அட்டாளைச்சேனை மண்ணிற்கு வழங்கப்படவுள்ள தேசிய பட்டியலை தட்டி பறிப்பது நியாயமாகுமா..??

அட்டாளைச்சேனை மண்ணிற்கு வழங்கப்படவுள்ள தேசிய பட்டியலை தட்டி பறிப்பது நியாயமாகுமா..??

By avathani Media Network   5:08:00 PM   No comments:

அட்டாளைச்சேனை மண் விகிதாசாரத் தேர்தல் வருவதற்கு முன்னர் தொகுதிவாரித் தேர்தலில் வேட்பாளரை நிறுத்தி பாராளுமன்ற உறுப்பினரைப் பெற்றிருக்கின்றது. ஸ்ரீலங்கா முஸ்லிம் காங்கிரஸ் கட்சியின் தோற்றம் முதல் இன்று வரைக்கும் பாராளுமன்ற உறுப்பினரைப் பெற்றுக்கொள்ள முடியாத துர்ப்பாக்கிய நிலைக்கு அட்டாளைச்சேனை தள்ளப்பட்டுள்ளது.

முன்னாள் பாராளுமன்ற உறுப்பினர்களான ஜலால்தீன் மற்றும் பெருந்தலைவர் அஷ்ரப் ஆகியோரின் பிற்பட்ட காலத்தில் அட்டாளைச்சேனை மண் மாற்றாந்தாய் மனப்பாங்குடன் பார்க்கப்பட்டு வரும் அதேவேளை பெயர் சொல்லும் அளவிற்க்கு அபிவிருத்தி என்பது இங்கு நடைபெறவில்லை என்பதை கசத்தாலும் ஏற்றுக்கொள்ளத்தான் வேண்டும்.

இலங்கையில் ஆகக் கூடியளவான விகிதாசாரத்தில் முஸ்லிம் காங்கிரஸ் வெற்றி பெறுகின்ற பிரதேசம் அட்டாளைச்சேனையாகும். அம்பாரை மாவட்டத்தில் சகல பிரதேசங்களுக்கும் தேசியப்பட்டியல் எம்.பி பதவியை முஸ்லிம் காங்கிரஸ் வழங்கிய போதிலும் அட்டாளைச்சேனையை மட்டும் தொடர்ந்தும் புறக்கணித்தே வந்துள்ளார்கள்.

தமது மண்ணை முஸ்லிம் காங்கிரஸ் புறக்கணித்தபோதும் கட்சியின் மீதான பற்றுக்காரணமாக அந்தக்கட்சிக்கே வாக்களித்தே வந்துள்ளனர். இந்த முறைதான் பலமானதொரு வாக்குறுதியை தலைவர் ஹக்கீம் அவர்கள் வழங்கினார்கள். மற்ற ஊர்களைப்போல் எம்.பி பதவிக்காக கட்சியைக் காட்டிக்கொடுத்த ஊர் அட்டாளைச்சேனையல்ல.

முஸ்லிம் காங்கிரஸ் ஆரம்பிக்கப்பட்ட காலத்தில் இருந்து எந்த எதிர்பார்ப்பும் இல்லாமல் நூற்றுக்கு நூறுவீதம் முஸ்லிம் காங்கிரஸ்சுக்கு வாக்களித்து வந்த ஊர் என்ற வகையில் அதற்கான நன்றிக்கடனாக முஸ்லிம் காங்கிரஸ்சின் தலைமை இம்முறை கட்சிக்கு கிடைத்த தேசிய பட்டியலை அம்மண்ணையும் அம்மக்களையும் கௌரவித்து வழங்க முன்வந்த விடயம் யாவரும் அறிந்ததே அதற்காக என்றும் முஸ்லிம் காங்கிரஸ் கட்சிக்காக கடமைபட்டவர்களாக அட்டாளைச்சேனை மக்கள் உள்ளனர் என்பதை மனபூர்வமாக தெரிவித்துக்கொள்வதில் பெருமை அடைகிறேன்.

சம்மாந்துறை மண்ணுக்கு முஸ்லிம் காங்கிரஸ் மூலம் தொப்பி முகைதீன் மூன்று தடவைகளும், அன்வர் இஸ்மாயில் ஒரு தடவையும், இன்று மன்சூரும் எம்.பி கிடைத்திருக்கின்றது. இதற்கிடையில் கடந்த முறை சம்மாந்துறை பிரதேச சபையை சுதந்திரக்கட்சியைச் சேர்ந்த நௌசாத் கைப்பற்றியிருந்தார். இன்று அம்பாரை மாவட்டத்தில் முஸ்லிம் காங்கிரசுக்கு எதிராக கூடுதலான வாக்குகள் மாற்றக்கட்சியினருக்கு அளிக்கப்படும் இ்டமாகவும் சம்மாந்துறை திகழ்கின்றது.

அட்டாளைச்சேனை மண் எந்த சந்தர்ப்பத்திலும் முஸ்லிம் காங்கிரஸ் கட்சியைக் காட்டிக் கொடுக்கவி்லலை.குறிப்பிட்ட சில வருடங்கள் எம்.பி பதவி இல்லாத நிலையில் சம்மாந்துறைக்கு எம்.பி வேண்டும் என்ற எத்தனையோ போராட்டங்களை நடத்தினீர்கள்.நீங்கள் கூறுவது போன்று சம்மாந்துறை மண்ணும் கட்சி்ககாகவும், மற்றய இடங்களைப் பாதுகாப்பத்ற்காகவும் வேட்பாளரை நிறுத்தாமல் அட்டாளைச்சேனைக்கு விட்டுக்கொடுத்திருக்கலாம்.

உங்களுடைய தேவைபப்ாடு முடிந்துவிட்டதற்காக மற்றய ஊரை விட்டுக்கொடுக்கச் சொல்லுவது எந்த வகையில் நியாயமாகும்.

அட்டாளைச்சேனை மண்ணுக்கான பாராளுமன்ற உறுப்பினர் பதவியை வழங்கினால் அது எதிர்காலத்தில் எமது பிரதேச பாராளுமன்ற உறுப்புருமைக்கு சவாலாக அமைந்துவிடும் என்ற அச்சத்தின் காரணமாகவோ என்னவோ சிலர் அட்டாளைச்சேனைக்கு தேசிய பட்டியல் வழங்குவதை மறைமுகமாக தடுக்க முற்படுகின்றனர்.

“சாமியார் கொடுத்தாலும் பூசாரியார் மறுப்பதாக உள்ளது” அட்டாளைச்சேனைக்கான தேசிய பட்டியல் விவகாரம் கடந்த மூன்று தசாப்தங்களாக தவம் இருந்து கிடைக்க உள்ள இம்மண்ணிற்க்கான கௌரவம் இப்பாராளுமன்ற அலங்கரிப்பு இம்மண்ணில் பிறந்த மைந்தன் ஒருவன் நாடாளுமன்றில் அமரும் சந்தர்பம் அது முஸ்லிம் காங்கிரஸ்சால் மட்டுமே முடியும் என்பதற்கிணங்க முஸ்லிம் காங்கிரஸ்சின் தலைமை வழங்கிய வாக்குறுதிக்கமைய அதை வழங்குவதற்காண ஏற்பாடுகள் நடந்து கொண்டிருக்கும் வேளையில் “வெண்ணை திரண்டு வரும்போது தாழி உடைந்த கதையாக” சகோதரர் மிஸ்பா அவர்களின் கட்டுரை காணக்கிடைத்தது.

உண்மையில் சகோதரர் மிஸ்பா அவர்கள் யாரை திருப்தி படுத்த வேண்டும் என்பதற்காக இவ்வாறான ஒரு கட்டுரையை வரைந்துள்ளார் என்று தெரியவில்லை ஆனாலும் உங்களின் வேண்டுதலின் மூலம் அட்டாளைச்சேனை மண்ணில் பிறந்த ஒவ்வொரு மகனும் வேதனை அடைந்துள்ளான் என்பதை உங்களுக்கு நான் சொல்லித்தான் நீங்கள் அறிய வேண்டியதில்லை

நீங்கள் ஒன்றை மட்டும் புரிந்து கொள்ள வேண்டும் கடந்த பாராளுமன்ற தேர்தல் களநிலவரங்களின் படி அட்டாளைச்சேனை மண்ணில் இருந்து முஸ்லிம் காங்கிரஸ்சுக்கு கிடைத்த வாக்குகள் எந்த பக்கம் சாய்ந்திருதாலும் அந்த பக்கம் வெற்றி நிச்சயிக்க பட்டிருந்ததை நீங்கள் மறுக்க முடியாது அது அதாவுல்லா தலைமையிலான சுதந்திர கூட்டமைப்பானாலும் சரி ரிஷாத் பதுருத்தீன் தலைமையிலான அ.இ.ம. காங்கிரஸ்சானாலும் சரியே.

இன்னொன்று நீங்கள் மறுக்க முடியாத உண்மை அட்டாளைச்சேனை மண் கடந்த பாராளுமன்ற தேர்தலை பகிஷ்கரித்திரிந்தாலோ அல்லது மாற்றுகட்சிக்கு வாக்களித்திரிந்தாலோ முஸ்லிம் காங்கிரஸ் அம்பாறை மாவட்டத்தில் பெற்றிருக்கும் மூன்று உறுப்பினர்களும் கேள்விக்குறியே என்பதை நீங்கள் மறுக்க மாட்டீர்கள் என்று நினைக்கிறேன்

சகோதரர் மிஸ்பா அவர்களே முன்னாள் பாராளுமன்ற உறுப்பினர் அன்வர் இஸ்மாயில் அவர்களுக்கு பின்னர் சம்மாந்துறை மண் இழந்த பாராளுமன்ற பிரதிநிதியை இம்முறை கிடைக்கபெற்றதை இட்டு முதலில் மகிழ்வது அட்டாளைச்சேனை மக்களே ஏன் என்றால் சகோதரர் மன்சூர் அவர்களுக்கு சம்மாந்துறையில் கிடைத்த வாக்குகளைவிட அட்டாளைச்சேனை மக்களே அதிகமாக வாக்களித்துள்ளனர் என்பதை மறந்துவிடவேண்டாம்.

