்தியாவில் பல மாவட்டங்களில் பன்றியை கடவுளாக வழிபடக்கூடிய இந்துசமய மக்கள் இருக்கிறார்கள். அப்படியிருக்கின்றபோது கழுதையை மாத்திரம் கடவுளாக நம்புவதற்கு இந்து சமய மக்களுக்கு முன்னால் இருக்கக்கூடிய தடைகள்தான் என்ன?

இதை மத நல்லிணக்கம் என்னும் பெயரால் ஒரு இஸ்லாமிய மார்க்க அறிஞனை காட்டிக்கொடுக்க முயற்சித்த நமது கோடாரிக்காம்புகள் விளக்குவார்களா?

மேலும் இந்த விடயங்களை நான் இந்து சமயத்தையோ அவர்களுடைய கடவுள்களையோ அவமதிப்பதற்காக கூறவில்லை. அந்த மக்களுடைய கடவுள் கோட்பாடு அவ்வாறுதான் இருக்கிறது. அதைத்தான் மௌலவி ஸஹ்றான் சூசகமான முறையில் சுட்டிக்காட்டினார். இதில் இந்த கோடரிக்காம்புகளும் இந்துத்துவா பயங்கரவாதிகளும் ஓரணியில் ஒன்றுதிரண்டு மத நிந்தனை என்று கூக்குரல் எழுப்பவதற்கு எதுவும் கிடையாது.

ஆனால் தாம் பின்பற்றுகின்ற இஸ்லாமிய மார்கத்தின் சட்டதிட்டங்களை கூட சரிவர படிக்காத, அறியாத அரைவேக்காடுகள் சிலர் ஒன்றிணைந்து இந்துசமயத்தையும், மத நல்லிணக்கத்தை(?)யும்  அடைகாப்பதற்காக படையெடுத்துச் சென்று கடைசியில் தன்னுடைய இஸ்லாமிய சகோதரன் ஒருவனையே தீவிரவாதியாகவும், மத நிந்தனையாளனாகவும் இந்துத்துவா பயங்கரவாதியிடம் சித்தரித்துக்காட்டிக்கொடுத்து தங்களை நல்லவர்களாக அடையாளப்படுத்த முயற்சிக்கின்ற கேவலமான கொடுமையை எந்த வார்த்தைகளை கொண்டுதான் நான் விளக்குவது?  ஸுப்ஹானழ்ழாஹ்........

உண்மையில் இவர்கள் சர்வமத நல்லிணக்கத்தை ஏற்படுத்தி மாற்றுசமய மக்களிடம் இஸ்லாமியர்கள் மீதான நல்லெண்ணத்தை ஏற்படுத்தத்தான் பாடுபடுகிறார்கள் என்ற வாதம் உண்மையானால் இந்த வாதத்தில் இவர்கள் உண்மையாளர்களாகவும் இருந்தால் இந்த மத நல்லிணக்கவாதிகள் கண்டிப்பதற்கும் காட்டிகொடுப்பதற்கும் உரித்துடைய ஒரேயொரு நபராக இருப்பவர் இராஜாங்க அமைச்சர் ஹிஸ்புல்லாஹ்தான்.

காரணம் இராஜாங்க அமைச்சர் ஹிஸ்புல்லாஹ்தான் கடந்த மஹிந்த ராஜபக்ஷ ஆட்சியில் மட்டக்களப்பு மாவட்ட அபிவிருத்திக்குழுவின் தலைவராக இருந்தபோது அந்த அதிகாரத்தை பயன்படுத்தி இந்துசமய மக்களுடைய கோயில்களுக்கு சொந்தமான, ஏற்கனவே கோயில் இருந்த  காணியை அடாத்தாக ஆக்கிரமித்து அதை பள்ளிவாயிலுக்கு வழங்கி அதில் ஒரு பொதுச்சந்தை கட்டியதாக அவரே வாக்குமூலம் அளிக்கிறார்.

பிறசமய ஊடகவியலாளர்களால் நடாத்தப்படுகின்ற தமிழ்பேசும் இணையத்தளங்களில் இந்த விவகாரம் வைரசாகப்பரவி இஸ்லாமியர்கள் மீதான அவர்களுடைய ஆத்திரத்தையும் அதிருப்தியை சம்பாதித்து வருகிறது.

இதற்கு இந்த போலி மத நல்லிணக்கவாதிகளின் பொறுப்புடன் கூடிய பதில் என்ன?

“பிறசமயத்தவர்களுடைய கடவுள்களை நீங்கள் சபிக்காதீர்கள், காரணம் அவர்கள் உங்களுடைய அழ்ழாஹ்வை சபிப்பார்கள்” என்று அறிவுரை கூறுகின்ற இஸ்லாமிய மார்க்கத்தில் மாற்று சமய மக்களுடைய வணக்கஸ்தலங்கள் அமைந்திருந்த, அந்த மக்களுக்கு சொந்தமான காணியை தன்னுடைய அரசியல் அதிகாரத்தை தவறாக பயன்படுத்தி அநியாயமான முறையில் அபகரித்துவிட்டு அதை ஊடகங்கள் வாயிலாக பகிரங்கப்படுத்திய ஹிஸ்புல்லாஹ்வுக்கு இந்த காத்தான்குடி சமூகத்திலுள்ள மதநல்லிணக்க(?)வாதிகள் என்ன தீர்ப்புக்கூறப்போகிறார்கள்.

இந்து சமய மக்களுடைய கடவுள்கோட்பாட்டை உள்ளது உள்ளபடி, முடியுமானவரை அவர்களது உள்ளம் நோகாத வண்ணம் எடுத்துரைத்த மௌலவி ஸஹ்றானை ஒரு மதத்தீவிரவாதியின் அளவுக்கு சித்தரித்து அதை ஒரு இஸ்லாமியர்களின் பரம எதிரிகளான இந்துத்துவா பயங்கரவாதிகளிடம் காட்டிக்கொடுத்த கேவலங்கெட்ட இக்கோமாளிகள் இந்துசமய மக்களுடைய புனிதஸ்தலத்தை தன்னுடைய அதிகாரத்தின் வாயிலாக அபகரித்த ஹிஸ்புல்லாஹ்வை நோக்கி வாய்திறப்பார்களா?

சம்மேளனத்தில் உறுப்புரிமையில் இருப்பதாகக்கூறிகொள்கின்ற இந்த அரைவேக்காடுகள் தம்முடைய நிறுவனத்தின் ஊடாகவேனும் ஹிஸ்புல்லாஹ்வை அழைத்து விசாரித்து அநியாயமாக அபகரித்த கோயில் காணியை உரிய தரப்பாரிடம் திருப்பி ஒப்படைத்து மத நல்லிணக்கத்தை நிலைநாட்ட முன்வருவார்களா?

மத நல்லிணக்கம் என்று இஸ்லாமிய சமூகத்தை காட்டிக்கொடுத்து மாற்றுசமய மக்களை ஏமாற்றிவருகின்ற காத்தான்குடியைச் சேர்ந்த  ஒட்டுமொத்த நயவஞ்சகப்பேர்வழிகளுக்கும் இது ஒரு பகிரங்க சவால்.

