தேசிய பட்டியல் மூலம் பாராளுமன்ற உறுப்பினராக ஹிஸ்புல்லாஹ் நியமிக்கப்பட்டதையடுத்து காத்தான்குடியில் மக்கள் பட்டாசு கொழுத்தி ஆராவரம்-படங்கள்.

தேசிய பட்டியல் மூலம் பாராளுமன்ற உறுப்பினராக ஹிஸ்புல்லாஹ் நியமிக்கப்பட்டதையடுத்து காத்தான்குடியில் மக்கள் பட்டாசு கொழுத்தி ஆராவரம்-படங்கள்.

By avathani Media Network   10:18:00 PM   No comments:

(பழுலுல்லாஹ் பர்ஹான்)

2015 பாராளுமன்ற பொதுத் தேர்தலில் மட்டக்களப்பு மாவட்டத்தில் ஐக்கிய மக்கள் சுதந்திரக் கூட்டமைப்பின் மாவட்ட முதன்மை வேட்பாளராக போட்டியிட்டு சுமார் 54 வாக்குகளால் தோல்வியடைந்த முன்னாள் பொருளாதார அபிவிருத்தி பிரதியமைச்சர் எம்.எல்.ஏ.எம். ஹிஸ்புல்லாஹ் ஐக்கிய மக்கள் சுதந்திரக் கூட்டமைப்பின் தேசிய பட்டியல் மூலம் பாராளுமன்ற உறுப்பினராக நியமிக்கப்பட்டுள்ளார்.

இதனையடுத்து தேசிய பட்டியல் பாராளுமன்ற உறுப்பினர் எம்.எல்.ஏ.எம்.ஹிஸ்புல்லாஹ்வின் சொந்த ஊரான காத்தான்குடி பிரதேசத்தில் மட்டக்களப்பு கல்முனை காத்தான்குடி பிரதான வீதியில் 21 இன்று வெள்ளிக்கிழமை மாலை பாரியளவில் மக்கள் மகிழ்ச்சி களிப்பில் ஈடுபட்டதோடு ஹிஸ்புல்லாஹ்வின் பதாதைகளை ஏந்தி ஊர்வலமாகவும் சென்றதோடு பட்டாசு கொழுத்தி ஆராவரம் செய்தனர்.

இம் மகிழ்ச்சி கொண்டாட்டத்தில் இளைஞர்கள்,சிறுவர்கள்,பெரியவர்கள் உட்பட பெரும் திரளான பொது மக்கள் கலந்து கொண்டனர்.

இதனால் சிறிது நேரம் போக்குவரத்து ஸ்தம்பிதம் அடைந்துடன் பொலிசாரும் பாதுகாப்பு கடமையில் ஈடுபட்டிருந்தமை குறிப்பிடத்தக்கது.

Read More

வெற்றிக்களிப்பை கொண்டாடியவர்கள் தாக்குதலிலும் ஈடுபட்டனர்....! காத்தான்குடியில் சம்பவம்.

வெற்றிக்களிப்பை கொண்டாடியவர்கள் தாக்குதலிலும் ஈடுபட்டனர்....! காத்தான்குடியில் சம்பவம்.

By avathani Media Network   9:51:00 PM   No comments:

மட்டக்களப்பு மாவட்டத்திற்கு தேசியப்பட்டியல் மூலம் முன்னாள் பிரதியமைச்சர் ஹிஸ்புல்லாஹ்வின் பெயர் அறிவிக்கப்பட்டதைத் தொடர்ந்து காத்தான்குடி யெங்கும் ஹஸ்புல்லாஹ்வின் ஆதரவாளர்கள் பட்டாசு கொழுத்தி ஊர்வலம் சென்று மக்கள் தங்கள் ஆனந்தத்தை வெளிப்படுத்தினர்.

அதே நேரம் சில ஆதரவாளர்கள் அடிதடியென அடாவடித்தனத்திலும் இறங்கியுள்ளனர். இதன் மூலம் பல சகோதரர்கள் தாக்கப்பட்டு பலத்த காயங்களுடன் வைத்தியசாலையிலும் அனுமதிக்கப்பட்டுள்ளனர்.

கலவரத்தில் ஈடுபடுபவர்களைக் கட்டுப்படுத்துவதற்காக இப்போது காத்தான்குடியெங்கும் பொலிஸார் குவிக்கப்பட்டு ரோந்து நடவடிக்கையிலும் ஈடுபடுத்தப்பட்டுள்ளனர்.

