காத்தான்குடியில் மாட்டு இறைச்சி விற்பனை நிலையங்களுக்கு பூட்டு.

காத்தான்குடியில் மாட்டு இறைச்சி விற்பனை நிலையங்களுக்கு பூட்டு.

By avathani Media Network   9:36:00 PM   No comments:

காத்தான்குடி நகர சபை பிரிவிலுள்ள மாட்டு இறைச்சி விற்பனை கடை உரிமையாளர்கள் கடைகளை மூடி ஹர்த்தால் நடவடிக்கையில் ஈடுபட்டுள்ளனர்.

பசுமாடுகளை அறுப்பதற்கு நகரசபை தடை விதித்துள்ள நிலையில் அதற்கு எதிர்ப்பு தெரிவித்தே இந்த கடையைட போராட்டம் முன்னெடுக்கப்படுவதாக இறைச்சிக்கடை உரிமையாளர்கள் தெரிவிக்கின்றனர்.

இதனால் அந்த பிரதேசத்தில் முஸ்லிம் மக்களுக்கு மாட்டிறைச்சியை கொள்வனவு செய்வதில் சிக்கல் நிலை ஏற்பட்டுள்ளது.

இவர்களின், இந்த ஹர்த்தால் நடவடிக்கையால் காத்தான்குடி நகர சபை பிரிவிலுள்ள பொதுச் சந்தை மற்றும் புதிய காத்தான்குடி சந்தை, புதிய காத்தான்குடி சந்தை உள்ளிட்ட 28 மாட்டு இறைச்சிக்கடைகள் மூடப்பட்டுள்ளன.

இது தொடர்பாக காத்தான்குடி நகர சபை செயலாளர் ஜே.சர்வேஸ்வரணிடம் கூறிய போது, இவர்களின் பகிஸ்கரிப்பு தொடர்பாக எமது கவனத்திற்கு கொண்டு வரப்பட்டுள்ளதாகவும், இவர்களின் பிரச்சினையை தீர்த்து வைக்க நடவடிக்கை எடுக்கப்பட்டுள்ளதாகவும் தெரிவித்தார்.

Read More

மாணவர்களின் போராட்டத்திற்கு பலன் கிடைத்தது

மாணவர்களின் போராட்டத்திற்கு பலன் கிடைத்தது

By avathani Media Network   9:31:00 PM   No comments:

கணக்கியல் உயர் தேசிய டிப்ளோமா (HNDA) பாடநெறி பி.கொம் (B.Com) பட்டத்திற்கு சமனானதாக தரம் உயர்த்தப்பட்டுள்ளது.  இதற்கான அனுமதியை அமைச்சரவை வழங்கியுள்ளது.

கடந்த சில நாட்களாக குறித்த பாடநெறியை பி.கொம் (B.Com) பட்டத்திற்கு சமனானதாக தரம் உயர்த்துமாறு வலியுறுத்தி மாணவர்கள் நாடளாவிய ரீதியில் ஆர்ப்பாட்டங்களை மேற்கொண்டிருந்தனர்.

இந்நிலையில் குறித்த பாடநெறியை தரம் உயர்த்துவது தொடர்பான ஒரு சுற்றரிக்கை அமைச்சரவைக்கு சமர்பிக்கப்பட்டிருப்பதாகவும், அதற்கு அமைச்சரவை அனுமதியளித்தால் அவ்வாறு தரம் உயர்த்த முடியும் என்றும் பல்கலைக்கழக மானியங்கள் ஆணைக்குழுவின் உப தலைவர் பேராசிரியர் குணரத்ன தெரிவித்திருந்தார்.

அதன்படி குறித்த சுற்றரிக்கைக்கு இன்று அமைச்சரவை அங்கீகாரம் வழங்கியுள்ளது. 