உங்களில் ஒருவருக்கேனும் தைரியமிருந்தால், நெஞ்சில் துணிவிருந்தால், உங்களைப்படைத்த இறைவன் மீது முறையான நம்பிக்கையும் அச்சமும் இருந்தால், தூய இஸ்லாமிய மார்க்கத்தை பின்பற்றுகின்ற கலப்படமற்ற உண்மை முஸ்லிம்களாக நீங்கள் இருந்தால், நீங்கள் கூறுகின்ற மத நல்லிணக்கம் என்ற வார்த்தை சத்தியமும் சாத்தியமுமானதாக இருந்தால் இராஜாங்க அமைச்சர் ஹிஸ்புல்லாஹ் தன்னுடைய அரசியல் அதிகாரத்தை முறைகேடாகப்பயன்படுத்தி அபகரித்த ஓட்டமாவடியில் இந்து சமய வழிபாட்டுத்தலம் அமைந்திருந்த, இந்துசமய மக்களுடைய பூர்வீகக்காணியை அந்த மக்களுக்கே உங்களால் திருப்பி ஒப்படைக்க முடியுமா?

நீங்கள் திருப்பி ஒப்படைக்கவேண்டாம், இன்று மௌலவி ஸஹ்றான் மத நல்லிணக்கத்தை சீர்குலைப்பதாக சமூகவலைத்தளங்களில் ஊளையிட்டு ஒப்பாரி வைக்கிறீர்களே, அதேபோன்று இராஜாங்க அமைச்சர் ஹிஸ்புல்லாஹ்வை விழித்து “அந்தக்காணியை இந்து சமய மக்களிடம் திருப்பி ஒப்படைத்துவிட்டு எங்களுடைய மத நல்லிணக்கத்திற்கு வழிகோலுங்கள்” என்று உங்களால் ஒரு பகிரங்க அறிகையைத்தானும் விடமுடியுமா?

இதற்கு உங்களுக்கு முதுகெலும்பிருக்கிறதா? நெஞ்சில் துணிவிருக்கிறதா? இறை நம்பிக்கையில் உறுதி இருக்கிறதா? உங்களுடைய மத நல்லிணக்க சித்தாந்தத்தில் உங்களுக்கு நேர்மைத்தன்மை இருக்கிறதா? தெம்பும் திராணியுமுள்ள ஆண்மக்கள்தான் நாங்கள் என்று நீங்கள் நினைத்தால் செய்துகாட்டுங்கள். என்னுடைய மரணம் வரைக்கும் உங்களுக்கு நான் அவகாசம் தருகிறேன்.

ஆனால் நீங்கள் ஒருபோதும் செய்யமாட்டீர்கள். காரணம் அந்த ஹிஸ்புல்லாஹ்வின் தலையாட்டி பொம்மைகள்தான் நீங்கள். கோயில்களில் குத்து விளக்கேற்றுவதும் தலையில் வெள்ளை நிறத்தொப்பியும் வைத்து தோளில் மஞ்சள் நிறச்சால்வையும் போர்த்திக்கொண்டு சாமியார்களின் கால்களில் வீழ்ந்து ஆசீர்வாதம் வாங்குவதும், தைப்பொங்கலுக்கும் நத்தாருக்கும் வாழ்த்து கூறுவதும் மத நல்லிணக்கம் என்னும் போர்வையில் இஸ்லாத்தின் தனித்துவத்தையே கரைத்து காணாமல் போவதும்தான் உங்களுக்கு தெரிந்த மத நல்லிணக்கம். ஏனெனில் நீங்கள் மத நல்லிணக்கம் என்னும் பெயரால் உங்களையும் ஏமாற்றி, இந்த இஸ்லாமிய சமூகத்தையும் காட்டிகொடுத்து, பிறசமய மக்களையும் எமாற்றிவருகின்ற கள்ளப்பேர்வழிகள்.

பிறசமய மக்களுடைய வழிபாட்டுத்தலத்திற்கு சொந்தமான காணியை கள்ளத்தனமான முறையில் அபகரித்துக்கொண்டு அந்த மக்களுடனேயே நல்லிணக்கம் என்னும் பெயரால் நடித்து வருகிறீர்களே இதை விடவா இந்த உலகத்தில் ஒரு நயவஞ்சகத்தனம் இருக்கப்போகிறது?

இதிலிருந்தே நீங்கள் கூச்சலிடுகின்ற மத நல்லிணக்கம் என்பது ஒரு நயவஞ்சகத்தனமான வெற்றுக்கோஷம்தான் என்பதை ஏற்றுக்கொள்கிறீர்களா?

மத நல்லிணக்கம் என்னும் பெயரால் இஸ்லாமிய மார்க்கத்தையும் அதை பிரச்சாரம் செய்யும் அறிஞர்களையும் உங்களுடைய உள்ளங்களில் குடிகொண்டுள்ள குரோதத்தின் காரணமாக காட்டிகொடுக்கிறீர்கள் என்பதை உணர்ந்துகொள்கிறீர்களா?

எனவே இந்த போலியான, நயவஞ்சகத்தனமான மத நல்லிணக்கத்தைத்தான் நாங்கள் கூடாதென்கிறோம். அந்த மக்களிடம் இருந்து அநியாயமாக அபகரித்த காணியை அவர்களிடமே ஒப்படைத்துவிட்டு வாருங்கள், நாங்களும் உங்களுடன் இணைந்து மாற்றுமத மக்களுடன் செயற்பாட்டுரீதியான நல்லிணக்கத்தை பேணுகிறோம்.

தனக்கு உரிமையில்லாத இன்னொரு நபருடைய காணியில் ஒரு சாண் நிலத்தை அபகரித்தாலும் அது நாளை மறுமையில் அழ்ழாஹ் ஏழு பூமிகளை நமது கழுத்தில் தொங்கவிட்டு வேதனை செய்வான் என்று இஸ்லாம் சொல்கிறது. நீங்கள் உண்மையான முஸ்லிம்களாக இருந்தால் அழ்ழாஹ்வின் இந்த தண்டனையை பயந்துகொள்ளுங்கள்.

நீங்கள் மங்கள விளக்கேற்றத்தேவையுமில்லை, மஞ்சள் சால்வை அணியத்தேவையுமில்லை. இஸ்லாமிய மார்க்கத்தை உங்களுடைய வாழ்நாளில் அதன் தூய வடிவில் பின்பற்றினால் மாற்றுசமய மக்களிடத்தில் நீங்கள் நல்லெண்ணத்தை பெற்றுக்கொள்வதற்கு அதுவே போதுமானது என்பதை இறுதி உபதேசமாக கூறிக்கொள்கிறேன்.

Read More

ஆடைகள் இன்றி வீதியில் செல்ல வேண்டும் என்றா எதிர்பர்கிறார்கள் -ஜனாதிபதி

ஆடைகள் இன்றி வீதியில் செல்ல வேண்டும் என்றா எதிர்பர்கிறார்கள் -ஜனாதிபதி

By avathani Media Network   5:39:00 PM   No comments:

அண்மையில் இசை நிகழ்ச்சி ஒன்றில் இடம்பெற்ற சம்பவம் குறித்து தான் வௌியிட்ட கருத்து தொடர்பில் இணையத்தில் சேறு பூசும் நடவடிக்கைகள் மேற்கொள்ளப்பட்டு வருவதாக, ஜனாதிபதி மைத்திரிபால சிறிசேன தெரிவித்துள்ளார். 

இன்று கொழும்பில் இடம்பெற்ற நிகழ்வொன்றில் கலந்து கொண்ட போதே அவர் இவ்வாறு கூறியுள்ளார். 

