சாட்சிகள் இருப்பின் ஹிருணிக்காவைக் கைதுசெய்யலாம்!

சாட்சிகள் இருப்பின் ஹிருணிக்காவைக் கைதுசெய்யலாம்!

By avathani Media Network   10:12:00 PM   No comments:

ஹிருணிகா பிரேமச்சந்திரவுக்கு சொந்தமான வாகனத்தில் நபரொருவர் கடத்தப்பட்டதாக கூறப்படும் சம்பவம் தொடர்பில் ஜனாதிபதி அல்லது பிரதமரால் பொலிஸாருக்கு எந்தவொரு அழுத்தமும் கொடுக்கப்படவில்லை என, அமைச்சர் கபீர் கசிம் தெரிவித்துள்ளார். 

பாராளுமன்ற உறுப்பினராயினும் அமைச்சராயினும் சட்டம் யாவருக்கும் பொதுவானது எனவும், இந்த சம்பவம் தொடர்பில் அவரைக் கைதுசெய்ய பொலிஸார் வசம் சாட்சிகள் இருப்பின் அதனை செய்ய முடியும் எனவும் அவர் சுட்டிக்காட்டியுள்ளார். 

அந்த நடவடிக்கைகளுக்கு எதிராக ஜனாதிபதியோ பிரதமரோ தலையிடப் போவதில்லை எனவும் கபீர் கசிம் இதன்போது மேலும் குறிப்பிட்டுள்ளார். 

இன்று இடம்பெற்ற ஊடகவியலாளர் சந்திப்பில் எழுப்பப்பட்ட கேள்வி ஒன்றுக்கு பதிலளிக்கையிலேயே அவர் இவ்வாறு கூறியுள்ளார். 

இந்த நாட்டில் சட்டத்தை நடைமுறைப்படுத்தும் நிறுவனங்களுக்கு அதனை உரிய முறையில் மேற்கொள்வதற்கான சூழல் ஏற்படுத்திக் கொடுக்கப்பட்டுள்ளதாக கூறிய அவர், கடந்த ஆட்சிக் காலத்தைப் போன்று, ஹெலிக்கொப்டர் மூலம் சிங்கப்பூருக்கு அனுப்ப எம்மாலும் முடியும் ஆனால் அதனை செய்யவில்லை எனவும் தெரிவித்துள்ளார். 

Read More

2016 இல் உலகம் எதிர்க்கொள்ளவுள்ள அழிவு

2016 இல் உலகம் எதிர்க்கொள்ளவுள்ள அழிவு

By avathani Media Network   10:06:00 PM   No comments:

2016 ம் ஆண்டில் எல் நினோ (கடும் வெப்பம்) சுழற்சியால், உலகம் முழுவதும் பல மில்லியன் மக்கள் பசியாலும், கடுமையான நோயாலும் பாதிக்கப்படுவார்கள் என வானிலை ஆய்வாளர்கள் எச்சரித்துள்ளனர். வரும் ஆண்டில் உலகம் முழுவதும் கடுமையான உணவு தட்டுப்பாடு ஏற்படும் எனவும் கூறப்பட்டுள்ளது.

புவியின் சுழற்சி காரணமாக எல் நினோ (கடும் வெப்பம்), லா நினா (கன மழை) மாறி மாறி வருகிறது.அடுத்த ஆண்டில் எல் நினோ காரணமாக அடுத்த 6 மாதங்கள் கரீபியன், மத்திய மற்றும் தெற்கு அமெரிக்கா கடுமையாக பாதிக்கப்பட உள்ளது. 2015ம் ஆண்டு உலகின் மிக மோசமான வெப்பம் நிறைந்த ஆண்டாக வானிலை ஆய்வாளர்கள் கூறு வந்தனர். ஆனால் 2016ம் ஆண்டு வெப்பத்தின் அளவு மேலும் அதிகமாக இருக்கும் என எச்சரிக்கப்பட்டுள்ளது.

