மஹிந்த, கோத்தா உட்பட 48 பேருக்கு எதிராக போர்க் குற்றச்சாட்டு!

மஹிந்த, கோத்தா உட்பட 48 பேருக்கு எதிராக போர்க் குற்றச்சாட்டு!

By avathani Media Network   11:25:00 PM   No comments:

ஜெனீவாவில் சமர்ப்பிக்கப்படவிருந்த பிரேரணையில் முன்னாள் ஜனாதிபதி மஹிந்த ராஜபக்ச, முன்னாள் பாதுகாப்பு செயலாளர் கோத்தபாய ராஜபக்ச உட்பட 48 பேருக்கு எதிராக போர்க் குற்றச்சாட்டு சுமத்தப்பட்டிருந்ததாக சுகாதார அமைச்சர் ராஜித சேனாரத்ன தெரிவித்துள்ளார்.

எனினும் புதிய அரசாங்கம் நியமிக்கப்பட்டதன் பின்னர் அவர்களுக்கு எதிராக சுமத்தப்பட்டிருந்த குற்றச்சாட்டு நீக்கப்பட்டதாக அவர் குறிப்பிட்டுள்ளார்.

எப்படியிருப்பினும், போர்க்குற்றச்சாட்டு தொடர்பில் ஐ.நா மனித உரிமைகள் பேரவையில் சமர்ப்பிக்கப்பட்ட அறிக்கை தொடர்பில் முன்னாள் ஜனாதிபதி மஹிந்த ராஜபக்ச ஊடகங்களுக்கு அறிக்கை வெளியிட்டு, அந்த பிரேரணையில் இலங்கைக்கு எதிராக ஆபத்தான பரிந்துரைகள் உள்ளடக்கப்பட்டுள்ளதாக சுட்டிக்காட்டியுள்ளார்.

அத்துடன் எங்கள் இராணுவத்தினரை சிறையில் அடைத்து, சிறையில் அடைக்க முடியாதவர்களை “நிர்வாக செயல்முறையின் கீழ் பாதுகாப்பு படைகளில் இருந்து வெளியேற்றி, தேசத்தின் முதுகெலும்பாக இருந்த சக்திகளை உடைப்பதற்கு இந்த அதிகாரிகள் செயற்படுகின்றார்கள் என்பதனை குறித்து பொது மக்கள் அவதானமாக இருக்க வேண்டும் என அவர் தனது அறிக்கையில் மேலும் குறிப்பிட்டுள்ளார்.

Read More

கல்முனை வலய மட்டத்தில் நிந்தவூர் மதீனா மாணவிக்கு முதலாமிடம்.

கல்முனை வலய மட்டத்தில் நிந்தவூர் மதீனா மாணவிக்கு முதலாமிடம்.

By avathani Media Network   11:07:00 PM   No comments:

( ஏ.எல்.ஏ.றபிக் பிர்தௌஸ் )

கல்முனை வலயத்திலுள்ள நிந்தவூர் அல்-மதீனா மகா வித்தியாலயத்தில் தரம் 13ல் கல்வி பயிலும் செல்வி. சஹீது பாத்திமா சஜானா எனும் மாணவி 2015ம் ஆண்டின் அகில இலங்கை ரீதியிலான ஆங்கில தினப் போட்டியின் பிரதி பண்ணல் நிகழ்சியில் முதலாம் இடத்தைப் பெற்று, பெற்றோருக்கும், பாடசாலைக்கும் பெருமை சேர்த்துள்ளார்.

இவர் ஆசிரியர்களான திரு.சஹீது, திருமதி.பாத்திமா சஹீது ஆகியோரின் ஏகபுதல்வியாவார்.

இம்மாணவியிற்கும், அவரது பெற்றோர்களுக்கும், கற்பித்த ஆசிரியர்களுக்கும், வழிகாட்டிய கல்வித் திணைக்கள அதிகாரிகளுக்கும் மதீனா வித்தியாலய அதிபர் பாராட்டுக்களைத் தெரிவித்துள்ளார்.