இவ்வாறு சேறு பூசுவதால் தனக்கு ஏதும் நேராது என சுட்டிக்காட்டிய அவர், இந்த நாட்டில் கலாச்சாரச் சீரழிவே ஏற்படும் எனவும் குறிப்பிட்டுள்ளார். 

மேலும் இவ்வாறு சேறுபூசும் நபர்கள் கோரிக்கைவிடுப்பது ஆடைகள் இன்றி வீதியில் செல்லவா எனவும் அவர் கேள்வி எழுப்பியுள்ளார். 

அத்துடன் இந்த விடயத்தால் நாட்டின் கலாச்சாரம் எவ்வளவு குறைத்து மதிப்பிடப்படும் எனவும் தான் அவர்களிடம் கேள்வி எழுப்புவதாக ஜனாதிபதி மேலும் குறிப்பிட்டுள்ளார். 

கடந்தவாரம் கொழும்பில் இடம்பெற்ற உலகப் புகழ் பெற்ற பாடகரான என்ரிக் இக்லேசியஸ் கலந்து கொண்டிருந்த இசை நிகழ்ச்சியைக் காண வந்திருந்த, சில பெண்கள் மிகவும் கீழ்த்தரமாக நடந்து கொண்டிருந்ததாகவும், இளம் சமூகத்தை தவறாக வழிநடத்தக் கூடியதாக இருந்ததென்றும் விமர்சனங்கள் முன்வைக்கப்பட்டன. 

இந்த நிகழ்ச்சியை காணச்சென்ற பெண்ணொருவர், பாடகரின் மீது தனது உள்ளாடையை கழற்றி வீசுவது போன்ற நிகழ்வுகள் இடம்பெற்றதாக கூறப்படுகிறது. 

இந்நிலையில் ஜனாதிபதி மைத்திரிபால சிறிசேன இது தொடர்பில் நேற்று முன்தினம் தனது அதிருப்தியை வெளியிட்டிருந்தார். 

நாட்டின் கலாச்சாரம், நாகரீகம் என்பவற்றை சீர்குழைக்கும் விதமாக சர்வதேச பாடகர்களைக் கொண்டு நடத்தப்படும் நாகரீகமற்ற இசைக் கச்சேரிகளுக்கு இனிமேல் அனுமதி வழங்குவதில்லை என்று ஜனாதிபதி தெரிவித்திருந்தார். 

Read More

புதிய அரசியலமைப்பிற்கு சர்வஜன வாக்கெடுப்பு நடத்தப்படும் – அஜித்பெரேரா

புதிய அரசியலமைப்பிற்கு சர்வஜன வாக்கெடுப்பு நடத்தப்படும் – அஜித்பெரேரா

By avathani Media Network   5:07:00 PM   No comments:

புதிய அரசியலமைப்பு உருவாக்கப்பட்டு அதற்கு பாராளுமன்றத்தின் அங்கீகாரம் கிடைத்ததும் அரசாங்கம் அது தொடர்பான சர்வஜனவாக்கெடுப்பை நடத்தும் என பிரதியமைச்சர் அஜித்பெரேரா தெரிவித்துள்ளார். கொழும்பில் இன்று செய்தியாளர் மாநாடொன்றில் கருத்து தெரிவிக்கையிலேயே இதனை அவர்
குறிப்பிட்டுள்ளார்.

அரசாங்கம் 1972 ம்ஆண்டில் இடம்பெற்றது போல அரசமைப்பு சதிமுயற்சிகள் எதிலும் ஈடுபடாது,அப்போது புதிய அரசமைப்பினை அறிமுகப்படுத்துவதற்காக பாராளுமன்றத்தின் அனுமதி மாத்திரம் பெறப்பட்டது.

ஜனவரி 9ம் திகதி புதிய அரசமைப்பை உருவாக்குவதற்காக பாராளுமன்றத்தை அரசமைப்பு பேரவையாக மாற்றுவதற்கான யோசனையை அரசாங்கம் முன்வைக்கும்.

புதிய அரசமைப்பு உருவாக்கப்பட்டதும்,அது அமைச்சரவையினதும், பாராளுமன்றத்தினதும் அங்கீகாரத்தை பெறவேண்டும்,மூன்றில் இரண்டு நாடாளுமன்ற உறுப்பினர்களின் ஆதரவு அதற்கு அவசியம் என பிரதியமைச்சர் குறிப்பிட்டுள்ளார்.

Read More

உள்ளூராட்சி மன்றத்தேர்தல் எதிர்வரும் ஜுன் மாதம்

உள்ளூராட்சி மன்றத்தேர்தல் எதிர்வரும் ஜுன் மாதம்

By avathani Media Network   5:02:00 PM   No comments:

உள்ளூராட்சி மன்றத்தேர்தல் எதிர்வரும் ஜுன் மாதம் நடைபெறவுள்ளதாக சுகாதார அமைச்சரும் அமைச்சரவை பேச்சாளருமான ராஜித்த சேனாரத்ன தெரிவித்துள்ளார்.

அரசாங்க தகவல் திணைக்களத்தில் இன்று செவ்வாய்க்கிழமை நடைபெற்ற ஊடகவியலாளர் சந்திப்பில் கலந்துகொண்டு உரையாற்றியபோதே அவர் இதனைக் கூறியுள்ளார்.

இந்தத் தேர்தல் தொகுதிவாரி முறையில் நடைபெறுமெனவும் அவர்  குறிப்பிட்டுள்ளார்.

Read More

பிசராந்தனுக்கு மீண்டும் விளக்கமறியல்

பிசராந்தனுக்கு மீண்டும் விளக்கமறியல்

By avathani Media Network   2:21:00 PM   No comments:

பயங்கரவாத தடைச் சட்டத்தின் கீழ் பொலிஸாரால் தடுத்து வைக்கப்பட்டுள்ள தமிழ் மக்கள் விடுதலைப்புலிகள் (TMVP) கட்சியின் பொதுச் செயலாளரான பூபாலப்பிள்ளை பிரசாந்தன் மீதான தடுப்பு காவல் உத்தரவு மட்டக்களப்பு மஜிஸ்திரேட் நீதிமன்றத்தினால்  எதிர்வரும் ஆண்டு 2016 ஜனவரி 12ம் திகதி வரை மேலும் நீடிக்கப்பட்டுள்ளது.

மட்டக்களப்பு ஆரையம்பதி பகுதியில் 2008ம் ஆண்டு டிசம்பர் மாதம் 29ம் திகதி அரசாங்க படசாலையொன்றின் ஆசிரியரான தமிழ்நாடு என அழைக்கப்படும் கிருஸ்ணபிள்ளை மனோகரன் உட்பட இருவர் சுட்டுக் கொல்லப்பட்டனர்.

குறித்த கொலைச் சம்பவம் தொடர்பாக கிருஸ்ணபிள்ளை மனோகரனின் சகோதரியொருவர் காத்தான்குடி பொலிஸாருக்கு வாக்கு மூலமொன்றை அளித்திருந்தார்.

குறித்த வாக்கு மூலத்தையடுத்து விசாரனைகளை மேற்கொண்டிருந்த காத்தான்குடி பொலிஸாரால் பூபாலப்பிள்ளை பிரசாந்தன் கைது செய்யப்பட்டிருந்தமை குறிப்பிடத்தக்கது.

Read More

தேரரோடு சூடுபிடித்த தொலைக்காட்சி விவாதம் ஒரு பார்வை.

தேரரோடு சூடுபிடித்த தொலைக்காட்சி விவாதம் ஒரு பார்வை.