ஏற்கனவே எல் நினோவின் தாக்கத்தால் உலகம் முழுவதும் 20 முதல் 30 சதவீதம் மழை அளவு குறைந்துள்ளது. இந்நிலையில், 2016ம் ஆண்டில் எல் நினோவின் தாக்கம் தீவிரமாக இருக்கும் எனவும், இதனால் உலகம் முழுவதும் கடுமையான உணவு தட்டுப்பாடு ஏற்படும் என வானிலை ஆய்வாளர்கள் தெரிவித்துள்ளனர்.

எல் நினோவால் மிக அதிக அளவிலான கடலின் வெப்பம், நிலப்பரப்பை நோக்கி வரும். 2016ல் புவியின் ஒரு பகுதி கடுமையான வெப்பம், வறட்சியாலும், மற்ற பகுதி கடுமையான மழை மற்றும் வெள்ளத்தாலும் பாதிக்கப்பட உள்ளதாக கூறப்படுகிறது. இந்த இரண்டின் காரணமாகவும் மனித குலம் கடுமையான பாதிப்பை சந்திக்க உள்ளதாக எச்சரிக்கப்பட்டுள்ளது.

எல் நினோவால் 2016ல் எந்த அளவிற்கு வெப்பத்தின் தாக்கமும், வறட்சியும் இருக்குமோ அதற்கு நேர்மாறாக லா நினாவால் அதற்கடுத்த ஆண்டு கடுமையாக மழை, வெள்ளம் ஏற்படும் என ஆராய்ச்சியாளர்கள் தெரிவித்துள்ளனர்.

virakesari.lk

Read More

NTJ (தேசிய தவ்ஹீத் ஜமாத்) நடாத்தும் 3 வது ஷிர்க் ஒழிப்பு மாநாடு

NTJ (தேசிய தவ்ஹீத் ஜமாத்) நடாத்தும் 3 வது ஷிர்க் ஒழிப்பு மாநாடு

By avathani Media Network   9:30:00 PM   No comments:

Read More

எங்க ஊரு வாங்க

எங்க ஊரு வாங்க

By avathani Media Network   6:09:00 PM   No comments:

(காத்தான்குடி நிஷவ்ஸ்)

இறங்காமல் பறக்கும்

எயார் லைன்ஸைப் பார்க்க

எங்க ஊரு வாங்க.

இறந்த பின்னும் கேட்குமாம்

ஏழெட்டு சியாரங்கள்

பறந்து வாங்க பார்க்க.

கட்டையொன்றைப் புதைத்து

கெட்டுப் போன கூட்டம்

கொட்டும் பன்னீர் பார்க்க வாங்க.

கட்டு கட்டாய் பணம் வர

கட்டிப் படிப்பார் பாட்டு.

கட்டளைகள் மறுக்கும்

கெட்ட பயில்வான் பார்க்க வாங்க.

கட்டு கட்டாய் கஞ்சா

கட்டும் கதையை கொஞ்சம்

காது கொடுத்து கேட்க வாங்க.

நட்ட நடு ரோட்டில்

எட்டுப் பேரு சேர்ந்து

எட்டுப் போட்டு ஓடும்

மோட்டர் பைக் பார்க்க வாங்க.

முட்டுப் பட்ட பின்னால்

கெட்ட வார்த்தை பேசி

திட்டுவதை பார்க்க வாங்க.

குட்டிச் சவுதி இது

கொழிக்கும் வசதியுண்டு.

உலமாக்கள் வாழகின்ற

பலமான கோட்டை இது.

சில 'மா'க்கள் செய்கின்ற

சீரழிவு வேலைகளால்

நலமான ஊரு

நாறுது பாரு.

(காத்தான்குடி நிஷவ்ஸ் -30/12/2015)

Read More

புதிய அரசியலமைப்பு குறித்து த.தே.கூட்டமைப்பு - முஸ்லிம் காங்கிரஸ் கலந்துரையாடல்

புதிய அரசியலமைப்பு குறித்து த.தே.கூட்டமைப்பு - முஸ்லிம் காங்கிரஸ் கலந்துரையாடல்

By avathani Media Network   3:11:00 PM   No comments:

தமிழ் தேசியக் கூட்டமைப்பு மற்றும் ஸ்ரீலங்கா முஸ்லிம் காங்கிரஸ் ஆகிய இரு கட்சிகளுக்குமிடையிலான சந்திப்பு ஒன்று இன்று காலை இடம்பெற்றுள்ளது. 