சம்மாந்துறை மண் பத்து வருடங்கள் மட்டும் பாராளுமன்ற உறுப்பினர் இல்லாத கவலையை அறிந்திருந்தும் அட்டாளைச்சேனை மண் மூன்று தசாப்தங்கள் பாராளுமன்ற உறுப்பினர் இல்லாத கவலையை உங்களால் உணரமுடியாமல் இருப்பது உங்களின் சுயநலத்தை காட்டுகின்றது.

பர்ஸான் எஸ் முஹம்மது

அட்டாளைச்சேனை

Read More

மட்டக்களப்பு மாவட்ட தேர்தல் களம்..! வேட்பாளர்களின் வெற்றி தோல்வி

மட்டக்களப்பு மாவட்ட தேர்தல் களம்..! வேட்பாளர்களின் வெற்றி தோல்வி

By avathani Media Network   12:02:00 PM   No comments:

(அபூநிதா)

அவதானம் - 01

அண்மையில் நடந்து முடிந்த பாராளுமன்ற பொதுத் தேர்தலில், மட்டக்களப்பு மாவட்டத்தில் ஐந்து உறுப்பினர்களுக்காக தமிழர் முஸ்லிம்கள் என பலர் களமிறங்கியிருந்தனர். 

குறிப்பாக, இம்மாவட்டத்தின் முஸ்லிம் பிரதேசங்களிலேயே தேர்தல் பிரச்சார நடவடிக்கைகள் களைகட்டியிருந்தன. அதிலும் குறிபாக காத்தான்குடியிலேயே  எதிரும் புதிருமான பிரச்சாரங்கள், ஆளையாள் ஏசுகின்ற நிலைப்பாடு, ஒருவர் விவாதத்திற்கு அழைக்க அடுத்தவர் முடிந்தால் பதில் கொடுங்கள் என்று ஒளிந்து கொள்ளுகின்ற போக்கு என பல்வேறு விடயங்கள் காணப்பட்டன.

எப்படியோ தேர்தல் முடிந்தது. மக்கள் எதிர்பார்த்தது போல் மூன்று தமிழர்களும், இரண்டு முஸ்லிம்களும் வெற்றி பெற்று பாராளுமன்றத்திற்கு தெரிவாகினர். அத்தோடு பிரச்சினை முடிந்து விட்டதா என்றால் இல்லை அப்போதுதான் பிரச்சினையே தொடங்கியது.

காத்தான்குடியில் வெற்றி பெறுவார்கள் என எதிர்பார்க்கப்பட்டு தோல்வியடைந்த முன்னாள் பிரதியமைச்சர் ஹிஸ்புல்லாஹ், பொறியியலாளர் அப்துர் ரஹ்மான்,  பொறியியலாளர்  சிப்லி பாறூக் ஆகியோருக்கு தேசியப் பட்டியல் கொடுக்கப்பட வேண்டும் என்ற 'தேசியப்பட்டியல்' படலம் தொடங்கியது. 

குறிப்பிட்ட சில நாட்களுக்குள் முன்னாள் பிரதியமைச்சர் ஹிஸ்புல்லாஹ் அவர்களுக்கு  தேசியப் பட்டியல் வழங்கப்பட்டதாக அறிவிக்கப்பட்டதைத் தொடந்து அவரது சொந்த ஊரான காத்தான்குடியில் ஊர்வலங்களும் பட்டாசு முழக்கங்களும் இடம் பெற்றன. அத்தோடு பல இடங்களில் தாக்குதல் சம்பவங்களும் இடம்பெற்று பலர் வைத்திய சாலைகளிலும் அனுமதிக்கப்பட்டனர்.

அது மட்டுமல்லாமல் பொறியியலாளர் அப்துர் ரஹ்மான் அவர்களுக்கு தேசியப்பட்டியல் வழங்கப்பட வேண்டும் என்றும் அதற்கான நியாயமான காரணங்கள் இருப்பதை நியாயப்படுத்தியும் குறிப்பிட்ட சிலர் சிறீலங்கா முஸ்லிம் காங்கிரஸின் தேசியத் தலைவர் றவூப் ஹகீமிடம் பேச்சு வார்த்தைகளை நடாத்தியிருந்தனர். அதைப்பற்றி கவனமெடுப்பதாகவும் முடிவு சொல்வதாகவும் கருத்துத் தெரிவித்த தலைவர் இதுவரை அதற்கான சைகையைக் காட்டவில்லை.

இவை ஒரு புறமிருக்க..

மட்டக்களப்பு மாவட்ட தேர்தல் களத்தில் தோற்றது வென்றது யார் என்பது பற்றி அவதானத்தின் முதற்பகுதியில் சிறு குறிப்பொன்றைத் தரலாம் என நினைக்கிறேன்.

நடந்து முடிந்த தேர்தலில் மட்டக்களப்பு மாவட்டத்தில் முஸ்லிம் பிரதேசங்களில் போட்டியிட்டவர்களில் முக்கியமானவர்களாக முன்னாள் பிரதியமைச்சர் ஹிஸ்புல்லாஹ், பொறியியலாளர் அப்துர் ரஹ்மான்,  பொறியியலாளர்  சிப்லி பாறூக், அலிசாகிர் மௌலானா, அமீரலி ஆகியோர் அடங்குகின்றனர். அவர்களில் அலிசாகிர் மௌலானா, அமீரலி ஆகியோர் வெற்றிபெற ஏனைய மூவரும் தோற்றுப் போனார்கள்.

இவர்களின் வெற்றி தோல்விக்கும் அப்பால் இன்னும் சில விடயங்களை நாம் புரிந்து கொள்ள வேண்டியிருக்கிறது

SLMC

01. மட்டக்களப்பு மாவட்டத்தில் பட்டுப்போயிருந்த SLMC என்ற மரத்தை வளர்த்தெடுப்பதற்கு SLMC தலைமைத்துவம்  NFGG யையும், பொறியியலாளர் அப்துர் ரஹ்மானையும் நன்றாகப் பயன்படுத்திக் கொண்டிருக்கிறது. 

02. நடந்து முடிந்த தேர்தலில் தனது பெயரையும், தமது கட்சி ஆசனம் பெற்றுக் கொண்டதையும் SLMC யின் தலைமைத்துவம் உலகுக்குத் தெரியப்படுத்தியிருக்கிறது.

03. முன்னாள் பிரதியமைச்சர் ஹிஸ்புல்லாஹ்வை தோற்கடிக்க வேண்டும் என்ற SLMC யின் தலைமைத்துவக் கனவு இங்கே நனவாகியிருக்கிறது.

NFGG

04. பொறியியலாளர் அப்துர் ரஹ்மான், தான் ஒன்பது வருடங்களாக கட்டிக்காத்து வந்த நல்லாட்சி சிந்தனையை தனது தனித்துவத்தின் மூலமும், இந்த இணைவின் மூலமும் இன்னும் வளர்த்தெடுத்திருக்கின்றார்.

05. NFGG யின் அரசியற் கொள்கையினை ஏற்றுக் கொண்டிருந்த சுமார் 8000 வாக்காளர்களின் எண்ணிக்கையினை அப்துர் ரஹ்மான் சுமார் 12000 ஆக உயர்த்தியிருக்கின்றார்.

06. உள்ளுரில் வளர்த்தெடுத்த நல்லாட்சிக் கொள்கையை மாவட்ட ரீதியில் கொண்டு செல்வதற்கு NFGG இத்தேர்தலைப் முழுமையாகப் பயன்படுத்திக் கொண்டது

சிப்லி பாறூக்

07. முன்னாள் பிரதியமைச்சர் ஹிஸ்புல்லாஹ்வுக்கான தனது எதிர்ப்பையும், ஆத்திரத்தையும் பாவிப்பதற்கு இந்தத் தேர்தலை  சிப்லி பாறூக் முழுமையாகப் பயன்படுத்திக் கொண்டுள்ளார்.

08. குறைந்த ஆதரவாளர்களுடன் தனது அரசியல் பயணத்தை ஆரம்பித்த பொறியியலாளர் சிப்லி பாறூக் அவர்கள், பொறியியலாளர் அப்துர் ரஹ்மானின் அரசியல் மேடையையும் பயன்படுத்தி அவருக்கான ஆதரவை அதிகரிக்கச் செய்துள்ளார்.

ஹிஸ்புல்லாஹ்

09. எத்தனை கோடி செலவு செய்தாலும் மக்கள் அதற்காக மயங்கமாட்டார்கள் என்பதை இந்தத் தேர்தல் மூலம் முன்னாள் பிரதியமைச்சர் ஹிஸ்புல்லாஹ் புரிந்து கொண்டுள்ளார்.

10. அரசியலில் தமக்கு எதிரிகளாக இருந்த றஊப் ஏ மஜீத். மற்றும் சல்மா ஹம்சா ஆகியோரை தன்னோடு இணைத்துக் கொண்டதன் மூலம் எதிர் வரும் உள்ளு}ராட்சி தேர்தல்களில்  தனக்கு வரும் சவால்களில் கனிசமானவற்றை ஹிஸ்புல்லாஹ் குறைத்துக் கொண்டுள்ளார்.

11. ஊரை அழகு படுத்துவதைவிட உட்கட்டமைப்பு வேலைகளுக்கே முன்னுரிமை வழங்கப்பட வேண்டும் என்பதை மக்கள் வாக்களிப்பின் மூலம் ஹிஸ்புல்லாஹ் வுக்கு விளங்கவைத்திருக்கிறார்கள்.

தேசிய தவ்ஹீத் ஜமாஅத் (NTJ)

12. காத்தான்குடியில் பல்வேறு அமைப்புக்களும், இயக்கங்களும் இருந்தும் இந்தத் தேர்தலில் தமது அரசியல் நிலைப்பாட்டை மக்களுக்கு தைரியமாகச் சொன்ன ஒரு முதுகெலும்புள்ள அமைப்பாக தேசிய தவ்ஹீத் ஜமாஅத் (NTJ) இடம்பிடித்துக் கொண்டிருக்கிறது.

குறிப்பு:

இது ஒரு தொடர் கட்டுரையாகும். இங்கே எழுதப்படும் கருத்துக்கள் தொடர்பில் மாற்றுக் கருத்துக்கள் இருப்பின் அதனை எமக்கு எழுதி அனுப்பினால் (பெயர் முகவரியுடன்) அதனை பக்கசார்பின்றி பிரசுரிக்க முடியும்.

avathanimedia@gmail.com

அவதானம் தொடரும்...

