கிழக்கு மாகாண சபையில் 5 வெற்றிடம்

கிழக்கு மாகாண சபையில் 5 வெற்றிடம்

By avathani Media Network   11:05:00 PM   No comments:

கிழக்கு மாகாண சபை உறுப்பினர்கள் ஐவர் பாராளுமன்றத்துக்கு தெரிவு செய்யப்பட்டதால் ஏற்பட்ட வெற்றிடத்திற்கு விரைவில் புதியவர்கள் நியமிக்கப்படுவார்கள் என எதிர்பார்க்கப்படுகின்றது. 

கடந்த பொதுத் தேர்தலில் மட்டக்களப்பு மாவட்டத்தைச் சேர்ந்த 6 பேர், அம்பாறை மாவட்டத்தைச் சேர்ந்த 5 பேர், திருகோணமலை மாவட்டத்தைச் சேர்ந்த மூவர் என மொத்தம் 14 கிழக்கு மாகாண சபை உறுப்பினர்கள் பாராளுமன்றத் தேர்தலில் போட்டியிட்டனர். 

இவர்களுள் அம்பாறையிலிருந்து விமரவீர திசாநாயக்கா எம்.ஐ.எம்.மன்சூர் தயா கமகே ஆகிய மூவரும், மட்டக்களப்பு மாவட்டத்திலிருநடது அலி சாகிர் மௌலானா மற்றும் திருகோணமலை மாவட்டங்களிலிருந்து இம்ரான் மஹ்ரூப்  ஐவரும் பாராளுமன்ற உறுப்பினர்களாகத் தெரிவுசெய்யப்பட்டனர். 

இந்த ஐவரும் தமது கிழக்கு மாகாண சபை உறுப்பினர் பதவி விலகல் கடிதங்களை ஏற்கனவே மாகாணசபைப் பேரவைச் செயலாளரிடம் கையளித்துள்ளனர். 

இந்த வெற்றிடங்களை நிரப்புமாறு தேர்தல் ஆணையாளருக்கு தாம் அறிவித்துள்ளதாக பேரவைச் செயலாளர் எம்.சீ;.எம்.செரீப் தெரிவித்தார்.

 -virakesary

Read More

'இவ்வாறான ஒரு கவியரங்கை மதுரையில் கூட ரசித்ததில்லை' ஈழவாணன் அரங்கில் வகவத்திற்குப் புகழாரம் - - கவிஞர் பேனா மனோகரன்

'இவ்வாறான ஒரு கவியரங்கை மதுரையில் கூட ரசித்ததில்லை' ஈழவாணன் அரங்கில் வகவத்திற்குப் புகழாரம் - - கவிஞர் பேனா மனோகரன்

By avathani Media Network   10:44:00 PM   No comments:

வலம்புரி கவிதா வட்டத்தின் 19வது கவியரங்கு வகவத் தலைவர் என் நஜ்முல் ஹுசைனின் தலைமையில் கடந்த பௌர்ணமி தினத்தன்று கொழும்பு அல்ஹிக்மா கல்லூரியில் கவிஞர் ஈழவாணன் அரங்கில் நடைபெற்றது.

தமிழகத்திலிருந்து வருகை தந்திருந்த இலங்கைக் கவிஞர் திரு. பேனா மனோகரன் சிறப்பதிதியாக கலந்து தனது இலக்கிய உலக பிரவேசம் பற்றியும், வகவ கவிதைகள் குறித்தும், மறைந்த கவிஞர் ஈழவாணன் சிறப்பு குறித்தும் உரையாற்றினார்.