இன்று காலை 11.30 மணியளவில் எதிர்க்கட்சித் தலைவர் அலுவலகத்தில் இந்த சந்திப்பு இடம்பெற்றதாக ஸ்ரீலங்கா முஸ்லிம் காங்கிரஸ் தலைவரும் அமைச்சருமான ரவூப் ஹக்கீம் தெரிவித்தார். 

இதன்போது புதிய அரசியலமைப்பு திருத்தம் மற்றும் புதிய தேர்தல் முறை குறித்து கலந்துரையாடப்பட்டதாக அவர் எமது செய்திப் பிரிவிற்கு கூறினார். 

புதிய அரசியல் சீர்திருத்தம் சம்பந்தமாக பாராளுமன்ற அமர்வுகள் ஆரம்பமாகவுள்ள நிலையில், முன்கூட்டியே சிறுபான்மை மக்களின் உரிமைகள் குறித்த விடயங்கள் தொடர்பில் விரிவாக கலந்துரையாடப்பட்டு வருவதாக அமைச்சர் ரவூப் ஹக்கீம் கூறினார். 

இது தொடர்பான கலந்துரையாடல்களை கடந்த தினங்களில் இரண்டு கட்சிகளும் தொடர்ந்து முன்னெடுத்து வந்ததாகவும் அவர் கூறினார்.

Read More

சீகிரியா ஓவியங்களை படமெடுக்கத் தடை

சீகிரியா ஓவியங்களை படமெடுக்கத் தடை

By avathani Media Network   1:52:00 PM   No comments:

சீகிரியா ஓவியங்களை படமெடுப்பது, இன்று முதல் தடைவிதிக்கப்பட்டுள்ளதாக மத்திய கலாசார நிதியத்தின் பணிப்பாள் நாயகம் பேராசிரியர் கிருஷாந்த குணவர்தன தெரிவித்தார்.

சீகிரியா ஓவியங்கள் தொடர்பில் எடுக்கப்பட்ட இந்த தீர்மானத்துக்கு தொல்பொருள் திணைக்களத்தின் அனுமதியும் கிடைத்துள்ளதாக அவர் மேலும் தெரிவித்தார்.

Read More

இரண்டு மணி நேரத்தில் பொலிஸ் அறிக்கை பெறலாம்

இரண்டு மணி நேரத்தில் பொலிஸ் அறிக்கை பெறலாம்

By avathani Media Network   9:52:00 AM   No comments:

நாடளாவிய ரீதியில் எந்த பொலிஸ் பிரிவில் வசிப்பவரும் தொழில் நிமித்தம் வெளி நாடுசெல்லும் நோக்கில் பொலிஸ் அறிக்கைகளுக்கு வாரக்கணக்கில் செலவிடவேண்டிய அவசியம் இல்லை எனவும் அவற்றை இரண்டு அல்லது மூன்று மணி நேரத்துக்குள் பெற்றுக்கொள்ள முடியுமெனவும் பொலிஸ் மா அதிபர் என்.கே.இலங்ககோன் தெரிவித்தார்.

கொழும்பில் நேற்று இடம்பெற்ற நிகழ்வொன்றிலேயே அவர் இதனைத் தெரிவித்தார்.