Read More

நிறைவுடன் இடம்பெற்ற நினைவுகூரும் நிகழ்வு - 'ஆப்தீனை நினைத்து:

நிறைவுடன் இடம்பெற்ற நினைவுகூரும் நிகழ்வு - 'ஆப்தீனை நினைத்து:

By avathani Media Network   9:49:00 PM   No comments:

25.10.2015 அன்று கொழும்புத் தமிழ்ச் சங்க விநோதன் மண்டபத்தில் அண்மையில் மறைந்த எழுத்தாளர் ப.ஆப்டீனை அவர்களை நினைவுக்  கூரும் நிகழ்வு இடம் பெற்றது. இதில் கே.பொன்னுத்துரை, பதுளை சேனாதிராஜா, அந்தனி ஜீவா,  திக்குவல்லை கமால்.  மாபாசி,  கே.எஸ்.சிவகுமாரன்,  எம்.ஏ.எம்.நிலாம்,  வசந்தி தயாபரன், மு.சிவலிங்கம்,  பிரேம்ராஜ், க.சண்முகலிங்கம், எம்.வாமதேவன், அலிஅக்பர், தம்புசிவா, இப்னு அஸூமட், என்.நஜ்முல் ஹூசைன், மு.கதிர்காமநாதன்;, எம்.எஸ்.எம்.ஜின்னா, இளநெஞ்சன் முர்ஷிதீன், சித்தி சண்முகநாதன்;,  மேமன்கவி ஆகியோர் நினைவுக் கூர்ந்தார்கள்.

இந்த நிகழ்வில் மறைந்த ப.ஆப்டீன் அவர்களின் பல நற்பண்புகளும்; அடக்கமான வெளிப்பாடும் விதந்துக் கூறப்பட்டது.அத்தோடு அவரது அச்சேறாதப் படைப்புக்கள் ஆவணப்படுத்தப்பட வேண்டும் என்ற வேண்டுக்கோளும் முன் வைக்கப்பட்டது. மறைந்த மூத்தப் படைப்பாளிகளும் அவ்வாறாக ஆவணப்படுத்தப்பட்டு இன்றையத் தலைமுறையினருக்கு அறிமுகப்பட்டுத்தப்பட வேண்டும் என்ற கருத்தும்; முன் வைக்கப்பட்டது.

Read More

சல்மா ஹம்சாவுக்கும் ஜேர்மன் நாட்டு லிட்லேன் நிறுவனத்தின் பிரதிநிதிகளுக்குமிடையிலான சந்திப்பு

சல்மா ஹம்சாவுக்கும் ஜேர்மன் நாட்டு லிட்லேன் நிறுவனத்தின் பிரதிநிதிகளுக்குமிடையிலான சந்திப்பு

By avathani Media Network   8:30:00 PM   No comments:

பெண்களுக்கான வலுவூட்டலுக்கும் அபிவிருத்திக்குமான அமைப்பின் பிரதிநிதிகளுக்கும் ஜேர்மன் நாட்டு லிட்லேன் நிறுவனத்;தின் பிரதிநிதிகளுக்குமிடையிலான சந்திப் பொன்று (24.10.2015) காத்தான்குடியிலுள்ள பெண்களுக்கான வலுவூட்டலுக்கும் அபிவிருத்திக்குமான அமைப்பின் அலுவலகத்தில் இடம் பெற்றது.மட்டக்களப்பு மாவட்டத்தில் பெண்கள் தலைமை தாங்கும் குடும்பங்களுடைய பெண்களின் வாழ்வாதாரத்தை மேம்படுத்துவது தொடர்பாகவே இந்த சந்திப்பு நடைபெற்றதாக பெண்களுக்கான வலுவூட்டலுக்கும் அபிவிருத்திக்குமான அமைப்பின் நிறைவேற்றுப்பணிப்பாளரும் காத்தான்குடி நகர சபையின் முன்னாள் உறுப்பினருமான திருமதி சல்மா ஹம்ஸா தெரிவித்தார்.