Read More

முச்சக்கர வண்டிகளுக்கு வீதி விபத்து பற்றி விழிப்புனர்வை ஏற்படுத்தும் ஸ்டிகர்கள் ஒட்டும் விஷேட நிகழ்ச்சித் திட்டம் --படங்கள்

முச்சக்கர வண்டிகளுக்கு வீதி விபத்து பற்றி விழிப்புனர்வை ஏற்படுத்தும் ஸ்டிகர்கள் ஒட்டும் விஷேட நிகழ்ச்சித் திட்டம் --படங்கள்

By avathani Media Network   9:24:00 PM   No comments:

(பழுலுல்லாஹ் பர்ஹான்)

சமூக மட்டத்தில் சிறுவர்களுக்கு ஏற்படும் விபத்துக்ளை தடுக்கும் வகையில் ஐரோப்பிய ஒன்றியம்-இலங்கை அபிவிருத்திக்கான ஒன்றினைவு எனும் தொனிப்பொருளில் மாவட்ட அபிவிருத்தி நிகழ்ச்சித்திட்டத்துக்கான ஐரோப்பிய ஒன்றிய உதவி திட்டத்தின் கீழ் மட்டக்களப்பு மாவட்டத்தில் காத்தான்குடி பொலிஸ் பிரிவுக்குட்பட்ட ஆரையம்பதி பிரதேச செயலாளர் பிரிவிலுள்ள முச்சக்கர வண்டிகளுக்கு வீதி விபத்து பற்றி விழிப்புனர்வை ஏற்படுத்தும் வசனங்கள் அடங்கிய ஸ்டிகர்கள் ஒட்டும் விஷேட நிகழ்ச்சித் திட்டத்தின் ஆரம்ப நிகழ்வு இன்று 6 வெள்ளிக்கிழமை மட்டக்களப்பு-கல்முனை ஆரையம்பதி பிரதான வீதியில் அமைந்துள்ள பேராசிரியர் சாண்டோ சங்கரதாஸ் அரங்கில் ஆரம்பித்து வைக்கப்பட்டது.

காத்தான்குடி பொலிஸ் நிலையத்தின் மோட்டார் போக்குவரத்து பிரிவின் பொறுப்பதிகாரி ஆர்.துஷார ஜெயலால் தலைமையில் இடம்பெற்ற இவ் விஷேட நிகழ்சித் திட்ட ஆரம்ப நிகழ்வில் காத்தான்குடி பொலிஸ் நிலையப் பொறுப்பதிகாரி கே.எம்.ஆர்.எஸ்.கோனார,(யுனிசெப்) ஐக்கிய நாடுகள் சிறுவர் நிதியத்தின் மட்டக்களப்பு மாவட்ட திட்ட முகாமையாளர் எஸ்.ரவீந்திரன்;,மட்டக்களப்பு சர்வோதயத்தின் வெளிக்கள உத்தியோகத்தர் திருமதி எஸ்.பத்மா ,திட்ட உத்தியோகத்தர் ரீ.மயூரன் உட்பட காத்தான்குடி பொலிஸ் நிலையத்தின் மோட்டார் போக்குவரத்து பிரிவு பொலிஸ் அதிகாரிகள், மண்முனைப்பற்று- ஆரையம்பதி முச்சக்கர வண்டி சாரதிகள் சமூக நலன்புரிச் சங்கத்தின் பிரதிநிதிகள் என பலரும் கலந்து கொண்டனர்.

இதன் போது ஆரையம்பதி முச்சக்கர வண்டி சாரதிகள் சமூக நலன்புரிச் சங்கத்தில் அங்கத்துவம் பெற்ற முச்சக்கர வண்டிகளுக்கு வீதி விபத்து பற்றி விழிப்புனர்வு ஏற்படுத்தும் ஸ்டிகர்கள் போக்குவரத்து பொலிசாரினாரினால் ஒட்டப்பட்டது.

இங்கு வீதி விபத்து பற்றி விழிப்புனர்வு ஏற்படுத்தும் குறித்த நிகழ்ச்சித் திட்டம் தொடர்பில் முச்சக்கர வண்டி சாரதிகளுக்கு தெளிவுபடுத்தப்பட்டது.

மேற்படி முச்சக்கர வண்டிகளுக்கு ஒட்டப்பட்ட வீதி விபத்து பற்றி விழிப்புனர்வு ஏற்படுத்தும் ஸ்டிகர்களில் வீதிச்சமிஞ்சைகளை மதித்து நடக்கும் சாரதிகளை பாராட்டுகின்றோம்,வீதி ஒழுங்குகளை கடைப்பிடிப்போம் விபத்துக்களை தவிர்ப்போம்,சாரதிகளே அதிக வேகம் வாழ்வின் ஆனந்தங்களை இல்லாது செய்துவிடும்,சாரதிகளே உங்களின் கவனமின்மை ஊரவரின் உயிரைக் குடிக்கும் போன்ற வசனங்கள் எழுதப்பட்டிருந்தமை குறிப்பிடத்தக்கது.