அவர் மேலும் குறிப்பிடுகையில்,

வெளிநாடொன்றுக்கு தொழிலுக்கு செல்லும்போது பொலிஸ் அறிக்கை கோரப்படும் அப்போது யாழில் உள்ள ஒருவர் கொழும்புக்கு வந்து கைவிரல் ரேகைகளை பதிவு செய்து அதனை பெற்றுக் கொள்ள பல நாட்களை செலவிட வேண்டி ஏற்பட்டது. எனினும் தற்போது தொழில் நுட்பம் பரவல் படுத்தப்படுவதால் எந்த ஒரு பொலிஸ் பிரிவிலும் கைவிரல் ரேகை பதிவு குறித்த அறிக்கையை 3 நிமிடங்களில் பெறலாம். அதனால் இரண்டு அல்லது மூன்று மணி நேரத்தில் தத்தமது பொலிஸ் பிரிவிலேயே பொலிஸ் அறிக்கைகளைப் பெறக் கூடியதாக இருக்கும் என்றார்.

Read More

வறகாபொல வாகன விபத்தில் ஐவர் பலி

வறகாபொல வாகன விபத்தில் ஐவர் பலி

By avathani Media Network   9:35:00 AM   No comments:

இன்று (30.12.2015) அதிகாலை வறகாபொலயில் இடம் பெற்ற வாகன விபத்தொன்றில் சம்மாந்துறையைச் சேர்ந்த ஐவர் மரணமடைந்துள்ளனர்.

 அவர்கள் புனித உம்றா கடமையைச் செ;வதற்கு விசா பெ;றுக் கொள்வதற்காக கொழும்புக்குச் செல்லும் வழியிலேயே இந்த விபத்து ஏற்பட்டு மரணமடைந்துள்ளதாக தெரிய வருகிறது

Read More

நாகப்பாம்பு

நாகப்பாம்பு

By avathani Media Network   9:22:00 AM   No comments:

(எம்.எல்.எம்.அன்ஸார் )

எந்தக் கடையில் இப்போதும் இலவசமாக

விஷம் விற்கப்படுகிறது நாகப்பாம்புக்கு?

*

இன்று காலையிலும் எனது வாசலில்

பாம்புக் காடொன்று வளர்ந்து கிடந்தது.

சுபஹ் தொழுதுவிட்டு நான்  ஓதியதை

மொட்டை வழித்த மஞ்சள் நாகம்

ஒட்டுக்கேட்டு

பயந்து  நடுங்கியதையும் கண்டேன்!

*

சிறுநீர் கழித்தால் கழுவத்தெரியாத  சேற்றுப் புழு.

யாரோ கட்டிவிட்ட

நஞ்சுப் பல்லோடு  வந்து படமெடுத்தாடி

கொத்தித் தின்னப் பார்க்கிறது குர்ஆனை!

*

கொஞ்ச நாட்களுக்கு முன்னரும் இப்படித்தான்

கண்ட கண்ட இடத்தில் ஹலாலை கடிப்பதற்கு

சாரப்பாம்புகளுக்கு பள்ளிக்கூடம் நடத்தி   

உசார் செய்து  

விஷத்தைக் கக்கி

நாக்கில் கொடுத்தது நாகப் பாம்பு!

*

இதன் பிறகு பாம்புகள்

சீறுவதற்கு படித்து வெளியேறுகிற புற்றாகவே

“பன்சல” வை அவதானித்து கடந்து சென்றிருக்கிறேன்!

*

நாகப்பாம்பே நஞ்சருந்தி செத்துக் கொள்ளுமளவிற்கு

பாம்பின் விஷ பற்களை

இரண்டு விரல்களால் இலேசாகப் பிடுங்கி எறிந்து

செருப்புக் காலால் மிதித்தால்

நசுங்கிச் சாகின்ற நாக்கிழிப் புழுவாக்கியது தேர்தல்!

*

துவேசத்தை முகத்தில் தூக்கி போட்டுக் கொண்டு

எனது வேதத்தை வெட்டிச் சாய்ப்பதற்கு  

படமெடுத்தாடுகிறது

போக்கிடம் தெரியாத சாக்கடைப் புழு.

ஒரு “அலிஃப்” பைக் கூட பிடுங்க முடியாமல் தோற்று  

செத்த பாம்பாய்

அடங்கிப்போவதை பார்ப்பதற்காவது

எனது சீவனை நீடித்துத் தா ரஹ்மானே!

17-12-2015

-எம்.எல்.எம்.அன்ஸார்  

 

Read More