தான் அநுராதபுரத்தில் பிறந்து வளர்ந்து கல்வி கற்றவன் என்றும்,  ஒரு கால்பந்தாட்ட வீரனாய் இருந்த  தனக்கு இலக்கியமும் படைக்க முடியும் என்பதை அடையாளம் கண்டவர் அன்பு ஜவஹர்ஷாதான் என்றார். அன்பு ஜவஹர்ஷா அவர்களைத் தன்னால் என்றுமே மறக்க முடியாது என்றும், அவரை நன்றியுடன் நினைவு கூருதல் தனது கடமை என்றும் மேலும் குறிப்பிட்டார். தான் இந்தியாவுக்குச் சென்று பொலிஸில் கடமை புரிந்தபோதும், இலங்கையில் விதைக்கப்பட்ட தனது இலக்கிய ஆர்வம் என்றுமே மங்கவில்லை என்றார்.

'இன்று வகவத்தில் வாசிக்கப்பட்ட கவிதைகளில் பொங்கிய உணர்ச்சிகளைப் பார்த்தபோது நான் மெய்ச்சிலிர்த்துப் போனேன். என் மனச்சாட்சியைத் தொட்டுச் சொல்கிறேன் இவ்வாறான கவியரங்கொன்றினை தற்போது நான் வாழும் மதுரை நகரில்கூட அண்மைக் காலங்களில் கண்டு ரசிக்கவேயில்லை' என்றார்.

மேலும், திரு. பேனா மனோகரன் அவர்கள் உரையாற்றும் போது, கவிஞர் ஈழவாணன் அவர்களின் ஆளுமைகளைக் குறிப்பிட்டார். 'தினபதி' பத்திரிகையின் கவிதா மண்டலத்தில் தன்னை அறிமுகப்படுதியவர் கவிஞர் ஈழவாணனே என்று குறிப்பிட்டதோடு ஈழவாணன் மாத்தளையைச் சேர்ந்தவர் அங்கே புகழ்ப்பெற்ற நவாலியூர் சொக்கநாதன், கந்தவனம், ஆகியோருடன் கவிஞர் ஈழவாணனும் போற்றப்பட்டவர். பேராசிரியர் கைலாசபதி, கவிஞர் இ.முருகையன் போன்றோர் ஈழவாணனைப் பற்றி மிகவும் சிலாகித்து தமது நூல்களிலே குறிப்பிட்டுள்ளார்கள். அவரது 'அக்கினிப் பூக்கள்' கவிதைத் தொகுதி இலக்கிய  உலகில் தனியிடத்தைப் பிடித்தது.  அவர் நடத்திய 'அக்னி' இதழிலும் தனது கவிதைகளையும் அவர் பிரசுரித்தார்' என்றார்.

தலைவர் என் நஜ்முல் ஹுசைனின் தலைமையில்  நடந்த இவ்வரங்கில் கவிஞர் பேனா மனோகரன் தன்னால் வெளியிடப்பட்ட நூலினை வகவத்திற்குக் கையளித்ததோடு வகவத் தலைவர் என். நஜ்முல் ஹுசைன் வகவக் கவிஞர்களால் வெளியிடப்பட்ட நூல்கள் சிலவற்றை திரு. பேனா மனேகரனுக்குக் கையளித்தார்.

திடீரென இறையடிச் சேர்ந்த சமூக ஆய்வாளரும், இலக்கியவாதியுமான திருமதி சாந்தி சச்சிதானந்தன் நினைவுக் கூரப்பட்டார்.

இலக்கிய வித்தகர் கவிஞர் மேமன் கவியின் தலைமையில் மிகவும் விறுவிறுப்பான கவியரங்கம் நடைபெற்றது. இக் கவியரங்கில் கவிஞர்கள் வதிரி சி.ரவீந்திரன், கலைவாதி கலீல், எம்.பிரேம்ராஜ், எஸ்.ஜேசுதாஸ், போறுத்தொட்ட ரிஸ்மி, தமிழ்த்தென்றல் அலி அக்பர், கவிக்கமல் ரஸீம், மட்டக்களப்பு லோகநாதன், இளநெஞ்சன் முர்ஷிதீன், வெளிமடை ஜஹாங்கீர், கலாவிஸ்வநாதன், வெலிப்பன்னை அத்தாஸ், ஈழகணேஷ் ஆகியோர் வித்தியாசமான கவிதைகளைப் பாடினர்.  உணர்ச்சிப் பொங்கவும், அங்கதச் சுவையோடும் வெளிப்பட்ட கவிதைகள் பிரதம அதிதியினதும், சபையினதும் பாராட்டைப் பெற்றன.