இந்த சந்திப்பில் ஜேர்மன் நாட்டு லிட்லேன் நிறுவனத்தின் பிரதிநிதி எச்.ஹெசன் மற்றும் அந்த நிறுவனத்தின் இலங்கைக்கான வதிவிடப் பணிப்பாளர் பேர்ட்டி ஹீன்பல மற்றும் பெண்களுக்கான வலுவூட்டலுக்கும் அபிவிருத்திக்குமான அமைப்பின் பிரதிநிதிகள் உட்பட பெண்கள் தலைமை தாங்கும் குடும்பங்களைச் சேர்ந்த பெண்கள் கலந்து கொண்டனர்.

ஜேர்மன் நாட்டு லிட்லேன் நிறுவனத்;தின் நிதியுதவியுடன் பெண்களுக்கான வலுவூட்டலுக்கும் அபிவிருத்திக்குமான அமைப்பினால் மட்டக்களப்பு மாவட்டத்தில் பெண்கள் தலைமை தாங்கும் குடும்பங்களுடைய பெண்களின் வாழ்வாதாரத்தை மேம்படுத்துவதறகாக அவர்களுக்கு சிறு கைத்தொழில் தொடர்பான உற்பத்திப்பயிற்சியினை வழங்கி அவர்களின் வாழ்வதாரத்தை ஊக்குவித்து நாளொன்றுக்கு 400 ரூபா முதல் 500 ரூபாவரையிலான வருமானத்தை ஈட்டிக் கொள்ளும் பொருட்டு இந்த சிறுகைத் தொழில் திட்டம் நடைமுறைப்படுத்த நடவடிக்கை எடுப்பது தொடர்பாக இங்கு கலந்துரையாடப்பட்டதாக திருமதி சல்மா ஹம்சா தெரிவித்தார்.

இந்த திட்டத்தில் முதல் கட்டமாக 30 வயதுக்குமேற்பட்ட கனவனை இழந்த விதவைப் பெண்கள் மற்றும் பெண்கள் தலைமை தாங்கும் குடும்பங்களைச் சேர்ந்த பெண்கள் என 100 பெண்களை இணைத்துக் கொள்ளவுள்ளதாகவும் திருமதி சல்மா ஹம்சா மேலும் தெரிவித்தார். த

Read More

கடவுளுக்கும் காவலாளிகள் தேவையா? : அரியநேத்திரன்

கடவுளுக்கும் காவலாளிகள் தேவையா? : அரியநேத்திரன்

By avathani Media Network   4:48:00 PM   No comments:

இன்று நல்லாட்சி இடம்பெறுவதாக கூறப்படும்போது இந்து ஆலயங்களுக்கும்  கடவுளுக்கும் காவலாளிகள் தேவையாகவுள்ளது என மட்டக்களப்பு மாவட்ட முன்னாள் பாராளுமன்ற உறுப்பினர் பா.அரியநேத்திரன் தெரிவித்தார்.

மட்டக்களப்பு மாவட்டத்தில் இரண்டு இந்து ஆலயங்களின் விக்கிரகங்கள் கடந்த வெள்ளிக்கிழமை உடைத்து சேதமாக்கப்பட்டமை தொடர்பாக  ஊடகங்களுக்கு கருத்துத் தெரிவிக்கும் போதே அவர் மேற்கண்டவாறு தெரிவித்தார்.

அவர்மேலும் கூறுகையில்,

குருக்கள்மடம் விஷ்னு ஆலயத்திலும் வாகனேரி இத்தியடி விநாயகர் ஆலயத்திலும் உள்ள விக்கிரகங்கள் திட்டமிட்டு சில விசமிகளால் சேதப்படுத்தப்பட்ட செயலானது ஒட்டுமொத்த இந்து மக்களின் மனதை புண்படுத்தும் செயலாகும். 