By avathani Media Network   11:12:00 AM   No comments:

(றிம்சி ஜலீல்)

நேற்று சரியாக 10.00 மணி இருக்கும் தேரரோடு விவாதம் அதுவும் ஒரு முஸ்லிம் அமைச்சர் சிங்கள பாசை கூட சரியாகத் தெரியாதவர் இவர் அங்கு போய் என்ன செய்யப் போகிறார் என்று மக்கள் மத்தியில் பல குழப்பம் மற்றும் விமர்சனங்கள் வேறு.

விவாதம் ஆரம்பமானது பாஹியங்கம ஆனந்த தேரர் முதலில் பேச ஆரம்பித்தார் வில்பத்து வரலாற்றுடன் ஆரம்பித்த அவர் வில்பத்து வனப்பகுதியில் பாரிய காடழிப்பு மேற்கொள்ளப்பட்டு முஸ்லிம்கள் சட்டவிரோதமாக குடியமர்த்தப்படுவதாக தனது குற்றச்சாட்டுகளை பதிவு செய்தார்.

அந்தக் குற்றச்சாட்டுக்கு பதில் வழங்கிய அமைச்சர் ரிசாத் வில்பத்து பிரதேசத்தில் சட்டவிரோதமாக முஸ்லிம்கள் குடியேற்றப்படுவதாக முன்வைக்கப்பட்ட குற்றச்சாட்டுகளுக்கு ஆதாரபூர்வமாக பதில் வழங்கினார் என்னால் நம்ப முடியவில்லை சிங்களம் தெரியாது என்று மக்கள் கூறிய அமைச்சரா..?? இவ்வாறு கதைக்கிறார் என்று ஒரே ஆச்சரியம்..!!

மீண்டும் வில்பத்து வனப்பகுதியில் பாரிய காடழிப்பு மேற்கொள்ளப்பட்டு முஸ்லிம்கள் சட்டவிரோதமாக குடியமர்த்தப்படுவதாக பாஹியங்கம ஆனந்த தேரர் கடுமையான குற்றச்சாட்டுகளை முன்வைத்தார்.

அத்துடன் அமைச்சர் ரிசாத் பதியுதீன் மன்னார் பிரதேசத்தில் போதைப் பொருள் வர்த்தகத்தில் ஈடுபட்டு வருகின்றார் என்று கடுமையாகக் குற்றம் சாட்டினார் பாஹியங்கம ஆனந்த தேரர்.

இக்குற்றச்சாட்டுக்கு தொடர்ந்தும் பதிலளித்த அமைச்சர் நான் குடு வியாபாரம் செய்வதாக நீங்கள் கூறுகி்ன்றீர்கள் இதுகுறித்து ஆதாரங்களுடன் நிரூபிக்குமாறு உங்களுக்கு நான் சவால் விடுகிறேன் சும்மா பொய் கூறி மக்களைத் திசை திருப்ப வேண்டாம் என்றார்.

இவ்வாறு நேற்று இரவு பத்து மணி தொடக்கம் தனியார் தொலைக்காட்சியில் நடந்த அமைச்சர் ரிசாத் பதியுதீனுடனான,நேரடி விவாதம் சூடுபிடிக்க ஆரம்பித்தது.

மீண்டும் தொடர்ந்த அமைச்சர் ரிசாத் பதியுதீன் அரச ஆவணங்கள் மற்றும் நிலஅளவையியல் திணைக்களத்தின் ஆவணங்களை முன்வைத்து வில்பத்து வனப்பகுதியில்ஒரு அங்குல நிலமேனும் காடழிப்பு மேற்கொள்ளப்படவில்லை என  ஆதாரபூர்வமாகநிரூபித்தார்.

இதனையடுத்து குற்றச்சாட்டை மாற்றிய ஆனந்த தேரர், வில்பத்து வனாந்திரத்தைசுற்றிலும் சிங்களக் குடியிருப்புகளே இருந்ததாகவும், வரலாறு காலம் தொட்டுஅப்பிரதேசம் சிங்களவர்களுக்கு உரித்தானதாக இருந்ததாகவும் குறிப்பிட்டார். ஆனந்த தேரரின் அந்தக் கருத்துக்களுக்குப் பதிலளித்த அமைச்சர் ரிசாத் பதியுதீன் ஆங்கிலேயர் காலம் தொட்டு தமிழ், முஸ்லிம்கள் மற்றும் கிறிஸ்தவர்கள் மன்னாரில் வாழ்ந்து வந்திருப்பது குறித்த ஆதாரங்களை

முன்வைத்தவுடன் விவாதத்தை ஏற்பாடு செய்த தொலைக்காட்சி ஊடகவியலாளர்களும் இனவாத கருத்துக்களை வெளியிடத் தொடங்கினர்.

இதனையடுத்து குறித்த தனியார் தொலைக்காட்சியின் முகாமைத்துவத்தை தொடர்பு கொண்ட ஊடகவியலாளர் ஆர்.எப். அஷ்ரப் அலீ, பளளுவெவ அபுல்கலாம் ஆசாத்,

கலாநிதி றியாஸ், உள்ளிட்ட குழுவினர் தங்களது கடுமையான ஆட்சேபணையை தெரிவித்தாக நம்பகத் தகும் வட்டாரங்கள் செய்தி வெளியிட்டிருந்தது.

தொடர்ந்தும் ஊடகவியலாளர்களின் இனவாதக் கருத்துக்களுக்கு பதிலளித்த அமைச்சர் ரிசாத் பதியுதீன்குறித்த நேரடி விவாத நிகழ்ச்சியில் இனியும் ஒரு வார்த்தை தமிழ், முஸ்லிம்களுக்கு எதிராகவோ, மன்னாரில் அவர்களின் பூர்வீக உரிமைகளுக்கு எதிராகவோ இனவாதக் கருத்துக்களை வெளியிட்டால் நள்ளிரவுக்குள் குறித்த தொலைக்காட்சி நிறுவனம் பொதுமக்களால் முற்றுகையிடப்படும் என்றும் தமது எதிர்ப்பை வெளியிட்டார்.

இவ்வாறு தொடர்ந்தும் வில்பத்து விவகாரம் பற்றி தொடர்பாக சிங்கள மக்கள் மத்தியில் தாம் கட்டமைத்த பாரிய பொய்ப் பிரச்சாரத்தை அமைச்சர் ரிசாத் பதியுதீன் தகர்த்தெரிந்தமை தொடர்பாக கடுமையான ஆத்திரத்துடன் ஆனந்த தேரர்தனது இனவாதக் கருத்துக்களை மீண்டும் மீண்டும் முன்வைத்தார்.

அத்துடன் முழுநாட்டு மக்களினதும் அவதானத்தை ஈர்த்திருந்த இந்த நேரடி நிகழ்ச்சியில் அமைச்சர் ரிசாத் பதியுதீன் மன்னார் என்பது சிங்களவர்களுக்கு ஒருபோதும் உரித்தானதாக இருக்கவில்லை என்றும் , அப்பிரதேசம் முழுக்க தமிழ், முஸ்லிம், கிறித்தவர்களின் பாரம்பரிய பூமி என்றும் பலமான பல கருத்துக்களை அமைச்சர் பதிவு செய்தது டீவி பார்த்துக் கொண்டிருந்த எமக்கு ஆச்சரியத்தை அளித்து.