Read More

வடக்கு, கிழக்கு மாகா­ணங்கள் உட்­பட 7 மாவட்­டங்­களில் வரட்­சியான கால­நிலை; இரண்டு இலட்சம் மக்கள் பாதிப்பு!

வடக்கு, கிழக்கு மாகா­ணங்கள் உட்­பட 7 மாவட்­டங்­களில் வரட்­சியான கால­நிலை; இரண்டு இலட்சம் மக்கள் பாதிப்பு!

By avathani Media Network   8:35:00 AM   No comments:

வடக்கு, கிழக்கு மாகா­ணங்கள் உட்­பட நாட்டின் 7 மாவட்­டங்­களில் நிலவும் வரட்­சி­யான கால­நிலை கார­ண­மாக சுமார் 60,000 குடும்­பங்­களைச் சேர்ந்த இரண்டு இலட்சம் மக்கள் பாதிக்­கப்­பட்­டுள்­ள­தாக இடர்முகா­மைத்­துவ மத்­திய நிலையம் குறிப்­பிட்டுள்­ளது.

யாழ்ப்­பாணம், மட்­டக்­க­ளப்பு, கிளி­நொச்சி, முல்­லைத்­தீவு, பொலன்­ன­றுவை, அம்­பாறை மற்றும் திரு­கோ­ண­மலை ஆகிய மாவட்­டங்கள் வரட்­சி­யான கால­நி­லையால் பாதிப்பை எதிர்­நோக்­கி­யுள்­ள­தாக அந்த நிலை­யத்தின் உதவிப் பணிப்­பாளர் பிரதீப் கொடிப்­பிலி தெரி­வித்தார். இத­னை­ய­டுத்து, பல பிர­தே­சங்­களில் குடி­நீ­ருக்கு தட்­டுப்­பாடு நில­வு­வ­தா­கவும் அவர் தெரி­வித்தார்.

பாதிக்­கப்­பட்­டுள்ள பிர­தே­சங்­க­ளி­லுள்ள மாவட்ட செய­ல­கங்கள், பிர­தேச செய­ல­கங்கள், மாவட்ட இடர் முகா­மைத்­துவ பிரி­வுகள் மற்றும் நிவா­ரண சேவைப் பிரி­வுகள் என்­பன இடர் முகா­மைத்­துவ அமைச்­சுடன் இணைந்து நிவா­ரணப் பணி­களை முன்­னெ­டுத்து வரு­வ­தா­கவும் தெரி­விக்­கப்­ப­டு­கி­றது.

இதே­வேளை, வரட்சி நிலை அதி­க­ரித்து வரு­கின்ற பிர­தே­சங்­க­ளுக்கு நீரை விநி­யோ­கிப்­ப­தற்­கான விசேட திட்­டத்தை நடை­மு­றைப்­ப­டுத்­து­வ­தற்கு தேசிய நீர்­வ­ழங்கல் வடி­கா­ல­மைப்பு சபை திட்­ட­மிட்­டுள்­ளது.

மொன­ரா­கலை, அம்­பாந்­தோட்டை, அனு­ரா­த­புரம், பொலன்­ன­றுவை, குரு­ணாகல் மற்றும் வவு­னியா மாவட்­டங்­க­ளிலும், மஹி­யங்­கனை பிர­தே­சத்­திலும் எதிர்­வரும் சில மாதங்­களில் வரட்சி ஏற் ­ப­டக்­கூ­டிய சாத்­தியம் உள்­ள­தா­கவும் அந்த சபை சுட்­டிக்­காட்­டி­யுள்­ளது.

தற்­போது வரட்சி ­யினால் பாதிக்கப்­பட்­டுள்ள பிர­தே­சங்­களில் மக்­களுக்கு நீரை விநி­யோ­கிக்கும் நடவ­டிக்­கைகள் முன் ­னெ­டுக்­கப்­பட்டு வரு­வ­தாக தேசிய நீர்­வ­ழங்கல் வடிகா­ல­மைப்பு சபை மேலும் குறிப்பிட்டுள்ளது. நாளொன்றுக்கு சுமார் இரண்டு இலட்சம் லீற்றர் வரையான நீரை பாதிக்கப்பட்ட பிரதேசங்களின் மக்களுக்கு விநியோகிப்ப தற்குரிய நடவடிக்கைகள் முன்னெடுத்து வருவதாகவும் தெரிவிக்கப்பட்டுள்ளது.

Read More

காத்தான்குடி கடற்கரை வீதியில் முச்சக்கரவண்டி மோட்டார் சைக்கிள் மோதி விபத்து- படங்கள்

காத்தான்குடி கடற்கரை வீதியில் முச்சக்கரவண்டி மோட்டார் சைக்கிள் மோதி விபத்து- படங்கள்

By avathani Media Network   10:38:00 PM   No comments:

இன்று 30.08.2015 இரவு 7.35 மணியளவில் காத்தான்குடி கடற்கரை வீதியில நிஹ்மத் ஜூவலர்ஸ் முன்பாக முச்சக்கரவண்டியும் மோட்டார் சைக்கிளும் மோதி விபத்துக்குள்ளானது

இந்த விபத்தில் காயமுற்றவர்களை அங்கு நின்றவர்கள் உடனடியாக வைத்திய சாலைக்கு அழைத்துச் சென்றனர்.

படங்களும் தகவலும் - முஸ்தபா மௌலவி

Read More

எதிர்க்க‌ட்சியாக‌ செய‌ற்ப‌டும் த‌குதி ஐ.ம‌.சு.முன்ன‌ணிக்கே உண்டு;முபாற‌க் மௌல‌வி

எதிர்க்க‌ட்சியாக‌ செய‌ற்ப‌டும் த‌குதி ஐ.ம‌.சு.முன்ன‌ணிக்கே உண்டு;முபாற‌க் மௌல‌வி

By avathani Media Network   4:27:00 PM   No comments:

நாடாளும‌ன்ற‌த்தில் எதிர்க்க‌ட்சியாக‌ செய‌ற்ப‌டும் த‌குதி ஐக்கிய‌ ம‌க்க‌ள் சுத‌ந்திர‌ முன்ன‌ணிக்கே உண்டு என‌ உல‌மா க‌ட்சித் த‌லைவ‌ர் முபாற‌க் மௌல‌வி தெரிவித்துள்ளார்.

  

க‌ட்சி த‌லைமைய‌க‌த்தில் ந‌டைபெற்ற‌ க‌ல‌ந்துரையாட‌லின் போதே அவர் இவ்வாறு குறிப்பிட்டார்.

தேசிய‌ அர‌சாங்க‌ம் என்ப‌து ஐக்கிய‌ தேசிய‌ க‌ட்சிக்கும் ஸ்ரீல‌ங்கா சுத‌ந்திர‌ கட்சிக்குமிடையிலேயே ஒப்ப‌ந்த‌ம் செய்ய‌ப்ப‌ட்டுள்ளதாகக் குறிப்பிட்ட அவர்,

நாடாளும‌ன்ற‌த்தை பொறுத்த‌வ‌ரை ஸ்ரீல‌ங்கா சுத‌ந்திர‌ க‌ட்சியின் பெய‌ர் அங்கு இல்லை எனவும் மாறாக‌ ஐக்கிய மக்கள்‌ சுதந்திர முன்ன‌ணியின் பெய‌ரே உள்ள‌தாகவும் சுட்டிக்காட்டியுள்ளார்.

ம‌ஹிந்த‌ ராஜ‌ப‌க்ச ஆட்சிக்கால‌த்தில் ஐக்கிய தேசியக் கட்சியை‌ சேர்ந்த‌ இருப‌து பேர் அர‌சுப் ப‌க்க‌ம் தாவியதாகவும், இவ்வாறு பெரும் தொகையின‌ர் அர‌சுக்கு ஆத‌ர‌வாக‌ மாறிய‌ போதும் எதிர்க‌ட்சியாக‌ ஐக்கிய தேசியக் க‌ட்சியே பாராளும‌ன்ற‌த்தில் அங்கீக‌ரிக்க‌ப்ப‌ட்டதாகவும் அவர் கூறியுள்ளார்.

ஒரு க‌ட்சியை சேர்ந்தோர் நாடாளும‌ன்ற‌த்தில் ஆளும் த‌ர‌ப்பிலோ அல்ல‌து எதிர் த‌ர‌ப்பிலோ அம‌ர்வ‌த‌னால் அக்க‌ட்சி ஆளும் த‌ர‌ப்பாக‌வோ எதிர்த‌ர‌ப்பாக‌ கருத‌ப்ப‌ட‌மாட்டாது எனக் குறிப்பிட்டுள்ளார்.

இதேவேளை ஐக்கிய மக்கள்‌ சுதந்திர முன்ன‌ணியின் த‌லைவ‌ராக‌ ஜ‌னாதிப‌தி மைத்திரிபால‌ சிறிசேன இருப்ப‌தால் ஐக்கிய மக்கள்‌ சுதந்திர முன்ன‌ணியான‌ தமது க‌ட்சி ஆளும்த‌ர‌ப்பில் உள்ள‌தாக‌ அறிவிக்கும் ப‌ட்ச‌த்தில் சிலவேளை அக்க‌ட்சி எதிர்க்க‌ட்சி அந்த‌ஸ்த்தை இழ‌க்க‌லாம் எனக் கூறியுள்ளார்.

ஆக‌ மொத்த‌த்தில் இத‌ன் இறுதி தீர்மான‌ம் ஜ‌னாதிப‌தி கையிலேயே உள்ளதென முபாற‌க் மௌல‌வி தெரிவித்துள்ளார்.

Read More

மூன்றாம் தவணை கல்வி நடவடிக்கைகள் நாளை ஆரம்பம்

மூன்றாம் தவணை கல்வி நடவடிக்கைகள் நாளை ஆரம்பம்

By avathani Media Network   11:39:00 AM   No comments:

மூன்றாம் தவணை கல்வி நடவடிக்கைகள் மீண்டும் நாளை முதல் ஆரம்பிக்கப்படும் என கல்வி அமைச்சு தெரிவித்துள்ளது. 

