எமது பிஸ்மி கின்டர்காடனில் 2016ம் கல்வியாண்டுக்காக புதிதாக இணைந்து கொண்ட மாணவர்களை வரவேற்கும் வரவேற்பு நிகழ்வு கடந்த 2016.01.05 செவ்வாய்க்கிழமை எமது தலைமைக் காரியாலயத்தில் இடம்பெற்றது. பிஸ்மி கின்டர்காடனின் பணிப்பாளர் அஷ்ஷெய்க் MSM.நுஸ்ரி நளீ மி தலைமையில் இடம்பெற்ற இந்நிகழ்வில் பிஸ்மி கின்டர்காடனின் ஆசிரியைகள், நிர்வாக சபை உறுப்பினர்கள் , பழைய மாணவர்கள், பெற்றோர்கள் என பலரும் கலந்து சிறப்பித்தனர்.
மேலும் அந்நிகழ்வில் பழைய மாணவர்களால் புதிய மாணவர்களுக்கு மாலை அணிவிக்கப்பட்டதோடு இனிப்புப் பண்டங்களும் பலூனும் வழங்கிவைக்க்கப்பட்டன. அத்தோடு மாணவர்களை ஊக்குவிக்கும் வகையில் பல்வேறு விளையாட்டு செயற்பாடுகள் இடம்பெற்றதோடு மாணவர்களின் பல்வேறு கலைநிகழ்வுகளும் அரங்கேறின.