கலவரக்காரர்கள் பள்ளிவாயலுக்குள் தங்களது கைவரிசையைக் காட்டத் தவறவில்லை. இங்கு தொழுகையில் ஈடுபட்டிருந்த சில சகோதரர்களும் அவர்களினால் மிகக் கடுமையாக தாக்கப்பட்டுள்ளனர்

யாராக இருந்தாலும் மற்றவர்களும் நமது சகோதரர்களே பொறுமையோடு வெற்றியைக் கொண்டாடுங்கள். அல்லாஹ் நம்மனைவரையும் கண்காணித்துக் கொண்டிருக்கிறான்.

Read More

ஹிஸ்புல்லாஹ்வுக்கு MP பதவி ! காத்தான்குடியில் பட்டாசு கொழுத்தி மக்கள் ஆரவாரம்

ஹிஸ்புல்லாஹ்வுக்கு MP பதவி ! காத்தான்குடியில் பட்டாசு கொழுத்தி மக்கள் ஆரவாரம்

By avathani Media Network   6:14:00 PM   No comments:

ஐக்கிய மக்கள் சுதந்திர கூட்டமைப்பின் மூலம் மட்டக்களப்பு மாவட்டத்தில் போட்டியிட்டு தேர்தலில் தோல்வியடைந்த முன்னாள் பிரதியமைச்சர் ஹி;புல்லாஹ் அவர்கள் அக்கட்சியன் தேசியப் பட்டியலில் மூலம் பாராளுமன்ற உறுப்பினராக தெரிவு செய்யப்பட்டதைத் தொடர்ந்து ஹிஸ்புல்லாஹ்வின் ஆதரவாளர்கள் காத்தான்குடியலில் பரவலாக பட்டாசு கொளுத்தி தங்கள் மகிழ்ச்சயினைத் தெரிவிப்பதை காணக்கூடியதாக இருக்கிறது.

Read More

நிந்தவூர் பிரதேச சபையினால் வீதியோர மினி சந்தையை அகற்ற அதிரடி உத்தரவு.

நிந்தவூர் பிரதேச சபையினால் வீதியோர மினி சந்தையை அகற்ற அதிரடி உத்தரவு.

By avathani Media Network   3:52:00 PM   No comments:

(முஹம்மட் ஜெலீல்,நிந்தவூர்.)

நிந்தவூர்-3 வைத்தியசாலை வீதி மூன்றாம் குறுக்குச் சந்தியில் வளர்ந்து வரும் மினி சந்தையை இன்று 21-08-2015 மு.ப 11மணியளவில் நிந்தவூர் பிரதேச சபை அதிகாரிகள் திடீரென வந்து அகற்றக்கோரி உத்தரவு பிறப்பித்தார்கள்.

மேலும் அங்கு விற்பனை செய்துகொண்டிருந்த வியாபாரிகள் ஏன் எதற்கென அதிகாரிகளிடம் கேட்டபோது அதிகாரிகள் கூறுகையில்

தமக்கு நிந்தவூர் பொதுச் சந்தை வியாபாரிகளிடாமிருந்து கடிதங்கள் பல கிடைக்கப்பெற்றது அக்கடிதத்தின் பிரகாரம் நிந்தவூர் 3ம் குறுக்குச் சந்தியில் தற்போது மினி சந்தையொன்று ஒருவாகியுள்ளதால் நிந்தவூர் பொதுச் சந்தைக்கு மக்கள் வருவேதேயில்லை இதனால் எமது வியாபாரம் மிகவும் வீழ்ச்சியடைந்துள்ளதென குறிபிட்டுள்ளதன் பிரகாரம் இவ்மினி சந்தையை அகற்றக்கோரியுள்ளோமென வருகைதந்த அதிகாரிகள் கூறினார்கள்.

மேலும் இந்த வீதியோர மினி சந்தையை எதிர்வரும் திங்கள் கிழமைக்குள் அகற்றாவிட்டால் சட்டரீதியானமுறையில் பொலிஸார் வரவழைக்கப்பட்டு அகற்றப்படுமென நிந்தவூர் பிரதேசபை அதிகாரிகள் கூறினார்கள்.       