க.பொ.த. உயர்தரம் மற்றும் தரம் 5 புலமைப் பரிசில் பரீட்சையின் வினாத்தாள்கள் திருத்தும் பாடசாலைகள் தவிர்ந்த ஏனைய அனைத்து பாடசாலைகளினதும் கல்வி நடவடிக்கைகள் மீண்டும் நாளை முதல் ஆரம்பிக்கப்பம் என்று கல்வி அமைச்சு தெரிவித்துள்ளது. 

க.பொ.த. உயர்தர பரீட்சையின் விடைத்தாள்களை திருத்தும் பாடசாலைகள் செப்டம்பர் 28 ஆம் திகதி மீண்டும் ஆரம்பிக்கப்படுவதோடு தரம் 5 புலமைப் பரிசில் பரீட்சையின் விடைத்தாள்கள் திருத்தும் பாடசாலைகள் செப்டம்பர் 15 ஆம் திகதி மீண்டும் ஆரம்பிக்கப்படும் என்றும் கல்வியமைச்சு தெரிவித்தது. 

Read More

அளுத்கம முஸ்லிம்களுக்கு எதிரான வன்முறை: ஆணைக்குழு அமைத்து விசாரிக்க முஸ்லிம் கவுன்ஸில் வேண்டுகோள்

அளுத்கம முஸ்லிம்களுக்கு எதிரான வன்முறை: ஆணைக்குழு அமைத்து விசாரிக்க முஸ்லிம் கவுன்ஸில் வேண்டுகோள்

By avathani Media Network   11:12:00 AM   No comments:

அளுத்கமையில் முஸ்லிம்களுக்கெதிராக மேற்கொள்ளப்பட்ட வன்செயல்கள் தொடர்பில் விசாரணைகளை மேற்கொள் வதற்கும் ஜனாதிபதிக்கு அழுத்தங் களைக் கொடுக்குமாறு ஸ்ரீலங்கா முஸ்லிம் கவுன்சில் சோபித தேரரிடம் வேண்டுகோள் விடுத் துள்ளது. 

சமூக நீதிக்கான மக்கள் இயக்கத்தின் தலைவர் சோபித தேரரை கோட்டை நாக விகாரை யின் ஸ்ரீலங்கா முஸ்லிம் கவுன்சில் தலைவர் என். எம். அமீன் தலைமை யில் சந்தித்த பிரதிநிதிகள் இவ்வேண்டுகோளை விடுத்துள்ளனர்.

இச்சந்திப்பு தொடர்பில் ஸ்ரீலங்கா முஸ்லிம் கவுன்ஸிலின் தலைவர் என்.எம். அமீன் கருத்துத் தெரிவிக்கையில்,

நாட்டில் எதிர்காலத்தில் அளுத்கமையில் நடைபெற்றது போன்ற இனத்துக்கெதிரான வன்முறைகள் இடம்பெறக்கூடாது என்று நாம் கருதுகிறோம். இந்த வன்முறைகளின் பின்னணி என்ன இவ்வாறான வன்முறைகள் இடம்பெறாமலிருப்பதை எவ்வாறு தடுக்கலாம் என்ற சிபார்சுகளைச் செய்வதற்காகவே ஆணைக்குழுவொன்று நியமிக்கும்படி கோரியுள்ளோம்.

இந்த ஆணைக்குழு சிபாரிசுகளின் மூலம் குற்றவாளிகள் தண்டிக்கப்பட வேண்டும் என்பது எமது நோக்கமல்ல. இதன் மூலம் இனவாதத்தை தூண்டும் பேச்சுகள் போன்றவற்றை எவ்வாறு தடுக்கலாம் எனும் பரிந்துரைகளையும் பெற்றுக்கொள்ள முடியும் என்றார். 

இதேவேளை அளுத்கமையில் நடைபெற்ற முஸ்லிம்களுக்கு எதிரான வன்முறைகளுக்கு காரணமான பொதுபலசேனா அமைப்பும் இது தொடர்பாக ஆணைக்குழுவொன்று நியமிக்கப்பட வேண்டும் என வலியுறுத்தியுள்ளமை குறிப்பிடத்தக்கதாகும்.

Read More

இது தேசிய அரசாங்கம் அல்ல, கூட்டுக்களவாணிகளின் அரசாங்கம்! ஹந்துன்னெத்தி விமர்சனம்

இது தேசிய அரசாங்கம் அல்ல, கூட்டுக்களவாணிகளின் அரசாங்கம்! ஹந்துன்னெத்தி விமர்சனம்

By avathani Media Network   9:24:00 AM   No comments:

பொதுத் தேர்தலின் பின்னர் அமைக்கப்படுவது தேசிய அரசாங்கம் இல்லையென்றும், கூட்டு வைத்து கொள்ளையடிக்கும் முயற்சியே என்றும் ஜே.வி.பி. நாடாளுமன்ற உறுப்பினர் ஹந்துன்னெத்தி விமர்சித்துள்ளார்.

ஜே.வி.பி.யின் தேசியப் பட்டியல் நாடாளுமன்ற உறுப்பினரான ஹந்துன்னெத்தியின் பேட்டியொன்று இன்றைய திவயின பத்திரிகையில் பிரசுரிக்கப்பட்டுள்ளது.

அதில் கருத்து வெளியிட்டுள்ள ஹந்துன்னெத்தி,

கடந்த நாடாளுமன்றத் தேர்தல் இரண்டு அணிகளுக்கிடையில் நடைபெற்ற அரசியல் மோதல். ஒரு அணி மஹிந்தவின் வெற்றிக்காக பாடுபட்டது. மற்றைய அணி அவரைத் தோற்கடிக்க பாடுபட்டது. இதற்கிடையில் பொதுமக்களுக்கு எங்கள் மீதான கவனம் குறைந்து விட்டது. அதன் காரணமாகவே நாங்கள் எதிர்பார்த்த பலன் கிட்டவில்லை.

எனினும் முன்னைய நாடாளுமன்றத்தில் நாங்கள் மூன்று பேர் மட்டுமே நாடாளுமன்ற உறுப்பினர்களாக இருந்தோம். தற்போதைய நாடாளுமன்றத்தில் ஆறுபேர் வெற்றிபெற்றுள்ளோம். அத்துடன் எங்கள் வாக்குகளின் எண்ணிக்கையும் அதிகரித்துள்ளது. இதுவே நாங்கள் பெற்றுக் கொண்ட வெற்றிதான்.

நாடாளுமன்றத் தேர்தல் வரை எதிரும் புதிருமாக இருந்து வாக்கு கேட்டவர்க்ள தற்போது இணைந்து தேசிய அரசாங்கம் அமைக்கப் போவதாக கூறி வருகின்றார்கள். உண்மையில் இது தேசிய அரசாங்கம் இல்லை.

தங்கள் வரப்பிரசாதங்கள் மற்றும் அதிகாரத்தை தக்க வைத்துக் கொள்ள களவாணிகள் ஒன்று சேர்ந்து அமைத்துக் கொண்டுள்ள கூட்டுக் களவாணிகள் அரசாங்கம் என்றும் சுனில் ஹந்துன்னெத்தி தொடர்ந்தும் குறிப்பிட்டுள்ளார்.

Read More

மஹிந்தவுக்கு எதிர்க்கட்சியில் முன்வரிசை ஆசனம் வழங்கப்பட வேண்டும் : மைத்திரி

மஹிந்தவுக்கு எதிர்க்கட்சியில் முன்வரிசை ஆசனம் வழங்கப்பட வேண்டும் : மைத்திரி

By avathani Media Network   9:14:00 AM   No comments:

முன்னாள் ஜனாதிபதி மஹிந்த ராஜபக்ஷவுக்கு எதிர்க்கட்சி தரப்பில் முன்வரிசை ஆசனம் வழங்கப்பட வேண்டுமென்று ஜனாதிபதி மைத்திரபால சிரிசேன தெரிவித்துள்ளார்.

கடந்த வெள்ளிக்கிழமை முன்னாள் ஜனாதிபதி மஹிந்த ராஜபக்ஷவுடன் நடைபெற்ற சந்திப்பின் போது அவர் இதனைத் தெரிவித்துள்ளதாக ஊடகம் ஒன்று செய்தி வெளியிட்டுள்ளது.

குறித்த செய்தியில் தொடர்ந்தும் காணப்படுவதாவது, முன்னாள் ஜனாதிபதி மஹிந்த ராஜபக்ஷ எதிர்க்கட்சியின் சாதாரண உறுப்பினராக செயற்பட விருப்பம் தெரிவித்துள்ளார். எனினும் அரசியலில் அவரின் நீண்ட அனுபவம் மற்றும் நாடாளுமன்ற வழக்கப்படி அவருக்கு முன் வரிசை ஆசனம் ஒதுக்கப்பட வேண்டும்.

இதன் பிரகாரம் எதிர்க்கட்சித் தலைவருக்கு அடுத்த ஆசனம் மஹிந்த ராஜபக்ஷவுக்கு ஒதுக்கப்படவுள்ளது. நல்லாட்சி அரசாங்கத்தின் எதிர்க்கட்சித்தலைவர் நிமல் சிறிபால டி சில்வாவுக்கு அடுத்த ஆசனம் முன்னாள் பிரதமர் ரட்னசிறி விக்கிரமநாயக்கவுக்கு ஒதுக்கப்பட்டிருந்தமை அதற்கான முன்னுதாரணமாகும்.

அதே நடைமுறையின் பிரகாரம் தேசிய அரசாங்கத்திலும் எதிர்க்கட்சித் தலைவர் ஆசனத்துக்கு அடுத்த ஆசனம் முன்னாள் ஜனாதிபதி மஹிந்த ராஜபக்ஷவுக்கு ஒதுக்கப்படவுள்ளது. இதற்கான வாக்குறுதியை ஜனாதிபதி மைத்திரிபால சிறிசேன வழங்கியுள்ளார்.

அத்துடன் முன்னாள் ஜனாதிபதி மஹிந்தவுக்கு கொழும்பில் உத்தியோகபூர்வ இல்லமொன்றைப் பெற்றுக் கொடுப்பதற்கும் விரைவான நடவடிக்கைகள் எடுக்கப்படும் என்றும் ஜனாதிபதி உறுதியளித்துள்ளதாக குறித்த செய்தியில் தெரிவிக்கப்பட்டுள்ளது.

