மண்சரிவில் 3 சிறுவர்கள் உட்பட 7 பேர் பலி!

மண்சரிவில் 3 சிறுவர்கள் உட்பட 7 பேர் பலி!

By avathani Media Network   12:41:00 PM   No comments:

நுவரெலியா, கொத்மலை வெதமுல்ல லிஸ்லேண்ட் தோட்டத்தில் நேற்று வெள்ளிக்கிழமை இடம்பெற்ற பாரிய மண்சரிவில் புதையுண்டு 3 சிறுவர்கள் உட்பட 7 பேர் உயிரிழந்துள்ளனர்.

இந்த பாரிய அனர்த்தத்தில் 7 வீடுகள் முற்றாக தரைமட்டமானதாகவும் மேலும் இரு வீடுகள் பகுதியளவு சேதத்துக்குள்ளாகியுள்ளதாகவும் எமது செய்தியாளர் தெரிவித்தார்.

மண்ணுக்குள் புதையுண்ட செல்லையா கணேசன் (55) என்பவரை பொதுமக்கள் மீட்டுள்ளதுடன் அவர் கம்பளை வைத்தியசாலையில் அனுமதிக்கப்பட்டுள்ளார்.

மண்சரிவினால் பாதிக்கப்பட்ட 35 குடும்பங்களைச் சேர்ந்த 188 பேர் இறம்பொடை இந்துக்கல்லூரி மண்டபத்தில் தங்க வைக்கப்பட்டுள்ளனர்.

Read More

மரண தண்டணை மீண்டும் நடைமுறைப்படுத்தப்படும்!

மரண தண்டணை மீண்டும் நடைமுறைப்படுத்தப்படும்!

By avathani Media Network   10:41:00 AM   No comments:

இலங்கையில் இடம்பெற்று வரும் பாரிய குற்றச்செயல்களுடன் தொடர்புடையவர்களுக்கு அனைத்து தரப்பினரதும் சம்மதத்துடனும் மரண தண்டணையை நடைமுறைப்படுத்துவதற்கு ஜனாதிபதி மைத்திரிபால சிறிசேன தீர்மானித்துள்ளதாக மீன்பிடி, நீரியல் வளங்கள் அமைச்சர் மஹிந்த அமரவீர தெரிவித்துள்ளார்.

இதுதொடர்பில் கருத்து தெரிவித்துள்ள அவர், இலங்கையில் தற்போது சிறுவர்களுக்கு எதிரான வன்முறைகள் அதிகரித்துள்ளன. பெண்களுக்கு எதிராகவும் பாலியல் வன்முறைகள் மேற்கொள்ளப்படுகின்றன.

மறுபுறத்தில் போதைப்பொருள் பாவனை போன்ற சமூகச் சீர்கேடுகளை ஊக்குவிக்கும் நடவடிக்கைகள் மற்றும் போதைப் பொருள் விற்பனை என்பன பரவலாக நடைபெற்று வருகின்றது.

இவற்றைத் தடுப்பதற்கு கடுமையான சட்டங்கள் அவசியம். பாரிய குற்றச்செயல்கள் மற்றும் சிறுவர்களுக்கு எதிரான வன்முறையாளர்களுக்கு மரண தண்டனையை நடைமுறைப்படுத்த ஜனாதிபதியும் விருப்பத்துடனேயே இருக்கின்றார்.

எனினும் அனைத்துத் தரப்பினரதும் சம்மதத்தை பெற்றுக் கொண்ட பின்பே அதனை நடைமுறைப்படுத்த ஜனாதிபதி உத்தேசித்துள்ளதாக அமைச்சர் மஹிந்த அமரவீர மேலும் தெரிவித்துள்ளார்.

Read More

மக்கள் மீது பாரிய நிதிச்சுமை; மஹிந்தவே காரணம்!

மக்கள் மீது பாரிய நிதிச்சுமை; மஹிந்தவே காரணம்!

By avathani Media Network   10:37:00 AM   No comments:

முன்னாள் ஜனாதிபதி மஹிந்த ராஜபக்ஷ தலைமையிலான அரசாங்கம், அமைச்சரவையின் அனுமதியில்லாமல், 280 பில்லியன் ரூபாய்களை பல்வேறு திட்டங்களுக்காக பயன்படுத்தியுள்ளதாக நிதியமைச்சர் ரவி கருணாநாயக்க குற்றம் சுமத்தியுள்ளார்.

இதன்காரணமாகவே மக்கள் மீது பாரிய நிதிச்சுமைகள் சுமத்தப்பட்டதாகவும் அவர் குறிப்பிட்டுள்ளார்.

இது தொடர்பில் ஊடகம் ஒன்றுக்கு கருத்துரைத்து தெரிவித்துள்ள அவர், முன்னைய அரசாங்கத்தின் இந்த செயலால், தற்போதைய வரவுசெலவுத்திட்டத்தில் பாரிய பிரச்சினை ஏற்பட்டுத்தியுள்ளது.

இந்தநிலையில் கடன் சுமையில் இருந்து நாட்டை மீட்பதற்காக அரசாங்கம் பல்வேறு முயற்சிகளை மேற்கொண்டுள்ளது.

2014 ஆம் ஆண்டு நவம்பர் மாதத்தில் மதுவரி திணைக்களத்தின் மாதாந்த வருமானம், 2900 மில்லியன்களாக இருந்தது.

எனினும் அது தற்போது 9000 மில்லியன் ரூபாய்கள் அதிகரித்துள்ளது.

இந்தநிலையில் கடந்த 10 வருடங்களாக மாதம் ஒன்றுக்கு 6100 மில்லியன் ரூபாய்களுக்கு என்ன நடந்தது எனவும் ரவி கருணாநாயக்க இதன்போது கேள்வி எழுப்பியுள்ளார்.

Read More

காலி முகத்திடல் முதலைத் தொல்லை!

காலி முகத்திடல் முதலைத் தொல்லை!

By avathani Media Network   10:35:00 AM   No comments:

கொழும்பை அண்மித்த கடற்பகுதிகளில் முதலைகளின் தொல்லை அதிகரித்துள்ளதாக பொது மக்கள் விசனம் தெரிவித்துள்ளனர். முதலைகளின் தொல்லை காரணமாக தெகிவளை, கல்கிசை, கொள்ளுப்பிட்டிய மற்றும் காலி முகத்திடலை அண்டிய பகுதிகளில் மக்கள் நடமாட முடியாத நிலை ஏற்பட்டுள்ளதாகத் தெரிவிக்கப்படுகின்றது.

மேலும் முதலைகளின் அச்சம் காரணமாக மீன்பிடி நடவடிக்கைகளும் பாதிப்படைந்துள்ளதாக மீனவர்கள் குறிப்பிட்டுள்ளனர்.  அந்த வகையில் இன்று வெள்ளிக்கிழமை காலி முகத்திடல் கடற்பகுதியில் முதலைகளின் நடமாட்டம் காணப்பட்டதையடுத்து மக்கள் அச்சமடைந்துள்ளனர்.

இதனையடுத்து குறித்த முதலையை பிடித்து அகற்றுவதற்கு கடற்படையினர் பாரிய முயற்சி எடுத்திருந்தனர். அந்த வகையில் காலி முகத்திடல் பகுதியில் சிறிது நேரம் பதட்டமான சூழல் நிலை காணப்பட்டமை குறிப்பிடத்தக்கது.

Read More