சபையை பிரதித் தேர்தல் ஆணையாளர் எம்.எம்.முஹம்மத், உடுவை எஸ். தில்லை நடராஜா, திருமதி தேவி மனோகரன், கே.எஸ்.சிவகுமாரன், சட்டத்தரணி ஆறுமுகம் ரகுபதி, கலாபூஷணம் எஸ்.ஐ.நாகூர் கனி, சமூகஜோதி எம்.ஏ.ரபீக், ரவூப் ஹசீர், எம்.எஸ்.எம்.சாஹிர், சனா எம்.யெஹ்யா, கே.ரஹ்மான், எம்.எஸ்.இப்ராஹிம், கவிநேசன் நவாஸ் போன்றோர் கலந்து சிறப்பித்தனர்.

அடுத்த கவியரங்கத் தலைவராக இளநெஞ்சன் முர்ஷிதீன் அறிவிக்கப்பட்டார்.

Read More

புதிய அரசாங்கத்தின் அமைச்சரவை அமைச்சர்கள் வெள்ளியன்று சத்தியப்பிரமாணம்

புதிய அரசாங்கத்தின் அமைச்சரவை அமைச்சர்கள் வெள்ளியன்று சத்தியப்பிரமாணம்

By avathani Media Network   3:31:00 PM   No comments:

புதிய அரசாங்கத்தின் அமைச்சரவை அமைச்சர்கள் நாளை மறுதினம் வெள்ளிக்கிழமை (04) காலை 11 மணிக்கு சத்தியப்பிரமாணம் செய்துகொள்ளவுள்ளதாக ஐக்கிய தேசியக்கட்சியின் பிரதித் தலைவர் ரவி கருணாயநாயக்க தெரிவித்தார்.

45 அமைச்சரவை அமைச்சர்கள் சத்தியப்பிரமாணம் செய்துகொள்ளவுள்ளதாகவும் அதில் 33 ஐ.தே.க உறுப்பினர்களும் 12 ஐ.ம.சு.கூ உறுப்பினர்களும் அடங்குவர் என்றும் அவர் குறிப்பிட்டார்.

Read More

புதிய தேர்தல் முறை யொன்றை அமுல்படுத்த நடவடிக்கை எடுக்கவேண்டும்!

புதிய தேர்தல் முறை யொன்றை அமுல்படுத்த நடவடிக்கை எடுக்கவேண்டும்!

By avathani Media Network   11:21:00 AM   No comments:

ஐ.தே.கவுடனான ஒப்பந்தத்தின் பிரகாரம் ஒரு வருட காலத்திற்குள் புதிய தேர்தல் முறை யொன்றை அமுல்படுத்த நடவடிக்கை எடுக்கவேண்டும் என முன்னாள் எதிர்க்கட்சித் தலைவர் நிமல் சிறிபால.டி.சில்வா பாராளுமன்றத்தில் தெரிவித்தார்.

புதிய சபாநாயகராக கரு ஜெயசூரிய தெரிவுசெய்யப்பட்ட பின்னர் அவரை வாழ்த்தி உரையாற்றும் போதே நிமல் சிறிபால.டி.சில்வா இதனைத் தெரிவித்தார்.