Read More

மோட்டார் சைக்கிள் பெற்றோல் தாங்கியில் சிறுவர்களை வைத்து கொண்டு செல்வது தடை

மோட்டார் சைக்கிள் பெற்றோல் தாங்கியில் சிறுவர்களை வைத்து கொண்டு செல்வது தடை

By avathani Media Network   5:01:00 PM   No comments:

(பழுலுல்லாஹ் பர்ஹான்)

இலங்கை பொலிஸ் மோட்டார் வாகனச் சட்டத்தின் பிரகாரம் மோட்டார் சைக்கிள் பெற்றோல் தாங்கியில் சிறுவர்களை வைத்து கொண்டு செல்வது முற்றாக தடை செய்யப்பட்டுள்ளதாக காத்தான்குடி பொலிஸ் நிலையத்தின் மோட்டார் போக்குவரத்துப் பிரிவின் பொறுப்பதிகாரி ஆர்.துஷார திலங்க ஜெயலால் தெரிவித்தார்.

சிறுவர்களை விபத்துக்களில் இருந்து பாதுகாக்கும் நோக்கில் குறித்த சட்டம் இலங்கை பொலிஸ் மோட்டார் வாகனச் சட்டத்தின் 158 இன் முதலாவது சட்டம் எனவும் இதனை மீறும் மோட்டார் சைக்கிள் உரிமையாளருக்கு முதலாவது தடவை இறுதி எச்சரிக்கை வழங்க முடியும் எனவும் அதன் பின்னர் அதே தவறை மோட்டார் சைக்கிள் உரிமையாளர் மீண்டும் செய்யும் பொழுது அவருக்கு மோட்டார் வாகனச் சட்டத்தினை மீறியமைக்காக அவருக்கு நீதி மன்றத்தில் வழக்கு தொடரப்படும் எனவும் அவர் மேலும் தெரிவித்தார்.

இதனால் மோட்டார் சைக்கிள் பெற்றோல் தாங்கியில் சிறுவர்களை வைத்து கொண்டு செல்லும் மோட்டார் சைக்கிள் உரிமையாளர்கள் இதனை தவிர்ந்து நடக்குமாறு காத்தான்குடி பொலிஸ் நிலையத்தின் மோட்டார் போக்குவரத்துப் பிரிவு வேண்டுகோள் விடுக்கின்றது.

Read More

மதுபோதையுடன் வாகனம் செலுத்துவோரின் எண்ணிக்கை அதிகரிப்பு

மதுபோதையுடன் வாகனம் செலுத்துவோரின் எண்ணிக்கை அதிகரிப்பு

By avathani Media Network   10:43:00 AM   No comments:

மட்டக்களப்பு, ஏறாவூர் பொலிஸ் பிரிவில் கடந்த பத்து மாத காலப்பகுதியில் வீதி விபத்துக்களின் எண்ணிக்கை குறைந்துள்ள போதிலும் மதுபோதையுடன் வாகனம் செலுத்திய குற்றச்சாட்டின் பேரில் நீதிமன்ற தண்டனைக்குட்படுத்தப்பட்டோரின் எண்ணிக்கை பன்மடங்கு அதிகரித்துள்ளதாக பொலிஸ் மோட்டார் போக்குவரத்துப் பிரிவு பொறுப்பதிகாரி எம்.டபிள்யூ.சி.பீ.கே.டி சில்வா தெரிவித்தார்.

கடந்த ஜனவரி மாதம் முதல் ஒக்டோபர் மாதம் வரையான 10 மாத காலப்பகுதியில் மது போதையுடன் வாகனம் செலுத்தியமை தொடர்பில் 272 முறைப்பாடுகளும் வீதி சமிஞ்கைகளை மீறிய 24,379 முறைப்பாடுகளும் பதிவாகியுள்ளன. மேலும், 56 வீதி விபத்துக்களும் பதிவாகியுள்ளன.