    

Read More

தேர்தலுக்கு பின்னரான மட்டக்களப்பின் உணர்வலைகள்

தேர்தலுக்கு பின்னரான மட்டக்களப்பின் உணர்வலைகள்

By avathani Media Network   1:40:00 PM   No comments:

(முஹம்மத் றிபாஸ்)

பாராளுமன்ற தேர்தல் அமைதியாக நடத்து முடிந்துள்ளது. சிறுபான்மை மக்கள் ஆசுவாசப் பட்டுக்கொள்ளக் கூடியவாறு  தேர்தல் பெறுபேறுகள் அமைந்துள்ளன. பல தசாப்த அரசியல் தலைமைகளை தோற்கடித்து பல புதிய முகங்களை பாராளுமன்றத்திற்கு மக்கள் தெரிவு செய்துள்ளனர்.

இந்த வகையில் மட்டக்களப்பு மாவட்டத்தில் தமிழ் வாக்களர்களின் வாக்குகள் எதிர்பார்த்த அளவிற்கு அளிக்கப் படாமையினால் தமிழ் தரப்பு இம்முறையும் மூன்று பிரதிநிதிகளையே பெற்றுக் கொண்டது. மாறாக முஸ்லிம்களினதும் மற்றும் தேசிய கட்சிகளுக்கான தமிழ் வாக்காளர்களின் வாக்குகளாலும்  முஸ்லிம் தரப்பு இரண்டு பிர்திநிதிகளைப் பெற்றுக் கொண்டுள்ளது.

ஆயினும் மிகச் சிறிய வாக்கு வித்தியாசத்தில் கிழக்கின் அரசியல் ஜாம்பவான் ஹிஸ்புல்லாஹ் தனது ஆசனத்தை இழந்துள்ளார். இதற்கு பல்வேறு காரணங்கள் கூறப் பட்டாலும். அவரது அரசியல் தளமான காத்தான்குடியில் சுமார்  ஐம்பது வீதமான வாக்குகளையே அவரால் பெற்றுக்கொள்ள முடிந்துள்ளது. அபிவிருத்தியின் அடையாளாமாக காத்தான்குடி சித்தரிக்கப் பட்டபோதும் அந்த நகரத்தின் தனிப் பெரும் தலைவனாக ஹிஸ்புல்லாஹ் தன்னை வெளிக் காட்டிக் கொண்டபோதும், பல கோடி ரூபாய்களை தேர்தலுக்காக அவர் அள்ளி  இறைத்தபோதும் அவரால் வெற்றி பெற முடியாமல் போனமைக்கான காரணங்கள் சிந்திக்க தக்கவையே.

மாறாக கடந்த தேர்தல்களில் மட்டக்களப்பில்  மிகவும் கையறு நிலைக்கு சென்றிருந்த முஸ்லிம் காங்கிரஸ் கட்சி தனித்து நின்று போட்டியிட்ட  ஒரே ஒரு மாவட்டமாக மட்டக்களப்பு இருந்தபோதும் வரலாறு காணாத வெற்றியை இம்முறை மட்டக்களப்பில் பெற்றுக் கொண்டுள்ளது. தலைவர் அஸ்ரபின் காலத்திற்கு பிறகு இம்மாபெரும் வெற்றி முஸ்லிம் காங்கிரசை புளகாங்கிதம் அடையச் செய்து தலை நிமிர வைத்துள்ளது.

இந்த வெற்றியில் முழுமுதற் காரணமாக; மிகவும் சாணக்கியமான முறையில் முஸ்லிம் காங்கிரசும் நல்லாட்சிக்கான தேசிய முன்னணியும் செய்துகொண்ட தேர்தல் கூட்டு நோக்கப் படுகிறது. இந்த கூட்டு ஏற்படுத்த படாதிருந்தால் முஸ்லிம் காங்கிரஸ் கட்சி வெற்றி பெறமுடியாது என்பது மட்டுமல்லாமல் ஹிஸ்புல்லாவும் மிக இலகுவாக தனது வெற்றியை உறுதி செய்து கொண்டிருக்கமுடியும் என்பது வெளிப்படையான உண்மையாகும்.