ஏற்கனவே மஹிந்ந அரசின் காலத்தில் குருக்கள்மடம் முருகன், ஆலயம் மாங்காடு பிள்ளையார் ஆலயம் மற்றும் பல ஆலயங்களில் விக்கிரகங்கள் சேதமாக்கப்பட்டன. இது தொடர்பாக தமிழ் தேசியக் கூட்டமைப்பினராகிய நாம் இவ்வாறான திட்டமிட்ட செயல்களை செய்தவர்களை கைது செய்து சட்டத்தின் முன் நிறுத்துமாறு கூறிய போதும் அது தொடர்பாக எந்த நடவடிக்கைகளும்  மஹிந்த அரசால் முன்னெடுக்கப்படவில்லை. 

இதனை கண்டித்து தமிழ்த் தேசியக் கூட்டமைப்பினராகிய நாம் மட்டக்களப்பு மாங்காட்டில் இருந்து குருக்கள்மடம் வரையும் கவனஈர்ப்பு ஊர்வலத்தையும் நடாத்தினோம். 

ஊர்வலத்தை தடுக்கும் நடவடிக்கையை  முன்னைய மஹிந்த அரசு படையினரை கொண்டு தடுக்கமுற்பட்டதே தவிர ஆலயத்தில் விக்கிரகங்களை உடைத்த எவரையுமே கைது செய்யப்படவில்லை.

தற்போது ஆட்சி மாற்றம் ஏற்பட்டு புதிய ஐனாதிபதியாக மைத்திரி அரசு பதவியேற்று நல்லாட்சியென வாயால் மட்டும் கூறும் இந்த சொல்லாட்சி அரசிலும் இந்துக் கோயில்களின் விக்கிரகங்கள் உடைக்கப்படுவதானது இந்துக்களை ஆத்திர மூட்டச் செய்கிறது.  

சூத்திரதாரிகளை கைது செய்ய வேண்டிய பொறுப்பு அரசுக்கு இருக்கின்றது. இதை அரசும் சம்பந்தப்பட்ட பொலிசாரும் உடனடியாக செய்யவேண்டும்.

அப்படி செய்யாவிட்டால் கடவுளுக்கும் காவலாளிகளை நியமிக்கவேண்டுமோ என்றுதான் எண்ணத்தோன்றுகிறது எனவும் கூறினார்.
virakesari.lk

Read More

சிறுவர் துஷ்பிரயோகம் - கேடுகெட்ட மனிதர்களின் ஆசைக்கு அளவே இல்லையா.?

சிறுவர் துஷ்பிரயோகம் - கேடுகெட்ட மனிதர்களின் ஆசைக்கு அளவே இல்லையா.?

By avathani Media Network   4:38:00 PM   No comments:

(முஹம்மட் ஜெலீல்,நிந்தவூர்) 

நாட்டில் அதி வேகமாக பரவிவரும் ஓர் புதிய நோய் போன்றுதான் தற்போது நாட்டில் சிறுவர் துஷ்பிரயோகம் பரவலாக நாடுமுவதும் அதிகரித்துக்கொண்டுவருகின்றது

Read More

நானள ஜனாதிபதி மட்டக்களப்பு விஜயம்..

நானள ஜனாதிபதி மட்டக்களப்பு விஜயம்..

By avathani Media Network   3:29:00 PM   No comments:

ஜனாதிபதி மைத்திரிபால சிறிசேன  நானள (27)செவ்வாய்க்கிழமை மட்டக்களப்புக்கு

விஜயம் செய்யவுள்ளார். இதற்கான சகல ஏற்பாடுகளும் மீள்குடியேற்ற

புனர்வாழ்வு புனரமைப்பு இராஜாங்க அமைச்சர் எம்.எல்.ஏ.எம். ஹிஸ்புல்லாஹ்

அவர்களின் தலைமையில் பூர்த்திசெய்யப்பட்டுள்ளதாக தெரிவிக்கப்படுகிறது.

மட்டுநகருக்கு விஜயம் மேற்கொள்ளும் ஜனாதிபதி காலை மட்டக்களப்பு மங்களராமய

பௌத்த விகாரையில் நடைபெறும் சமய நிகழ்வில் பங்குபற்றுவார்.