நல்லிரவு 1.30 மணிவரைத் தொடர்ந்த இந்த விவாத நிகழ்ச்சியில் அமைச்சர் ரிசாத் பதியுதீன் மக்கள் எதிர்பார்க்காத அளவுக்கு துணிச்சலை வெளிப்படுத்தியது சிங்கள தமிழ்  கிறித்தவ மற்றும் முஸ்லிம்கள் மத்தியில் பாரிய வரவேற்பை பெற்றது என்று கூறும் அளவுக்கு மிகவும் சிறப்பாக அமைந்தது..

றிம்சி ஜலீல்

மடலஸ்ஸ

கெகுணகொல்ல

குருநாகல்.

Read More

அம்பாரை மாவட்ட ஊடகவியலாளர் சம்மேளனத்தின் 20வது வருடாந்த நிறைவு விழாவும், செய்தியாளர்கள் கௌரவிப்பு நிகழ்வும்.

அம்பாரை மாவட்ட ஊடகவியலாளர் சம்மேளனத்தின் 20வது வருடாந்த நிறைவு விழாவும், செய்தியாளர்கள் கௌரவிப்பு நிகழ்வும்.

By avathani Media Network   10:57:00 AM   No comments:

( ஏ.எல்.ஏ.றபீக் பிர்தௌஸ் )

அம்பாரை மாவட்ட ஊடகவியலாளர் சம்மேளனத்தின் 20வது வருடாந்த நிறை விழாவில் அம்பாரை மாவட்டத்தில் பணிபுரியும் சிரேஷ்ட, கணிஷ்ட  

ஊடகவியலாளர்கள் பலர் கௌரவிக்கப்பட்டனர்.

அம்பாரை மாவட்ட ஊடகவியலாளர் சம்மேளனத்தின் 20வது வருடாந்த நிறைவு விழாவும், ஊடகவியலாளர்கள் கௌரவிப்பு நிகழ்வும் நேற்று நிந்தவூர் பிரதேச சபை கேட்போர் கூடத்தில் இடம்பெற்றது.

அம்பாரை மாவட்ட ஊடகவியலாளர் சம்மேளனத்தின் தலைவர் கலாபூசனம் மீரா.எஸ்.இஸ்ஸதீன் தலைமையில் நடைபெற்ற இந்நிகழ்வில் அமைச்சர் றவூப் ஹக்கீம் பிரதம அதிதியாகக் கலந்து கொண்டார்.

மேலும் இந்நிகழ்வில் கிழக்கு மாகாண முதலமைச்சர் ஹாபீஸ் நசீர் அஹமட், பிரதியமைச்சர்களான எம்.சீ.பைசால் காசீம், எச்.எம்.எம்.ஹரீஸ், மாகாண அமைச்சர் ஏ.எல்.எம்.நசீர், மாகாண சபை உறுப்பினர்களான ஏ.எல்.தவம், ஆரீப் சம்சுதீன் உள்ளிட்ட அரசியல் பிரமுகர்கள் பலரும் கலந்து கொண்டனர்.

இன்னும் சிரேஷ்ட ஊடகவியலாளர்களான தினகரன் பிரதம ஆசிரியர் கே.குணராசா, ரூபவாஹினி தமிழ் செய்திப் பிரிவின் பணிப்பாளர் யூ.எல்.யாக்கூப் ஆகியோரும் கலந்து கொண்டு சிறப்பித்ததோடு, ஊடகவியலாளர்களையும் கௌரவப்படுத்தினர்.

ரூபவாஹினி தமிழ் செய்திப் பிரிவு பணிப்பாளர் யாக்கூப் கருத்துத் தெரிவிக்கையில்:- 'இன்றைய நல்லாட்சி அரசாங்கத்தின் கீழ் அரச ஊடகங்கள் மக்களின் பிரச்சினைகளுக்குத் தீர்வு காணக்கூடியதான சுதந்திரத்தை வழங்கியிருக்கின்றது' எனத் தெரிவித்தார். 

அமைச்சர் றவூப் ஹக்கீம் இங்கு கருத்தத் தெரிவிக்கையில் 'நான் ஊடகவியலாளர்களை என்றும் மதிக்கின்றேன். சகோதரர் குணராசா, யாக்கூப் சொன்னது மாதிரி இந்த அரசு புதிய ஒரு ஊடககலாச்சாரத்தை உருவாக்கி இருக்கின்றது. நல்ல சுதந்திரத்தை வழங்கி இருக்கின்றது. அதனை முழுமைப்படுத்தும் வகையில் விரைவில் தகவலறியும் சட்டமூலத்தைக் கொண்டு வர இருக்கின்றது. தகவலறியும் சட்டமூலம் வந்தால் அது ஊடகவியலாளர்களுக்கு மேலும் வலுச் சேர்க்கும். மேலும் எமது ஊடகவியலாளர்கள் புலனாய்வுத் துறையிலும் அக்கரை செலுத்த வேண்டும்' எனக் கேட்டுக் கொண்டார்.

Read More

காத்தான்குடியில் ஆங்கிலக் கல்வியில் ஓர் புரட்சி

காத்தான்குடியில் ஆங்கிலக் கல்வியில் ஓர் புரட்சி

By avathani Media Network   10:51:00 AM   No comments:

(எம்.எச்.எம்.அன்வர்)

SRD நிறுவனத்தின் ஏற்பாட்டில் ஆங்கிலம் பேச ஒரு சந்தர்ப்பத்தினை மாணவர்களுக்கு ஏற்படுத்தி சரளமாக கூச்சமின்றி ஆங்கிலம் பேசுவதற்கான ஒரு சூழலை ஏற்படுத்தும்முகமாக நேற்றய தினம் 27.12.2015 வைபவ ரீதியாக காத்தான்குடி ஜூமைறா பெலசில் English Communication Club  எனும் பெயரில் நிகழ்ச்சித்திட்டம் ஆரம்பித்து வைக்கப்பட்டது 

SRD நிறுவனத்தின் செயலாளர் டொக்டர் எம் டி எம் மாஹிர் தலைமையில் இடம்பெற்ற இந்நிகழ்வில் பிரதம அதிதியாக இலங்கைக்கான துருக்கித் தூதுவர் பி எம் அம்ஸா ளடகள கலந்து கொண்டு ஆரம்பித்ததுடன் காத்தான்குடி அதார வைத்தியசாலை வைத்திய அத்தியட்சகர் எம் எஸ் எம் ஜாபிர் தனியார் நிறுவனத்தின் திட்டமிடல் உத்தியோகத்தர் கே எம் நவாஸ் சட்டத்தரணி ஏ உவைஸ் டொக்டர் ஏ எல் எம் சியாம் பொறியியலாளர் எம் எம் தௌபீக் உட்பட மேலும் உத்தியோகத்தர்கள் பல்கலைக்கழக மாணவர்களும் கலந்துகொண்டு தங்கள் அனுபவங்கள் ஆங்கிலக்கல்வியால் நாம் அடைந்த நன்மைகள் தங்கள் வாழ்க்கையில் ஆங்கிலக்கல்வி பயிலும்போது ஏற்பட்ட தடைகளும் சுவாரஸ்யமான சம்பவங்களையும் ஆங்கிலத்தில் தெரிவித்ததுடன் ஆங்கிலக்கல்வியை கட்டாயம் நாம் கற்றுக்கொள்ளவேண்டிய அவசியத்தினையும் வலியுறுத்தினர்

ளசன அமைப்பின் சமூக சேவை வேலைத்திட்டத்தின் ஓர் அங்கமாக மாணவர்களுக்கு ஆங்கிலத்தில் பேசவும் துணிவுடன் அவற்றை கற்கவும் பயிற்சி வகுப்புக்கள் எதிர்வரும் காலங்களில் நடாத்தப்படவுள்ளதாக டொக்டர் எம் டி எம் மாஹிர் தெரிவித்தார்

Read More

சம்மேளன நிருவாக இரகசியங்கள் எவ்வாறு வெளியில் கசிகின்றன?