Read More

மட்டக்களப்பு இளைஞர் கொழும்பில் ரயிலில் மோதுண்டு பலி

மட்டக்களப்பு இளைஞர் கொழும்பில் ரயிலில் மோதுண்டு பலி

By avathani Media Network   9:10:00 AM   No comments:

கொழும்பு – வெள்ளவத்தை பகுதியில் புகையிரதத்தில் மோதி மட்டக்களப்பு இளைஞர் ஒருவர் உயிரிழந்துள்ளார்.

நேற்று இரவு இடம்பெற்ற இந்த சம்பவத்தில், மட்டக்களப்பைச் சேர்ந்த சிவலிங்கம் நிரோசன் என்ற 28 வயது இளைஞரே உயிரிழந்தார்.

மருதானையில் இருந்து களுத்துறை நோக்கி பயணித்த புகையிரதத்தில் மோதி படுகாயமடைந்த அவர், கலுபோவில வைத்தியசாலையில் அனுமதிக்கப்பட்டதன் பின்னர் சிகிச்சை பலனின்றி உயிரிழந்ததாக பொலிஸார் தெரிவித்தனர்.

சிவலிங்கம் நிரோசன் மட்டக்களப்பில் இருந்து வெளியான பல்வேறு கலைப்படைப்புகளின் பின்னணியில் செயற்பட்டுள்ளதுடன், பல குறுந்திரைப்படங்களையும் இயக்கியுள்ளமை குறிப்பிடத்தக்கது.
Source - ttnnews

Read More

"துடைத்தெறியப்ப்பட வேண்டிய தலைமைத்துவம் எது என்பதும் வளர்த்தெடுக்கப்பட வேண்டிய தலைமைத்துவம் எது என்பதும் இப்போது நன்கு தெளிவாகியுள்ளது": பொறியியலாளர் அப்துர் ரஹ்மான்

"துடைத்தெறியப்ப்பட வேண்டிய தலைமைத்துவம் எது என்பதும் வளர்த்தெடுக்கப்பட வேண்டிய தலைமைத்துவம் எது என்பதும் இப்போது நன்கு தெளிவாகியுள்ளது": பொறியியலாளர் அப்துர் ரஹ்மான்

By avathani Media Network   8:54:00 AM   No comments:

(NFGG ஊடகப்பிரிவு) 

"தேர்தல் தினத்திற்குப் பின்னர் நடந்து முடிந்திருக்கும் சம்பவங்கள் எமது பிரதேசத்தில் இரண்டு வெவ்வேறு தரத்திலான அரசியல் தலைமைத்துவங்கள் இருப்பதனை நிரூபித்துள்ளன. அதில் ஒன்று நாகரிகமும் ஒழுக்கமும் நிறைந்த தலைமைத்துவம், மற்றையது காடைதனத்திற்கும் வன்முறைகளுக்கும் வழிகாட்டும் தலைமைத்துவமாகும். இதனைத் தற்போது மக்கள் தெளிவாகப் புரிந்துகொண்டுள்ளனர்" என பொறியியலாளர் அப்துர் ரஹ்மான் தெரிவித்தார்.

நடைபெற்று முடிந்த நாடாளுமன்றப் பொதுத்தேர்தலின் பின்னர் நல்லாட்சிக்கான தேசிய முன்னணியினால் ஏற்பாடு செய்யப்பட்ட மக்கள் சந்திப்பு நிகழ்வு காத்தான்குடி NFGG பிராந்திய வளாகத்தில் இடம்பெற்றது. இதன் போது உரையாற்றும் போதே NFGGயின் தவிசாளர் பொறியியலாளர் MM.அப்துர் ரஹ்மான் மேற்கண்டவாறு தெரிவித்தார்.

அவர் தனதுரையில் மேலும் தெரிவித்ததாவது...

"நடந்து முடிந்த பாராளுமன்றப் பொதுத்தேர்தலானது, இலங்கை வரலாற்றில் மிகவும் சுமூகமாகவும் வன்முறைகள் குறைந்த ஒரு தேர்தலாகவும் பதிவு செய்யப்பட்டு, சர்வதேசத்தின் பாராட்டினையும் பெற்றிருந்தது. ஆனால் கடந்த 21.08.15 வெள்ளிக்கிழமை அறிவிக்கப்பட்ட தேசியப்பட்டியல் நியமனங்களில் முன்னாள் பிரதியமைச்சர் ஹிஸ்புள்ளாஹ்வின் பெயரும் அறிவிக்கப்பட்டதைத் தொடர்ந்து, அவரின் ஆதரவாளர்களினால் எமது பிரதேசத்தில் கட்டவிழ்த்து விடப்பட்ட காடைத்தனமான அரசியல் பழிவாங்கலானது, முழு முஸ்லிம் சமூகத்தினையும் வெட்கித்தலைகுனியச் செய்துள்ளது.

அது மட்டுமல்லாது இந்த வன்முறைச் சம்பவங்களின் பின்னர் மக்கள் இந்த ஊரில் தம்மை வழிநடாத்துகின்ற இரண்டு வகையான தலைமைத்துவங்கள் எவை என்பதினையும், அவைகளின் தகுதி தராதரம் எவ்வாறானது என்பதினையும் தெளிவாக விளங்கிக் கொண்டுள்ளனர். அதில் ஒன்றுதான் முன்னாள் பிரதியமைச்சர் ஹிஸ்புள்ளாஹ்வின் தலைமைத்துவத்தின் கீழ் வளர்க்கப்படு வரும் அநாகரீகமான, காடைத்தனமான, வன்முறை மிக்க, அரசியல் பழிவாங்கல்கள் நிறைந்த தலைமைத்துவமாகும். மற்றையது நல்லாட்சி ஒழுக்கங்களைப் பேணி, நாகரீகமாகவும், அமைதியான வழிகளிலும, மார்க்க வறையறைகளை மதித்தும் மக்களை வழிநடாத்துகின்ற நமது நல்லாட்சி தலைமைத்துவமாகும்.

ஆகஸ்ட் 18ம் திகதி தேர்தல் முடிவுகள் வெளியான போது, எமது கூட்டணி அமோக வெற்றியைப் பெற்றது. அத்தோடு சகோ, ஹிஸ்புல்லாஹ்வும் தோல்வியினைத் தழுவினார். அமோகமான வெற்றியினை நாம் பெற்றுக்கொண்ட அந்த சந்தர்ப்பத்தில் நாம் மிக அமைதியான முறையில் நாகரிகமாகவும் மார்க்க வரையறைகளை மீறாத வகையிலும் எமது வெற்றி உணர்வை வெளிப்படுத்தினோம். எமக்கு எதிராக நின்றவர்கள் மீது ஒரு பிழையான வார்த்தையினைக் கூட பிரயோகிக்காத வகையில் கவனம் செலுத்தி அந்த வெற்றித் தினத்தை நாம் கழித்தோம். இத்தனை ஒழுக்கமும் நாகரிகமும் பண்பாடும் நிறைந்த ஒரு தலைமைத்துவத்தையே நாம் கட்டி வளர்த்து வருகின்றோம்.

ஆனால் மக்களால் தோற்கடிக்கப்பட்ட கூட்டணியைச் சேர்ந்த ஹிஸ்புள்ளாஹ்வின் பெயர் தேசியப்பட்டியலில் அறிவிக்கப்பட்ட ஒரு சில மனித்தயாலங்களில் இந்த ஊரில் கட்டவிழ்த்து விடப்பட்ட மார்க்கத்திற்கும் மனிதாபிமானத்திற்கும் முரணான அரசியல் காடைத் தனங்களைக் கண்கூடாகக் கண்டோம். புனித இறை இல்லத்தில் மஃரிப் தொழுகை நடந்துகொண்டிருந்த நேரத்தில் அங்கு சென்று அட்டகாசம் புரிந்தனர். பள்ளிவாயலுக்கு முன்னால் மானக் கேடான காரியங்களைச் செய்தனர். தொழுகைக்குத் தயாராக இருந்த நமது சகோதரர்கள் மீது மூர்க்கத்தனமாக தாக்குதல்களை மேற்கொண்டு உயிராபத்துக்கு உள்ளாக்கினர். இந்த ஊரில் ஹிஸ்புளாஹ்வின் காட்டு மிராண்டித்தனமான அரசியல் ஏன் துடைத்தெறியப்பட வேண்டும் என்பதினை மீண்டுமொரு முறை இது மக்களுக்கு புரிய வைத்துள்ளது.

மாத்தரமின்றி எமது ஆதரவாளர்களை திட்டமிட்ட முறையில் வேண்டுமென்றே வன்முறைகளுக்கு அழைத்து, அவர்களையும் சட்டத்திற்கு முரணான வகையில் செயற்படுத்துவதற்கு ஹிஸ்புள்ளாஹ் ஆதரவாளர்கள் பல பிரயத்தனங்களையும் மேற்கொண்டனர். இருப்பினும் எமது சகோதரர்கள் காட்டிய பொறுமை, நிதானம், சமயோசிதம், பொறுப்புணர்வு என்பன இப்பிரச்சனையினை விரைவில் முடிவிற்குள் கொண்டு வந்துள்ளது. எமது தலைமைத்துவ சபை உறுப்பினர்கள் பலரும் சம்பவ தினம் கொழும்பில் இருந்த போதிலும், எமது ஆதரவாளர்கள் இவ்வாறு பொறுமையுடன் நடந்து கொண்டமையானது, மிகவும் வரவேற்கத்தக்கதாகும். இதுவே நாம் நமது மக்களை நாகரீக அரசியலுக்கு பயிற்றுவித்திருக்கின்ற முறையாகும்.

எனவே நாம் ஒரு போதும் வன்முறையினை வன்முறையினால் முடிவிற்கு கொண்டு வரமாட்டோம். நாட்டின் சட்டத்தையும் ஒழுங்கையும் மதித்து, குற்றவாளிகளை சட்டத்தின் முன் நிறுத்தி நீதியை நிலைநாட்டியுள்ளோம்.