தொடர்ந்தும் கருத்துரைத்த அவர், பாராளுமன்ற சம்பிரதாயங்களை முழுமையாக மதிக்கும் ஒருவர் சபாநாயகராக தெரிவுசெய்யப் பட்டிருப்பது குறித்து எதிர்க்கட்சி என்ற வகையில் நாம் பெரும் மகிழ்ச்சிய டைகிறோம். உங்கள் மீதான அளப்பரிய நம்பிக்கையின் காரணமாகவே நீங்கள் ஏகமனதாக தெரிவுசெய்யப் பட்டிருக் கின்aர்கள்.

அந்த நம்பிக்கையை மதித்து சகலரையும் சமமாக நடத்துவீர்கள் என எதிர்பார்க்கின்றோம். பாராளுமன்றம் தொடர்பில் மக்களுக்கு உள்ள தவறான அபிப்பிராயங்களை மாற்றி மதிப்பு நிறைந்த இடமாக மாற்ற வேண்டும்.

நீண்ட அரசியல் அனுபவம் கொண்ட நீங்கள் மக்களின் எண்ணங்களை அறிந்து செயற்படக்கூடியவர். பாராளுமன்றத்தில் புதிய தேர்தல் முறையொன்றை அறிமுகம் செய்வது தொடர்பில் நீங்கள் முன்நின்று செயலாற் றியுள்Zர்கள்.

கடந்த அரசாங்கத்தின் 100 நாள் திட்டத்தின் கீழ் தேர்தல் முறையை மாற்ற முயற்சிக்கப்பட்டது. ஐ.தே.கவுடன் தற்பொழுது செய்து கொண்டுள்ள ஒப்பந்தத்தின் பிரகாரம் ஒரு வருட காலத்தினுள் புதிய தேர்தல் முறையொன்றை அறிமுகப்படுத்த வேண்டும். ஒவ்வொரு தொகுதிக்கும் பொறுப்புக் கூறக்கூடிய எம்பி ஒருவரை நியமிக்கும் புதிய தேர்தல் முறை நாட்டுக்கு மிக அவசியமாகும்.

 இந்தப் பொறுப்பை நீங்கள் ஏற்று ஒரு வருட காலத்தினுள் அதனை நிறைவேற்றப் பங்களிக்க வேண்டும். இதன் மூலம் ஒரு வருட காலத்தினுள் மக்கள் மனமகிழ்ச்சி அடையக்கூடிய விடயமொன்றை செய்து முடிக்கலாம்.

19ஆவது திருத்தத்தின் ஊடாக ஸ்தாபிக்கப்பட்ட சுயாதீன ஆணைக் குழுக்களை துரிதமாக செயற்படுத்தி அதன் பலன் மக்களைச் சென்றடைய நடவடிக்கை எடுக்க வேண்டும். ஏனைய சபாநாயகர்களைவிட உங்களுக்கு பல முக்கிய பொறுப்புக்கள் காத்திருக்கின்றன.

Read More

பாசிக்குடா கடலில் பிக்கு மூழ்கி பலி

பாசிக்குடா கடலில் பிக்கு மூழ்கி பலி

By avathani Media Network   11:14:00 AM   No comments:

மட்டக்களப்பு மாவட்டத்தின் பாசிக்குடா கடலில் குளித்துக் கொண்டிருந்த பௌத்த பிக்கு ஒருவர் நீரில் மூழ்கி உயிர் இழந்த சம்பவம் ஒன்று செவ்வாய்கிழமை மாலை இடம் பெற்றுள்ளதாக கல்குடா பொலிஸார் தெரிவித்தனர்.

சுற்றுலா பயணம் மேற்கொண்டு கடந்த 30.08.2015 அன்று கொழுப்பு பல்கலைக் கழகத்தில் இருந்து புறப்பட்ட 34 பௌத்த பிக்கு மாணவர்கள் பல இடங்களுக்கும் சென்று செவ்வாய்கிழமை பாசிக்குடாவிற்கு வந்து குளிக்கும் போதே தெனிகே சந்தன (வயது – 22) என்ற பௌத்த பிக்கு நீரில் மூழ்கி உயிர் இழந்துள்ளார்.