சம்மேளன நிருவாக இரகசியங்கள் எவ்வாறு வெளியில் கசிகின்றன?

By avathani Media Network   10:41:00 AM   No comments:

(முஹம்மது நியாஸ்)

காத்தான்குடி பள்ளிவாயில்கள் முஸ்லிம் நிறுவனங்களின் சம்மேளனத்தில் வாராந்தம் ஞாயிற்றுக்கிழமைகள் தோறும் நடைபெறுகின்ற பொதுக்கூட்டம் மற்றும் சில அவசர, அவசிய சந்திப்புக்களின் போது பரிமாறப்படுகின்ற, விவாதிக்கப்படுகின்ற இரகசியமான விடயங்கள் வெளியிலுள்ள நபர்களுக்கு எவ்வாறு கிடைக்கப்பெறுகின்றன என்பது இன்று சமூக வலைத்தளங்களில் ஒரு பேசுபொருளாக உருவாகிக்கொண்டிருக்கிறது.

அண்மையில் சம்மேளனத்திற்கும் காத்தான்குடியிலுள்ள சிவில் அமைப்புகளுக்குமிடையிலான சந்திப்பின் போது அதில் மௌலவி ஸஹ்றானைப்பற்றி தாருல் அதர் அமைப்பின் சிரேஷ்ட பிரச்சாரகர் மௌலவி அஸ்பர் (பலாஹி) தெரிவித்த முறைகேடான கருத்துக்களும் ஏனையோர் பகிர்ந்துகொண்ட விடயங்களும் மௌலவி ஸஹ்றானுக்கு மிகத்துல்லியமான ஒலிப்பதிவுகளாக கிடைக்கப்பெற்றிருந்தன..

சம்மேளனத்தில் சந்திப்புக்கள் நடைபெறுகின்றபோது அந்த சந்திப்புக்களை Live Update செய்யக்கூடிய அளவுக்கு அங்கே நடைபெறுகின்ற விடயங்கள் வெளிச்சத்திற்கு வருவதாக மௌலவி ஸஹ்றான் தன்னுடைய சொற்பொழிவின் போது குறிப்பிட்டார். இந்த விடயத்தை செவியேற்ற சிலர் மௌலவி ஸஹ்றான் சம்மேளனத்தில் ஒற்றர்களை வைத்திருக்கிறார் என்றும் அவ்வாறு ஒற்றர்களை வைத்திருப்பது இஸ்லாத்தில் கூடுமா என்றும் சமூக வலைத்தளங்களில் மயிர் பிளக்கும்வரைக்கும் ஆய்வு நடாத்திக்கொண்டிருப்பதை நாம் காண்கிறோம்.

இந்த விடயத்தை பொறுத்தவரைக்கும் பொதுவாகவே சம்மேளனம் என்ற அந்த நிறுவனத்தில் அங்கத்துவம் வகிக்கின்ற கணிசமான நிருவாகிகளுக்கும் சரி உறுப்பினர்களுக்கும் சரி, தங்களுடைய நிறுவனம் தொடர்பான இரகசியத்தை பேணிப்பாதுகாக்க வேண்டும் என்ற பொறுப்புணர்வு கிஞ்சித்தும் கிடையாது என்பது முதலாவது உண்மையாகும்.

நான் கடந்த வருடம் 2014ம் ஆண்டு நாட்டில் இருந்த போது என்னுடைய கணினியில் சுமார் 250MB க்கும் அதிகமான கொள்ளளவைக்கொண்ட ஒரு Folder இருந்துவந்தது. அண்மையில்தான் என்னுடைய கணினியை Format பண்ணியபோது அது தேவைப்படாது என்று நீக்கிவிட்டேன்.

அந்த Folder காத்தான்குடி பள்ளிவாயில்கள் முஸ்லிம் நிறுவனங்களின் சம்மேளனத்தில் சுமார் இரண்டு மாதகாலம் வாராந்தம் நடைபெறுகின்ற பொதுக்கூட்டத்தில் பேசப்பட்ட விடயங்களை அந்த பொதுக்கூட்டத்தில் கலந்துகொண்ட நபர்களே எனக்கு மின்னஞ்சல் வாயிலாகவும் நேரிலும் கையளித்த ஒலிப்பதிவுகளாகும். அதில் எனக்கு தெரிந்த நபர்களும் இருக்கிறார்கள், தன்னை அடையாளப்படுத்திக்கொள்ளாமல் அனாமதேய மின்னஞ்சல்களின் வாயிலாக அனுப்பிய நபர்களும் இருக்கிறார்கள்.

இதுதவிர காத்தன்குடியிலுள்ள சில ஊடகவியலாளர்களையும் ஊடகம் என்னும் பெயரால் படங்காட்டிகொண்டிருப்பவர்கள் பலரையும் உள்ளடக்கிய காத்தான்குடி மீடியா போரம் என்னும் அமைப்பில் சில மாதங்கள் நான் அங்கத்தவராகவும், உறுப்பினராகவும் இருந்தேன்.

அதே அமைப்பில் காத்தான்குடியைச்சேர்ந்த சில மூத்த ஊடகவியலாளர்களான நூர்தீன், ஜெலீஸ், முஸ்தபா மௌலவி, டீன் பைரூஸ் ஆகியோரும் அப்போது சம்மேளன நிருவாக உறுப்புரிமையில் இருந்துவந்தார்கள். இவர்கள் சம்மேளன சந்திப்புகளின்போதும் வாராந்த பொதுக்கூட்டங்களிலும் கலந்துகொள்வார்கள். மாத்திரமல்லாது அங்கே பேசப்பட்ட, விவாதிக்கப்பட்ட விடயங்களை மீடியா போரத்தினுடைய சந்திப்புக்களின் போது அதன் ஏனைய சக அங்கத்தவர்களான எம்மிடம் மிகவும் சாதாரணமாகவும் தாராளமாகவும் பகிர்ந்துகொள்ளக்கூடியவர்களாகத்தான் இருந்து வந்தார்கள்.

சம்மேளன கூட்டங்களின் போது பேசப்படுகின்ற விடயங்கள் ஒரு இரகசியமே இல்லை என்று எண்ணக்கூடிய அளவுக்கு சம்மேளனத்தில் இந்த வாரம் என்ன விடயம் பேசப்பட்டது என்ற விவகாரங்களை அலசி ஆராய்ந்ததன் பிறகுதான் காத்தான்கு மீடியா போரத்தினுடைய சந்திப்பே பாத்திஹா ஓதி துவக்கப்படும். இது எந்தளவுக்கென்றால் சம்மேளனத்தில் கலந்துரையாடப்பட்ட விடயங்களை ஏனைய மீடியா போரத்திலுள்ள அங்கத்தவர்களுக்கும் அறிவிக்கவேண்டும் என்பதற்காகவே காத்தான்குடி மீடியா போரத்தில் சில அவசர, விஷேட கூட்டங்கள் கூட இரவு நேரங்களில் கூட்டப்பட்டிருக்கின்றன, அக்கூட்டங்கள் அனைத்திலும் நான் பங்கேற்றிருக்கிறேன்.