வளர்ந்து வரும் அரசியல் சக்தி என்றவகையில் நல்லாட்சிக்கான தேசிய முன்னணி கடந்த ஒன்பது வருடங்களுக்கு மேலாக ஹிஸ்புல்லாவின் அரசியல் தளத்தை மெதுமெதுவாக ஆட்டங்காண வைத்து  தற்போதைய அரசியற் கூட்டின் மூலம் வீழ்த்தியுள்ளது என்றால் மிகையாகாது. ஆயினும் இந்த இயக்கம் முன்னிறுத்திய பெரிதும் எதிர்பார்க்கப்பட்ட இந்த இயக்கத்தின் தவிசாளரான அப்துர் ரஹ்மான் இந்த தேர்தலில் வெற்றி பெற முடியாமற் போனது பொதுவாக மட்டக்களப்பு வாக்காளர்களையும் குறிப்பாக  காத்தான்குடி மக்களையும் பேரதிர்ச்சிக்குள்ளாக்கியுள்ளது.

அப்துர் ரஹ்மான் நீண்ட காலமாக அரசியல் களத்தில் இருந்தாலும் இந்த தேர்தலுக்கான அறிவிப்பின் பின்னர்தான்  இந்நாட்டின்  தமிழ் பேசும் மக்களிடத்தில் நன்கு அறிமுகம் செய்யப்பட்டார். அவரது தொலைக்காட்சி விவாதங்களும். மேடைப் பேச்சுக்களும் அவரது ஆளுமையை உலகறியச் செய்தது. இவ்வாறான ஒருவர் பாராளுமன்றம் செல்லவேண்டும் என்பது கிழக்குவாழ் முஸ்லிம் மக்களது மட்டுமல்லாது தமிழ் மக்களதும் அபிலாஷையாக இருந்தது. ஆயினும் கொள்கைவாத அரசியலுக்கு நம் தேசம்  இன்னும் பழக்கப்படவில்லை என்பதை இவரது தோல்வி மட்டுமல்லாது ஜே வீ பீ இனது தோல்வியும் சுட்டி நிற்கின்றன.

எவ்வாறெனினும் தேசியப் பட்டியலிலாவது நல்லாட்சிக்கான தேசிய முன்னணிக்கு பாராளுமன்ற  ஆசனமொன்றை முஸ்லிம் காங்கிரஸ் வழங்கவேண்டும் எனும் கோசம் தற்போது வலுப்பட்டு வருகிறது. முஸ்லிம் காங்கிரசுக்கும் நல்லாட்சிக்கான தேசிய முன்னணிக்குமான தேர்தல் கூட்டு உடன் படிக்கையில் இந்த விடயம் ஒரு சரத்தாக அழுத்தமற்ற முறையில் குறிப்பிடப் பட்டிருந்தாலும். இதனை மிக காத்திரமாக சிந்திக்க வேண்டும் என்ற வேண்டுகோள் முஸ்லிம் காங்கிரசின் தலைவருக்கு பல்வேறு தரப்பினராலும் முன்வைக்கப் பட்டு வருகின்றன. மட்டக்களப்பின் எதிர்கால அரசியல் செயற்பாடுகளைக் கருத்திற்கொண்டும் ஹிஸ்புல்லாவின் மீள் வருகையினையும் ரிஷாத் தரப்பின் எழுச்சியினையும்  கருத்திற்கொண்டும். முஸ்லிம் காங்கிரஸ் கட்சி தனது தாயக பூமியான மட்டக்களப்பில் தனது அரசியல் இருப்பை உறுதி செய்ய இந்த கூட்டு நிரந்தரமாகப் படவேண்டும் என இரு தரப்பாரும் மிக அவாவுடன் இருக்கின்றனர். 

இதனை. இம்முறை தேசியப் பட்டியலினூடாக நல்லாட்சிக்கான தேசிய முன்னணியின்  உறுப்பினர் ஒருவருக்கு  குறிப்பாக அப்துர் ரஹ்மானுக்கு பாராளுமன்ற அங்கத்துவத்தை  வழங்குவதன் மூலம் உறுதி செய்துகொள்ளமுடியும் என இவர்கள் நம்புகின்றனர். இதனை முஸ்லிம் காங்கிரஸ் தலைவர் ரவூப் ஹகீம் அவர்களுக்கு வலியுறுத்துவதற்காக காத்தான்குடியின் வர்த்தக சமுகம். உலமாக்கள் குழு. பொது மக்கள் குழு என பலர் முஸ்லிம் காங்கிரஸ் தலைவரை தொடர்ச்சியாக சந்தித்து அழுத்தம் கொடுத்து வருகின்றனர். 