இவர் குருணாகல் கிரிவல ஸ்ரீ அரோகா ராமய விகாரையைச் சேர்ந்தவர் என்றும் கொழும்பு பல்கலைக்கழக மாணவர் என்றும் கல்குடா பொலிஸார் தெரிவித்தனர்.

மரணமடைந்தவரின் சடலம் மரண பரிசோதனைகளுக்காக வாழைச்சேனை ஆதார வைத்தியசாலையில் வைக்கப்பட்டுள்ளதுடன் இச் சம்பவம் தொடர்பாக கல்குடா பொலிஸார் விசாரனைகளை மேற்கொண்டு வருகின்றனர்.

ந.குகதர்சன்,
வாழைச்சேனை நிருபர்,

Source - kathiravan

Read More

ஸ்ரீலங்கா சுதந்திர கட்சியின் 64வது ஆண்டு நிறைவு விழா இன்று

ஸ்ரீலங்கா சுதந்திர கட்சியின் 64வது ஆண்டு நிறைவு விழா இன்று

By avathani Media Network   11:07:00 AM   No comments:

ஸ்ரீலங்கா சுதந்திர கட்சியின் 64வது ஆண்டு நிறைவு விழா இன்று பொலன்னறுவை - கதுருவெல - ரஜரட்ட நவோதய மைதானத்தில் பிற்பகல் 2 மணியளவில் ஜனாதிபதி மைத்திரிபால சிறிசேனவின் தலைமையில் நடைபெறவுள்ளது. 

ஸ்ரீலங்கா சுதந்திரக் கட்சியின் முன்னாள் தலைவர்களான முன்னாள் ஜனாதிபதி சந்திரிக்கா குமாரதுங்க, மஹிந்த ராஜபக்ஷ உள்ளிட்ட கட்சியின் உறுப்பினர்கள் அனைவருக்கும் ஐக்கிய மக்கள் சுதந்திர முன்னணி உறுப்பினர்களுக்கும் உத்தியோகபூர்வ அழைப்பு விடுக்கப்பட்டுள்ளது.

மைத்திரிபால சிறிசேன சிறிலங்கா சுதந்திர கட்சியின் தலைவர் மற்றும் ஜனாதிபதியானதன் பின்னர் இடம்பெறும் முதலாவது ஆண்டு நிறைவு விழா இதுவாகும்.

இந்த நிகழ்வை முன்னிட்டு பொலன்னறுவை கல்விகாரையில் சமய மற்றும் கலாசார நிகழ்வுகள் நடைபெறவுள்ளன. 

Read More

ஹனா லிட்டில் லேனர்ஸ் பாலர் பாடசாலையின் பாலர்கலை விழா

ஹனா லிட்டில் லேனர்ஸ் பாலர் பாடசாலையின் பாலர்கலை விழா

By avathani Media Network   10:34:00 AM   No comments:

காத்தான்குடி ஹனா லிட்டில் லேனர்ஸ் பாலர் பாடசாலையின் 2 ஆவது ஆண்டு பாலர்கலை விழா எதிர்வரும் வெள்ளிக்கிழமை (04.09.2015) பிற்பகல் 2.30 மணிக்கு காத்தான்குடி சாவியா வித்தியாலய கேட்போர் கூடத்தில் நடைபெறவுள்ளது.

ஓய்வு பெற்ற ஆசிரியை ஜனாபா. ஜெஸீமா முஸ்தபா தலைமையில் நடை பெற்வுள்ள இந்நிகழ்வில் பிரதம அதிதியாக கௌரவ. திரு. பொன் செல்வநாயகம் அவர்களும் மற்றும் ஏனைய அதிதிகளும் ஊர்ப்பிரமுகர்களும் கலந்து கொண்டு சிறப்பிக்கவுள்ளனர்.

-தகவல்

பாலர்களின் தோழன் லக்கி

Read More