தேர்தல் தினத்திற்குப் பின்னர் நடந்து முடிந்திருக்கும் சம்பவங்கள் எமது பிரதேசத்தில் இரண்டு வெவ்வேறு தரத்திலான அரசியல் தலைமைத்துவங்கள் இருப்பதனை நிரூபித்துள்ளன. அதில் ஒன்று நாகரிகமும் ஒழுக்கமும் நிறைந்த தலைமைத்துவம், மற்றையது காடைதனத்திற்கும் வன்முறைகளுக்கும் வழிகாட்டும் தலைமைத்துவமாகும். இதனைத் தற்போது மக்கள் தெளிவாகப் புரிந்துகொண்டிருக்கிறார்கள்.

எனவே நமது எதிர்கால சந்ததியினரின் நலன்களைக் கருத்தில் கொண்டு எமது சமூகத்தில் எவ்வாறான அரசியல் தலைமைத்துவம் துடைத்தெறியப்பட வேண்டும் என்பதும், எவ்வாறான தலைமைத்துவம் மேலும் வலுவூட்டி வளர்த்தெடுக்கப்பட வேண்டும் என்பதும் இப்போது நன்கு தெளிவாகியுள்ளது."

Read More

நிந்தவூரில் அதிகரித்து வரும் திருடர்கள் . பாதுகாப்பு அதிகரிக்கப்படவேண்டும் என பொதுமக்கள் கோரிக்கை

நிந்தவூரில் அதிகரித்து வரும் திருடர்கள் . பாதுகாப்பு அதிகரிக்கப்படவேண்டும் என பொதுமக்கள் கோரிக்கை

By avathani Media Network   8:51:00 AM   No comments:

(முஹம்மட் ஜெலீல், நிந்தவூர் )

நிந்தவூர்-9ம் பிரிவுக்குட்பட்ட பிரதேசத்தில் நேற்று நல்லிரவு 2 மணியளவில்  வீட்டார்கள் ஆழ்ந்த தூக்கத்தில் உறங்கிக்கொண்டிருந்தபோது திருடன் ஒருவன் திருட்டுத்தனமாக புகுந்து வீட்டினுள்ளிருந்த பீரோவை உடைக்க முற்பட்டபோது தூக்கத்திலிருந்த வீட்டுப் பெண் திடுக்கிட்டு எழுந்ததும்  திருடன் அங்கிருந்து தப்பியோடியுள்ளான்.

பின்னர் அயல் வீட்டார்களுக்கு தொலைபேசிமூலம் அழைப்புவிடுத்த போது  அயலவர்கள் உடனே வந்து திருடனை பிடிக்க அப் பிரதேசத்தில் தேடும் பணியில் ஈடுபட்டுக்கொண்டிருந்தபோது மேலும் மூன்று வீடுகளில் பணம் மற்றும் எலக்ட்ரிக் பொருட்களை திருடிச் சென்றமை தெரியவந்தது.

மேலும் இது தொடர்பாக அப் பிரதேச மக்கள் திருடிச்சென்ற வீடுகளில் வினாவிய போது அவ்வீட்டார்கள் ஒவ்வொருவரும் திருடனை சாடைமாடையாக கண்டவர்கள் திருடனின் தோற்றம் தொடர்பாக ஒவ்வொருவரும் ஒவ்வொரு தோற்றத்தினை கூறியுள்ளனர் இதைவைத்து பார்க்கும் போது திருடர்கள் கும்பல்களாக வந்து வெவ்வேறு வீடுகளில் தனித் தனியாகச் சென்று திருடிச் சென்றிருக்கலாமென சந்தேகங்கள் எழுந்துள்ளன.

Read More

இந்த பிரதேசத்திற்கு பாராளுமன்ற பிரதிநிதித்துவம் கட்டாயம் தேவை அது ஹிஸ்புல்லாவா இருக்கலாம் அப்துர் ரஹ்மானாக இருக்கலாம். - மௌலவி நௌபலீன்

இந்த பிரதேசத்திற்கு பாராளுமன்ற பிரதிநிதித்துவம் கட்டாயம் தேவை அது ஹிஸ்புல்லாவா இருக்கலாம் அப்துர் ரஹ்மானாக இருக்கலாம். - மௌலவி நௌபலீன்

By avathani Media Network   8:33:00 AM   No comments:

(எம்.எச்.எம்.அன்வர்)

(காத்தான்குடி ஜாமிஉத் தௌஹீத் ஜும்ஆப்பள்ளிவாயலில் இடம் பெற்ற ஜூம்ஆ பிரசங்கத்தின் சுருக்கம்)

கடந்த பாராளுமன்ற தேர்தலின்போது காத்தான்குடியில் ஹிஸ்புல்லாவும் அப்துர்ரஹ்மானும் போட்டியிட்டனர் அல்லாஹ்வின் நாட்டம் ஹிஸ்புல்லா தோல்வியடைந்தார் அல்லாஹ் எதை நாடியுள்ளானோ அதுதான் இடம்பெற்றது அவருக்கு இதைவிட சிறந்த பதவியை நாடியிருக்கிறானோ அல்லது 5 வருடங்களுக்கு தான் செய்த தவறை நினைப்பதற்காக அப்படியானதொரு சந்தர்ப்பத்தினை வழங்கியுள்ளானோ தெரியாது இதற்காக நாம் வென்று விட்டோம் என அப்துர் ரஹ்மான் தரப்பு கூறுவதும்  தாம் தோற்கடிக்கப்பட்டு வி;ட்டோம் என ஹிஸ்புல்லா தரப்பு கூறி முரண்பட்டுக்கொள்வதும் நல்ல விடயமல்ல சகோதரர்களே

யார் ஆட்சிக்கு வரவேண்டும் யார்  ஆட்சியில் இருக்க கூடாது என தீர்மானிப்பது அல்லாஹ்வே இந்த பிரதேசத்திற்கு ஹிஸ்புல்லாவும் தேவை அப்துர்ரஹ்மானும் தேவை நாளை இவர்கள் ஒன்றாக சாப்பிடுவார்கள் ஒன்றாக பயணிப்பார்கள் நாம் ஏன் இன்னும் ஆளுக்காள் முகம்பார்க்காமல் திரிகின்றோம் இந்த அரசியலால் வீட்டில் கணவன் ஒரு கட்சி மனைவி ஒரு கட்சி சகோதரர்களுக்கிடையே பிளவு அயலவர்களுக்கிடையே பிளவு தந்தை மகனுக்கிடையே பிளவு ஏன் இந்த வேற்றுமை சகோதரர்களே 

நாம் முஸ்லிம்கள் அரசியல் எல்லாம் முடிந்து விட்டது ஒருவருக்கொருவர் ஒற்றுமையாகவும் ஐக்கியமாகவும் வாழ்வோம் 

ஆனால் ஒன்றை மட்டும் கூறுகின்றேன் இந்த காத்தான்குடி பிரதேசம்  பல கல்விமான்கள்  கூடுதலான உலமாக்கள் பல தவ்வா அமைப்பக்கள் வெளியூர்களில் தொழில் நிமித்தம் செல்வோர் அதிகமாகவுள்ள ஒரு ஊர் இந்த பிரதேசத்திற்கு பாராளுமன்ற பிரதிநிதித்துவம் கட்டாயம் தேவை அது ஹிஸ்புல்லாவா இருக்கலாம் அப்துர் ரஹ்மானாக இருக்கலாம் யார் நல்லதை செய்கிராறோ அதை தடுக்க வேண்டாம் அன்னிய சகோதரர்களிடம் போய் கைகட்டி நிற்க முடியாது சகோதரர்களே நாம் ஒற்றுமைப்பட்ட ஒரு சமூகமாக முன்மாதிரியானதொரு சமூகமாக வாழ்வோம் இன்ஷா அல்லாஹ்

Read More

இலங்கை புலம் பெயர் தொழிலாளர் கூட்டணியின் அம்பாறை மாவட்டதிற்கான பிரச்சார செயற்குழுக் கூட்டம்

இலங்கை புலம் பெயர் தொழிலாளர் கூட்டணியின் அம்பாறை மாவட்டதிற்கான பிரச்சார செயற்குழுக் கூட்டம்

By avathani Media Network   8:26:00 AM   No comments:

(பழுலுல்லாஹ் பர்ஹான்)

இலங்கை புலம் பெயர் தொழிலாளர் கூட்டணியின் அம்பாறை மாவட்டதிற்கான பிரச்சார செயற்குழுக் கூட்டம் நேற்று முன்தினம் அக்கரைபற்றில் நடைபெற்றதோடு செயற்குழு நிர்வாகமும் அங்குரார்ப்பணம் செயப்பட்டது. 

இதில் பிராந்தியத்தில் இருகின்ற பல தன்னார்வ தொண்டு நிறுவனங்களும், சமூக அமைப்புகளும், அரச சார்பற்ற நிறுவனங்களும் கலந்து  கொண்டது குறுப்பிடத்தக்கது. 

இலங்கை புலம் பெயர் தொழிலாளர் கூட்டணியின் பிரதம அமைப்பாளர் முதுமாணி ரகீப் ஜாபர் தலைமையில் நடந்த இந்த கூட்டத்தில் தமது அமைப்பின் நோக்கத்தையும், புலம்பெயர் மக்கள் ஒரு குடையின்கீழ் ஒன்று படுவதன் அவசியம் பற்றியும் தெளிவு படுத்தப்பட்டது. 