கடந்த 2014ஆம் ஆண்டில் பத்து மாத காலப்பகுதியில் மது போதையுடன் வாகனம் செலுத்தியமை தொடர்பில் 59 முறைப்பாடுகளும் வீதி சமிஞ்கைகளை மீறியமை தொடர்பில் 18,723 முறைபாடுகளும் 98 வீதி விபத்துக்களும் பதிவாகியுள்ளன என்றார்.

மேலும்இ இவ்வாறான குற்றங்கள் மற்றும் விபத்துக்களைத் தடுக்க பொலிஸாரினால் முன்னெடுக்கப்படும் நடவடிக்கைகளுக்கு பொதுமக்கள், பொதுநல அமைப்புக்கள் மற்றும் அரசியல்வாதிகளின் ஒத்துழைப்பு எதிர்பார்க்கப்படுவதாக அவர் மேலும் தெரிவித்தார்.

Read More

பல்கலைக்கழகங்களுக்கு இலவச வைபை

பல்கலைக்கழகங்களுக்கு இலவச வைபை

By avathani Media Network   10:02:00 AM   No comments:

 

அனைத்துப் பல்கலைக்கழகங்களுக்கும் இலவச வைபை வசதி வழங்கப்படும் என பிரதமர் ரணில் விக்ரமசிங்க குறிப்பிட்டுள்ளார்.

அத்துடன் பல்கலைக்கழக மாணவர்களுக்கு மடிக் கனணிகளை வழங்க மூன்று வருடங்களுக்கு வட்டியில்லாக் கடன் பெற்றுக் கொடுக்கப்படும் எனவும் இதற்கான மானிய நிதி எதிர்வரும் வரவு செலவுத் திட்டத்தில் ஒதுக்கப்படும் எனவும் அவர் கூறியுள்ளார்.

பாராளுமன்றத்தில் நடுத்தர பொருளாதார வேலைத்திட்டங்கள் தொடர்பில் ஆற்றிய விஷட உரையிலேயே அவர் இவ்வாறு தெரிவித்துள்ளார்.

Read More

பீ ஜே வருகிறார்! ஒடுக்க நினைப்பது புத்தி “சாலி”த் தனமல்ல

பீ ஜே வருகிறார்! ஒடுக்க நினைப்பது புத்தி “சாலி”த் தனமல்ல

By avathani Media Network   9:34:00 AM   No comments:

(காத்தான்குடி நிஷவ்ஸ்)

பா ஜ ஆளும் பாரதம் இருந்து

பீ ஜே வருகிறார்

பிரச்சாரம் பண்ண

கூச்சல் போடுறார்

கொஞ்சப் பேரு

காய்ச்சல் அடிக்குது

கபுறடி அடியார்க்கு

பீ ஜே வருகிறார்

பிரச்சாரம் பண்ண

பேச்சால் ஷிர்க்கின்

பெண்டை உடைத்தவர்

ஆச்சர்ய பதில்களால்

அதிகம் பேர் கவர்ந்தவர்

ஏச்சுக்கும் அடிக்கும்

இரையாகிப் போனவர்

பிந்திய காலத்தில்

பீ ஜே இயம்பியதில்

ஏற்க முடியாதவை

இருப்பது உண்மை

சிறந்ததை ஏற்று

மற்றதை மறுப்பதே

அழகிய கொள்கை

அதனை விட்டு

வெத்து சாலிகளும்

கத்தும் சாலிகளும்

ஒன்றாய் நின்று

ஒடுக்க நினைப்பது

புத்தி சாலித் தனமல்ல

புரிந்தால் சரி.

(நிஷவ்ஸ் -05/11/2015)

Read More

புதிய உள்ளூராட்சி வட்டாரப் பிரிப்பு முறை குறித்த NFGG யின் அறிவித்தல்

புதிய உள்ளூராட்சி வட்டாரப் பிரிப்பு முறை குறித்த NFGG யின் அறிவித்தல்

By avathani Media Network   9:28:00 AM   No comments:

உள்ளூராட்சித் தேர்தல்களுக்கான புதிய வட்டார எல்லைகள் மாகாண சபைகள் மற்றும் உள்ளூராட்சி அமைச்சின் மூலம் வெளியிடப்பட்டிருக்கின்றன.