அதன் பின்னர் மட்டக்களப்பு வீரகத்தி பிள்ளையார் ஆலயத்திற்கும்

மட்டக்களப்பு ஜாமியுஸ்ஸலாம் ஜும்ஆப் பள்ளிவாயலுக்கும், மட்டக்களப்பு

புனித மரியாள் தேவலாயத்திற்கும் விஜயம் மேற்கொண்டு அங்கு நடைபெறும்

பிரார்த்தனை மற்றும் சமய நிகழ்வுகளிளும்  ஜனாதிபதி கலந்து கொள்ளவுள்ளதாக

மீள்குடியேற்ற புனர்வாழ்வு புனரமைப்பு இராஜாங்க அமைச்சர் எம்.எல்.ஏ.எம்.

ஹிஸ்புல்லாஹ் தெறிவித்தார்.

(ஜுனைட்.எம்.பஹ்த்)

Read More

கண்டி கலை இலக்கிய ரசிகர் மன்றத்தின் ஏற்பாட்டில் அகிலம் சிறப்பு மலர் வெளியீடு

கண்டி கலை இலக்கிய ரசிகர் மன்றத்தின் ஏற்பாட்டில் அகிலம் சிறப்பு மலர் வெளியீடு

By avathani Media Network   11:51:00 AM   No comments:

(அப்துல் றஹ்மான் பரீத்)

கண்டி கலை இலக்கிய ரசிகர் மன்றத்தின் ஏற்பாட்டில் அகிலம் சிறப்பு மலர் வெளியீடும் வைபவம் அண்மையில் கண்டி திரித்துவக் கல்லூரி மண்டபத்தில் நடைபெற்றது.சிறப்பு மலரின் முதற்பிரதியை புரவலர் ஹாஸிம் உமர் கல்வி இராஜாங்க அமைச்சர் வி.எஸ் இராதாகிருஷ்ணனிமிருந்து பெறுவதையும் அருகில் பாராளுமன்ற உறுப்பினர் அ.அரவிந்த குமார்,முன்னாள் அமைச்சர் பி.பி தேவராஜ்,அகிலம் ஆசிரியர் கே.வி இராமசாமி ஆகியோர்  காணப்படுகின்றனர்.

இந்நிகழ்வில் மாபெரும் இலக்கியப் போட்டியும் .கலை கலாசார விழாவும் இடம்பெற்றது.மாணவர்களின் கலை நிகழ்வும் இடம்பெற்றது.பெருந்திரளான  பொது மக்கள் கலந்து கொண்டமை குறிப்பிடத்தக்கது. இலக்கியப் புரவலர் ஹாஸிம் உமர் மற்றும் அமைச்சர் இராதாகிருஷ்ணன் ஆகியோர் குத்து விளக்கேற்றி நிகழ்வை ஆரம்பித்து வைத்தமை குறிப்பிடத்தக்கது

Read More

பிரபாகானின் தாக்குதலுக்குப் பயந்தே பதுங்கு குழி அமைத்தோம்..! அது மாளிகையல்ல என்கிறார் மஹிந்த..

பிரபாகானின் தாக்குதலுக்குப் பயந்தே பதுங்கு குழி அமைத்தோம்..! அது மாளிகையல்ல என்கிறார் மஹிந்த..

By avathani Media Network   10:04:00 AM   No comments:

ஜனா­தி­பதி மாளி­கையில் அமைக்­கப்­பட்­டுள்­ளமை நிலக்கீழ் சொகு­சு­மா­ளி­கை­யல்ல அது பிரபா­கரனின் தாக்­கு­த­லுக்கு அஞ்சி அமைக்­கப்­பட்ட பதுங்­கு­கு­ழி­யாகும். விடு­தலைப் புலிகள் பல­ம­டைந்­தி­ருந்த காலத்தில் எம்மை பாது­காக்­க­வேண்­டிய தேவை இருந்­தது.