மேலும் அவர் உரையாற்றுகையில் 

"புலம்பெயர் மக்கள் என்பது இலங்கை பிரஜா உரிமையுள்ள  வெளிநாட்டில் வசிக்கும் அனைவரையும் குறிக்கும், இதில் தொழில் நிமிர்த்தம் மத்திய கிழக்கிற்கு சென்றுள்ள தொழிலாளர்களும், மேற்கத்தைய நாடுகளில் வசிக்கும் இலங்கையர்களும் உள்ளடங்குவர். இலங்கையின் பொருளாதார உயிர் நாடியான இவர்களின் பிரச்சினைகளுக்கு தீர்வுகள் எட்டப்படவேண்டுமாயின்,  20 லட்சம் புலம்பெயர் மக்களும் அவர்களுடைய உள்ளூர் உறவுகளும் ஒரு அமைப்பின் கீழ் கொண்டுவரப்படவேண்டும். மேலும் எமது கோரிக்கைகளில் ஒன்றாக , வெளிநாட்டில் வசிக்கும் இலங்கையருக்கு வாக்களிக்கும் வசதி செய்து தரப்படும் வரை தேர்தல் ஒன்று நடாத்தக் கூடாது என்பதுதான். மேலும் இந்த விடயத்தில்  ஏனைய வெளிநாட்டுக் குழுக்களும் சங்கங்களும் எங்களுடன் இணையுமாறு அழைப்பு விடுக்கிறோம். மேலும்  காலப்போக்கில் ஒற்றுமையாக ஒரு தேர்தலை எதிர்கொண்டு தனக்கு பொருத்தமான அரசியல் பிரதிநிதிகளை தாமே உருவாக்கி கொள்கின்ற ஒரு அரசியல் பொறிமுறைய உண்டுபண்ணலாம். அவ்வாறு ஒவ்வொரு மட்டத்திலும் புலம்பெயர் மக்களின் அரசியல் பிரதிநிதிகள் உருவாக்கம் பெற்று , ஒரு பேரம் பேசும் சக்தியாக மற்றும் புலம் பெயர் சமூகத்திற்கு குரல் கொடுக்கும் தனித்துவமிக்க  சக்தியாக உருவாகலாம். எனவே இந்த செய்தியை அரசியல் பலவீனமுள்ள இந்த சமூகத்திற்கும் அவரகளின் உறவுகளுக்கும் கொண்டு சேர்க்க வேண்டியது சமூக சிந்தனையுள்ள நம் அனைவருக்கும் கடமையாகும்"  என்று கூறினார்.    

மேலும் இதைதொடர்ந்து பிரதேச ரீதியான அமைப்பாளர்கள் நியமனமும் கேள்வி பதிலும் இடம்பெற்றது. 

 

Read More

பதவிகளுக்கான இழுபறியும் நல்லாட்சியும்

பதவிகளுக்கான இழுபறியும் நல்லாட்சியும்

By avathani Media Network   9:57:00 PM   No comments:

இலங்­கையின் எட்­டா­வது பாரா­ளு­மன்ற பொதுத் தேர்தல் நடந்து முடிந்­ததைத் தொடர்ந்து ஐக்­கிய தேசியக் கட்­சியும் ஸ்ரீ லங்கா சுதந்­திரக் கட்­சியும் இணைந்து தேசிய அர­சாங்கம் ஒன்றை அமைத்­துள்­ளன.

இதற்­க­மை­வாக நாட்டின் பிர­த­ம­ராக ரணில் விக்­ர­ம­சிங்க பத­வி­யேற்றார். இதனைத் தொடர்ந்து அவ­ச­ர­மாக மூவ­ருக்கு அமைச்சுப் பத­விகள் வழங்­கப்­பட்­டன. வெளி­வி­வ­கார அமைச்­ச­ராக மங்­கள சம­ர­வீ­ரவும் நீதி­ய­மைச்­ச­ராக விஜே­தாச ராஜ­பக்­சவும் புனர்­வாழ்வு மீள்­கு­டி­யேற்ற அமைச்­ச­ராக டி.எம்.சுவா­மி­நா­தனும் ஜனா­தி­பதி முன்­னி­லையில் பத­வி­யேற்றுக் கொண்­டனர்.

இந்­நி­லையில் மீத­முள்ள அமைச்சுப் பத­வி­களை பங்­கி­டு­வதில் ஐக்­கிய தேசியக் கட்­சிக்கும் சுதந்­திரக் கட்­சிக்­கு­மி­டையே பெரும் இழு­பறி தோன்­றி­யுள்­ள­தா­கவும் அதுவே அமைச்­சர்கள் நியம­னத்தில் தாமதம் ஏற்­படக் காரணம் எனவும் தெரி­ய­வ­ரு­கி­றது.

அமையப் பெற்­றுள்ள தேசிய அர­சாங்­கத்தில் 40 அமைச்­ச­ரவை அந்­தஸ்­துள்ள அமைச்­சர்­களும் 10 இரா­ஜாங்க அமைச்­சர்­களும் 30 பிர­தி­ய­மைச்­சர்­களும் நிய­மிக்­கப்­ப­ட­வுள்­ள­தாக ஆரம்­பக்­கட்ட தக­வல்கள் தெரி­விக்­கின்­றன. இந்த அமைச்­சுக்­களைப் பங்­கி­டு­வ­தி­லேயே தற்­போது இழு­பறி நிலை தோன்­றி­யுள்­ளது.

19 ஆவது திருத்தத்திற்கமைவாக அமைச்சுப் பதவிகளின் எண்ணிக்கையை 30 ஐ விட அதிகரிப்பதாக இருந்தால் பாராளுமன்றத்தின் அனுமதி பெறப்பட வேண்டும்.

அதற்கமைவாக எதிர்வரும் செப்டெம்பர் 1 ஆம் திகதி பாராளுமன்றம் கூடி அமைச்சரவை நியமனத்திற்கான அங்கீகாரத்தை வழங்கிய பின்னரே  புதிய அமைச்சரவை நியமிக்கப்படும் என பிந்திக் கிடைத்த தகவல்கள் தெரிவிக்கின்றன.

 

எது எப்­ப­டி­யி­ருப்­பினும் அமையப் பெற்­றுள்ள நல்­லாட்சி அர­சாங்­கத்தில் எழுந்­துள்ள அமைச்சுப் பத­விகள் தொடர்­பான இழு­பறி நிலை தேசிய அர­சாங்­கத்தின் வெற்­றி­க­ர­மான நகர்­வுக்கு பாரிய அச்­சு­றுத்­த­லாக அமை­யலாம் என அர­சியல் அவ­தா­னிகள் சுட்­டிக்­காட்­டு­கின்­றனர்.

அது­மாத்­தி­ர­மன்றி தேர்தலில் தோல்வியுற்றவர்களிலிருந்து தேசியப் பட்டியல் மூலம் உள்வாங்கப்பட்டுள்ள பாராளுமன்ற உறுப்பினர்களுக்கு அமைச்சுப் பதவிகள் வழங்குவதானது நல்லாட்சி அரசாங்கத்தின் கொள்கைகளுக்கு உகந்ததல்ல எனும் விமர்சனங்களும் தற்போது முன்வைக்கப்பட்டுள்ளன.

தேசியப் பட்டியல் மூலம் தேர்தலில் தோல்வியுற்றவர்களுக்கு பாராளுமன்ற உறுப்புரிமை வழங்கியதற்கு எதிராக வழக்கு ஒன்று தாக்கல் செய்யப்பட்டுள்ளமையும் இங்கு சுட்டிக்காட்டத்தக்கதாகும்.

ஆக அமைச்சுப் பதவிகளுக்கானதும் தேசியப் பட்டியல் தொடர்பானதுமான இழுபறியும் கருத்து முரண்பாடுகளும் நல்லாட்சி அரசாங்கத்தின் சுமுகமான இயக்கத்திற்கு குந்தகம் விளைவிக்குமானால் அது மக்கள் ஆகஸ்ட் 17 இல் மீள் உறுதிப்படுத்திய ஜனவரி 8 மாற்றத்தை குழிதோண்டிப் புதைப்பதாக அமைந்துவிடும்.

இது தொடர்பில் இரு தரப்பு அரசியல் தலைமைகளும் விட்டுக் கொடுப்புடன் செயற்பட முன்வர வேண்டும் என வலியுறுத்த விரும்புகிறோம்.

Read More

மன்னிப்பு கோரிக்கை நீதிவானால் நிராகரிப்பு

மன்னிப்பு கோரிக்கை நீதிவானால் நிராகரிப்பு

By avathani Media Network   9:43:00 PM   No comments:

கைத்­தொழில் மற்றும் வர்த்­தக அமைச்சின் கட்­ட­டத்­துக்குள் சட்­ட­வி­ரோ­த­மாக புகுந்து குழப்பம் விளை­வித்த பொது­ப­ல­சேனா அமைப்பின் பௌத்த குரு­மார்கள் பொலி­ஸாரால் அவர்­க­ளுக்கு எதி­ராக தொட­ரப்­பட்­டுள்ள வழக்கை மன்­னிப்பு கோரி சமா­தா­ன­மாக தீர்த்துக் கொள்ள கொழும்பு நீதிவான் நீதி­மன்ற நீதி­ப­தி­யிடம் அனு­மதி கோரிய போதும் நீதிவான் அதற்­கான அனு­ம­தியை மறுத்­துள்ளார்.

நேற்றுக் காலை கொழும்பு கோட்டை நீதிவான் நீதி­மன்­றத்தில் குறிப்­பிட்ட வழக்கு விசா­ர­ணைக்கு எடுத்துக் கொள்­ளப்­பட்ட போது பொது­ப­ல­சே­னாவின் சார்பில் ஆஜ­ரான சட்­டத்­த­ரணி வழக்கை சமா­தா­ன­மாக தீர்த்துக் கொள்ள விரும்­பு­வ­தா­கவும் அதற்­காக மன்­னிப்பு கோர தயா­ராக இருப்­ப­தா­கவும் நீதி­வா­னிடம் தெரி­வித்தார்.

குறிப்­பிட்ட 6 பௌத்த குரு­மார்­க­ளுக்கு எதி­ராக சமர்ப்­பிக்­கப்­பட்­டுள்ள குற்றப் பத்­தி­ரி­கையில் குறிப்­பி­டப்­பட்­டுள்ள குற்­றச்­சாட்­டு­களில் ஒன்­றான சட்­ட­வி­ரோ­த­மாக ஒன்று கூடி­யமை மன்­னிக்கக் கூடிய ஒரு குற்றச் செய­லல்ல எனத் தெரி­வித்த நீதிவான் அந்தக் குற்றம் குற்றப் பத்­தி­ரி­கை­யி­லி­ருந்தும் நீக்­கப்­பட்டால் மாத்­தி­ரமே மன்­னிப்புக் கோரி சமா­தா­ன­மாக வழக்­கினைத் தீர்த்துக் கொள்ள முடியும் என்று தெரி­வித்தார்.

நேற்று நீதி­மன்றில் பிர­தி­வா­தி­க­ளான பொது­ப­ல­சேனா அமைப்பின் 6 குரு­மார்­களில் 4 பேர் மாத்­தி­ரமே நீதி­மன்றில் ஆஜ­ரா­கி­யி­ருந்­தனர்.