ஹிஸ்புல்லாஹ் அவர்கள் மிக நீண்ட காலமாக பாராளுமன்ற உறுப்பினராக இருந்து கிழக்கு வாழ் மக்களுக்கு குறிப்பாக காத்தான்குடி மக்களுக்கு பல  சேவைகளை ஆற்றியுள்ளார். இவர் தொடர்பான பல விமர்சனங்கள் இருந்தும் கூட இவரது சேவைகளை முற்றாக மக்கள் நிராகரித்து விடவில்லை ஆயினும் பௌதீக வள அபிவிருத்தியை விட முஸ்லிம் சமுக இருப்பும். தன்மானமும். கௌரவமும் இந்த நாட்டில் கேள்விக்கு உட்படுத்தப் பட்டபோது இவரது நடவடிக்கைகள் விமர்சனத்துக்கு உள்ளாக்கின அதன் தொடராக இலங்கை வாழ் முஸ்லிம் சமுகத்தின் ஓர் அங்கம் என்ற உணர்வுடன்தான் அரசியல் மாற்றத்தை வேண்டி இம்முறை இம்மக்கள் வாக்களித்தனர். 

இதனால்தான் ஹிஸ்புல்லாவின் அரசியல் கூட்டினை நிராகரித்து சமுக உணர்வுடன் செயற்பட்டனர். மட்டக்களப்பின் கல்குடா தொகுதியும் ஏறாவூர் தொகுதியும் தற்போது பல அரசியல் அதிகாரங்களிப் பகிர்ந்து கொண்டுள்ள நிலையில் காத்தான்குடி பிரதேசம் அரசியல் அனாதையாகியுள்ளதாக இப்பிரதேச மக்கள் அங்கலாய்க்கின்றனர். இந்த தவிப்பை முஸ்லிம் காங்கிரஸ் தலைமை சரியாக உள்வாங்கி இப்பிரதேசத்திற்கான பிரதிநிதித் துவத்தை வழங்குமா? என்பேதே இப்பகுதி மக்களின் மிகப் பெரும் கேள்வியாகும். 

Read More

மாகாண சபை உறுப்­பி­னர்கள் 46 பேர் பாரா­ளு­மன்­றத்­துக்கு தெரிவு

மாகாண சபை உறுப்­பி­னர்கள் 46 பேர் பாரா­ளு­மன்­றத்­துக்கு தெரிவு

By avathani Media Network   10:33:00 AM   No comments:

நடந்து முடிந்த பாரா­ளு­மன்றத் தேர்­தலில் மாகா­ண­ச­பை­களில் அங்கம் வகிக்கும் உறு ப்­பி­னர்கள் 46 பேர் பாரா­ளு­மன்­றத்­திற்கு தெரிவு செய்­யப்­பட்­டுள்­ளனர்.

மேல் மாகா­ண­சபை உறுப்­பி­னர்கள் 12 பேர் இம்­முறை பாரா­ளு­மன்றம் செல்­கின்­றனர். மேல் மாகாண சபையின் மூன்று மாவட்­டங்­க­ளி­லி­ருந்தும் உத­ய­கம்மன்பில, ஹிரு­ணிகா பிரே­மச்­சந்­திர, முஜிபுர் ரஹ் மான், எஸ்.எம். மரிக்கார், மனோ கணேசன் ஆகியோர் பாரா­ளு­மன்றம் செல்­வ­தற்கு மக்­க­ளினால் தெரிவு செய்­யப்­பட்­டுள்­ள னர்.

அத்துடன் முத­ல­மைச்சர் பிர­சன்ன ரண­துங்க மற்றும் நிமல் லன்சா, சிசிர ஜயக்­கொடி, ஹர்­ஷன ராஜ­க­ருணா, எட்வட் குண­சே­கர, கவிந்து ஜய­வர்த்­தன பியல் நிஷாந்த ஆகியோர் பாரா­ளு­மன்­றத்­திற்கு தெரிவு செய்­யப்­பட்­டுள்­ளனர்.

தென் மாகா­ண­ச­பை­யி­லி­ருந்தும் ஐந்து உறுப்­பி­னர்கள் இம்­முறை பாரா­ளு­மன்­றத்­திற்கு தெரிவு செய்­யப்­பட்­டுள்­ளனர். கீதா குமா­ர­சிங்க, பந்­துலால் பண்­டா­ர­கொட, விஜ­ய­பால ஹெட்­டியா­ராச்சிஇ காஞ்­சன விஜ­ய­சே­கர மற்றும் நிஹால் கல­பத்தி ஆகியோர் தென்­மா­கா­ண­ச­பை­யி­லி­ருந்து பாரா­ளு­மன்­றத்­திற்கு செல்­கின்­றனர்.