அன்­றைய கால­கட்­டத்தில் முக்­கியபாது­காப்பு கலந்­து­ரை­யா­டல்­க­ளையும் முக்­கிய தீர்­மா­னங்­க­ளையும் நாம் ஜனா­தி­பதி மாளி­கை­யி­லேயே மேற்­கொள் வோம். ஜனா­தி­பதி மாளிகை தாக்­கப்­பட்டால் இந்த பதுங்­கு­கு­ழி­யி­லி­ருந்து செயற்­படும் நோக்­கத்­திற்­கா­கவே இதனை உரு­வாக்­கினோம் என்று முன்னாள் ஜனா­தி­ப­தியும் தற்­போ­தைய குருநாகல் மாவட்ட பாராளுமன்ற உறுப்பினருமான மாளிகையல்லமஹிந்த ராஜ­பக்ஷ தெரி­வித்தார்.

மைத்­தி­ரி­பால சிறி­சேன ஐக்­கிய தேசியக் கட்­சியில் இணைவார் என்றோ அல்­லது ஐக்­கிய தேசியக் கட்­சியில் வெற்­றி­பெற்று மீண்டும் ஸ்ரீலங்கா சுதந்­திரக் கட்­சியின் தலைவர் பத­வியை ஏற்­றுக்­கொள்வார் என்றோ நான் நினைத்­துப்­பார்த்­தி­ருக்­க­வில்லை. அனைத்தும் மாயை­யா­கவே நடந்­தே­றி­யது எனவும் அவர் மேலும் குறிப்­பிட்டார்.

ஜனா­தி­பதி மாளி­கையில் இர­க­சிய சொகுசு நிலக்கீழ் மாளிகை ஒன்றை முன்னாள் ஜனா­தி­பதி மஹிந்த ராஜபக் ஷ அமைத்­த­தாக கூறப்­பட்­டு­வரும் நிலையில் அதற்கு பதி­ல­ளிக்கும் வகையில் அவர் மேற்­கண்­ட­வாறு குறிப்­பிட்டார்.

கொழும்பு நரெ­ஹன்­பிட்டி அபே­ய­ராம விகா­ரையில் நேற்று பௌத்த மதத் தலை­வர்­களை சந்­தித்து ஜெனிவா தீர்­மானம் குறித்து முன்னாள் ஜனா­தி­பதி மஹிந்த ராஜ­பக்ஷ கலந்­து­ரை­யா­டினார். அதன் பின்னர் தனது நிலைப்­பாட்டை தெளிவு படுத்­து­கை­யி­லேயே அவர் இவ்­வாறு கூறினார்.

இது குறித்து அவர் மேலும் தெரி­விக்­கையில்,

ஜனா­தி­பதி மாளி­கையில் இர­க­சிய மாளிகை ஒன்றை அமைத்­துள்­ள­தாக தெரி­விக்­கின்­றனர். ஆனால் இது மாளிகை அல்ல. நாம் அமைத்­தது பதுங்­கு­கு­ழி­யே­யாகும். அவ்­வாறு பதுங்­கு­குழி ஒன்றை அமைத்­துள்­ள­தாக தெரி­விப்­பதை நான் மறுக்­க­வில்லை. இது யுத்த கால­கட்­டத்தில் அமைக்­கப்­பட்ட பதுங்­கு­கு­ழி­யாகும். குறிப்­பாக விடு­தலைப் புலி­களின் தரப்பு பல­ம­டைந்து இருந்த கால­கட்­டத்தில் எம்மை பாது­காக்­க­வேண்­டிய தேவை இருந்­தது. அந்த நேரத்தில் முக்­கிய பாது­காப்பு கலந்­து­ரை­யா­டல்­க­ளையும் முக்­கிய தீர்­மா­னங்­க­ளையும் நாம் ஜனா­தி­பதி மாளி­கையில் தான் மேற்­கொள்வோம்.