இவர்­களில் 3 ஆம் 5 ஆம் சந்­தேக நபர்­க­ளான சந்­திஸ்­தர தேரர் மற்றும் பன்­ஞா­ஜோதி தேரரும் நீதி­மன்றில் ஆஜ­ரா­கி­யி­ருக்­க­வில்லை.

சந்­தேக நபர்கள் ஆறு பேரையும் நீதி­மன்றில் ஆஜர்­ப­டுத்­து­மாறும் நீதிவான் கொள்­ளுப்­பிட்­டிய பொலி­ஸா­ருக்கு உத்­த­ர­விட்டார்.

நீதி­மன்­றுக்கு வருகை தந்­தி­ருந்த குருமார் நால்­வரும் நடந்த சம்­ப­வத்­துக்கு வருத்தம் தெரி­விப்­ப­தா­கவும் அதற்­காக மன்­னிப்பு கோரி சமா­தா­ன­மாக விரும்­பு­வ­தா­கவும் RRT அமைப்பின் சட்­டத்­த­ர­ணிகள் சிராஸ் நூர்தீன், மைத்­திரி குணரத்ன ஆகியோரிடமும் வேண்டுகோள் விடுத்தனர்.

இந்நிலையில் கொழும்பு கோட்டை நீதிவான் நீதிமன்ற நீதிபதி பாலிதலியனகே விசாரணையை எதிர்வரும் அக்டோபர் மாதம் 1 ஆம்  திகதிக்கு ஒத்திவைத்தார்.

Source - vidivelli.lk

Read More

56 இலங்கை பணிப்பெண்கள் நாடு திரும்பினர்

56 இலங்கை பணிப்பெண்கள் நாடு திரும்பினர்

By avathani Media Network   2:12:00 PM   No comments:

சவுதி அரேபியா மற்றும் குவைத் ஆகிய நாடுகளில் பல்வேறு அளெகரியங்களுக்குள்ளாகி பாதிக்கப்பட்ட  56 இலங்கை பணிப்பெண்கள் இன்று கட்டுநாயக்க விமானநிலையத்தை வந்தடைந்தனர்.

குறித்த பெண்கள் வெளிநாட்டு வேலைவாய்ப்பு முகவர் நிலையம் ஒன்றினூடாக சவுதி அரேபியா மற்றும் குவைத் ஆகிய நாடுகளுக்கு சென்றுள்ளனர்.

இந்நிலையில் அங்கு தகுந்த முறையில் சம்பளம் வழங்கப்படவில்லை எனவும் பல்வேறு துன்புறுத்தல்களுக்கு முகம் கொடுத்ததாகவும் பாதிக்கப்பட்டவர்கள் தெரிவித்தனர்.

இவர்களுக்கு வெளிநாட்டு வேலைவாய்பு பணியகம் உணவு மற்றும் தத்தமது வீடுகளுக்கு செல்வதற்கான போக்குவரத்து ஒழுங்குகள் செய்து கொடுத்தமை குறிப்பிடத்தக்கது.

-virakesary-

Read More

மைத்திரி,ரணில்,சந்திரிகா நீண்ட நேரம் கலந்துரையாடல்!

மைத்திரி,ரணில்,சந்திரிகா நீண்ட நேரம் கலந்துரையாடல்!

By avathani Media Network   8:29:00 AM   No comments:

முன்னாள் ஜனா­தி­பதி சந்­தி­ரிகா பண்­டா­ர­நா­யக்க குமா­ர­துங்க, பிர­தமர் ரணில் விக்­கி­ர­ம­சிங்க மற்றும் ஜனா­தி­பதி மைத்­தி­ரி­பால சிறி­சேன ஆகி­யோ­ருக்கு இடையில் நேற்­று முன்தினமி­ரவு முக்­கிய சந்­திப்பு ஒன்று இடம்­பெற்­றுள்­ள­தாக தெரி­விக்­கப்­ப­டு­கின்­றது.

பாரா­ளு­மன்றத் தேர்­த­லுக்குப் பின்னர் ஏற்­பட்­டுள்ள அர­சியல் சூழல் குறித்தே இந்தச் சந்­திப்பில் கலந்­து­ரை­யா­டப்­பட்­டுள்­ள­தாக தெரி­விக்­கப்­ப­டு­கி­றது.

விசே­ட­மாக அமைச்­சர்கள் நிய­மனம், பத­வி­யேற்பு நிகழ்வு , மற்றும் பாரா­ளு­மன்ற உறுப்­பி­னர்­க­ளுக்­கான அமைச்­சுக்கள் ஒதுக்­கீடு குறித்து இந்தச் சந்­திப்பில் ஆரா­யப்­பட்­டுள்­ள­தாக தக­வல்கள் தெரி­வித்­தன.

பாரா­ளு­மன்றத் தேர்தல் முடிந்து 10 தினங்கள் கடந்­துள்ள நிலை­யிலும் புதிய அமைச்­ச­ரவை பத­வி­யேற்பில் இழு­பறி நிலை ஏற்­பட்­டுள்­ளது.

இந்­நி­லையில் புதிய தேசிய அர­சாங்­கத்தில் 45 பேர் கொண்ட அமைச்­ச­ர­வையை அமைப்­பது என்றும், அதில் 30 அமைச்­சுக்கள் ஐக்­கிய தேசிய கட்­சி­யி­ன­ருக்கும் 15 அமைச்சுப் பத­விகள் சிறி­லங்கா சுதந்­திரக் கட்­சி­யி­ன­ருக்கம் வழங்­கப்­ப­ட­வுள்­ள­தாக அறி­விக்­கப்­பட்­டுள்­ளது.

பாரா­ளு­மன்ற உறுப்­பி­னர்­க­ளு­ககு எவ்­வா­றான அமைச்சுப் பத­வி­களை வழங்­கு­வது என்­பது தொடர்பில் இதன்­போது ஆரா­யப்­பட்­ட­தாக தெரி­விக்­கப்­ப­டு­கின்­றது.

எனினும், அமைச்­ச­ரவை பத­வி­யேற்பு அடுத்­த­மாதம் 2ஆம் திகதியே நடைபெறும் என அறிவிக்கப்பட்டுள்ளது. இந்த நிலையிலேயே இழுபறிகளுக்குத் தீர்வு காணும் நோக்கில் நேற்றைய சந்திப்பு இடம்பெற்றுள்ளதாக தகவல்கள் வெளியாகியுள்ளன.

Read More

A/L எழுதிய மாணவர்களுக்கென 7 நாள் வதிவிடப் பயிற்சி.

A/L எழுதிய மாணவர்களுக்கென 7 நாள் வதிவிடப் பயிற்சி.

By avathani Media Network   8:17:00 AM   No comments:

ஸ்ரீ லங்கா இஸ்லாமிய மாணவர் இயக்கம் கடந்த 3 தசாப்தங்களுக்கு மேலாக மாணவ இளைஞர்களின் கல்வி மற்றும் பண்பாட்டு மறுமலர்ச்சிக்காக அர்ப்பணிப்புடன் செயற்பட்டு வருகின்றது.

அந்தவகையில் எமது வருடாந்த நிகழ்சி நிரலின் ஓர் அங்கமாக க.பொ.த உயர்தரப் பரீட்சையினை எழுதிய மாணவர்களுத்கென 7 நாள் வதிவிடப் பயிற்சி நெறியாக நடாத்தபப்டபடுகின்ற Youth Development Program (YDP) இவ்வருடமும் செமடம்பர் மாதம் 11ம் திகதி முதல் நாடளாவிய ரீதியில் 06 இடங்களில் நடைபெற ஏற்பாடாகியூள்ளது.

நிகழ்சித் திட்டமானது அடிப்படை மார்க்க அறிவூ, எதிர்கால கல்வி தொடர்பான வழிகாட்டல, திறன் விருத்தி போன்ற பல்வேறு அம்சங்களையூம் உள்ளடக்கியிருப்பதனால் சமூகத்தின் பல மட்டங்களிலும, குறிப்பாக துறைசார்ந்தவர்கள் பெற்ரார்கள் மத்தியில் பெரும் வரவேற்பைப் பெற்றிருக்கின்றமை குறிப்பிடத்தக்கதாகும்.

மேலும் இப்பயிற்சி நெறியின் முடிவில் முஸ்லிம் சமய கலாசார பண்பாட்டு அலுவல்கள் திணைக்களத்தின் அனுமதியூடன் அரச அங்கீகாரம் பெற்ற சான்றிதல் வழங்கப்படும்.

மேலதிக விபரங்களைப் பெற கீழ்வரும் இலக்கங்களை தொடர்புகொள்ள முடியூம்.

சகோ.ஹம்தி அஹமட் - 077 4243159

சகோ.கவ்வாம் - 075 2121413

(ஜுனைட்.எம்.பஹ்த் )

Read More

தேர்தலுக்குப் பின்னரான மற்றுமொரு மக்கள் சந்திப்பு ஏறாவூரில் இடம்பெற்றது

தேர்தலுக்குப் பின்னரான மற்றுமொரு மக்கள் சந்திப்பு ஏறாவூரில் இடம்பெற்றது

By avathani Media Network   9:21:00 PM   No comments:

நடைபெற்று முடிந்த பாராளுமன்றத் தேர்தல் தொடர்பிலான மற்றுமொரு மக்கள் சந்திப்பு நேற்று ஏறாவூரில் இடம்பெற்றது.

இந்நிகழ்வில் நல்லாட்சிக்கான தேசிய முன்னணியின் தவிசாளர் பொறியியலாளர் MM.அப்துர் ரஹ்மான், அதன் தேசிய அமைப்பாளர் அஷ்ஷெய்க் MBM.பிர்தௌஸ் (நளீமி), பிராந்திய தலைமைத்துவசபை உறுப்பினர் ASM.ஹில்மி உட்பட NFGGயின் தலைமைத்துவசபை உறுப்பினர்கள், செயற்குழு உறுப்பினர்கள் பலரும் ஏறாவூர் பிரதேச பொதுமக்கள் பலரும் கலந்துகொண்டனர்.

இதன்போது பொறியியலாளர் அப்துர் ரஹ்மான், பிர்தௌஸ் நளீமி மற்றும் ஏறாவூரைச் சேர்ந்த அப்துல் சலாம் ஆகியோர் உரையாற்றினார்கள்.

Read More