மத்­தி­ய­மா­கா­ண­ச­பை­யி­லி­ருந்து ஆறுபேர் பாரா­ளு­மன்­றத்­திற்கு தெரிவு செய்­யப்­பட்­டுள்­ளனர். அநு­ராத ஜய­ரத்ன, லக்கி ஜய­வர்த்­தன மயந்த திஸா­நா­யக்க, எம். வேலுக்­குமார் உள்­ளிட்டோர் மத்­திய மாகா­ண­ ச­பையில் கண்டி மாவட்­டத்­தி­லி­ருந்து பாரா­ளு­மன்­றத்­திற்கு தெரிவு செய்­யப்­பட்­டுள்­ளனர். அத்­துடன் மத்­திய மாகா­ண­ச­பை­யி­லி­ருந்து கே. கே. பிய­தாஸஇ ரஞ்சித் அலு­வி­கார ஆகி­யோரும் பாரா­ளு­மன்­றத்­திற்கு தெரிவு செய்­யப்­பட்­டுள்­ளனர்.

சப்­ர­க­முவ மாகா­ணத்­தி­லி­ருந்து ஏழு பேர் இம்­முறை பாரா­ளு­மன்­றத்­திற்கு தெரிவு செய்­யப்­பட்­டுள்­ளனர். ஹேஷான் விதா­னகே, ஏ.ஏ. விஜ­ய­துங்க, தாரக பால­சூ­ரிய, துஷ்­மந்த மித்­தி­ர­பால, துஷித்தா விஜ­ய­மான, சுஜித் சஞ்­ஜய மற்றும் சத்தீப் சம­ர­சிங்க ஆகியோர் சப்­ர­க­முவ மாகா­ண­ச­பையின் கேகாலை மற்றும் இரத்­தி­ன­புரி மாவட்­டங்­க­ளி­லி­ருந்து தெரிவு செய்­யப்­பட்­டுள்­ளனர்.

வடமேல் மாகா­ண­ச­பை­யி­லி­ருந்து ஐவர் பாரா­ளு­மன்­றத்­திற்கு தெரிவு செய்­யப்­பட்­டுள்­ளனர். வடமேல் மாகா­ண­ச­பையின் குரு­ணாகல் மற்றும் புத்­தளம் மாவட்­டங்­க­ளி­லி­ருந்து தயா­சிறி ஜய­சே­கர, சனத் நிஷாந்த, எக்டர் அப்­பு­ஹாமி, சாந்த சிசிர அபே­சே­கர, அசோக்க பியந்த ஆகியோர் பாரா­ளு­மன்­றத்­திற்கு தெரிவு செய்­யப்­பட்­டுள்­ளனர்.

ஊவா மாகா­ண­ச­பையின் பதுளை மாவட்­டத்­தி­லி­ருந்து நால்வர் பாரா­ளு­மன்­றத்­திற்கு தெரிவு செய்­யப்­பட்­டுள்­ளனர். ஹரீன் பெர்­னாண்டோ, சாமர சம்பத், ரவீந்­திர சம­ர­வீர, வடிவேல் சுரேஷ் ஆகியோர் பாரா ­ளு­மன்­றத்­திற்கு தெரிவு செய்­யப்­பட்­டுள்­ள னர்.

எட்­டா­வது பாரா­ளு­மன்­றத்­திற்கு வட­மத்­திய மாகா­ண­ச­பை­யி­லி­ருந்தும் இருவர் தெரிவு செய்­யப்­பட்­டி­ருந்­தனர். சந்திம மஹிந்தசோம, சிட்னி ஜயரத்ன ஆகியோர் பாராளுமன்றம் செல்கின்றனர்.

கிழக்கு மாகாணசபையிலிருந்து நான்கு உறுப்பினர்கள் பாராளுமன்றத்திற்கு தெரிவு செய்யப்பட்டுள்ளனர். விமலவீர திஸாநாயக்க, தயாகமகே, எம்.எம். மன் சூர் மற்றும் இம்ரான் மஹ்ரூப் ஆகியோர் பாராளுமன்றத்திற்கு தெரிவு செய்யப்ப ட்டுள்ளனர்.

Read More