அவ்­வாறு இருக்­கையில் ஜனா­தி­பதி மாளிகை தாக்­கப்­பட்டால் இந்த பதுங்­கு­ழியில் இருந்து செயற்­ப­டலாம் என்ற நோக்­கத்­துக்­கா­கவே இதை உரு­வாக்­கினோம்.உண்­மையில் இந்த பதுங்­கு­கு­ழியை வெளியில் இருந்து பார்க்கும் போது சாதா­ரண வீடு போன்று தெரியும். ஆனால் உள்ளே பாது­காப்­பான வகையில் அமைக்­கப்­பட்­டுள்­ளது. யுத்த கால­கட்­டத்தில் இதை நாம் அமைத்தோம். ஏனெனில் அப்­போ­தைய சூழ்­நி­லையில் புலி­களின் தாக்­குதல் மிகவும் கடி­ன­மாக இருந்­தது. விமான தாக்­கு­தல்­களை புலிகள் மேற்­கொண்­டனர். அதில் இருந்து பாது­காத்­துக்­கொள்ள எமக்கு இவ்­வா­றான பாது­காப்பு நட­வ­டிக்­கை­களை மேற்­கொள்­ள­வேண்டி இருந்­தது.

அவர்­களின் விமான தாக்­குதல் மற்றும் நீர்­மூழ்கி கப்பல் தாக்­குதல் என்­பன எமக்கு மிகப்­பெ­ரிய சவா­லாக அமைந்­தது. ஆகவே அவற்றை எதிர்­கொள்ள நாம் தயா­ராக இருந்தோம். ஜனா­தி­பதி மாளி­கையில் மட்­டு­மல்ல அல­ரி­மா­ளி­கை­யிலும் இவ்­வா­றான பதுங்­கு­குழி உள்­ளது. இன்னும் சில முக்­கிய இடங்­க­ளிலும் பதுங்­கு­கு­ழிகள் உள்­ளன. அவற்றை அமைத்­தது தவ­றென குறிப்­பிட முடி­யாது. நாம் தாக்­குதல் நடத்­தும்­போது புலிகள் பதுங்­கு­குழி அமைத்­தனர். அதேபோல் அவர்கள் தாக்கும் போது நாம் பதுங்­கு­குழி அமைத்தோம்.

பிர­பா­க­ரனும் இவ்­வாறு பதுங்­கு­கு­ழி­களை அமைத்து வைத்­தி­ருந்தார். அவ­ரது வீட்டின் அடி­யிலும் இர­க­சிய பதுங்­கு­குழி இருந்­ததே. அதை எவரும் விமர்­சிக்­க­வில்லை. அதே­போல நாமும் எமது பாது­காப்­பிற்­காக பதுங்­கு­கு­ழியை அமைத்­துக்­கொண்டோம். புலிகள் செய்­வது நியா­ய­மெனின் நாம் செய்­வதும் நியா­ய­மா­னதே.

கேள்வி:-ஜெனியா அறிக்கை தொடர்பில் பாரா­ளு­மன்­றத்தில் உங்­க­ளுக்கு நேரம் ஒதுக்­கப்­பட்­டி­ருந்­த­போதும் ஏன் நீங்கள் உரை­யாற்­ற­வில்லை?

பதில்: அப்­போது வேறொரு முக்­கிய சந்­திப்பு ஒன்று இருந்­தது. அதனால் பார­ளு­மன்­றத்­திற்கு வர­மு­டி­யாது போய்­விட்­டது. அத்­தோடு எனது நிலைப்­பாட்டை ஆரம்­பத்தில் தெரி­வித்­து­விட்டேன். தொடர்ந்தும் அதைப்­பற்றி பேசு­வதில் அர்த்தம் இல்லை. எனினும் பாரா­ளு­மன்­றத்தில் என்னை அதிகம் விமர்­சிக்­கின்­றனர். அத்­தோடு பாரா­ளு­மன்­றத்தை நகைப்­புக்­குள்­ளாக்கும் திறமை பிர­தமர் ரணி­லுக்கு நன்­றா­கவே உள்­ளது. அதனால் நான் எதையும் பெரி­து­ப­டுத்­த­வில்லை.

கேள்வி :-புதி­தாக தம்மை எதிர்க்­கட்சி என தெரி­விக்கும் உங்­களின் ஆத­ரவு அணியின் தலை­மைத்­து­வத்தை நீங்கள் ஏற்­பீர்­களா?