இதன்படி உள்ளூராட்சித் தேர்தல்கள் குறித்த வட்டார முறைப்படியே இடம்பெறும் எனவும் அரசு அறிவித்திருக்கின்றது. மேற்படி வட்டாரங்கள் கிராம சேவையாளர் பிரிவுகளின் அடிப்படையில் ஒழுங்கமைக்கப்பட்டிருக்கின்றன. ஒன்று முதல் மூன்று கிராம சேவையாளர் பிரிவுகளை உள்ளடக்கியே ஒரு வட்டார எல்லை நிர்ணயம் செய்யப்பட்டிருக்கின்றது. அவ்வாறு நிர்ணயம் செய்யப்படுகின்ற வட்டாரத்தினுள் 1500-5000 வரையான மக்களுக்கு ஒரு பிரதிநிதி என்ற அடிப்படையில் ஒற்றை, இரட்டைப் பிரதிநிதித்துவங்கள் அல்லது பல பிரதிநிதித்துவங்கள் தீர்மானிக்கபடுகின்றன, எனவே மேற்படி வட்டாரப் பிரிப்பு முறைகள், பிரதிநிதித்துவ ஒதுக்கீட்டு முறைகள் குறித்து மக்கள் தமது முறைப்பாடுகளை, அபிப்பராயங்களை முன்வைக்கும் சந்தர்ப்பம் தற்போது வழங்கப்பட்டிருக்கின்றது.

எனவே மிக அடிப்படையாக தங்களுடைய வட்டார எல்லைகளை மக்கள் தெரிந்துகொள்தல் அவசியமாகும். அவ்வெல்லைக்குள் 1500-5000 வாக்காளர்கள் இருக்கின்றார்களா அல்லது கூடுதலாக இருக்கின்றார்களா என்பதை அறிந்து தங்களது வட்டாரத்துக்கு ஒதுக்கீடு செய்யப்பட்டிருக்கின்ற பிரதிநிதித்துவங்கள் சரியானதா என்பதையும் தெரிந்துகொள்ளுதல் வேண்டும். ஏதேனும் பிரச்சினைகள் இருப்பின் அவற்றை எழுத்து மூலம் பின்வரும் விலாசத்திற்கு அனுப்பி வைக்க முடியும்.

Ministry of Provincial Councils & Local Government, No:330, Dr.Colvin R deSilva Mawatha (Union Place), Colombo -02.

அதன் பிரதியொன்றினை நல்லாட்சிக்கான தேசிய முன்னணிக்கும் வழங்க முடியும், அதன் மூலம் வட்டாரப் பிரிப்பு முறைமையில் நிலவும் குறைபாடுகளை எம்மால் நிவர்த்திக்க ஆவண செய்ய முடியும்.

வட்டாரப் பிரிப்பு முறை தொடர்பிலான விபரங்களை 1928/2 இலக்க 2015 ஆகஸ்ட் 21ம் திகதிய வர்த்தமானியிலும், பின்வரும் இணையத்தளத்திலும் http://www.lgpc.gov.lk (http://www.lgpc.gov.lk/eng/?page_id=1574) பெற்றுக்கொள்ள முடியும். நல்லாட்சிகான தேசிய முன்னணிக்கு அனுப்பப்படுகின்ற முறைப்பாடுகளை ஒழுங்குபடுத்தி அவற்றை உள்ளூராட்சி அமைச்சிடம் முன்வைப்பதற்கான ஏற்பாடுகளையும் நாம் மேற்கொண்டிருக்கின்றோம்.

எனவே உங்களது முறைப்பாடுகளை அவதானங்களை பின்வரும் முகவரிக்கு அனுப்பி வைக்க முடியும், NFGG, 100/1, Sri Saranangara Road, Kalubovila, Dehiwela அத்தோடு மேலதிக விபரங்களைப் பெற்றுக் கொள்வதற்கு தேவையானவர்கள் பின்வரும் தொலைபேசி இலக்கங்களுக்கு 0770525391, 0773868126 தொடர்புகொள்ளவும் முடியும்.

Read More