மேலும் கடந்த வருடம் (2014)ம் ஆண்டின் ஆரம்பத்தில் நான் சில விடயங்களில் சம்மேளனத்தை கடுமையாக விமர்சித்தமைக்காக சம்மேளனத்தினால் எனக்கு சட்ட நடவடிக்கை எடுப்பதற்கான ஏற்பாடுகள் செய்யப்பட்டு அதற்கான பொறுப்பும் ஒரு இரகசிய(?) குழுவிடம் கையளிக்கப்பட்டது. அந்த இரகசியக்(?)குழுவானது காத்தான்குடியை அண்மித்த ஒரு ஒரு மாவட்டத்திற்கு சென்று அங்கே பிரபல சட்டத்தரணியையும் சந்தித்து எனக்கு சட்ட நடவடிக்கை எடுப்பது தொடர்பான ஆலோசனையையும் பெற்றுக்கொண்டது.

போன வேலையை முடித்துக்கொண்டு அந்த இரகசிய(?)க்குழு காத்தான்குடி எல்லையை கூட வந்தடைந்திருக்காது. ஆனால் அக்குழு எங்கே சென்றது, எந்த சட்டத்தரணியை சந்தித்தது, என்ன விடயங்களை பேசியது என்ற விபரங்கள் என்னுடைய கையடக்க தொலைபேசிக்கு ஒரு அனாமதேய இலக்கத்திலிருந்து குறுந்தகவலாக வந்தடைந்தது. பின்னர் நான் அதை விசாரித்தபோது அது ஊர்ஜிதமானது என்பதை அறிந்துகொண்டேன்.

சம்மேளனம் எனக்கு சட்ட நடவடிக்கை எடுப்பதற்காக விஷேடமாக ஏற்பாடு செய்த இரகசிய(?)க்குழுவினுடைய அமானிதம் காக்கின்ற இலட்சணம் இவ்வாறுதான் இருந்தது.

இவை எல்லாவற்றையும் விடவும் காத்தான்குடியில் பழம் பெரும் ஊடகவியலாளரும் பத்திரிகையாளருமான என்னுடைய ஊடக ஆசான் புவி MI. றஹ்மதுழ்ழாஹ்வை நம் எல்லோருக்கும் நன்கு தெரியும். அவருக்கு சம்மேளனத்தில் நடைபெறுகின்ற கூட்டங்கள் முடிவடைத்து மினிட் எழுதுவதற்கு முன்னரே அங்கு நடைபெற்ற விடயங்கள் அனைத்தையும் விலாவாரியாக விபரிப்பதற்கு சம்மேளன நிருவாகத்தினுள்ளேயே பல நபர்கள் இருந்திருக்கிறார்கள்.

சம்மேளனத்தின் உள்வீட்டு ஊழல்களை புவி றஹ்மதுழ்ழாஹ் தன்னுடைய பத்திரிகையின் வாயிலாக பல தடவைகள் வெளிக்கொணர்ந்தபோது அதிர்ச்சியில் உறைந்தது சம்மேளனத்தின் உயர்மட்டம். இந்த தகவல்களை எல்லாம் சம்மேளன உறுப்புரிமையில் இருந்த ஜெமீல் எனும் பெயரையுடைய ஒருவர்தான் வெளியில் தெரிவிக்கிறார் என்று சந்தேகப்பட்டு ஒரு ஞாயிற்றுக்கிழமை நடைபெற்ற பொதுக்கூட்டத்தில் சம்மேளன நிருவாகிகள் சிலர் அவர்மீது எகிறிப்பாய்ந்த வரலாறுகளும் இருக்கத்தான் செய்கின்றன.

சம்மேளனத்தின் நிருவாகத்தினருக்கு சிம்ம சொப்பனமாக திகழ்ந்து வருகின்ற பத்திரிகையாளர் புவி றஹ்மதுழ்ழாஹ்வுக்கே நிருவாக இரகசியங்களை ஏராளமாகவும் தாராளமாகவும் வழங்கியுதவுகின்ற அளவுக்கு அங்கே சில எட்டப்பர்கள் இருந்திருக்கிறார்கள் என்றால் மௌலவி ஸஹ்றானுக்கு மாத்திரம் பிரத்தியேக ஒற்றர்களை உள்ளே அனுப்பி சம்மேளனத்தின் இரகசியத்தை வெளிக்கொணர்வதற்கு என்னதான் அவசியம் இருக்கிறது?

இதற்கு மேலும் இந்த நிருவாக கட்டமைப்பைப்பினுடைய இரகசியம் பேணும் இலட்சணத்தை நான் சொல்லித்தான் மக்கள் தெரிந்துகொள்ளவேண்டுமா?

மௌலவி ஸஹ்றானுக்கு சம்மேளனத்தினுள்ளே பிரத்தியேக ஒற்றர்கள் இருக்கிறார்களா, இல்லையா என்பது அழ்ழாஹ்வின் மீதாணையாக எனக்குத்தெரியாது. எனக்கு சம்மேளனகூட்டத்தில் பரிமாறப்படுகின்ற விடயங்களை வழங்கியவர்களும் நான் நியமித்த என்னுடைய ஒற்றர்கள் கிடையாது. அவ்வாறு நான் ஒற்றர்களை நியமித்து உள்ளே ஊடுருவ ஒருபோதும் முயற்சித்ததும் இல்லை.

ஆனால் சம்மேளனத்தின் நிருவாக இரகசியங்கள் ஒரு நாட்டின் இராணுவ இரகசியத்தைப்போன்று ஒற்றர்களை உள்ளே அனுப்பி உளவு பார்த்துத்தான் அறிந்துகொள்ளவேண்டும் என்கின்ற எந்தவொரு அவசியப்பாடுமில்லாத வகையில் அது ஒரு திறந்த புத்தகமாகவே இருந்து வருகின்றது என்ற உண்மையினை சம்மேளன நிருவாகமும் அதன் அங்கத்தவர்களும் பொதுமக்களும் பொறுப்புணர்வுடன் புரிந்துகொள்ள வேண்டும்.

என்னைப்பொறுத்தவரையில் சம்மேளனத்தின் பொதுக்கூட்டத்தில் கலந்துகொண்டுவிட்டு கீழே இறங்கி வருகின்ற ஒரு அங்கத்தவரை அழைத்து "என்ன நடந்தது" என்று கேட்டாலே போதுமானது. அவர் முதன் முதலாக யார் பாத்திஹா ஓதி ஆரம்பித்தார் என்று அந்த நபருடைய இனிஷியல் தொடக்கம் இறுதியாக ஸலவாத்து(?) ஓதி கூட்டத்தை  நிறைவு செய்த சம்மேளன நிருவாகியுடைய வரலாறு வரைக்கும் அட்சரம் பிசகாமல் A to Z இரண்டாம் வாய்ப்பாடு போன்று ஒப்புவிக்கின்ற அளவுக்கு திறந்த மனதுடன் வாக்குமூலமளிப்பார் என்பதே என்னுடைய ஊடக வரலாற்றில் நான் கண்ட அனுபவமாகும்.

இரகசியம் பேணுதல் என்பது சம்மேளனத்திற்கு சாத்தியமற்றது.