பதில்: நான் ஸ்ரீலங்கா சுதந்­தி­ரக்­கட்­சியின் உறுப்­பினர். எனது கட்­சிக்­கா­கவே நான் செயட்­ப­டு­கின்றேன். ஏனை­ய­வர்கள் எடுக்கும் முடி­வு­க­ளுக்கு நான் பொறுப்­பாக முடி­யாது.

கேள்வி :-ஸ்ரீலங்கா சுதந்­திரக் கட்­சியின் சில உறுப்­பி­னர்­களும் மஹிந்த அணி­யுடன் இணை­ய­வுள்­ள­தாக தெரி­விக்­கப்­ப­டு­கின்­றதே?

பதில்: அதைப்­பற்றி எனக்கு தெரி­யாது. சில விட­யங்­களை இர­க­சி­ய­மாக செய்­வார்கள். நடக்கும் வரையில் நாம் அறிந்­தி­ருக்க மாட்டோம். மைத்­தி­ரி­பால சிறி­சேன ஐக்­கிய தேசியக் கட்­சியில் இணைவார் என்று எமக்கு தெரி­யுமா? அல்­லது ஐக்­கிய தேசியக் கட்­சியில் வெற்­றி­பெற்று மீண்டும் ஸ்ரீலங்கா சுதந்­திரக் கட்­சியின் தலைவர் பத­வியை ஏற்­றுக்­கொள்வார் என்று நினைத்­தோமா.? அனைத்தும் நடந்து முடி­வ­டைந்­த­வுடன் தான் எனக்கு தெரி­ய­வந்­தது. இன்றும் அவை மாயை­யா­கவே உள்­ளன. அவ்­வாறே இப்­போது நடக்கும் அனைத்தும் இர­க­சி­ய­மா­ன­வை­யே­யாகும்.

கொழும்பு கோட்­டையில் உள்ள ஜனா­தி­பதி மாளி­கையில் நிலக்கீழ் அதி­சொ­குசு மாளிகை அமைக்­கப்­பட்­டுள்­ளது. கடந்த வெ ள்ளிக்­கி­ழமை குறிப்­பிட்ட சில ஊட­க­வி­ய­லா­ளர்கள் அங்கு அழைத்துச் செல்­லப்­பட்­டி­ருந்­தனர். முன்னாள் ஜனா­தி­பதி மஹிந்த ராஜ­பக்ஷ இந்த மாளி­கையை நிர்­மா­ணித்­தி­ருந்தார். இந்த மாளி­கையை நிர்­மா­ணிப்­ப­தற்­கான நல்­ல­நே­ரத்­தையும் மஹிந்­தவின் ஆஸ்­தான ஜோதி­ட­ரான சும­ண­தா­சவே குறித்து கொடுத்­தி­ருந்தார்.

மாளி­கையின் உள்ளே நுழை­வ­தற்கு இரகசிய குறியீடுகள் பயன்படுத்தப்பட்டுள்ளன. அத்துடன் உள்ளே இருந்து கதவை மூடிக்கொண்டால். வெளியிலிருந்து இரகசிய குறியீட்டின் மூலம் கூட திறக்க முடியாத அளவுக்கு பாதுகாப்பு ஏற்பாடுகள் மாளிகையில் மேற்கொள்ளப்பட்டிருந்தன. குளிரூட்டி வசதிகள் தொலைபேசி இன்டர்நெட் இ அகலத்திரை தொலைக்காட்சிகள் இ சொகுசு இருக்கைகள் இ நிலமட்டத்திற்கு மேலே ஜனாதிபதி மாளிகையை முழுவதுமாக கண்காணிப்பதற்கான கமராக்கள் என கற்பனைகூட செய்ய முடியாதளவுக்கு நவீன மற்றும் சொகுசு வசதிகள் இந்த மாளிகைக்குள் மேற்கொள்ளப்பட்டிருந்தன. Source-virakesary.lk

Read More