காத்தான்குடி பள்ளிவாயில்கள் முஸ்லிம் நிறுவனங்களின் சம்மேளனத்தை பொறுத்தவரைக்கும் அது ஒரு தனியான நிறுவனம் அல்ல. மாறாக காத்தான்குடி பிரதேசத்திலுள்ள சுமார் நூற்றியைம்பதுக்கும் மேற்பட்ட சிவில் சமூக அமைப்புக்களை உள்ளடக்கிய ஒரு கூட்டு நிறுவனமே சம்மேளனமாகும். அதனால்தான் அதனை சிலர் தாய் நிறுவனம் என்றழைக்கிறார்கள். இந்த நூற்றுக்கும் மேற்பட்ட அமைப்புக்களிலுமுள்ள நிருவாகிகள் அனைவரும் ஒரு நிறுவனத்தை வழிநடாத்துகின்ற நிருவாகவியலை திறம்படக்கற்றுத்தேர்ந்த வளவாளர்களோ அல்லது ஒரு நிருவாக இரகசியத்தை எவ்வாறு அமானிதமாக பேணிப்பாதுகாப்பது என்ற இஸ்லாமிய வழிகாட்டல்களை பின்பற்றியொழுகுகின்ற புண்ணியவான்களோ கிடையாது.

மாறாக அவர்களில் சம்மேளனத்தின் செயற்பாடுகளோடு, அதன் நிருவாகிகளோடு உடன்பட்ட கருத்துக்களை உடையவர்களும் இருக்கிறார்கள், முரண்பட்ட சிந்தனை மற்றும் தனிப்பட்ட விரோதங்களை மனதில் கொண்டவர்களும் இருக்கத்தான் செய்கிறார்கள். அப்பேர்ப்பட்ட நபர்களை உடன் வைத்துக்கொண்டு தங்களுடைய நிறுவனத்தினுடைய நிருவாக இரகசியங்களைப்பற்றி கலந்துரையாடுகின்றபோது அவை வெளியில் கசிவது ஒன்றும் ஆச்சரியமல்ல. என்னைப்பொறுத்தவரை சம்மேளனத்தின் நிருவாக இரகசியங்கள் கசிகின்றன என்பதை விடவும் அவை மடைதிறந்த வெள்ளமாக பிரவாகமெடுத்து ஓடுகின்றன என்பதே சரியான வாக்கியமாகும்.

இதை ஏன் நான் இங்கே பகிரங்கமாக பதிவிடுகிறேன் என்றால் அதற்கு இரண்டு பிரதான காரணங்கள் இருக்கின்றன.

ஒன்று:

இலங்கை நாட்டில் எந்தவொரு பிரதேசத்திலும் இல்லாதவாறு காத்தான்குடியிலுள்ள அத்தனை சமூக அமைப்புக்களையும் ஒன்றிணைத்து செயற்படுகின்ற ஒரு பழம் பெரும் நிறுவனமான, ஊர்மக்களால் தாய் நிறுவனம் என்று அழைக்கப்பட்டக்கூடிய ஒரு பொறுப்புவாய்ந்த நிறுவனத்திற்கு இவ்வாறான வெகுளித்தனமான நிருவாகக்கட்டமைப்பு ஒருகாலும் ஏற்புடையதல்ல. மாறாக அதன் நிருவாகமானது ஒரு இரகசியமும் அமானிதமும் பேணக்கூடிய இறையச்சமுள்ள பொறுப்புதாரிகளை உள்ளடக்கிய கட்டுப்பாடுகள் பலவற்றுக்கும் உடன்பட்டு நடக்கின்ற நபர்களை கொண்ட நிருவாகமாக மாற்றியமைக்கப்பட வேண்டும்.

பொதுமக்களுக்கு வெளியிடப்பட்டவேண்டிய கணக்கறிக்கைகள் மற்றும் இன்னபிற விபரங்களில் பல குளறுபடிகள், நம்பிக்கை மோசடிகள் இடம்பெற்றுவருவதாக உள்ளூர் ஊடகங்கள் வாயிலாக சுட்டிக்கடப்பட்ட போது அது பற்றி வெளிப்படைத்தன்மையற்ற விதத்தில் மௌன விரதம் அனுஷ்டிக்கின்ற சம்மேளனம் தன்னுடைய நிருவாக இரகசியங்களை மாத்திரம் இவ்வாறு பரத்தப்பட்ட புளுதியைப்போன்று காற்றில் பறக்கவிடுவது அதனுடைய சீரற்ற நிருவாக நடைமுறையினையே பிறிதொரு கோணத்தில் படம்பிடித்துக்காட்டுகிறது.

இரண்டு:

சம்மேளன ஒன்றுகூடல்களின்போது கலந்துரையாடப்படுகின்ற விடயங்களை வெளியிலிருந்து யாருமே அதற்கென்று பிரத்தியேக ஒற்றர்களை உள்ளே அனுப்பி அங்கு நடப்பதை ஒட்டுக்கேட்கவேண்டிய அவசியமில்லை. மாறாக கூட்டங்கள் நடந்து முடிந்து வெளியில் வந்த மறுநிமிடமே அங்கே பேசப்பட்ட விடயங்கள் அனைத்தையும் நாறிப்போன கெழுத்திமீனுக்கு ஒப்பாக நாற்சந்தியில் நின்று கொண்டு நான்குபேருக்கும் கூறிவிற்கின்ற நபர்கள் அந்த சம்மேளன நிருவாகத்தினுள்ளேயே ஊடுருவியிருக்கிறார்கள். அந்த எட்டப்பர்களை சம்மேளன நிருவாகம் முதலில் அடையாளம் காணவேண்டும். அப்பேர்ப்பட்டவர்களுடைய விடயத்தில் எச்சரிக்கையாக இருக்கவேண்டும்

அப்படியிருக்கின்றப்போது மௌலவி ஸஹ்றான் பிரத்தியேக ஒற்றர்களை அனுப்பித்தான் சம்மேளன மற்றும் தஃவா அமைப்புக்களுடனான சந்திப்பில் பேசப்பட்ட விடயங்களை ஒலிப்பதிவுகளாக பெற்றுக்கொண்டார் என்று அபாண்டமாக பழிபோடுவது எந்த வகையில் நியாயமானது?

எனவே இறுதியாக,

சம்மேளன நிருவாகக்கூட்டங்களின்போது என்னென்ன விடயங்கள் பரிமாறப்படுகின்றன என்பதை சம்மேளனத்திலுள்ள நிருவாகிகளும் அந்த கூட்டங்களில் கலந்துகொள்கின்ற நபர்களும்தான் வெளியிலுள்ளவர்களிடம் பகிரங்கப்படுத்துகிறார்களே தவிர அங்கே இரகசிய ஒற்றர்களை அனுப்பி யாரும் ஒலிப்பதிவு செய்வது கிடையாது. ஒருவாதத்திற்கு அவ்வாறு ஒற்றர்கள் உள்ளே நுழைகிறார்கள் என்றே வைத்துக்கொண்டாலும் சம்மேளனத்தில் உறுப்புரிமையில் இல்லாத வெளியாட்களை நிருவாக கூட்டங்கள் நடைபெறுகின்ற போது உள்ளே அனுமதித்ததற்காக அதற்கும் இந்த சம்மேளன நிருவாகமே பொறுப்புக்கூற வேண்டும் என்ற விடயத்தை முகநூலில் அவதூறு பரப்பித்திரிகின்ற சம்மேளனத்தின் கடைநிலை உறுப்பினர்களுக்கு அறிவுரையாக சமர்ப்பித்து முடிக்கிறேன்.

Read More